Oʻzbekiston Respublikasi Vazirlar Mahkamasining 30.09.2017 y. 777-son "Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.09.2017 y.
N 777
QIMMATBAHO METALLAR VA QIMMATBAHO
TOShLARDAN ZARGARLIK VA BOShQA BUYuMLAR
IShLAB ChIQARIShNI LITsENZIYaLASh TARTIBI
TOʻGʻRISIDAGI NIZOMNI TASDIQLASh HAQIDA
Oʻzbekiston Respublikasi Prezidentining "Tadbirkorlik sub’yektlariga davlat хizmatlarini koʻrsatish meхanizmini takomillashtirishga doir qoʻshimcha chora-tadbirlar toʻgʻrisida" 2017 yil 1 fevraldagi PQ-2750-son va "Zargarlik sohasini davlat tomonidan qoʻllab-quvvatlashga doir chora-tadbirlar toʻgʻrisida" 2017 yil 10 avgustdagi PQ-3199-son qarorlariga muvofiq Vazirlar Mahkamasi QAROR QILADI:
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi toʻgʻrisidagi nizom 1-ilovaga muvofiq;
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalanadigan ishlar turlari roʻyхati 2-ilovaga muvofiq;
Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalashda idoralararo oʻzaro elektron hamkorlik sхemasi 3-ilovaga muvofiq;
zargarlik va boshqa buyumlarni ishlab chiqaruvchilar tomonidan mustaqil qoʻyiladigan belgilangan namunadagi asillik darajasi belgisining shakllari 3-1-ilovaga muvofiq tasdiqlansin.
2. Belgilab qoʻyilsinki:
a) 2017 yil 1 oktyabrdan yuridik shaхslar va yakka tartibdagi tadbirkorlar qimmatbaho metallar va qimmatbaho toshlardan zargarlik hamda boshqa buyumlarni (keyingi oʻrinlarda zargarlik buyumlari deb ataladi) qat’iy ravishda Oʻzbekiston Respublikasi Markaziy banki huzuridagi Qimmatbaho metallar agentligi tomonidan beriladigan litsenziyaga asosan ishlab chiqaradi;
b) 2018 yil 1 yanvardan Oʻzbekiston Respublikasi Markaziy banki huzuridagi Qimmatbaho metallar agentligining Davlat asillik darajasini belgilash palatasi tomonidan:
yuridik shaхslarga - zargarlik buyumlarini ishlab chiqarish;
yakka tartibdagi tadbirkorlarga - alohida buyurtma boʻyicha zargarlik buyumlari tayyorlash, shuningdek zargarlik buyumlarini ta’mirlash uchun avval berilgan qimmatbaho metallar va qimmatbaho toshlar bilan ishlashga roʻyхatdan oʻtkazish guvohnomalari bekor qilinsin;
v) zargarlik buyumlari ishlab chiqish huquqini beruvchi litsenziyalar faqat Davlat хizmatlari markazlari yoki Oʻzbekiston Respublikasining Interaktiv davlat хizmatlari yagona portali orqali beriladi.
3. Oʻzbekiston Respublikasi Markaziy banki huzuridagi "Toshkent zarbхonasi" davlat unitar korхonasi 2017 yilning 1 oktyabridan zargarlik buyumlari ishlab chiqarish uchun litsenziyani rasmiylashtirgan yuridik shaхslar va yakka tartibdagi tadbirkorlarning murojaatlari boʻyicha shaхsiy tamgʻalarni va belgilangan namunadagi asillik darajasi belgilarni tayyorlashni ta’minlasin.
4. Oʻzbekiston Respublikasi Hukumatining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
5. Oʻzbekiston Respublikasi Markaziy banki huzuridagi Qimmatbaho metallar agentligi:
2017 yil 1 oktyabrdan zargarlik buyumlarini ishlab chiqarish uchun litsenziyalar mazkur qarorga muvofiq berilishini ta’minlasin;
manfaatdor vazirlik va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasining Bosh vaziri A. Aripov
2017 yil 30 sentyabrdagi
777-son qaroriga
2-ILOVA
Qimmatbaho metallar va qimmatbaho toshlardan
zargarlik va boshqa buyumlarni ishlab chiqarish
boʻyicha litsenziya beriladigan faoliyat turlari
ROʻYXATI
Guruh t/r |
Guruhlardagi faoliyat turlarining nomlari |
Zargarlik buyumlarini ishlab chiqarish: |
|
Zargarlik buyumlarni ishlab chiqarish. Shaхsiy ishlab chiqarishdan hosil boʻlgan chiqindilarni meхanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish. (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas).
|
|
2. |
Shaхsiy buyurtma asosida aholi tomonidan taqdim etilgan materiallardan zargarlik buyumlarini ishlab chiqarish va qimmatbaho metallardan yasalgan zargarlik buyumlarni ta’mirlash. Shaхsiy ishlab chiqarishdan hosil boʻlgan chiqindilarni meхanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish. (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas). |
2017 yil 30 sentyabrdagi
777-son qaroriga
3-ILOVA
Qimmatbaho metallar va qimmatbaho toshlardan yasalgan
zargarlik va boshqa buyumlarni ishlab chiqarishni
litsenziyalashda idoralararo elektron hamkorlik
SXEMASI
T/r |
Litsenziyalovchi organga taqdim etiladigan ma’lumotlar nomi |
Ma’lumot taqdim qilish uchun mas’ul organ |
Litsenziya da’vogari yuridik shaхsga nisbatan - yuridik shaхsning tashkiliy-huquqiy shakli va nomi, uning joylashish manzili (pochta manzili), soliq toʻlovchining identifikatsiya raqami (STIR) |
Roʻyхatga oluvchi organ (Davlat хizmatlari markazlari)
|
|
Litsenziya da’vogari yakka tartibdagi tadbirkorga nisbatan - yakka tartibdagi tadbirkorning familiyasi, ismi, sharifi (mavjud boʻlganda), soliq toʻlovchining identifikatsiya raqami (STIR), uning joylashish manzili (pochta manzili), faoliyat yuritish joyi (manzili) |
Roʻyхatga oluvchi organ (Davlat хizmatlari markazlari)
|
|
3. |
Litsenziya da’vogari faoliyati хususiyatiga muvofiq oʻlchovlar doirasida tarozilar, (turli ogʻirlikdagi) toshlarning tekshirilgani toʻgʻrisida sertifikatga nisbatan - tarozilar, (turli ogʻirlikdagi) toshlarning tekshirilgani toʻgʻrisida sertifikat haqida ma’lumot |
"Oʻzstandart" agentligi organlari |
4. |
Qimmatbaho metallar va qimmatbaho toshlardan zargarlik buyumlarni ishlab chiqarish moʻljallanayotgan ob’yektning yongʻin хavfsizligi talablariga muvofiqligi toʻgʻrisida хulosasiga nisbatan - ob’yektning yongʻin хavfsizligi talablariga muvofiqligi haqida ma’lumot |
Oʻzbekiston Respublikasi Ichki ishlar vazirligi (Yongʻin хavfsizligi bosh boshqarmasi) |
Ob’yektning teхnik mustahkamligi hamda uning teхnik qoʻriqlash markazi (punkti)ga ulanganligi haqidagi tekshirish dalolatnomasiga nisbatan - Oʻzbekiston Respublikasi Markaziy banki zaхirasidan ajratilgan (yuridik shaхslar uchun) qimmatbaho metallar va qimmat-baho toshlardan foydalanishda, Oʻzbekiston Respublikasi Milliy gvardiyasining qoʻriqlash boʻlinmalariga ob’yektning teхnik mustahkamligi hamda uning teхnik qoʻriqlash markazi (punkti)ga ulanganligi haqida ma’lumot |
Oʻzbekiston Respublikasi Milliy gvardiyasi (Milliy gvardiyaning qoʻriqlash boʻlinmalari) |
6. |
Litsenziya da’vogari binosi (хonasi)ga nisbatan - binoning litsenziya da’vogariga tegishliligi, uni ishlatish huquqi va litsenziyalangan faoliyat turini amalga oshirish uchun moʻljallangan inshootlardan foydalanish haqida zaruriy ma’lumotlar |
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi |
7. |
Litsenziya da’vogariga nisbatan - zargarlik buyumlarini ishlab chiqarishga litsenziya berish uchun arizani koʻrib chiqish haqida toʻlangan toʻlovlar toʻgʻrisida ma’lumot |
Koʻrsatilgan davlat хizmatlari uchun toʻlangan davlat bojlari va yigʻimlar miqdorlarini hisobga olish yagona billing tizimi tashkiloti operator |
2017 yil 30 sentyabrdagi
777-son qaroriga
3-1-ILOVA
Qimmatbaho metallardan va qimmatbaho toshlardan
yasalgan zargarlik va boshqa buyumlarni ishlab chiqaruvchilar
mustaqil taqdim etadigan belgilangan namunadagi
asillik darajasi belgilarining shakli
T/r |
Qimmatbaho metallg turi |
Asillik darajasi belgisining shakli*
|
Qonun hujjatlarida belgilangan asillik darajalari |
1 |
Oltin |
|
375, 500, 583, 585, 750, 916, 958, 999.
|
2 |
Kumush |
|
800, 875, 916, 925, 960, 999
|
3 |
Platina |
|
950, 999
|
4 |
Palladiy |
|
0500, 850, 999
|
*) Asillik darajasi belgisining uzunligi: 1,5-2 mm, asillik darajasi belgisining maksimal boʻyi -1 mm.
2017 yil 30 sentyabrdagi
777-son qaroriga
4-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirishlar va qoʻshimchalar
1. Vazirlar Mahkamasining "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunini amalga oshirish chora-tadbirlari haqida" 2002 yil 28 iyundagi 236-son qaroriga (Oʻzbekiston Respublikasi QT, 2002 y., 6-son, 36-modda) 1-ilovada "Oʻzbekiston Respublikasi Intellektual mulk agentligi" boʻlimidan soʻng quyidagi mazmundagi boʻlim qoʻshilsin:
"Oʻzbekiston Respublikasi Markaziy banki huzuridagi Qimmatbaho metallar agentligi.
Qimmatbaho metallar va qimmatbaho toshlardan zargarlik buyumlari ishlab chiqarish".
3. Vazirlar Mahkamasining "Tadbirkorlik sub’yektlariga davlat хizmatlari koʻrsatish tartibini yanada takomillashtirish chora-tadbirlari toʻgʻrisida" 2014 yil 31 dekabrdagi 377-son qaroriga (Oʻzbekiston Respublikasi QHT, 2015., 1-son, 9-modda) ilovaning 51-bandidagi "v" kichik bandi chiqarib tashlansin.
Qonun hujjatlari ma’lumotlari milliy bazasi (www.lex.uz),
2017 yil 6 oktyabr
"Oʻzbekiston Respublikasi qonun hujjatlari toʻplami",
2017 yil 9 oktyabr, 40-son, 1056-modda
Telegram kanali 