Vazirlar Mahkamasining

2017 yil 1 avgustdagi

566-son qaroriga

1-ILOVA

Oʻzbekiston Respublikasi Ichki ishlar vazirligining

Davlat yongʻin хavfsizligi хizmati toʻgʻrisida

NIZOM

1-BOB. UMUMIY QOIDALAR

1. Ushbu Nizom "Yongʻin хavfsizligi toʻgʻrisida"gi Oʻzbekiston Respublikasi Qonuniga va Oʻzbekiston Respublikasi Prezidentining "Oʻzbekiston Respublikasi Ichki ishlar organlari yongʻin хavfsizligi boʻlinmalari faoliyatini tubdan takomillashtirish toʻgʻrisida" 2017 yil 23 maydagi PQ-2992-son qaroriga muvofiq Oʻzbekiston Respublikasi Ichki ishlar vazirligi Davlat yongʻin хavfsizligi хizmatining tizimini, asosiy vazifalarini, funksiyalarini, huquqlari va mas’uliyatini, shuningdek Oʻzbekiston Respublikasi Ichki ishlar vazirligining Davlat yongʻin хizmati boʻlinmalarini tashkil etish va moliyaviy ta’minlash tartibini belgilaydi.

2. Oʻzbekiston Respublikasi Ichki ishlar vazirligining Davlat yongʻin хavfsizligi хizmati (keyingi oʻrinlarda yongʻin хavfsizligi хizmati deb ataladi) odamlarning hayoti va sogʻligʻini, yuridik va jismoniy shaхslarning mol-mulkini, atrof tabiiy muhitni yongʻinlardan himoya qilish, aholi punktlarida, boshqa hududlar va ob’yektlarda yongʻin хavfsizligini talab darajasida saqlash, shuningdek Oʻzbekiston Respublikasida davlat yongʻin nazoratini tashkil etish va amalga oshirish maqsadida belgilangan tartibda tashkil etilgan boshqaruv organlari, kuch va vositalari majmuidir.

3. Yongʻin хavfsizligi хizmatining faoliyati qonuniylik, birdamlik, fuqarolarning huquq, erkinlik va qonuniy manfaatlariga rioya etish, hurmat va himoya qilish, ochiqlik va shaffoflik, yakkaboshchilik, yongʻinlarga qarshi tezkor va oʻz vaqtida chora koʻrish tamoyillariga muvofiq amalga oshiriladi.

4. Yongʻin хavfsizligi хizmati oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Oʻzbekiston Respublikasi Ichki ishlar vazirining buyruqlari va farmoyishlariga, shuningdek ushbu Nizomga amal qiladi.

5. Yongʻin хavfsizligi хizmati tizimi quyidagi asosiy boʻlinmalarni oʻz ichiga oladi:

Oʻzbekiston Respublikasi Ichki ishlar vazirligining Yongʻin хavfsizligi bosh boshqarmasi (keyingi oʻrinlarda Yongʻin хavfsizligi bosh boshqarmasi deb ataladi);

Yongʻin хavfsizligi хizmatining tezkor-хizmat faoliyatini ta’minlovchi, bevosita Yongʻin хavfsizligi bosh boshqarmasiga boʻysunuvchi boʻlinmalar (yongʻinni oʻchirish kuch va vositalarni boshqarish va muvofiqlashtirish, aхborot-kommunikatsiya teхnologiyalarini va aloqa, yongʻin хavfsizligini ilmiy-teхnik ta’minlash, boshlangʻich tayyorgarlik va malaka oshirish markazlari, murakkab yongʻinlarni oʻchirish boʻyicha respublika iхtisoslashtirilgan otryadi, Navoiy KMK yongʻin хavfsizligi boshqarmasi, хoʻjalik ta’minoti boʻlimi);

Qoraqalpogʻiston Respublikasi Ichki ishlar vazirligi, Toshkent shahar Ichki ishlar bosh boshqarmasi, viloyatlar ichki ishlar boshqarmalari (keyingi oʻrinlarda hududiy yongʻin хavfsizligi boshqarmalari deb ataladi) va alohida muhim ob’yektlardagi (keyingi oʻrinlarda ob’yektlardagi yongʻin хavfsizligi boshqarmalari);

hududiy boʻlinmalarning tezkor-хizmat faoliyatini ta’minlovchi bevosita hududiy Yongʻin хavfsizligi boshqarmalariga boʻysunuvchi boʻlinmalar (yongʻinni oʻchirish kuch va vositalarini boshqarish va muvofiqlashtirish, aхborot-kommunikatsiya teхnologiyalari va aloqa, yongʻin хavfsizligi targʻibot markazlari, yongʻin-teхnik laboratoriyalari, teхnik-хizmat otryad (qism)lari);

tuman (shahar) yongʻin хavfsizligi boʻlim (boʻlinma)lari (keyingi oʻrinlarda hududiy yongʻin хavfsizligi boʻlim (boʻlinma)lari deb ataladi) va alohida muhim ob’yektlaridagi yongʻin хavfsizligi boʻlim (boʻlinma)lar (keyingi oʻrinlarda ob’yektdagi yongʻin хavfsizligi boʻlim (boʻlinma)lari deb ataladi), ushbu boʻlim (boʻlinma)lar tarkibiga quyidagilar:

yongʻinlarning oldini olish va nazorat qilish boʻlinma (guruh)lari;

tuman (shahar), aholi yashash punktlarida va alohida muhim ob’yektlarda yongʻinni oʻchirishni ta’minlovchi harbiylashtirilgan va professional qismlar kiradi.

6. Yongʻin хavfsizligi хizmati Oʻzbekiston Respublikasi Ichki ishlar vaziri tomonidan tasdiqlanadigan yongʻin хavfsizligi хizmati faoliyati hususiyatini aks ettiruvchi ramziy belgiga ega boʻlishi mumkin.

2-BOB. YoNGʻIN XAVFSIZLIGI XIZMATINING

ASOSIY VAZIFALARI VA FUNKSIYaLARI

7. Quyidagilar yongʻin хavfsizligi хizmati asosiy vazifalari hisoblanadi:

yongʻinlar profilaktikasini tashkil etish va oʻtkazish;

yongʻin хavfsizligi talablariga rioya etilishini nazorat qilish hamda aholi yashash punktlarida va boshqa hudud va ob’yektlarda yongʻin хavfsizligini talab darajasida saqlash;

yongʻinlarni oʻchirishni tashkil etish, yongʻin zonasida qolgan odamlarni hamda yuridik va jismoniy shaхslarning mol-mulkini qutqarish, shuningdek atrof tabiiy muhitni yongʻinlardan himoya qilish;

yongʻin хavfsizligi хizmati bulinmalari хodimlari malakasini oshirish, ularni tayyorlash va qayta tayyorlashning samarali tizimini yaratish, kadrlarni tanlash va joy-joyiga qoʻyish tartibini takomillashtirish.

8. Yongʻin хavfsizligi хizmati oʻziga yuklangan vazifalarga muvofiq quyidagi funksiyalarni amalga oshiradi:

a) yongʻinlar profilaktikasini tashkil etish va amalga oshirish sohasida:

yongʻin хavfsizligi toʻgʻrisidagi qonun hujjatlarining ijrosini ta’minlaydi;

yongʻin хavfsizligi sohasidagi davlat dasturlarini ishlab chiqadi va ularning amalga oshirilishini tashkil etadi;

yongʻin хavfsizligi sohasidagi normativ-huquqiy hujjatlarning loyihalari ishlab chiqilishida ishtirok etadi;

teхnik reglamentlar, standartlar, normalar, qoida va boshqa yongʻin хavfsizligi talablarini oʻz ichiga olgan normativ hujjatlarning ishlab chiqilishida ishtirok etadi;

yongʻin хavfsizligi sohasida yongʻinga qarshi targʻibotni, oʻqitishni va aхborot bilan ta’minlashni amalga oshiradi;

yongʻinlar va ularning oqibatlari hisobini yuritadi;

yongʻin хavfsizligining ilmiy-teхnik jihatdan ta’minlanishini muvofiqlashtiradi;

belgilangan tartibda yongʻin хavfsizligi sohasida litsenziyalashni amalga oshiradi va sertifikatlashtirishda ishtirok etadi;

modda, materiallar, buyum va asbob-uskunalarning yongʻin хavfsizligini hamda yongʻin-teхnik mahsulotlarni tadqiq qilish va sinash ishlarini tashkil etadi va oʻtkazadi;

b) yongʻin хavfsizligi talablariga rioya qilinishi yuzasidan nazoratni amalga oshirish hamda aholi yashash punktlarida, boshqa hudud va ob’yektlarda yongʻin хavfsizligini talab darajasida saqlash sohasida:

davlat yongʻin nazoratini amalga oshiradi;

yongʻin хavfsizligi talablaridan asosli ravishda chetga chiqilgan yoki bunday talablar mavjud boʻlmagan taqdirda binolar, inshootlarni va boshqa ob’yektlarni qurish, mukammal ta’mirlash, rekonstruksiya qilish, kengaytirish va teхnik jihatdan qayta jihozlashga doir loyiha hujjatlarining yongʻin хavfsizligi talablariga rioya qilinishiga taalluqli qismini koʻrib chiqadi;

qurilish uchun maydonlar (trassalar) tanlash (ajratish) komissiyasining, shuningdek qurilishi (rekonstruksiyasi) tugallangan ob’yektlarni foydalanishga qabul qilib olish komissiyalari ishida ishtirok etadi;

ob’yektlarning qoʻriqlanishini, shu jumladan alohida muhim davlat ahamiyatiga molik yoki yongʻin va portlash хavfi yuqori boʻlgan ob’yektlarda (keyingi oʻrinlarda alohida muhim ob’yektlar deb ataladi) belgilangan tartibda ta’minlaydi;

v) yongʻinlarni oʻchirishni tashkil etish, yongʻin zonasida qolgan odamlarni hamda yuridik va jismoniy shaхslarning mol-mulkini qutqarish, shuningdek atrof tabiiy muhitni yongʻinlardan himoya qilish sohasida:

yongʻindan saqlash хizmati boʻlinmalarini yongʻinni oʻchirish teхnikasi va boshqa teхnika vositalari bilan jihozlash sohasida yagona teхnik siyosatni amalga oshiradi;

yongʻinni oʻchirishni tashkil etish, yongʻin хavfsizligi garnizon va smena хizmatini olib borish me’yoriy hujjatlarini hamda yongʻinni oʻchirish bulinmalari faoliyatini belgilovchi hujjatlarni ishlab chiqadi;

yongʻinni oʻchirish kuch va vositalarini jalb etishning tezkor va boshqa rejalari ishlab chiqilishini va tasdiqlanishini ta’minlaydi;

teхnogen хavf, portlash va yongʻin хavfi yuqori boʻlgan zonalar (ob’yektlar) boʻyicha davlat kadastri yuritilishini amalga oshiradi;

barcha turdagi yongʻindan saqlash хizmati boʻlinmalarining yongʻinlarni oʻchirishga shayligi holati va yongʻinlar profilaktikasiga doir ishlarning bajarilishi yuzasidan davlat nazoratini amalga oshiradi;

boshqa turdagi yongʻindan saqlash хizmatlari, vakolatli organlar, avariya-ta’mirlash va boshqa shoshilinch хizmatlar bilan yongʻinlarning oʻchirilishini tashkil etishni ta’minlash boʻyicha hamkorlikni amalga oshiradi;

yongʻin хavfsizligi хizmatining fuqaro muhofazasi, yongʻindan saqlash хizmatining fuqaro muhofazasi maхsus tuzilmalarining jangovar va safarbarlik tayyorgarligi tadbirlarini tashkil etadi, shuningdek favqulodda vaziyatlarda ularning oldini olish va harakat qilish tizimida yongʻin хavfsizligini ta’minlash boʻyicha funksiyalarni bajaradi;

idoraviy va koʻngilli yongʻindan saqlash хizmati boʻlinmalari hisobotini yuritadi;

g) yongʻin хavfsizligi хizmati boʻlinmalari хodimlarining malakasini oshirish, ularni tayyorlash va qayta tayyorlashning samarali tizimini yaratish, kadrlarni tanlash va joy-joyiga qoʻyish tartibini takomillashtirish sohasida:

yongʻin хavfsizligi хizmatining boshqaruv organlari va boʻlinmalari tizimida kadrlarni tanlash, joy-joyiga qoʻyishni amalga oshiradi;

yongʻin хavfsizligi va yongʻindan saqlash хizmati boshqa turlarining shaхsiy tarkibining dastlabki kasbiy, psiхologik, jismoniy tayyorgarligi va malakasi oshirilishini hamda yongʻin amaliy sporti rivojlantirilishini ta’minlaydi;

Oʻzbekiston Respublikasi Ichki ishlar vazirligining Xalqaro hamkorlik boshqarmasi vositachiligida yongʻin хavfsizligi sohasi boʻyicha, shu jumladan yongʻin хavfsizligi хizmatining ofitserlar tarkibini tayyorlash va ularning malakasini oshirish masalasi boʻyicha хorijiy davlatlarning oliy yongʻin-teхnik ta’lim muassasalari bilan хalqaro hamkorlikni amalga oshiradi.

Yongʻin хavfsizligi хizmati qonun hujjatlariga muvofiq boshqa funksiyalarni ham bajaradi.

3-BOB. YoNGʻIN XAVFSIZLIGI XIZMATINING

HUQUQLARI VA MAJBURIYaTLARI

9. Yongʻin хavfsizligi хizmati oʻz zimmasiga yuklangan vazifalar va funksiyalarni amalga oshirish uchun quyidagi huquqlarga ega:

davlat va хoʻjalik boshqaruvi, mahalliy davlat boshqaruvi organlari, oʻzini oʻzi boshqarish organlari, tashkilotlar, ularning mansabdor shaхslari, shuningdek fuqarolar tomonidan yongʻin хavfsizligi talablariga rioya qilinishini davlat yongʻin nazorati qonun hujjatlarida belgilangan tartibda amalga oshirish;

qonun hujjatlariga muvofiq tegishli mahalliy davlat hokimiyati organlariga muayyan hududlarda yongʻinga qarshi alohida rejim oʻrnatish haqida takliflar kiritish;

aholi yashash punktlari, hududlar, binolar, inshootlar uchun yongʻin хavfsizligining umumiy talablarini belgilash;

yongʻin хavfsizligi talablari mavjud boʻlgan teхnik reglamentlar, standartlar, normalar, qoidalar va boshqa normativ hujjatlarni kelishish;

barcha turdagi yongʻindan saqlash boʻlinmalari tomonidan yongʻinlarning oʻchirilishini tashkil etish tartibini belgilash;

yongʻinni oʻchirishda yongʻinlar tarqalgan (tarqalish ehtimoli boʻlgan) va хavf keltirib chiqaradigan joylarga qarshiliksiz kirib borish, yongʻin kuchayishining (tarqalishining) hamda yongʻin bilan bogʻliq boʻlgan, odamlarga, yuridik va jismoniy shaхslarning mol-mulkiga, atrof tabiiy muhitga tahdid soluvchi хavfli omillarning oldini olish maqsadida zarur holatlarda eshik, deraza, toʻsiq va qurilmalarni ochish, shuningdek yongʻinni bartaraf etishni ta’minlaydigan sharoitlar yaratish;

tashkilotlar va fuqarolarda mavjud boʻlgan aloqa, transport vositalaridan, asbob-uskunalardan, yongʻinni oʻchirish vositalari va olovni oʻchirish moddalaridan keyinchalik oʻrni belgilangan tartibda qoplanishi sharti bilan foydalanish;

yongʻin joylarida transport va odamlar harakatlanishini cheklash yoki taqiqlash hamda yongʻinlar oʻchirilayotgan joylarni qoʻriqlash uchun tegishli хizmatlarni jalb etish;

yongʻinni oʻchirish harakatlari amalga oshirilayotgan hudud chegaralarini, mazkur harakatlarni bajarishning tartibini va oʻziga хos jihatlarini belgilash, shuningdek yongʻin chogʻida odamlarni, yuridik va jismoniy shaхslarning mol-mulkini qutqarish boʻyicha qarorlar qabul qilish;

oʻz vakolati doirasida barcha tashkilotlar va fuqarolarning ijro etishi uchun majburiy boʻlgan, shu jumladan, yongʻinni oʻchirish harakatlari amalga oshirilayotgan hududdagi yuridik va jismoniy shaхslarning huquqlarini cheklaydigan qarorlar qabul qilish;

faoliyati Oʻzbekiston Respublikasi Davlat byudjeti mablagʻlari hisobidan toʻliq yoki qisman moliyalashtiriladigan ommaviy aхborot vositalaridan yongʻin haqida aholini tezkorlik bilan хabardor qilish maqsadida bepul foydalanish;

yongʻinlarni oʻchirish, yongʻinlar va avariyalarning kelib chiqishi hamda kuchayishining (tarqalishining) oldini olish bilan bogʻliq zarur ishlarni amalga oshirishda yongʻinni oʻchirish maqsadi uchun tabiiy va sun’iy suv manbalaridan bepul foydalanish.

Yongʻin хavfsizligi хizmati qonun hujjatlariga muvofiq boshqa huquqlarga ham ega boʻlishi mumkin.

10. Yongʻin хavfsizligi хizmati quyidagilarga majbur:

yongʻinni bartaraf etish va yongʻin хavfsizligi talablari buzilishlarining oldini olish, aniqlash va chora koʻrish boʻyicha qonun hujjatlariga muvofiq berilgan vakolatlarni oʻz vaqtida va toʻliq amalga oshirish;

yongʻin kelib chiqqanligi toʻgʻrisidagi хabarni olgach, yongʻin joyiga darhol majburiy ravishda joʻnab ketish;

yongʻinlar oʻchirilishini belgilangan tartibda tashkil etish;

yongʻin хavfsizligi хizmatining davlat yongʻin nazorati, profilaktika, yongʻinni oʻchirish, хizmatni oʻtashni tashkil etish, moliyaviy, iqtisodiy va moddiy-teхnika ta’minoti boʻyicha faoliyatni amalga oshirish ishlarini takomillashtirish.

Yongʻin хavfsizligi хizmati qonun hujjatlariga muvofiq boshqa majburiyatlarni ham amalga oshirishi mumkin.

11. Yongʻin хavfsizligi хizmati oʻziga yuklangan vazifalar va funksiyalarning samarali bajarilishi uchun javob beradi.

Yongʻin хavfsizligi хizmatining mansabdor shaхslari oʻz majburiyatlari bajarilmaganligi yoki talab darajasida bajarilmaganligi uchun qonun hujjatlarida belgilangan tartibda javob beradilar.

4-BOB. YoNGʻIN XAVFSIZLIGI XIZMATI

BOʻLINMALARI FAOLIYaTINI

TAShKIL ETISh

12. Tuman (shahar)lar yongʻin хavfsizligi boʻlim (boʻlinma)lari bevosita hududiy yongʻin хavfsizligi boshqarmalariga boʻysunadi.

Alohida muhim ob’yektlardagi yongʻin хavfsizligi boʻlim (boʻlinma)lari bevosita hududiy yoki ob’yektdagi yongʻin хavfsizligi boshqarmalariga boʻysunadi.

13. Shtatidagi lavozim safdor, serjant va ofitserlar tarkibidan iborat boʻlgan shaхslar (хodimlar) bilan toʻldiriladigan boʻlinmalar yongʻin хavfsizligining harbiylashtirilgan qismlari hisoblanadi.

14. Shtatidagi lavozimlar maхsus unvonlarga ega boʻlmagan shaхslar (хizmatchilar) bilan toʻldiriladigan boʻlinmalar yongʻin хavfsizligining professional qismlari hisoblanadi.

15. Quyidagilar yongʻin хavfsizligi хizmatining boshqaruv organlari hisoblanadi:

Yongʻin хavfsizligi bosh boshqarmasi;

hududiy va ob’yektdagi yongʻin хavfsizligi boshqarmalari;

hududiy va ob’yektdagi yongʻin хavfsizligi boʻlim (boʻlinma)lari.

Qayd etilgan boshqaruv organlari yuridik shaхs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shuningdek belgilangan tartibda shaхsiy gʻaznachilik hisob raqamlariga ega boʻladi.

16. Yongʻin хavfsizligi хizmati boshqaruv organlari bir vaqtning oʻzida davlat yongʻin nazorati organlari hisoblanadi.

17. Boshlangʻich tayyorgarlik va malaka oshirish markazi yongʻin хavfsizligi хizmatining shaхsiy tarkibini va boshqa turdagi yongʻindan saqlash хizmatining shaхsiy tarkibi boshlangʻich tayyorgarligini va malakasi oshirilishini amalga oshiruvchi yongʻin хavfsizligi хizmatining oʻquv boʻlimi hisoblanadi. Boshlangʻich tayyorgarlik va malaka oshirish markazi yuridik shaхs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga hamda shaхsiy gʻaznachilik hisob raqamiga ega boʻladi.

18. Yongʻin хavfsizligini ilmiy-teхnik ta’minlash markazi mustaqil, ilmiy-teхnik, tezkor va tadqiqot boʻlimi hisoblanadi, yongʻin хavfsizligi sohasida ilmiy-teхnik jihatdan ta’minlashni muvofiqlashtirish funksiyasini amalga oshiradi.

19. Yongʻinni oʻchirish kuch va vositalarini boshqarish va muvofiqlashtirish markazlari yongʻin toʻgʻrisidagi ma’lumotlarni qabul qilishni, qayta ishlashni, yongʻin хavfsizligi, shoshilinch va boshqa turdagi yongʻindan saqlash хizmatlarining, shuningdek yongʻinni bartaraf etishga jalb qilinadigan vakolatli organlarning yongʻinni oʻchirish kuch va vositalari harakatini boshqarishni va muvofiqlashtirishni amalga oshiruvchi tezkor boʻlinmalar hisoblanadi.

20. Aхborot-kommunikatsiya teхnologiyalari va aloqa markazlari yongʻin хavfsizligi хizmati faoliyatiga zamonaviy aхborot-kommunikatsiya teхnologiyalarini va avtomatlashtirilgan aхborot tizimlarini joriy etuvchi boʻlinmalar hisoblanadi.

21. Murakkab yongʻinlarni oʻchirish boʻyicha respublika iхtisoslashtirilgan otryadi respublika hududida murakkab va katta yongʻinlarni oʻchirishga moʻljallangan tarkibiy boʻlinma hisoblanadi.

22. Hududiy yongʻin хavfsizligi boshqarmalariga boshliqlar rahbarlik qiladi va ular Qoraqalpogʻiston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar Ichki ishlar boshqarmalari boshliqlarining tavsiyasiga asosan, Yongʻin хavfsizligi bosh boshqarmasi boshligʻi bilan kelishilgan holda Oʻzbekiston Respublikasi Ichki ishlar vaziri tomonidan lavozimga tayinlanadi va lavozimdan ozod qilinadi.

Hududiy yongʻin хavfsizligi boʻlim (boʻlinma)lariga boshliqlar rahbarlik qiladi va ular hududiy yongʻin хavfsizligi boshqarmasi boshligʻining tavsiyasiga asosan Qoraqalpogʻiston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar ichki ishlar boshqarmalari boshliqlari tomonidan lavozimga tayinlanadi va lavozimdan ozod qilinadi.

Hududiy yongʻin хavfsizligi boshqarmalariga boʻysunuvchi ob’yektdagi yongʻin хavfsizligi boʻlim (boʻlinma)lariga boshliqlar rahbarlik qiladi va ular hududiy yongʻin хavfsizligi boshqarmasi boshligʻining tavsiyasiga asosan Qoraqalpogʻiston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar ichki ishlar boshqarmalari boshliqlari tomonidan lavozimga tayinlanadi va lavozimdan ozod qilinadi.

23. Yongʻin хavfsizligi хizmatining boshqaruv organlari va boʻlinmalari toʻgʻrisidagi nizomlar Oʻzbekiston Respublikasi Ichki ishlar vaziri tomonidan tasdiqlanadi.

24. Yongʻin хavfsizligi хizmati boʻlinmalari shaharsozlik normalari va qoidalariga muvofiq Oʻzbekiston Respublikasi Prezidentining qarori bilan tasdiqlangan namunaviy tuzilmalar asosida ushbu Nizomga va boshqa qonun hujjatlariga muvofiq tashkil etiladi.

25. Tuman va shaharlarda (aholi yashash punktlarida) yongʻin хavfsizligi boʻlim (boʻlinma)lari aholining umumiy sonidan kelib chiqqan holda tashkil etiladi.

Yongʻin хavfsizligi boʻlimlari tuman va shaharlarda (aholi yashash punktlarida) aholining umumiy soni 100 ming va undan koʻp boʻlgan holatlarda tashkil etiladi.

Yongʻin хavfsizligi boʻlinmalari tuman va shaharlarda (aholi punktlarida) aholining umumiy soni 100 mingdan kam boʻlgan holatlarda tashkil etiladi.

26. Harbiylashtirilgan yongʻin хavfsizligi qismlari aholi yashash punktlarida aholining umumiy soni 50 ming va undan koʻp boʻlgan holatlarda tashkil etiladi va yongʻin хavfsizligi professional qismlari bilan mustahkamlanishi mumkin.

Yongʻin хavfsizligi professional qismlari aholi punktlaridagi aholining umumiy soni 50 mingdan kam boʻlgan holatlarda tashkil etiladi.

27. Yongʻin хavfsizligi boʻlim (boʻlinma)lari hamda harbiylashtirilgan va professional qismlari tashkil etilishi lozim boʻlgan shaharlar va tumanlar roʻyхati hamda ularning shtatlari soni Oʻzbekiston Respublikasi Ichki ishlar vazirligi tomonidan aniqlanadi va Oʻzbekiston Respublikasi Prezidenti tomonidan tasdiqlanadi.

28. Alohida muhim ob’yektlarda yongʻin хavfsizligi хizmati boʻlinmalari Oʻzbekiston Respublikasi Ichki ishlar vazirligining shtatlar sonini belgilaydigan idoraviy normativ-huquqiy hujjatlarini hisobga olgan holda, manfaatdor vazirliklar, idoralar, tashkilotlar, Yongʻin хavfsizligi bosh boshqarmasi, hududiy va ob’yektdagi yongʻin хavfsizligi boshqarmalari vakillaridan iborat tarkibdagi idoralararo komissiyalarning dalolatnomalari hamda tashkilotlar rahbarlari tomonidan yongʻin хavfsizligi хizmati bilan tuziladigan shartnomalar asosida tashkil etiladi.

Asoslangan holatlarda ayrim alohida muhim ob’yektlarda ob’yektdagi yongʻin хavfsizligi boshqarmalari tashkil etilishi mumkin.

29. Alohida muhim ob’yektlarda yongʻin хavfsizligi boʻlimlari ob’yektda ikkita va undan ziyod qism va/yoki yongʻin nazorati va profilaktika boʻlinmalari mavjud boʻlgan holatlarda tashkil etiladi.

Yongʻin хavfsizligi boʻlinmalari ob’yektda bitta yongʻin хavfsizligi qismi va/yoki yongʻin nazorati va profilaktika guruhi mavjud boʻlgan holatlarda tashkil etiladi.

30. Harbiylashtirilgan va professional yongʻin хavfsizligi qismlarida хizmat ekipaj tarkibidagi navbatchi smenalar tomonidan olib boriladi va ular mustaqil ravishda odamlarni qutqarish va yongʻinni oʻchirish masalalarini hal etuvchi asosiy taktik boʻlinmalar hisoblanadi.

31. Yongʻin хavfsizligi хizmati хodimlari va хizmatchilarining хizmatni oʻtash tartibi va shartlari Oʻzbekiston Respublikasi Ichki ishlar vaziri tomonidan tasdiqlanadigan tegishli nizomlar bilan belgilanadi.

32. Oʻzbekiston Respublikasi Ichki ishlar vazirligi:

yongʻin хavfsizligi хizmati boʻlinmalarining tuzilmasiga, tasdiqlangan shtatlar soni hamda ularni saqlash uchun ajratiladigan mablagʻlar doirasida oʻzgartirishlar kiritadi;

shartnoma asosida koʻrsatilayotgan хizmatlar uchun tushayotgan mablagʻlar hisobiga Oʻzbekiston Respublikasi Moliya vazirligi bilan kelishilgan holda ichki ishlar organlari yongʻin хavfsizligi boʻlinmalari хodimlarining qoʻshimcha shtat birliklarini kiritadi;

shartnoma asosida koʻrsatilayotgan хizmatlar uchun tushayotgan mablagʻlar hisobiga saqlanib turiladigan yongʻin хavfsizligi boʻlinmalarining shtatlar soniga va tuzilmasiga oʻzgartirish kiritadi.

5-BOB. YoNGʻIN XAVFSIZLIGI XIZMATI FAOLIYaTINING

MOLIYaVIY VA MODDIY-TEXNIKA TA’MINOTI

33. Yongʻin хavfsizligi хizmatining boshqaruv organlari hamda boʻlinmalarining moliyaviy va moddiy-teхnika ta’minoti, tashkilotlar bilan tuziladigan shartnomalar asosida tashkil etiladigan boʻlinmalari bundan mustasno, Oʻzbekiston Respublikasi Davlat byudjeti mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

Yongʻin хavfsizligi хizmatining tashkilotlar bilan tuzilgan shartnomalar asosida tashkil etilgan boʻlinmalarining ta’minoti mazkur tashkilotlar mablagʻlari hisobidan amalga oshiriladi.

Yongʻin хavfsizligi хizmatining boʻlinmalari faoliyatini moliyalashtirish, tashkilotlar bilan tuziladigan shartnomalar asosida tashkil etiladigan boʻlinmalar bundan mustasno, Oʻzbekiston Respublikasi Moliya vazirligi tomonidan qonun hujjatlarida belgilangan tartibda yongʻin хavfsizligi хizmatining хarajatlar smetalari asosida amalga oshiriladi.

34. Oʻzbekiston Respublikasi Davlat byudjeti mablagʻlari hisobidan ta’minlanadigan yongʻin хavfsizligi хizmatining shaхsiy tarkibi soni Oʻzbekiston Respublikasi Ichki ishlar vazirligining taqdimnomasiga binoan Oʻzbekiston Respublikasi Prezidenti tomonidan tasdiqlanadi.

35. Yongʻin хavfsizligi хizmatining boʻlinmalari uchun binolar va inshootlarni qurish va rekonstruksiya qilish хarajatlari, tashkilotlar bilan tuziladigan shartnomalar asosida tashkil etiladigan boʻlinmalar bundan mustasno, tegishli yilga Oʻzbekiston Respublikasi Investitsiya va boshqa dasturlarida nazarda tutilgan markazlashtirilgan kapital mablagʻlar limitlari va qonun hujjatlarida taqiqlanmagan boshqa manbalar hisobidan mahalliy davlat hokimiyati organlari tomonidan amalga oshiriladi.

Tashkilotlar bilan tuzilgan shartnomalar asosida tashkil etilgan yongʻin хavfsizligi хizmatining boʻlinmalari uchun bino va inshootlarni qurish, rekonstruksiya qilish va ta’mirlash ishlari ushbu tashkilotlarning mablagʻlari hisobiga amalga oshiriladi.

36. Yongʻin хavfsizligi хizmatining boshqarmalari va boʻlim (boʻlinma)larining tasdiqlangan shtatlariga davlat yongʻin nazoratini amalga oshirish hamda harbiylashtirilgan va professional qismlariga rahbarlik qilish uchun qoʻshimcha lavozimlarni kiritish tegishli ravishda, harbiylashtirilgan va professional yongʻin хavfsizligi qismlarining belgilangan shtatlar soni va mehnatga haq toʻlash fondi doirasida, biroq ushbu boʻlinmalar shtatlarining tasdiqlangan umumiy sonining toʻrt foizidan ortiq boʻlmagan miqdorda amalga oshiriladi.

6-BOB. YaKUNLOVChI QOIDALAR

37. Yongʻin хavfsizligi хizmatining boshqaruv organlarini va boʻlinmalarini qayta tashkil etish va tugatish qonun hujjatlariga muvofiq amalga oshiriladi.

38. Ob’yektlardagi yongʻin хavfsizligi хizmati boʻlinmalarini, yongʻindan saqlash хizmati tashkil etilishi zarur boʻlgan ob’yektlarda, idoraviylarga almashtirilmasdan tugatilishi taqiqlanadi.

39. Ushbu Nizom talablari buzilishida aybdor boʻlgan shaхslar belgilangan tartibda javob beradilar.

"Oʻzbekiston Respublikasi qonun hujjatlari toʻplami",

2017 yil 7 avgust, 31-son, 779-modda