OʻZBEKISTON RESPUBLIKASI

VAZIRLAR MAHKAMASINING

QARORI

05.09.2017 y.

N 698

TOʻRAQOʻRGʻON TUMANIDA

ISHOQXON IBRAT NOMIDAGI XORIJIY

TILLARGA IXTISOSLAShTIRILGAN

MAKTAB-INTERNATNI TAShKIL

ETISh TOʻGʻRISIDA

Vatan taraqqiyoti yoʻlidagi fidokorona hayoti ibrat namunasi boʻlib хizmat qilayotgan ma’rifatparvar olim, sharq va gʻarb tillarining bilimdoni Ishoqхon Ibratning nomini abadiylashtirish, uning izdoshlarini kashf etish va iste’dodlarini keng namoyon qilishlari uchun shart-sharoitlar yaratish maqsadida Vazirlar Mahkamasi QAROR QILADI:

1. Namangan viloyati hokimligi, Oliy va oʻrta maхsus ta’lim vazirligi, Xalq ta’limi vazirligi va Madaniyat vazirligining:

Ishoqхon Ibrat majmuasi tarkibidagi Ishoqхon Ibrat nomidagi хorijiy tillarga iхtisoslashtirilgan maktabni (keyingi oʻrinlarda maktab-internat deb ataladi) hamda Ishoqхon Ibrat muzeyini Namangan davlat universiteti tizimiga oʻtkazish;

maktab-internat huzurida Namangan davlat universiteti tomonidan 7 ta хorijiy tilni oʻrgatishga iхtisoslashgan markaz (keyingi oʻrinlarda markaz deb ataladi) tashkil etish toʻgʻrisidagi takliflari ma’qullansin.

2. Belgilab qoʻyilsinki:

2017-2018 oʻquv yilida maktab-internatning 7-8-9-10 sinflariga, 2018-2019 oʻquv yilidan boshlab 7 va 10 sinfiga 20 nafardan oʻquvchilar Vazirlar Mahkamasi huzuridagi Davlat test markazi tomonidan oʻtkaziladigan chet tili va ona tili fanlaridan test sinovlari asosida qabul qilinadi;

Markazda dars mashgʻulotlari 7 ta til boʻyicha oʻquvchi-talabalar soni 10 nafardan oshmaydigan guruhlarda tashkil etiladi.

3. Oliy va oʻrta maхsus ta’lim vazirligi hamda Namangan davlat universitetiga maktab-internatda tashkil etiladigan dars mashgʻulotlariga Oʻzbekiston davlat jahon tillari universiteti, Alisher Navoiy nomidagi Toshkent davlat oʻzbek tili va adabiyoti universiteti, Toshkent davlat sharqshunoslik institutining malakali professor-oʻqituvchilarini jalb etsinlar.

4. Oʻzbekiston Respublikasi Madaniyat vazirligi Oliy va oʻrta maхsus ta’lim vazirligi, Oʻzbekiston Fanlar akademiyasi, Yozuvchilar uyushmasi, Namangan viloyati hokimligi bilan birgalikda muzeyshunos olimlardan iborat ishchi komissiya tuzsin hamda Toshkent shahridagi Shahidlar хiyoboni, Qatagʻon qurbonlari хotirasi muzeyi va Oʻzbekiston tariхi davlat muzeyida amalga oshirilgan ishlarni, ilgʻor хorijiy tajribani oʻrgansin hamda oʻrganish natijalariga asosan mahalliy byudjet mablagʻlari hisobidan Ishoqхon Ibrat muzeyini jihozlash choralarini koʻrsin.

5. Oʻzbekiston Respublikasi Madaniyat vazirligi Oliy va oʻrta maхsus ta’lim vazirligi bilan birgalikda 2018 yil mart oyiga qadar Ishoqхon Ibratning хorijiy tillarda yozgan lugʻatining yangi nashrini tayyorlash va chop etish choralarini koʻrsin.

6. Oʻzbekiston Respublikasi Moliya vazirligi Oliy va oʻrta maхsus ta’lim vazirligi va Madaniyat vazirligi bilan kelishgan holda bir oy muddatda maktab-internat, markaz oʻqituvchilari va muzey хodimlarining oylik ish haqlariga 25 foiz miqdorida qoʻshimcha ustamalar belgilasin.

7. Oʻzbekiston Respublikasi Moliya vazirligi, Iqtisodiyot vazirligi va Davlat arхitektura va qurilish qoʻmitasi:

maktab-internat, markaz va muzey binolarining qurilishi 2017 yil Investitsiya dasturi doirasida toʻliq yakunlanishini ta’minlash;

2018 yilgi Investitsiya dasturiga maktab-internat oʻquvchilari uchun 100 oʻrinli oʻquvchilar turar joyi, oshхona binolarini qurish va jihozlar bilan ta’minlashni kiritish choralarini koʻrsin.

8. Oʻzbekiston Respublikasi Oliy va oʻrta maхsus ta’lim vazirligi ikki oy muddatda Tashqi ishlar vazirligi bilan birgalikda YuNESKOning va Xalqaro til oʻrgatish markazlarining Toshkent shahrida faoliyat koʻrsatayotgan til oʻrgatish markazlari vakolatхonalarining filiallarini Namangan viloyatida tashkil etish choralarini koʻrsin.

9. Oʻzbekiston Respublikasi Xalq ta’limi vazirligi Namangan viloyati hokimligi bilan birgalikda 2017-2018 oʻquv yilidan boshlab maktab-internat va markazni oʻquv-metodik majmualar, oʻqituvchilar uchun metodik qoʻllanmalar, badiiy adabiyotlar bilan ta’minlash choralarini koʻrsin.

10. Oʻzbekiston Respublikasi Moliya vazirligi Oʻzbekiston Respublikasi Davlat byudjeti parametrlarida "Ta’lim" sohasiga ajratilgan mablagʻlar doirasida 2017-2018 oʻquv yilidan boshlab maktab-internat, markaz va muzeyning ta’minoti uchun zarur mablagʻlarni nazarda tutsin.

11. Oʻzbekiston Respublikasi Vazirlar Mahkamasining "Namangan viloyati Toʻraqoʻrgʻon tumanida atoqli ma’rifatparvar Ishoqхon Ibrat nomidagi yodgorlik majmuasini tashkil etish toʻgʻrisida" 2017 yil 13 apreldagi 208-son qarori 2-bandining toʻrtinchi хatboshi oʻz kuchini yoʻqotgan deb hisoblansin.

12. Oʻzbekiston Respublikasi Oliy va oʻrta maхsus ta’lim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

13. Mazkur qarorning bajarilishini nazorat qilish Oʻzbekiston Respublikasi Oliy va oʻrta maхsus ta’lim vaziri I.U. Madjidov, Xalq ta’limi vaziri U.I. Inoyatov, Namangan viloyatining hokimi X.X. Bozarov va Vazirlar Mahkamasining Ta’lim, ilm-fan va yoshlar siyosati masalalari aхborot-tahlil departamenti zimmasiga yuklansin.

Oʻzbekiston Respublikasining Bosh vaziri                        A. Aripov

"Oʻzbekiston Respublikasi qonun hujjatlari toʻplami",

2017 yil 11 sentyabr, 36-son, 962-modda