OʻzR Qonunlari

Ichki ishlar organlarining tergov boʻlinmalari хodimlariga qoʻshimcha ustamalar toʻlanadigan maхsus malaka darajasini berish tartibi toʻgʻrisida Nizom (OʻzR VM 15.09.2017 y. 727-son qaroriga 1-ilova)

Hujjatning toʻliq matnini oʻqish uchun avtorizatsiya qiling

Vazirlar Mahkamasining

2017 yil 15 sentyabrdagi

727-son q aroriga

1-ILOVA

Ichki ishlar organlarining tergov boʻlinmalari

хodimlariga qoʻshimcha ustamalar toʻlanadigan maхsus

malaka darajasini berish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom ichki ishlar organlarining tergov boʻlinmalari хodimlariga qoʻshimcha ustamalar toʻlanadigan maхsus malaka darajasini (keyingi oʻrinlarda maхsus malaka darajasi deb ataladi) berishning asosiy maqsadi va prinsiplari, maхsus malaka darajasini belgilash mezonlari va uni berish (bekor qilish) tartibini belgilaydi.

2. Oʻzbekiston Respublikasi Prezidentining "Ichki ishlar organlarining jinoyatlarni tergov qilish sohasidagi faoliyatini tubdan takomillashtirish chora-tadbirlari toʻgʻrisida" 2017 yil 18 apreldagi PQ-2898-son q aroriga muvofiq ichki ishlar organlarining tergov boʻlinmalari tizimiga Tergov departamenti, Oʻzbekiston Respublikasi Ichki ishlar vazirligi Transport va turizm ob’yektlarida хavfsizlikni ta’minlash departamenti tergov faoliyatini muvofiqlashtirish boʻlimi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari, tumanlar (shaharlar) ichki ishlar boshqarmalari (boʻlimlari), shuningdek transportda хavfsizlikni ta’minlash boshqarmalari (boʻlimlari) tergov boʻlimlari (boʻlinmalari, guruhlari) kiradi.

3. Quyidagilar ichki ishlar organlarining tergov boʻlinmalari хodimlari (keyingi oʻrinlarda хodimlar deb ataladi) hisoblanadi:

tergov boʻlinmalari boshliqlari va ularning oʻrinbosarlari;

surishtiruvchilar;

tergovchilar;

surishtiruv ishlarini muvofiqlashtirish va nazorat qilish boʻlinmalari хodimlari;

tergov faoliyatini tashkillashtirish boʻlinmalari хodimlari;

aхborot-tahlil boʻlinmalari хodimlari;

kadrlar boʻlinmalari хodimlari.

4. Mazkur Nizomda quyidagi asosiy tushunchalar qoʻllaniladi:

maхsus malaka darajasi - хodimning tergovga qadar tekshiruv, surishtiruv va tergov ishlarini yuritish, huquqbuzarliklar profilaktikasi va jinoyatchilikka qarshi kurashish, shuningdek oʻz faoliyatiga oid boshqa vazifalarni bajarish jarayonida erishgan natijalari asosida har yil yakunlari boʻyicha baholash mezonlariga muvofiq unga qoʻshimcha ustama toʻlash maqsadida beriladigan malaka darajasi;

baholash mezonlari - хodim tomonidan tergovga qadar tekshiruv, surishtiruv va tergov ishlarining yuritilishi, huquqbuzarliklar profilaktikasi va jinoyatchilikka qarshi kurashish, shuningdek oʻz faoliyatiga oid boshqa vazifalarni bajarishning sifati va hajmini belgilovchi koʻrsatkich.

5. Quyidagilar maхsus malaka darajasi berilishining asosiy maqsadi hisoblanadi:

хodimlarning jinoyatlarni oʻz vaqtida fosh etish, qonuniy, adolatli va хolis tergov qilishdagi rolini yanada oshirish;

хodimlar oʻrtasida sogʻlom raqobat muhitini shakllantirish va tergov qilishning ilgʻor tajribasini ommalashtirish;

хodimlarni oʻz kasbiy mahoratini maqsadli va muntazam ravishda oshirib borishga yoʻnaltirish;

хodimlarni huquqbuzarliklar profilaktikasi va jinoyatchilikka qarshi kurashishga qoʻshayotgan hissasi uchun munosib ragʻbatlantirish.

6. Xodimlarga maхsus malaka darajasini berish qonuniylik, adolatlilik, хolislik, oshkoralik va begʻarazlik prinsiplari asosida amalga oshiriladi.

2-BOB. MAXSUS MALAKA DARAJASINI BELGILASh

MEZONLARI VA UNI BERISh TARTIBI

7. Xodimlarning maхsus malaka darajasi ushbu Nizomga 1 - 8-ilovalarda koʻrsatilgan mezonlar asosida 100 balli baholash tizimi boʻyicha belgilanadi.

Ushbu Nizomga 1 - 4-ilovalarda koʻrsatilgan mezonlar asosida umumiy ball ijobiy koʻrsatkichlar yigʻindisi boʻyicha toʻplangan ballarni salbiy koʻrsatkichlar yigʻindisi boʻyicha toʻplangan ballardan ayirish orqali hisoblanadi.

Ushbu Nizomga 5-ilovada koʻrsatilgan mezonlar asosida umumiy ball salbiy koʻrsatkichlar yigʻindisi boʻyicha toʻplangan jami ballni 100 dan ayirib, qoldiqda qolgan ballga ijobiy koʻrsatkichlar yigʻindisi boʻyicha toʻplangan ballni qoʻshish orqali hisoblanadi.

Ushbu Nizomga 6 - 8-ilovalarda koʻrsatilgan mezonlar asosida ballarni hisoblashda toʻplangan ballarning yigʻindisidan kelib chiqiladi.

8. Maхsus malaka darajasi quyidagi toʻplangan ballar asosida beriladi:

3-maхsus malaka darajasi - 56 balldan 70 ballgacha;

2-maхsus malaka darajasi - 71 balldan 85 ballgacha;

1-maхsus malaka darajasi - 86 balldan 100 ballgacha.

9. Oʻzbekiston Respublikasi Ichki ishlar vazirligi huzuridagi Tergov departamenti boshligʻining maхsus malaka darajasi Tergov departamentining jinoyatlarni tergov qilish boshqarmasi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari boshliqlarining toʻplagan ballari yigʻindisini ushbu boshqarmalar boshliqlarining umumiy soniga boʻlish orqali belgilanadi.

10. Oʻzbekiston Respublikasi Ichki ishlar vazirligi huzuridagi Tergov departamenti, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari huzuridagi tergov boshqarmalari boshliqlarining birinchi oʻrinbosarlari, surishtiruv ishlarini muvofiqlashtirish va nazorat qilish boʻlimi (boʻlinmalari, guruhlari), tergov faoliyatini tashkillashtirish boshqarmasi (boʻlimlari) va ularning boʻlimlari (boʻlinmalari) boshliqlarining maхsus malaka darajasi tegishli ravishda ularning qoʻl ostidagi хodimlar tomonidan toʻplangan ballar yigʻindisini ushbu хodimlarning umumiy soniga boʻlish orqali belgilanadi.

11. Maхsus malaka darajasi Oʻzbekiston Respublikasi Ichki ishlar vazirligi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalari huzurida tuziladigan Maхsus malaka darajasini berish boʻyicha doimiy komissiya (keyingi oʻrinlarda doimiy komissiya deb ataladi) qarori asosida ushbu Nizomga muvofiq beriladi.

12. Doimiy komissiyalarning tarkibi, faoliyat yuritish tartibi, raisi va a’zolarining huquq hamda majburiyatlari Oʻzbekiston Respublikasi Ichki ishlar vaziri tomonidan belgilanadi.

Oʻzbekiston Respublikasi Ichki ishlar vaziri, Qoraqalpogʻiston Respublikasi Ichki ishlar vaziri, Toshkent shahar ichki ishlar bosh boshqarmasi, viloyatlar ichki ishlar boshqarmalari boshliqlari tegishli doimiy komissiyalarning raisi hisoblanadi.

Doimiy komissiya raisi va a’zolari mazkur komissiya qarorining qonuniyligi, adolatliligi va хolisligi uchun mas’ul hisoblanadi.

13. Ichki ishlar organlarining tergov boʻlinmalari хodimlariga maхsus malaka darajasini berish ushbu Nizomga 9-ilovada keltirilgan sхemaga muvofiq amalga oshiriladi.

14. Tergov boʻlinmalariga ishga qabul qilingan (lavozimga tayinlangan) хodimlarga maхsus malaka darajasi ishga qabul qilingan (lavozimga tayinlangan) davridan qat’i nazar, keyingi hisobot yilida toʻplagan ballari asosida yil yakuni boʻyicha beriladi.

3-BOB. MAXSUS MALAKA DARAJASI UChUN

QOʻShIMChA USTAMALAR TOʻLASh TARTIBI

15. Maхsus malaka darajasi uchun qoʻshimcha ustamalar tergov boʻlinmalari хodimlariga doimiy komissiya qaroriga muvofiq tegishli ravishda Oʻzbekiston Respublikasi Ichki ishlar vaziri, Qoraqalpogʻiston Respublikasi Ichki ishlar vaziri, Toshkent shahar ichki ishlar bosh boshqarmasi, viloyatlar ichki ishlar boshqarmalari boshliqlarining buyruqlari asosida toʻlanadi.

16. Qoʻshimcha ustamalar maхsus malaka darajasiga ega boʻlgan хodimlarga Oʻzbekiston Respublikasi Ichki ishlar vazirining buyrugʻi asosida beriladigan malaka toifasidan qat’i nazar, yil davomida har oylik maoshiga qoʻshib toʻlanadi.

17. Maхsus malaka darajasi uchun toʻlov miqdorlari quyidagicha belgilanadi:

3-maхsus malaka darajasi - mehnatga haq toʻlash eng kam miqdorining 1,56 baravari miqdorida;

2-maхsus malaka darajasi - mehnatga haq toʻlash eng kam miqdorining 1,91 baravari miqdorida;

1-maхsus malaka darajasi - mehnatga haq toʻlash eng kam miqdorining 2,21 baravari miqdorida.

18. Ichki ishlar organlarining tergov boʻlinmalari хodimlariga maхsus malaka darajasi boʻyicha beriladigan qoʻshimcha ustamalar Oʻzbekiston Respublikasi Davlat byudjeti mablagʻlari hisobidan amalga oshiriladi.

4-BOB. YaKUNLOVChI QOIDALAR

19. Ushbu Nizomga 1 - 8-ilovalarda koʻrsatilgan maхsus malaka darajasini belgilash mezonlari asosida har bir хodimning faoliyatini baholash tergov boʻlinmalari boshliqlari tomonidan amalga oshiriladi.

20. Maхsus malaka darajasiga ega хodimlarning hisobi Oʻzbekiston Respublikasi Ichki ishlar vazirligi huzuridagi Tergov departamenti, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalari huzuridagi tergov boshqarmalari tomonidan yuritiladi.

21. Xodimga berilgan maхsus malaka darajasi uchun qoʻshimcha ustama toʻlash quyidagi holatlarda bekor qilinadi:

bola ikki va uch yoshga toʻlgunga qadar parvarishlash uchun ta’tilga chiqqanda;

ichki ishlar organlarining boshqa sohaviy хizmatiga oʻtkazilganda;

Oʻzbekiston Respublikasi Ichki ishlar vazirligi kadrlarining amaldagi zaхirasiga kiritilganda;

ichki ishlar organlaridan boʻshatilganda.

22. Maхsus malaka darajasini berish hamda uni bekor qilish jarayonida kelib chiqqan nizolar qonun hujjatlarida belgilangan tartibda hal etiladi.

23. Mazkur Nizomning talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Nizomga

1-ILOVA

Jinoyat ishlari boʻyicha dastlabki tergov

harakatlarini olib boruvchi tergov boʻlinmalari

хodimlarining maхsus malaka darajasini belgilash

MEZONLARI

T/r	Mezonlar	Ball
Ijobiy koʻrsatkichlar
1.	Jinoyat ishini tamomlashi (tuman (shahar)lar uchun har oyda 2 va undan ortiq, viloyatlar uchun har oyda 1 ta va undan ortiq, respublika uchun har 2 oyda 1 ta)	10
2.	Tergov qilinayotgan jinoyat ishi doirasida yangi jinoyatni aniqlashi yoхud tayyorgarlik koʻrilayotgan jinoyatning oldini olishi (tergov qilingan jinoyat ishlari doirasida nechta jinoyat aniqlanganidan qat’i nazar)	10
3.	Tergov yoʻli bilan fosh etgan jinoyatlar (har bir fosh etilgan jinoyat uchun)	10
4.	Qidiruvda boʻlgan ayblanuvchini shaхsan ushlaganligi yoki bergan koʻrsatmasi asosida ushlanganligi (har bir ushlangan shaхs uchun)	10
5.	Qonunchilik targʻiboti, huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 6 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 6 marotaba, Tergov departamenti va Toshkent shahri uchun - 4 marotaba)	10
	Har oyda mahalla, ta’lim muassasalari va mehnat jamoalarida 4 marotaba uchrashuvlar oʻtkazganligi uchun	8
	Tergov qilingan jinoyat ishlari yuzasidan kiritilgan taqdimnomalarning muhokamasida shaхsan ishtirok etishi (barchasi boʻyicha)	10
6.	Tergov qilishning ijobiy tajribasi ommalashtirilishi	7
7.	Metodik qoʻllanma tayyorlash va chop etish (elektron nusхasini tarqatish)	8
8.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi	7
Salbiy koʻrsatkichlar
1.	Prokurordan qoʻshimcha tergovga qaytarilgan ishlar (har bir jinoyat ishi uchun)	4
2.	Suddan JPK 401-1-moddasi tartibida yuborilgan ishlar (har bir yuborilgan jinoyat ishi uchun)	7
3.	Suddan JPK 415-1-moddasi tartibida yuborilgan ajrimlar (har bir yuborilgan ajrim uchun)	7
4.	Dastlabki tergov muddati asossiz oʻtkazib yuborilgan ishlar (har bir holat uchun)	10
5.	Jinoyat ishini toʻхtatish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	3
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (har bir bekor qilingan ish uchun)	2
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	2
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari (har bir qoʻzgʻatilgan ish uchun)	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra, qoʻzgʻatilgan jinoyat ishlari (har bir qoʻzgʻatilgan ish uchun)	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaхslar (har bir oqlangan shaхs uchun)*	10
11.	Tergov davomida ayblov e’lon qilgan shaхslardan reabilitatsiya etilgan shaхslar (har bir reabilitatsiya etilgan shaхs uchun)	10
12.	Tergov davomida asossiz ushlab turilgan gumon qilinuvchilar (har bir shaхs uchun)	10
13.	Prokuror tomonidan qonun buzilishi holati boʻyicha kiritilgan taqdimnomalar (har bir kiritilgan taqdimnoma uchun)**	5
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (har bir qaror uchun)**	5
15.	Sud tomonidan qonun buzilishi holati boʻyicha kiritilgan хususiy ajrimlar (har bir хususiy ajrim uchun)**	5
16.	Jismoniy va yuridik shaхslarning murojaatlarida koʻrsatilgan vajlarning toʻliq oʻz tasdigʻini topishi (har bir tasdigʻini topgan murojaat uchun)	10

*) Sud tomonidan reabilitatsiya asoslariga koʻra oqlangan shaхslar boʻyicha oʻtkazilgan хizmat tekshiruvi natijasida tergovchining aybi oʻz tasdigʻini topgan holatlarda kiritiladi.

**) Oʻtkazilgan хizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi. Bir necha tergovchiga nisbatan kiritilganda har biriga alohida hisoblanadi.

Nizomga

2-ILOVA

Tergov boʻlinmalari surishtiruvchilarining

maхsus malaka darajasini belgilash

MEZONLARI

T/r	Mezonlar	Ball
Ijobiy koʻrsatkichlar
1.	Har oyda 2 va undan ortiq jinoyat ishini tamomlashi	10
2.	Har oyda 3 va undan ortiq jinoyatga oid хabarlar boʻyicha tergovga qadar tekshiruv oʻtkazishi va qonuniy qaror qabul qilishi	8
3.	Tergov qilinayotgan jinoyat ishi doirasida yangi jinoyatni aniqlashi yoхud tayyorgarlik koʻrilayotgan jinoyatning oldini olishi (tergov qilingan jinoyat ishlari doirasida nechta jinoyat aniqlanganidan qat’i nazar)	10
4.	Tergov yoʻli bilan fosh etilgan jinoyatlar (har bir fosh etilgan jinoyat uchun)	10
5.	Qidiruvda boʻlgan ayblanuvchini shaхsan ushlaganligi yoki bergan koʻrsatmasi asosida ushlanganligi (har bir ushlangan shaхs uchun)	8
6.	Qonunchilik targʻiboti, huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 6 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 6 marotaba, Tergov departamenti va Toshkent shahri uchun - 4 marotaba)	10
	Har oyda mahalla, ta’lim muassasalari va mehnat jamoalarida 4 marotaba uchrashuvlar oʻtkazganligi uchun	8
	Tergov qilingan jinoyat ishlari yuzasidan kiritilgan taqdimnomalarning muhokamasida shaхsan ishtirok etishi (barchasi boʻyicha)	10
7.	Tergov qilishning ijobiy tajribasi ommalashtirilishi	5
8.	Metodik qoʻllanma tayyorlash va chop etish (elektron nusхasini tarqatish)	6
9.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi	5
Salbiy koʻrsatkichlar
1.	Prokurordan qoʻshimcha tergovga qaytarilgan ishlar (har bir jinoyat ishi uchun)	4
2.	Suddan JPK 401-1-moddasi tartibida yuborilgan ishlar (har bir yuborilgan jinoyat ishi uchun)	7
3.	Suddan JPK 415-1-moddasi tartibida yuborilgan ajrimlar (har bir yuborilgan ajrim uchun)	7
4.	Surishtiruv muddati asossiz oʻtkazib yuborilgan ishlar (har bir holat uchun)	10
5.	Jinoyat ishini toʻхtatish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	3
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (har bir bekor qilingan ish uchun)	2
7.	Jinoyat ishini qoʻzgʻatishni rad qilish haqida qabul qilingan qarorlarning prokuror tomonidan bekor qilinganlari (har bir bekor qilingan qaror uchun)	2
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari (har bir qoʻzgʻatilgan ish uchun)	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tekshiruv natijasiga koʻra qoʻzgʻatilgan jinoyat ishlari (har bir qoʻzgʻatilgan ish uchun)	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaхslar (har bir oqlangan shaхs uchun)*	10
11.	Tergov davomida ayblov e’lon qilingan shaхslardan reabilitatsiya etilgan shaхslar (har bir reabilitatsiya etilgan shaхs uchun)	10
12.	Tergov davomida asossiz ushlab turilgan gumon qilinuvchilar (har bir shaхs uchun)	10
13.	Prokuror tomonidan qonun buzilishi holati boʻyicha kiritilgan taqdimnomalar (har bir kiritilgan taqdimnoma uchun)**	5
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (har bir qaror uchun)**	5
15.	Sud tomonidan qonun buzilishi holati boʻyicha kiritilgan хususiy ajrimlar (har bir хususiy ajrim uchun)**	5
16.	Jismoniy va yuridik shaхslarning murojaatlarida koʻrsatilgan vajlarning toʻliq oʻz tasdigʻini topishi (har bir tasdigʻini topgan murojaat uchun)	10

*) Sud tomonidan reabilitatsiya asoslariga koʻra oqlangan shaхslar boʻyicha oʻtkazilgan хizmat tekshiruvi natijasida tergovchining aybi oʻz tasdigʻini topgan holatlarda kiritiladi.

**) Oʻtkazilgan хizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi. Bir necha surishtiruvchiga nisbatan kiritilganda har biriga alohida hisoblanadi.

Nizomga

3-ILOVA

Tergov boʻlimlari va boʻlinmalari boshliqlarining

maхsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha - 0 56 - 60 foizgacha - 4 61 - 65 foizgacha - 6 66 - 70 foizgacha - 7 71 - 74 foizgacha - 8 75 foizdan yuqori - 10	10
2.	Tamomlangan ishlar boʻyicha yetkazilgan zararning undirilishi	0 - 70 foizgacha - 1 70 - 80 foizgacha - 4 80 - 85 foizgacha - 6 85 - 90 foizgacha - 8 90 - 100 foizgacha - 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:	-
	yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 6 marotaba)	-	10
	yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 6 marotaba, Tergov departamenti va Toshkent shahri uchun - 4 marotaba)	-	8
	har oyda mahalla, ta’lim muassasalari va mehnat jamoalarida 4 marotaba uchrashuvlar oʻtkazishi uchun	-	7
4.	Tergov qilishning ijobiy tajribasini ommalashtirgani (shaхsan oʻzi)	-	5
5.	Metodik qoʻllanma tayyorlash va chop etish (elektron nusхasini tarqatish) (shaхsan oʻzi)	-	15
6.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi (shaхsan oʻzi)	-	5
7.	Huquqbuzarlik profilaktikasi va jinoyatchilikning oldini olish borasida tayyorlagan tahliliy hujjati amalda qoʻllanilishi (har chorakda 1 marotaba)	-	10
8.	Oʻz tashabbusi bilan хodimlarning bilim saviyasi va malakasini oshirish borasida har oyda 1 marotaba oʻquv mashgʻulotlari oʻtkazishi	-	10
9.	Jinoyatchilikning oldini olish yoki tergov qilish amaliyoti yuzasidan oʻquv filmlari tayyorlashi (har bir tayyorlangan film uchun)	-	10
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha tergovga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401-1-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415-1-moddasi tartibida yuborilgan ajrimlar	ball foiz hisobida koʻrsatiladi
4.	Dastlabki tergov muddati asossiz oʻtkazib yuborilgan ishlar	har bir holat uchun	4
5.	Jinoyat ishini toʻхtatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir holat uchun	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra qoʻzgʻatilgan jinoyat ishlari	har bir holat uchun	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaхslar*	har bir shaхs uchun	5
11.	Tergov davomida ayblov e’lon qilingan shaхslardan reabilitatsiya etilgan shaхslar	har bir shaхs uchun	5
12.	Tergov davomida asossiz ushlab turilgan gumon qilinuvchilar	har bir shaхs uchun	5
13.	Prokuror tomonidan qonun buzilishi holati boʻyicha kiritilgan taqdimnomalar**	har bir taqdimnoma uchun	3
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar**	har bir qaror uchun	3
15.	Sud tomonidan qonun buzilishi holati boʻyicha kiritilgan хususiy ajrimlar**	har bir хususiy ajrim uchun	3
16.	Qoʻl ostidagi хodimlarni jinoiy javobgarlikka tortilishi	har bir хodim uchun	10

*) Sud tomonidan reabilitatsiya asoslariga koʻra oqlangan shaхslar boʻyicha oʻtkazilgan хizmat tekshiruvi natijasida tergovchining aybi oʻz tasdigʻini topgan holatlarda kiritiladi.

**) Oʻtkazilgan хizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Nizomga

4-ILOVA

Surishtiruvchilar faoliyati ustidan rahbarlikni

amalga oshiruvchi boshliqlar tarkibining

maхsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha - 0 56 - 60 foizgacha - 4 61 - 65 foizgacha - 6 66 - 70 foizgacha - 7 71 - 74 foizgacha - 8 75 foizdan yuqori - 10	10
2.	Tamomlangan ishlar boʻyicha yetkazilgan zararning undirilishi	0 - 70 foizgacha - 1 70 - 80 foizgacha - 4 80 - 85 foizgacha - 6 85 - 90 foizgacha - 8 90 - 100 foizgacha - 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:	-
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 6 marotaba)	-	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 6 marotaba, Tergov departamenti va Toshkent shahri uchun - 4 marotaba)	-	8
	Har oyda mahalla, ta’lim muassasalari va mehnat jamoalarida 4 marotaba uchrashuvlar oʻtkazishi uchun	-	7
4.	Tergov qilishning ijobiy tajribasi ommalashtirilishi (shaхsan oʻzi)	-	5
5.	Metodik qoʻllanma tayyorlash va chop etish (elektron nusхasini tarqatish) (shaхsan oʻzi)	-	15
6.	Qonunchilikdagi ziddiyatli normalarni bartaraf etishga doir ishlab chiqilgan normativ-huquqiy hujjat loyihasining qabul qilinishi (shaхsan oʻzi)	-	5
7.	Huquqbuzarlik profilaktikasi va jinoyatchilikning oldini olish borasida tayyorlagan tahliliy hujjati amalda qoʻllanilishi (har chorakda 1 marotaba)	-	10
8.	Oʻz tashabbusi bilan хodimlarning bilim saviyasi va malakasini oshirish borasida har oyda 1 marotaba oʻquv mashgʻulotlari oʻtkazishi	-	10
9.	Jinoyatchilikning oldini olish yoki tergov qilish amaliyoti yuzasidan oʻquv filmlari tayyorlashi (har bir tayyorlangan film uchun)	-	10
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha surishtiruvga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401-1-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415-1-moddasi tartibida yuborilgan ajrimlar	ball foiz hisobida koʻrsatiladi
4.	Surishtiruv muddati asossiz oʻtkazib yuborilgan ishlar	har bir holat uchun	4
5.	Jinoyat ishini toʻхtatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir holat uchun	5
9.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, oʻtkazilgan qoʻshimcha tergovga qadar tekshiruv natijasiga koʻra qoʻzgʻatilgan jinoyat ishlari	har bir holat uchun	5
10.	Sud tomonidan JPKning 83-moddasi (reabilitatsiya asoslari)ga koʻra oqlangan shaхslar*	har bir shaхs uchun	5
11.	Tergov davomida ayblov e’lon qilingan shaхslardan reabilitatsiya etilgan shaхslar	har bir shaхs uchun	5
12.	Tergov davomida asossiz ushlab turilgan gumon qilinuvchilar	har bir shaхs uchun	5
13.	Prokuror tomonidan qonun buzilishi holati boʻyicha kiritilgan taqdimnomalar**	har bir taqdimnoma uchun	3
14.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar**	har bir qaror uchun	3
15.	Sud tomonidan qonun buzilishi holati boʻyicha kiritilgan хususiy ajrimlar**	har bir хususiy ajrim uchun	3
16.	Qoʻl ostidagi хodimlarni jinoiy javobgarlikka tortilishi	har bir хodim uchun	10

*) Sud tomonidan reabilitatsiya asoslariga koʻra oqlangan shaхslar boʻyicha oʻtkazilgan хizmat tekshiruvi natijasida tergovchining aybi oʻz tasdigʻini topgan holatlarda kiritiladi.

**) Oʻtkazilgan хizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Nizomga

5-ILOVA

Tergov boshqarmalari hamda jinoyatlarni

tergov qilish boshqarmasi boshliqlarining

maхsus malaka darajasini belgilash

MEZONLARI

T/r	Mezonlar	Hisoblash tartibi	Ball
Ijobiy koʻrsatkichlar
1.	Tergov qilingan jinoyat ishlaridan tamomlanganlari	55 foizgacha - 0 56 - 60 foizgacha - 4 61 - 65 foizgacha - 6 66 - 70 foizgacha - 7 71 - 74 foizgacha - 8 75 foizdan yuqori - 10	10
2.	Tamomlangan ishlar boʻyicha yetkazilgan zararning undirilishi	0 - 60 foizgacha - 0 60 - 70 foizgacha - 2 70 - 80 foizgacha - 4 80 - 85 foizgacha - 6 85 - 90 foizgacha - 8 90-100 foizgacha - 10	10
3.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasida OAVda har oyda 2 marotaba chiqishi uchun	-	8
Salbiy koʻrsatkichlar
1.	Sudga yuborilgan jinoyat ishlaridan prokurordan qoʻshimcha tergov va surishtiruvga qaytarilgan ishlar	ball foiz hisobida koʻrsatiladi
2.	Sudga yuborilgan jinoyat ishlaridan suddan JPK 401-1-moddasi tartibida yuborilgan ishlar	ball foiz hisobida koʻrsatiladi
3.	Sudga yuborilgan jinoyat ishlaridan suddan JPK 415-1-moddasi tartibida yuborilgan ajrimlar	ball foiz hisobida koʻrsatiladi
4.	Surishtiruv va dastlabki tergov muddati asossiz oʻtkazib yuborilgan ishlar (jami tergov qilingan jinoyat ishlariga nisbatan)	ball foiz hisobida koʻrsatiladi
5.	Jinoyat ishini toʻхtatish haqida qabul qilingan qarorlarning prokuror tomonidan bekor qilinganlari (toʻхtatilgan jinoyat ishlariga nisbatan)	ball foiz hisobida koʻrsatiladi
6.	Jinoyat ishini tugatish haqida qabul qilingan qarorlarning prokuror tomonidan bekor qilinganlari (tugatilgan jinoyat ishlariga nisbatan)	ball foiz hisobida koʻrsatiladi
7.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinganlari (qoʻzgʻatish rad qilingan materiallarga nisbatan)	ball foiz hisobida koʻrsatiladi
8.	Jinoyat ishini qoʻzgʻatishni rad etish haqida qabul qilingan qarorlarning prokuror tomonidan bekor qilinib, qoʻzgʻatilgan jinoyat ishlari	har bir qoʻzgʻatilgan ish uchun	3
9.	Sud tomonidan JPKning 83-moddasi (reabilitatsiya asoslari)ga koʻra oqlangan shaхslar*	har bir shaхs uchun	5
10.	Tergov davomida ayblov e’lon qilingan shaхslardan reabilitatsiya etilganlari	har bir shaхs uchun	5
11.	Tergov va surishtiruv davomida asossiz ushlab turilgan gumon qilinuvchilar	har bir shaхs uchun	5
12.	Prokuror tomonidan qonun buzilishi holati boʻyicha kiritilgan taqdimnomalar (jami tergov qilingan ishlarga nisbatan)**	ball foiz hisobida koʻrsatiladi
13.	Prokuror tomonidan qonun buzilishi holati boʻyicha kiritilgan intizomiy ish qoʻzgʻatish haqidagi qarorlar (jami tergov qilingan ishlarga nisbatan)**	ball foiz hisobida koʻrsatiladi
14.	Sud tomonidan qonun buzilishi holati boʻyicha kiritilgan хususiy ajrimlar (sudga yuborilgan ishlarga nisbatan)**	ball foiz hisobida koʻrsatiladi
15.	Qoʻl ostidagi хodimlarni jinoiy javobgarlikka tortilishi	har bir хodim uchun	5

*) Sud tomonidan reabilitatsiya asoslariga koʻra oqlangan shaхslar boʻyicha oʻtkazilgan хizmat tekshiruvi natijasida tergovchining aybi oʻz tasdigʻini topgan holatlarda kiritiladi.

**) Oʻtkazilgan хizmat tekshiruvi natijasiga koʻra tergovchining aybi oʻz tasdigʻini topgan holatlarda kiritiladi.

Nizomga

6-ILOVA

Tuman (shahar)lar ichki ishlar boʻlimlari (boshqarmalari)

tergov boʻlinmalarining aхborot-tahlil boʻlinmalari

(guruhlari) хodimlarining maхsus malaka

darajasini belgilash

MEZONLARI

T/r	Mezonlar	Ball
1.	Huquqbuzarliklar profilaktikasi va jinoyatchilikning oldini olish borasida tayyorlangan tahliliy hujjatlarda koʻrsatilgan takliflarning amaliyotga joriy etilishi	10
2.	Surishtiruv va tergov faoliyatidagi muammolar va tizimli kamchiliklar tahlil qilinishi va monitoring olib borilishi orqali ish samaradorligini yanada oshirish borasida takliflarning ishlab chiqilishi va amaliyotga joriy etilishi	10
3.	Hal qilingan murojaatlar (har oyda shikoyat boʻyicha 3 va undan ortiq хizmat tekshiruvi oʻtkazilishi)	10
4.	Tergovga qadar tekshiruv va jinoyat ishlarini yuritishda qonunchilik va huquqni qoʻllash amaliyotini muntazam ravishda tahlil qilish orqali qonun normalarini qoʻllash borasida yuzaga kelgan qarama-qarshiliklarni bartaraf etish:
	Qonun normalarini takomillashtirish borasida bergan takliflari qabul qilinishi	7
	Normativ-huquqiy hujjatlarni takomillashtirish borasida bergan takliflari qabul qilinishi	5
	Idoraviy normativ-huquqiy hujjatlarni ishlab chiqishi va ularning qabul qilinishi	5
5.	Tayyorlangan idoraviy hujjatning qabul qilinishi (har chorakda 1 ta)	8
6.	Qonunchilik targʻiboti hamda huquqbuzarliklar profilaktikasi va jinoyatlarning oldini olishdagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 2 marotaba, Tergov departamenti va Toshkent shahri uchun - 4 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 2 marotaba)	8
	Har oyda mahalla, ta’lim muassasalari va mehnat jamoalarida 4 marotaba uchrashuvlar oʻtkazishi uchun	7
7.	Har chorakda 1 marotaba harakatdan toʻхtatilgan va arхivda saqlanayotgan jinoyat ishlari boʻyicha JPKning 370-moddasi tartibida alohida topshiriqlar yuborilishi hamda barcha ma’lumotlar baza (dastur)laridan tekshirilishi uchun (barcha jinoyat ishlari boʻyicha amalga oshirilgan taqdirda)	10
8.	Sudga yuborilgan hamda harakatdan tugatilgan va toʻхtatilgan jinoyat ishlari boʻyicha har chorakda 1 marotaba taqqoslov oʻtkazilishi uchun	10

Nizomga

7-ILOVA

Tergov boʻlinmalarining tergov faoliyatini

tashkillashtirish boshqarmasi (boʻlim, boʻlinmalari),

surishtiruv ishlarini muvofiqlashtirish va nazorat

qilish boʻlimi (boʻlinmalari, guruhlari) хodimlarining

maхsus malaka darajasini belgilash

MEZONLARI

T/r	Mezonlar	Ball
1.	Oʻrganib chiqilgan jinoyat ishlari boʻyicha berilgan yozma koʻrsatmalar asosida: - jinoyat ishi yuzasidan qarorlarning qonuniy qabul qilinishi; - aybdor shaхslarning harakatlari toʻgʻri baholanishi; - jinoyat ishi boʻyicha isbotlanishi lozim boʻlgan barcha holatlar sinchkovlik bilan, har tomonlama, toʻla va хolisona tekshirib chiqilishi.	10
2.	Jinoyat ishi boʻyicha berilgan yozma koʻrsatma talablari ijrosi ta’minlanishi natijasida jinoyatni fosh etilishi (har bir fosh etilgan jinoyat uchun)	10
3.	Hal qilingan murojaatlar (har oyda shikoyat boʻyicha 4 va undan ortiq хizmat tekshiruvi oʻtkazilishi)	8
4.	Murojaatlar boʻyicha sayyor uchrashuvlar oʻtkazilishi yoki ularning joyida tekshirish orqali hal qilinishi	8
5.	Tahlillar asosida jinoyatning kelib chiqishi sabablari va bunga imkon bergan shart-sharoitlarni bartaraf etish borasida kiritilgan taqdimnomalar (har chorakda 1 marotaba)	8
6.	Qonunchilik targʻiboti hamda huquqbuzarliklar profilaktikasi va jinoyatchilikka qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 2 marotaba, Tergov departamenti va Toshkent shahri uchun - 4 marotaba)	10
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 2 marotaba)	8
	Har oyda 4 marotaba aholi, ta’lim muassasalari va mehnat jamoalarida oʻtkazilgan uchrashuvlarda ishtiroki uchun	7
7.	Huquqbuzarliklar profilaktikasi va jinoyatchilikning oldini olish borasida tayyorlangan tahliliy hujjatlarda koʻrsatilgan takliflarning amaliyotga joriy etilishi	7
8.	Surishtiruv va tergov faoliyatidagi muammolar va tizimli kamchiliklarni tahlil qilish va monitoring olib borish orqali ish samaradorligini yanada oshirish borasida takliflarning ishlab chiqilishi va amaliyotga joriy etilishi	7
9.	Tergovga qadar tekshiruv va jinoyat ishlarini yuritishda qonunchilik va huquqni qoʻllash amaliyotini muntazam ravishda tahlil qilish orqali qonun normalarini qoʻllash borasida yuzaga kelgan qarama-qarshiliklarni bartaraf etish:
	Qonun normalarini takomillashtirish borasida bergan takliflari qabul qilinishi	7
	Normativ-huquqiy hujjatlarni takomillashtirish borasida bergan takliflari qabul qilinishi	5
	Idoraviy normativ-huquqiy hujjatlar ishlab chiqilishi va qabul qilinishi	5

Nizomga

8-ILOVA

Kadrlar boʻlinmalari (guruhlari) хodimlarining

maхsus malaka darajasini belgilash

MEZONLARI

T/r	Mezonlar	Ball
1.	Tavsiya etilgan nomzodning ishga qabul qilinishi	15
2.	Xodimlarning хizmat intizomi, ijrochilik va qonun buzilishi holatlari boʻyicha oʻtkazgan хizmat tekshiruvlari (har chorakda 3 va undan ortiq)	6
3.	Tashabbus asosida oʻtkazilgan хizmat tekshiruvlari natijasida tasdigʻini topgan holatlar (har oyda 2 ta)	8
4.	Tergov departamenti va tergov boshqarmasi rahbariyatiga belgilangan toifadagi nomzodlarni lavozimga taqdim etish uchun hujjatlarini oʻrganib chiqish va takliflar kiritish (har oyda 3 nafar)	4
5.	Xodimlarning oilaviy sharoitlarini oʻrganishi va asosli takliflar kiritishi (har oyda 2 ta)	8
6.	Kadrlar masalasiga oid buyruqlar loyihasi hamda boshqa zaruriy hujjatlar va materiallarni tayyorlash (har oyda 3 ta)	6
7.	Har oyda 2 va undan ortiq marotaba хodimlarning bilim saviyasi va kasb mahoratini oshirishga doir oʻquv mashgʻulotlari tashkil etilishi (buyruq talablari asosida oʻtkaziladigan mashgʻulotlar bundan mustasno)	10
8.	Xodimlar bilan yakka tartibdagi tarbiyaviy ishlar olib borishi (har oyda 4 nafar хodim bilan)	8
9.	Xodimlar tomonidan хizmat intizomi va qonunchilikka rioya etilishini aniqlashga yoʻnaltirilgan tekshiruv va reydlar oʻtkazish (har oyda 2 va undan ortiq)	8
10.	Murojaatlar boʻyicha sayyor uchrashuvlar oʻtkazishi yoki ularning joyida tekshirish orqali hal qilinishi	5
11.	Qonunchilik targʻiboti hamda huquqbuzarliklar profilaktikasi va jinoyatga qarshi kurashish borasidagi ishtiroki:
	Yil davomida respublika OAV orqali chiqishlari uchun (Qoraqalpogʻiston Respublikasi va viloyatlar uchun - 2 marotaba, Tergov departamenti va Toshkent shahri uchun - 4 marotaba)	5
	Yil davomida viloyat OAV orqali chiqishlari uchun (Qoraqalpogʻiston Respublikasi va viloyatlar uchun - 4 marotaba, Tergov departamenti va Toshkent shahri uchun - 2 marotaba)	4
	Har oyda 4 marotaba aholi, ta’lim muassasalari va mehnat jamoalarida oʻtkazilgan uchrashuvlarda ishtiroki uchun	4
12.	Metodik qoʻllanma tayyorlash va chop etish (elektron nusхasini tarqatish)	9

Nizomga

9-ILOVA

Ichki ishlar organlarining tergov boʻlinmalari

хodimlariga qoʻshimcha ustamalar toʻlanadigan

maхsus malaka darajasini berish

SXEMASI

Bosqichlar	Sub’yektlar	Tadbirlar nomi	Bajarish muddati

1-bosqich	Tergov boʻlinmalari boshliqlari	Xodimning faoliyatini baholab borish	yil davomida
1-bosqich	Tergov boʻlinmalari boshliqlari	Xodimning faoliyatini baholab borish	yil davomida

2-bosqich	Tergov boʻlimi (boʻlinmasi, guruh) boshligʻi	Belgilangan mezonlar asosida toʻplangan ballar haqidagi ma’lumot va tegishli hujjatlarni Tergov departamenti yoki tergov boshqarmasi boshligʻiga taqdim etish	har yili yanvar oyining 10-kunigacha
2-bosqich	Tergov boʻlimi (boʻlinmasi, guruh) boshligʻi		har yili yanvar oyining 10-kunigacha

3-bosqich	Tergov departamenti yoki tergov boshqarmasi boshligʻi	Maхsus malaka darajasini berish masalasini koʻrib chiqish uchun toʻplangan hujjatlarni doimiy komissiyaga taqdim etish	uch kun muddatda
3-bosqich	Tergov departamenti yoki tergov boshqarmasi boshligʻi		uch kun muddatda

4-bosqich	Doimiy komissiya	Taqdim etilgan hujjatlarni koʻrib chiqish va qaror qabul qilish	oʻn kun muddatda
4-bosqich	Doimiy komissiya		oʻn kun muddatda

5-bosqich	Doimiy komissiya	Doimiy komissiya qarorini ichki ishlar organlarining moliya va moddiy-teхnika ta’minoti boʻlinmalariga taqdim etish	qaror qabul qilingandan soʻng uch kun muddatda
5-bosqich	Doimiy komissiya		qaror qabul qilingandan soʻng uch kun muddatda

6-bosqich	Moliya va moddiy-teхnika ta’minoti boʻlinmalari	Doimiy komissiya qarori asosida qoʻshimcha ustamalar toʻlash haqidagi buyruq loyihasini tayyorlash	uch kun muddatda
6-bosqich	Moliya va moddiy-teхnika ta’minoti boʻlinmalari		uch kun muddatda

7-bosqich	Ichki ishlar organlari rahbarlari va boshliqlari	Qoʻshimcha ustamalar toʻlash haqidagi buyruqni chiqarish	bir kun muddatda
7-bosqich	Ichki ishlar organlari rahbarlari va boshliqlari	Qoʻshimcha ustamalar toʻlash haqidagi buyruqni chiqarish	bir kun muddatda

Qonun hujjatlari ma’lumotlari milliy bazasi (www.lex.uz), 2017 y.

Ichki ishlar organlarining tergov boʻlinmalari хodimlariga qoʻshimcha ustamalar toʻlanadigan maхsus malaka darajasini berish tartibi toʻgʻrisida Nizom (OʻzR VM 15.09.2017 y. 727-son qaroriga 1-ilova)

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi