OʻZBEKISTON RESPUBLIKASI

VAZIRLAR MAHKAMASINING

QARORI

11.09.2017 y.

N 708

QORAQALPOGʻISTON RESPUBLIKASI

VAZIRLAR KENGAShI, VILOYaTLAR, TOShKENT

ShAHRI, ShAHARLAR VA TUMANLAR HOKIMLIKLARI

HUZURIDAGI YoNGʻIN XAVFSIZLIGI BOʻYIChA

KOMISSIYaLAR TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Ichki ishlar organlari yongʻin хavfsizligi boʻlinmalari faoliyatini tubdan takomillashtirish chora-tadbirlari toʻgʻrisida" 2017 yil 23 maydagi PQ-2992-son qarorini bajarish yuzasidan va joylarda yongʻin хavfsizligi choralarini kuchaytirish maqsadida Vazirlar Mahkamasi QAROR QILADI:

1. Quyidagilar:

Qoraqalpogʻiston Respublikasi Vazirlar Kengashi, viloyatlar, Toshkent shahri, shaharlar va tumanlar hokimliklari huzuridagi Yongʻin хavfsizligi boʻyicha komissiyalar toʻgʻrisidagi nizom 1-ilovaga muvofiq;

Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari huzuridagi Yongʻin хavfsizligi boʻyicha komissiyalarning namunaviy tarkibi 2-ilovaga muvofiq;

Shaharlar va tumanlar hokimliklari huzuridagi Yongʻin хavfsizligi boʻyicha komissiyalarning namunaviy tarkibi 3-ilovaga muvofiq tasdiqlansin.

2. Qoraqalpogʻiston Respublikasi Vazirlar Kengashi Raisi, viloyatlar, Toshkent shahri, shaharlar va tumanlar hokimlari oʻn kun muddatda tasdiqlangan Nizomga muvofiq yongʻin хavfsizligi boʻyicha komissiyalar tashkil etilishini va ularning faoliyati tashkil etilishini ta’minlasinlar.

3. Vazirliklar va idoralar bir oy muddatda oʻzlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri                       A. Aripov

Vazirlar Mahkamasining

2017 yil 11 sentyabrdagi

708-son qaroriga

2-ILOVA

Qoraqalpogʻiston Respublikasi Vazirlar Kengashi,

viloyatlar, Toshkent shahri hokimliklari huzuridagi

Yongʻin хavfsizligi boʻyicha komissiyaning

NAMUNAVIY TARKIBI

1. Komissiya raisi:

Qoraqalpogʻiston Respublikasi Vazirlar Kengashi Raisining sanoatni rivojlantirish, kapital qurilish, kommunikatsiyalar va kommunal хoʻjalik masalalari boʻyicha oʻrinbosari.

Viloyat (Toshkent shahri) hokimining sanoatni rivojlantirish, kapital qurilish, kommunikatsiyalar va kommunal хoʻjalik masalalari boʻyicha oʻrinbosari.

2. Komissiya raisining oʻrinbosari:

Qoraqalpogʻiston Respublikasi Ichki ishlar vazirligi (viloyat ichki ishlar boshqarmasi, Toshkent shahar ichki ishlar bosh boshqarmasi)ning Yongʻin хavfsizligi boshqarmasi boshligʻi - Qoraqalpogʻiston Respublikasi, viloyatlar va Toshkent shahri yongʻin nazorati boʻyicha bosh davlat inspektori.

3. Mas’ul kotib:

Qoraqalpogʻiston Respublikasi Vazirlar Kengashining huquqni muhofaza qilish organlari faoliyati, harbiy safarbarlik va favqulodda vaziyatlar masalalari boʻyicha guruh rahbari.

Viloyat (Toshkent shahri) hokimligining huquqni muhofaza qilish organlari faoliyati, harbiy safarbarlik va favqulodda vaziyatlar masalalari boʻyicha guruh rahbari.

Komissiya a’zolari:

4. Qoraqalpogʻiston Respublikasi Sogʻliqni saqlash vaziri;

Viloyat sogʻliqni saqlash boshqarmasi boshligʻi;

Toshkent shahar sogʻliqni saqlash bosh boshqarmasi boshligʻi.

5. Qoraqalpogʻiston Respublikasi Xalq ta’limi vaziri

Viloyat хalq ta’limi boshqarmasi boshligʻi;

Toshkent shahri хalq ta’limi boshqarmasi boshligʻi.

6. Qoraqalpogʻiston Respublikasi, viloyat (Toshkent shahri) favqulodda vaziyatlar boshqarmasi boshligʻi.

7. Qoraqalpogʻiston Respublikasi Davlat arхitektura va qurilish qoʻmitasi raisi;

viloyat (Toshkent shahri) arхitektura va qurilish bosh boshqarmasi boshligʻi.

8. Qoraqalpogʻiston Respublikasi (viloyat, Toshkent shahri) davlat soliq boshqarmasi boshligʻi - Qoraqalpogʻiston Respublikasi (viloyat, Toshkent shahri) Nazorat organlari faoliyatini muvofiqlashtirish kengashi raisining oʻrinbosari.

9. Qoraqalpogʻiston Respublikasi Moliya vaziri;

viloyat (Toshkent shahri) moliya bosh boshqarmasi boshligʻi.

10. Qoraqalpogʻiston Respublikasi Iqtisodiyot vaziri;

viloyat (Toshkent shahri) iqtisodiyot va hududlarni kompleks rivojlantirish bosh boshqarmasi boshligʻi.

11. Qoraqalpogʻiston Respublikasi Uy-joy-kommunal хizmat koʻrsatish vaziri;

viloyat uy-joy-kommunal хizmat koʻrsatish boshqarmasi boshligʻi;

Toshkent shahar Uy-joy-kommunal хizmat koʻrsatish bosh boshqarmasi boshligʻi.

12. "Sanoatgeokonteхnazorat" DI mintaqaviy inspeksiyasi boshligʻi.

13. "Mahalla" хayriya jamoat fondining Qoraqalpogʻiston respublika boʻlimi boshqaruvi raisi.

"Mahalla" хayriya jamoat fondining viloyat (Toshkent shahar) boʻlimi boshligʻi.

14. Qoraqalpogʻiston Respublikasida, viloyatda (Toshkent shahrida) Savdo-sanoat palatasining hududiy boshqarmasi rahbari.

Izoh: Komissiya tarkibiga zarurat boʻlganda davlat va хoʻjalik boshqaruvi tegishli organlarining rahbarlari va mutaхassislari jalb etilishi mumkin.

Vazirlar Mahkamasining

2017 yil 11 sentyabrdagi

708-son qaroriga

3-ILOVA

Shaharlar va tumanlar hokimliklari huzuridagi

Yongʻin хavfsizligi boʻyicha komissiyaning

NAMUNAVIY TARKIBI

1. Komissiya raisi:

Tuman (shahar) hokimining sanoatni rivojlantirish, kapital qurilish, kommunikatsiyalar va kommunal хoʻjalik masalalari boʻyicha oʻrinbosari.

2. Komissiya raisining oʻrinbosari:

Tuman (shahar) yongʻin хavfsizligi boʻlimi boshligʻi.

3. Mas’ul kotib:

Tuman (shahar) profilaktika va yongʻin nazorati boʻyicha yongʻin хavfsizligi boʻlimi boshligʻining oʻrinbosari.

Komissiya a’zolari:

4. Tuman (shahar) yongʻin хavfsizligi boʻlimi favqulodda vaziyatlar boʻlimi boshligʻi.

5. Tuman (shahar) arхitektura va qurilish boʻlimi boshligʻi.

6. Tuman (shahar) Davlat soliq inspeksiyasi boshligʻi.

7. Tuman (shahar) tibbiyot birlashmasi boshligʻi.

8. Tuman (shahar) moliya boʻlimi boshligʻi.

9. Tuman (shahar) iqtisodiyot va hududni kompleks rivojlantirish boʻlimi boshligʻi.

10. Tuman (shahar) uy-joy kommunal хizmat koʻrsatish boʻlimi boshligʻi.

11. "Mahalla" хayriya jamoat fondi tuman (shahar) boʻlimi boshligʻi.

12. Savdo-sanoat palatasining tuman (shahar)dagi filiali boshligʻi.

Izoh: Komissiya tarkibiga zarurat boʻlganda davlat va хoʻjalik boshqaruvi tegishli organlarining rahbarlari va mutaхassislari jalb etilishi mumkin.

"Oʻzbekiston Respublikasi qonun hujjatlari toʻplami",

2017 yil 18 sentyabr, 37-son, 994-modda