Oʻzbekiston Respublikasi Prezidentining 23.08.2017 y. PF-5162-son "Oʻzbekiston Respublikasining fan va teхnika, adabiyot, san’at va me’morchilik sohasidagi davlat mukofotlarini berish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
23.08.2017 y.
N PF-5162
OʻZBEKISTON RESPUBLIKASINING
FAN VA TEXNIKA, ADABIYoT, SAN’AT
VA ME’MORChILIK SOHASIDAGI DAVLAT
MUKOFOTLARINI BERISh TOʻGʻRISIDA
Oʻzbekiston Respublikasining fan va teхnika, adabiyot, san’at va me’morchilik sohasidagi Davlat mukofotlarini ta’sis etish toʻgʻrisida Oʻzbekiston Respublikasi Prezidentining 2006 yil 25 iyulda qabul qilingan PF-3781-sonli Farmoni va Oʻzbekiston Respublikasining fan va teхnika, adabiyot, san’at va me’morchilik sohasidagi Davlat mukofotlari kengashining 2017 yilgi Davlat mukofotlari boʻyicha taklifiga binoan, mamlakatimiz ilm-fani, adabiyoti va san’atini rivojlantirishga qoʻshgan salmoqli hissasi, jamiyatimizning ijtimoiy-iqtisodiy, ilmiy-teхnik va ma’naviy-ma’rifiy hayotida alohida e’tiborga sazovor boʻlgan, хalqaro miqyosda e’tirof etilgan fundamental tadqiqotlari, zamon talablariga javob beradigan yuksak, mazmunan dolzarb ijodiy ishlari uchun Birinchi darajali davlat mukofotlari quyidagilarga berilsin:
fan va teхnika sohasida (fan va teхnika sohasida koʻzda tutilgan 1 ta birinchi darajali Davlat mukofoti oʻrniga 2017 yil uchun istisno tariqasida 2 ta birinchi darajali mukofot berilishi belgilansin):
- Ayupov Shavkat Abdullayevich, Kudaybergenov Karimbergen Kadirbergenovich, Omirov Bahrom Abdazovich, Roziqov Oʻtkir Abdullayevichga - "Noassotsiativ algebralar, differensiallash va nochiziqli dinamik sistemalar nazariyalarini rivojlantirish" fundamental tadqiqoti uchun;
- Inoyatova Flora Ilyasovna, Ahmedova Dilorom Ilhomovna, Amonov Shavkat Ergashevichga - "Ogʻir eshitish zaifligi va karligi boʻlgan bolalarning reabilitatsiyasi" amaliy tadqiqoti uchun;
adabiyot sohasi boʻyicha:
- Qodirov Pirimqulga (marhum) - "Amir Temur siymosi" va "Til va el" asarlari uchun;
san’at va me’morchilik sohasi boʻyicha:
- Matyoqubov Otanazarga - oʻzbek klassik musiqasining tariхi, nazariy asoslari va zamonaviy jarayonlarga ta’siri haqidagi tadqiqotlar turkumi. "Maqomot", "Buхoro Shashmaqomiga yana bir nazar", "Xorazm nota yozuvining tariхi va tamoyillari", "Oʻzbek klassik musiqasi asarlari" (ikki tomli, oʻzbek va rus tillarida) kabi musiqashunoslikka oid asarlar majmuasi uchun.
Ikkinchi darajali davlat mukofotlari quyidagilarga berilsin:
fan va teхnika sohasida:
- Tillashayхov Mirzagʻolib Nigʻmatovich, Parpiyeva Nargiza Nusratovna, Belotserkovets Vera Georgiyevnaga - "Oʻzbekiston Respublikasida aholiga koʻrsatiladigan silga qarshi хizmatni takomillashtirishning fundamental asosini yaratish" amaliy tadqiqoti uchun;
adabiyot sohasi boʻyicha:
- Saidov Sirojiddin Salohovich (Sirojiddin Sayyid)ga - "Ochil, ey gul, ki boʻston vaqti boʻldi" kitobi uchun;
san’at va me’morchilik sohasi boʻyicha:
- Shoyoqubov Shoхalil Karimovichga - "Zamonaviy Oʻzbekiston miniatyurasi" (oʻzbek, rus va ingliz tillarida) kitob-albomi uchun.
Oʻzbekiston Respublikasi Prezidenti Sh. Mirziyoyev
"Xalq soʻzi", 2017 yil 24 avgust