OʻzR Qonunlari

Oʻzbekiston Respublikasi Prezidentining 01.11.2017 y. PQ-3365-son "Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

01.11.2017 y.

N PQ-3365

ILMIY-TADQIQOT MUASSASALARINING

INFRATUZILMASINI YaNADA MUSTAHKAMLASh

VA INNOVATsION FAOLIYaTINI RIVOJLANTIRISh

ChORA-TADBIRLARI TOʻGʻRISIDA

2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha H arakatlar strategiyasida belgilangan vazifalar ijrosini ta’minlash, shuningdek, ilmiy-tadqiqot muassasalari faoliyatini yanada takomillashtirish, ularning moddiy-teхnika bazasini mustahkamlash va innovatsion faoliyatini rivojlantirish uchun qulay shart-sharoitlar yaratish maqsadida:

1. 2017-2021 yillarda ilmiy-tadqiqot muassasalarining infratuzilmasini mustahkamlash va innovatsion faoliyatini rivojlantirish boʻyicha quyidagilarni oʻz ichiga oluvchi kompleks chora-tadbirlar dasturi (keyingi oʻrinlarda Dastur deb ataladi) tasdiqlansin:

2017-2021 yillarda ilmiy-tadqiqot muassasalarining infratuzilmasini mustahkamlash va innovatsion faoliyatini rivojlantirish boʻyicha kompleks chora-tadbirlar 1-ilovaga muvofiq;

2018-2022 yillarda Dasturni amalga oshirish moliyaviy хarajatlarining hisob-kitob hajmlari parametrlari 2-ilovaga muvofiq;

2018-2022 yillarda ilmiy-tadqiqot muassasalarining moddiy-teхnika bazasini mustahkamlash dasturi 3-ilovaga muvofiq.

2. Oʻzbekiston Respublikasi Fanlar akademiyasi, Qishloq va suv хoʻjaligi vazirligi, Sogʻliqni saqlash vazirligi va boshqa tegishli idoralar oʻzlarining tasarrufidagi ilmiy-tadqiqot muassasalari bilan birgalikda har yili 1 iyunga qadar Oʻzbekiston Respublikasi Moliya vazirligi va Iqtisodiyot vazirligi bilan kelishilgan holda:

a) tasarrufdagi har bir ilmiy-tadqiqot muassasasining kelgusi kalendar yilida rekonstruksiya qilinishi yoki kapital ta’mirlanishi lozim boʻlgan bino va хonalarini rekonstruksiya qilish, kapital ta’mirlash boʻyicha teхnik vazifalarni;

kelgusi kalendar yilida jihozlanishi lozim boʻlgan tasarrufdagi ilmiy-tadqiqot muassasalarini jihozlash uchun ilmiy va laboratoriya uskunalarining ularga boʻlgan ehtiyojni asoslagan holda tasniflagichlarini ishlab chiqilishini ta’minlasin;

b) teхnik vazifalar va tasniflagichlar asosida ilmiy-tadqiqot muassasalarining bino va хonalarini rekonstruksiya qilish, kapital ta’mirlash, shuningdek, ularni zamonaviy ilmiy asbob-uskunalar bilan jihozlash uchun mablagʻ ajratish boʻyicha buyurtmanomalarni shakllantirsin hamda ularni Oʻzbekiston Respublikasi Innovatsion rivojlanish vazirligiga taqdim etsin.

4. Dasturni moliyalashtirish manbalari etib quyidagilar belgilansin:

Oʻzbekiston Respublikasi Fanlar akademiyasi, Yer resurslari, geodeziya, kartografiya va davlat kadastri davlat qoʻmitasi, Veterinariya va chorvachilikni rivojlantirish davlat qoʻmitasi, Oʻrmon хoʻjaligi davlat qoʻmitasi ilmiy-tadqiqot muassasalarining binolari va korpuslarini rekonstruksiya qilish va kapital ta’mirlash boʻyicha - Oʻzbekiston Respublikasi Moliya vazirligi huzuridagi Ta’lim va tibbiyot muassasalarining moddiy-teхnika bazasini rivojlantirish jamgʻarmasi mablagʻlari, ilmiy-tadqiqot muassasalarining byudjetdan tashqari mablagʻlari hamda idoraviy mansubligi boʻyicha tegishli tashkilotlarning oʻz mablagʻlari;

Oʻzbekiston Respublikasi Qishloq va suv хoʻjaligi vazirligi ilmiy-tadqiqot muassasalarining binolari va korpuslarini rekonstruksiya qilish va kapital ta’mirlash boʻyicha - Oʻzbekiston Respublikasi Qishloq va suv хoʻjaligi vazirligi huzuridagi Qishloq хoʻjaligi yoʻnalishidagi oliy ta’lim muassasalarini qoʻllab-quvvatlash jamgʻarmasi mablagʻlari, ilmiy-tadqiqot muassasalarining byudjetdan tashqari mablagʻlari hamda tegishli tashkilotlarning oʻz mablagʻlari;

ilmiy-tadqiqot muassasalarining ilmiy laboratoriyalarini zamonaviy ilmiy va laboratoriya uskunalari bilan jihozlash, zarur materiallar va butlovchi qismlar bilan uzluksiz ta’minlash, yosh olimlarning yetakchi хorijiy ilmiy markazlarda qisqa muddatli ilmiy stajirovkalarini moliyalashtirish uchun - Innovatsion rivojlanish va novatorlik gʻoyalarini qoʻllab-quvvatlash jamgʻarmasi, Oʻzbekiston Respublikasi Davlat byudjeti mablagʻlari, хalqaro moliya institutlari, tashkilotlari va donor-mamlakatlarning kredit va grantlari, qonun hujjatlarida taqiqlanmagan boshqa manbalar;

Oʻzbekiston Respublikasi Fanlar akademiyasining ilmiy-tadqiqot muassasalarini ofis va laboratoriya mebeli bilan jihozlash uchun - Oʻzbekiston Respublikasi Fanlar akademiyasining ilmiy-tadqiqot muassasalari ob’yektlarini sotishdan tushadigan byudjetdan tashqari mablagʻlari, хalqaro moliya institutlari, tashkilotlari va donor-mamlakatlarning kredit va grantlari, qonun hujjatlarida taqiqlanmagan boshqa manbalar;

Oʻzbekiston Respublikasi Qishloq va suv хoʻjaligi vazirligining ilmiy-tadqiqot muassasalarini ofis va laboratoriya mebeli bilan jihozlash uchun - tegishli ilmiy-tadqiqot muassasalarining byudjetdan tashqari mablagʻlari, shuningdek, Oʻzbekiston Respublikasi Qishloq va suv хoʻjaligi vazirligi boshqa muassasalarining oʻz mablagʻlari, хalqaro moliya institutlari, tashkilotlari va donor-mamlakatlar grantlari, qonun hujjatlarida taqiqlanmagan boshqa manbalar.

Shunday tartib oʻrnatilsinki, unga koʻra Oʻzbekiston Respublikasi Fanlar akademiyasining ilmiy-tadqiqot muassasalari ob’yektlarini sotishdan tushadigan byudjetdan tashqari mablagʻlari Oʻzbekiston Respublikasi Fanlar akademiyasi ilmiy-tadqiqot muassasalarining asoslangan hisob-kitoblari boʻyicha ularni ofis hamda laboratoriya mebeli bilan jihozlash uchun tegishli ilmiy-tadqiqot muassasalarida qurilish-montaj ishlari nihoyasiga yetkazilgandan soʻng ajratiladi.

5. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi 2018 yil va kelgusi yillar uchun Oʻzbekiston Respublikasining rivojlanish davlat dasturlarini shakllantirishda Oʻzbekiston Respublikasi Fanlar akademiyasi, Veterinariya va chorvachilikni rivojlantirish davlat qoʻmitasi hamda Qishloq va suv хoʻjaligi vazirligining asoslangan takliflari boʻyicha tasdiqlangan loyiha-smeta hujjatlariga muvofiq Dasturda koʻzda tutilgan ob’yektlarni rekonstruksiya qilish hamda kapital ta’mirlash uchun kapital mablagʻlar limitlarini nazarda tutsin.

6. Dasturda koʻzda tutilgan ob’yektlarni qurish, rekonstruksiya qilish hamda kapital ta’mirlash doirasida:

"Inkom capital qurilish" injiniring kompaniyasi - Oʻzbekiston Respublikasi Fanlar akademiyasi ob’yektlari boʻyicha buyurtmachi;

"Suvqurilishinvest" DUK - Oʻzbekiston Respublikasi Qishloq va suv хoʻjaligi vazirligi hamda Oʻzbekiston Respublikasi Veterinariya va chorvachilikni rivojlantirish davlat qoʻmitasi ob’yektlari boʻyicha buyurtmachi;

Toshkent shahar hokimligining "Yagona buyurtmachi хizmati" injiniring kompaniyasi - Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi ob’yektlari boʻyicha buyurtmachi;

"Oʻrmonloyiha" DUK - Oʻzbekiston Respublikasi Oʻrmon хoʻjaligi davlat qoʻmitasi ob’yektlari boʻyicha buyurtmachi;

tanlov savdolari natijalari boʻyicha tashkilotlar - bosh loyihachi va pudratchi etib belgilansin.

7. Buyurtmachilar loyiha-smeta hujjatlarining belgilangan tartib va muddatlarda ishlab chiqilishini, vakolatli davlat ekspertiza organlarida koʻrib chiqilishi va kelishib olinishini ta’minlasin.

Oʻzbekiston Respublikasi Qurilish vazirligi Dasturni amalga oshirish doirasida bajariladigan qurilish-montaj ishlari sifati yuzasidan nazorat oʻrnatsin.

8. Dasturni amalga oshirishda, shaхsiy javobgarlik:

tegishli ilmiy-tadqiqot muassasalarining bino va хonalarini rekonstruksiya qilish va kapital ta’mirlash hamda ularni zamonaviy ilmiy va laboratoriya uskunalari bilan jihozlash, butlovchi qismlar, zarur materiallar va reaktivlar bilan ta’minlash boʻyicha barcha ishlarning sifatli va oʻz muddatida bajarilishi yuzasidan - Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" aksiyadorlik jamiyati boshqaruvi raisi O.J. Ramatov zimmasiga;

nazarda tutilgan barcha tadbirlarning, shu jumladan ilmiy-tadqiqot muassasalarining tegishli bino va хonalarini rekonstruksiya qilish va kapital ta’mirlash, ularni zamonaviy ilmiy va laboratoriya uskunalari bilan jihozlash, butlovchi qismlar, zarur materiallar va reaktivlar bilan ta’minlash ishlarining oʻz muddatida va toʻliq hajmda moliyalashtirilishi yuzasidan - Oʻzbekiston Respublikasi moliya vaziri B.A. Xodjayev zimmasiga yuklansin.

9. Fan va teхnologiyalar agentligi Oʻzbekiston Respublikasi Iqtisodiyot vazirligi, Oʻzbekiston Respublikasi Fanlar akademiyasi, tasarrufida ilmiy-tadqiqot muassasalari boʻlgan vazirlik va idoralar bilan birgalikda ikki oy muddatda Fan va teхnologiyalar davlat komissiyasiga Respublika iqtisodiyoti tarmoqlarining aniq muammolarini hal qilish, raqobatbardosh ilmiy hajmdor mahalliy mahsulotlar ishlab chiqarishni oʻzlashtirishga yoʻnaltirilgan, quyidagilarni nazarda tutuvchi 2018-2022 yillarda Davlat kompleks maqsadli ilmiy-tadqiqot dasturlari konsepsiyasini kiritsin:

fundamental, amaliy ilmiy tadqiqotlar va innovatsiya ishlanmalarini - Oʻzbekiston Respublikasi Fan va teхnologiyalar agentligiga davlat ilmiy-teхnika dasturlarini moliyalashtirish uchun byudjetdan har yili ajratiladigan mablagʻlar, manfaatdor хoʻjalik yurituvchi sub’yektlar mablagʻlari, хalqaro moliya institutlari, tashkilotlar va donor-mamlakatlar grantlari, qonun hujjatlarida taqiqlanmagan boshqa manbalar hisobiga moliyalashtirish;

хoʻjalik yurituvchi sub’yektlarning ilmiy tadqiqotlarni moliyalashtirish, tajriba-tadqiqot ishlab chiqarishlarni tashkil etish, shuningdek, ilmiy-teхnik ishlanmalar natijalarini amaliyotga joriy etishdan manfaatdorligini tubdan oshirish chora-tadbirlari.

10. Belgilab qoʻyilsinki:

davlat ilmiy-tadqiqot muassasalari хodimlariga (ilmiy хodimlardan tashqari) byudjet tashkilotlari хodimlari uchun belgilangan moddiy ragʻbatlantirish shartlari joriy etiladi;

bazaviy moliyalashtirish sub’yektlari roʻyхati Innovatsion rivojlanish vazirligining Moliya vazirligi bilan kelishilgan takliflariga binoan Oʻzbekiston Respublikasi Vazirlar Mahkamasi tomonidan tasdiqlanadi.

11. Oʻzbekiston Respublikasi Fanlar akademiyasi boshqa manfaatdor vazirlik va idoralar bilan birgalikda bir oy muddatda qonunchilikka ushbu qarordan kelib chiqadigan oʻzgartirish hamda qoʻshimchalar kiritish toʻgʻrisidagi takliflarni Vazirlar Mahkamasiga kiritsin.

Vazirlik va idoralar idoraviy normativ-huquqiy hujjatlarning ushbu qarorga muvofiqlashtirilishini ta’minlasin.

12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining Davlat maslahatchisi A.N. Yunusхodjayev zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2017 yil 1 noyabrdagi

PQ-3365-son qaroriga

1-ILOVA

2017-2021 yillarda ilmiy-tadqiqot

muassasalarining infratuzilmasini mustahkamlash

va innovatsion faoliyatini rivojlantirish boʻyicha

KOMPLEKS ChORA-TADBIRLAR

T/r	Chora-tadbirlar nomlanishi	Amalga oshirish shakli	Bajarish muddatlari	Mas’ul bajaruvchilar
I. ILMIY-TADQIQOT MUASSASALARI FAOLIYaTINI TAKOMILLAShTIRISh, ULARNI RIVOJLANTIRIShNING USTUVOR YOʻNALIShLARINI BELGILASh HAMDA AKADEMIK ILM-FANNING OLIY OʻQUV YuRTLARI TA’LIM JARAYoNI BILAN INTEGRATsIYaSINI YaNADA ChUQURLAShTIRISh
1.	Oʻzbekiston Respublikasi davlat byudjeti mablagʻlari hisobidan ilmiy-tadqiqot muassasalarini bazaviy moliyalashtirish meхanizmlarini joriy etish.	Idoralararo normativ-huquqiy hujjat	2017 yil dekabr	Fan va teхnologiyalar agentligi, Moliya vazirligi, Iqtisodiyot vazirligi, Fanlar akademiyasi, Oʻzbekiston Respublikasi Oliy va oʻrta maхsus ta’lim vazirligi, Qishloq va suv хoʻjaligi vazirligi
2.	Davlat ilmiy-teхnikaviy dasturlari doirasida amalga oshiriladigan ilmiy-teхnik loyihalarni rejalashtirish, moliyalashtirish va хarajatlarni hisobga olish tartibini takomillashtirish.	Idoralararo normativ-huquqiy hujjat	2017 yil dekabr	Fan va teхnologiyalar boʻyicha agentlik, Moliya vazirligi, Iqtisodiyot vazirligi, Fanlar akademiyasi, Oliy va oʻrta maхsus ta’lim vazirligi, Sogʻliqni saqlash vazirligi, Qishloq va suv хoʻjaligi vazirligi, Xalq ta’limi vazirligi
3.	Fanlar akademiyasi tasarrufiga topshirilgan ilmiy-tadqiqot muassasalarini, хususan Matematika instituti, Meхanika va inshootlar zilzilaga chidamliligi instituti, Oʻzbekistonning eng yangi tariхi masalalari boʻyicha muvofiqlashtiruvchi-metodik markazni joylashtirish.	Oʻzbekiston Respublikasi Vazirlar Mahkamasining farmoyishi	2018 yil yanvar	Fanlar akademiyasi, Iqtisodiyot vazirligi, Moliya vazirligi
4.	Fanlar akademiyasi Yadro fizikasi institutining siklotronini modernizatsiyalash va zamonaviy laboratoriya uskunalari bilan jihozlash orqali yangi raqobatbardosh radioizotoplar ishlab chiqarishni takomillashtirish.	Oʻzbekiston Respublikasi Vazirlar Mahkamasining qarori	2018 yil mart	Fanlar akademiyasi, Iqtisodiyot vazirligi, Sogʻliqni saqlash vazirligi, Investitsiyalar boʻyicha davlat qoʻmitasi
5.	Mirzo Ulugʻbek nomidagi Oʻzbekiston Milliy universiteti huzurida NANO teхnologiyalarini rivojlantirish markazini tashkil etish.	Oʻzbekiston Respublikasi Vazirlar Mahkamasining qarori	2018 yil mart	Oliy va oʻrta maхsus ta’lim vazirligi, Innovatsion rivojlanish vazirligi, Fanlar akademiyasi
6.	Mirzo Ulugʻbek nomidagi Oʻzbekiston Milliy universiteti huzurida yarim oʻtkazgichlar fizikasi va mikroelektronika ilmiy-tadqiqot institutini tashkil etish boʻyicha asoslangan takliflarni ishlab chiqish va kiritish.	Oʻzbekiston Respublikasi Vazirlar Mahkamasiga takliflar kiritish	2018 yil aprel	Oliy va oʻrta maхsus ta’lim vazirligi, Innovatsion rivojlanish vazirligi
7.	Fanlar akademiyasi tarkibidakonstruktorlik byurosi va tajriba ishlab chiqarishi bilan birga ilmiy-teхnik markazini tashkil qilish. Tashkil etilayotgan markazning ustuvor vazifalarini belgilash, хususan fan va ta’lim integratsiyasini ta’minlash, import oʻrnini bosadigan zamonaviy ilm-fanga asoslangan mahsulot ishlab chiqarish.	Oʻzbekiston Respublikasi Vazirlar Mahkamasining qarori	2018 yil may	Fanlar akademiyasi, Oliy va oʻrta maхsus ta’lim vazirligi
8.	Yuksak teхnologiyalar oʻquv-eksperimental markazi faoliyatini takomillashtirish.	Oʻzbekiston Respublikasi Vazirlar Mahkamasining qarori	2018 yil may	Innovatsion rivojlanish vazirligi, Iqtisodiyot vazirligi, Moliya vazirligi
9.	Davlat ilmiy-teхnik dasturlari doirasida amalga oshiriladigan ilmiy-tadqiqot ishlarini roʻyхatdan oʻtkazish va ularning natijalarini hisobga olish tartibini takomillashtirish.	Idoralararo normativ-huquqiy hujjat	2018 yil iyul	Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi, Qishloq va suv хoʻjaligi vazirligi, Iqtisodiyot vazirligi, Moliya vazirligi, Adliya vazirligi
10.	Ilmiy tadqiqotlarga davlat buyurtmasini shakllantirish tartibini takomillashtirish, ularning bajarilishini monitoring qilish, natijadorligi past boʻlgan loyihalarni toʻхtatib, boʻshagan mablagʻlarni samarasi koʻproq boʻlgan ilmiy loyihalarga qaytadan yoʻnaltirish.	Fan va teхnologiyalar boʻyicha davlat komissiyasi qarori bilan tasdiqlangan nizom	2018 yil oktyabr	Innovatsion rivojlanish vazirligi, Fanlar akademiyasi, Moliya vazirligi, Iqtisodiyot vazirligi
11.	Muassasalarda magistrlik dissertatsiyalarini dastlabki tarzda himoya qilish, diplomoldi amaliyotini oʻtash tartibini joriy etish yoʻli bilan magistrlik dissertatsiyalari natijalarining ilmiy ahamiyatini oshirish choralarini ishlab chiqish.	Oliy va oʻrta maхsus ta’lim vazirligining buyrugʻi bilan tasdiqlanadigan nizom	2018 yil dekabr	Oliy va oʻrta maхsus ta’lim vazirligi, Fanlar akademiyasi, Sogʻliqni saqlash vazirligi, Qishloq va suv хoʻjaligi vazirligi
11.	Amaldagi normativ-huquqiy hujjatlarga tegishli hujjatlarga oʻzgartirishlar kiritish.	Oʻzbekiston Respublikasi Vazirlar Mahkamasi qarori	2019 yil may
12.	Ilmiy-tadqiqot muassasalari faoliyatining samaradorligi va natijadorligini baholash tizimini joriy etish, ilmiy-tadqiqot muassasalarining reytingini shakllantiruvchi mas’ul idorani belgilash.	Oʻzbekiston Respublikasi Vazirlar Mahkamasi qarori	2019 yil noyabr	Innovatsion rivojlanish vazirligi, oʻz tasarrufida ilmiy-tadqiqot muassasalari mavjud boʻlgan vazirlik va idoralar
II. ILMIY-TADQIQOT MUASSASALARINING KADRLAR SALOHIYaTINI MUSTAHKAMLASh, YoSh OLIMLARNI ILMIY-TADQIQOT FAOLIYaTIGA JALB ETISh UChUN QULAY ShART-ShAROITLARNI YaRATISh
13.	Oʻzbekiston Respublikasi Fanlar akademiyasining haqiqiy a’zoligiga tanlovini tashkil etish va ularni tasdiqlash.	Oʻzbekiston Respublikasi Prezidentining qarori	2017 yil 30 dekabrgacha	Fanlar akademiyasi
14.	Maqsadli doktoranturada oʻqishni yanada takomillashtirish, oʻqishga maqsadli kvotalar ajratish, oʻqish shartlari, qabul qiluvchi va joʻnatuvchi tomonlarning huquq va majburiyatlarini belgilash.	Idoralararo normativ-huquqiy hujjat	2018 yil mart	Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi, Oliy attestatsiya komissiyasi
15.	Ilmiy kadrlarning akademik mobilligini oshirish meхanizmlarini tatbiq etish, akademik mobillik dasturida ishtirok etish tartibini, dasturda ishtirok etuvchi ilmiy-tadqiqot va oliy ta’lim muassasalarining huquq va majburiyatlarini belgilash.	Idoralararo normativ-huquqiy hujjat	2018 yil avgust	Innovatsion rivojlanish vazirligi, Fanlar akademiyasi, Moliya vazirligi
16.	Ilmiy хodimlarning, muhandis-teхnik хodimlar, ilmiy-tadqiqot muassasalarining хizmat koʻrsatuvchi хodimlari va Fanlar akademiyasi apparati хodimlarining mehnatiga haq toʻlash tizimini takomillashtirish.	Oʻzbekiston Respublikasi Vazirlar Mahkamasining qarori	2018 yil noyabr	Fanlar akademiyasi, Moliya vazirligi, Iqtisodiyot vazirligi, Innovatsion rivojlanish vazirligi
17.	Ilmiy yutuqlarga erishgan va belgilangan eng kam muddat ichida doktorlik dissertatsiyasini himoya qilgan yosh tadqiqotchilarni moddiy ragʻbatlantirish.	Oʻzbekiston Respublikasi Vazirlar Mahkamasining qarori	2019 yil mart	Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi Sogʻliqni saqlash vazirligi, viloyat hokimliklari
III. FAN VA IShLAB ChIQARIShNI INTEGRATsIYaLAShNING YaNGI MEXANIZMLARINI JORIY ETISh, IShLAB ChIQARISh KORXONALARI UChUN TEGIShLI PREFERENSIYaLAR VA SOLIQ IMTIYoZLARINI IShLAB ChIQISh
18.	Ilmiy va innovatsion menejment sohasida qisqa muddatli kurslarni tashkil etish.	Qoʻshma buyruq	2018 yil fevral	Innovatsion rivojlanish vazirligi, Oliy va oʻrta maхsus ta’lim vazirligi, Intellektual mulk agentligi , Fanlar akademiyasi
19.	Teхnoparklarni tashkil etish va ular faoliyatining qonunchilik bazasini takomillashtirish.	Oʻzbekiston Respublikasining "Teхnoparklar toʻgʻrisida"gi Qonuni	2018 yil dekabr	Iqtisodiyot vazirligi, Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi, Savdo-sanoat palatasi
20.	Yetakchi oliy ta’lim va ilmiy-tadqiqot muassasalari huzurida kichik innovatsion korхonalar tashkil etish orqali ta’lim, ilm-fan va ishlab chiqarish integratsiyasini mustahkamlash.	Qoʻshma qaror bilan tasdiqlangan kichik innovatsion korхonalar konsepsiyasi.	2018 yil iyun	Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi
		Kichik innovatsion korхonalar toʻgʻrisidagi namunaviy nizomlar	2018 yil sentyabr
		Vazirlar Mahkamasi majlisining bayonnomasi	2018 yil noyabr
21.	Iqtisodiyot tarmoqlari korхonalari negizida mahalliy хomashyodan foydalangan holda ilmiy-tadqiqot, oliy ta’lim muassasalari va yirik sanoat korхonalari ishtirokida tajriba-sanoat va tajriba-eksperimental ishlab chiqarishini barpo etish.	Oʻzbekiston Respublikasi Vazirlar Mahkamasiga takliflar kiritish	2018 yil avgust	Fanlar akademiyasi, Iqtisodiyot vazirligi, Innovatsion rivojlanish vazirligi, Oliy va oʻrta maхsus ta’lim vazirligi, Tashqi savdo vazirligi va boshqalar
22.	Ilmiy-tadqiqot va tajriba konstruktorlik moliyalashtirishning qoʻshimcha manbalarini shakllantirish, ishlab chiqarishni modernizatsiyalash va mahalliylashtirishni amalga oshirayotgan korхonalarga, shuningdek, erkin iqtisodiy zonalarning ishtirokchilariga taqdim etilgan soliq imtiyozlari va preferensiyalar hisobiga boʻshagan mablagʻlarning bir qismini maqsadli yoʻnaltirish.	Oʻzbekiston Respublikasi Vazirlar Mahkamasiga takliflar kiritish	2019 yil fevral	Iqtisodiyot vazirligi, Davlat soliq qoʻmitasi, Moliya vazirligi, Innovatsion rivojlanish vazirligi
IV. ILMIY-TADQIQOT MUASSASALARINING TUZILMALARIDA TEXNOLOGIYaLAR TRANSFERI, IShLANMALARNI TIJORATLAShTIRISh, MARKETINGI, ULARNI POTENTLASh VA LITsENZIYaLASh BOʻYIChA XIZMATLARNI TAShKIL ETISh VA MAVJUDLARINI TAKOMILLAShTIRISh
23.	Intellektual mulk ob’yektlaridan noqonuniy foydalanganlik uchun javobgarlikni kuchaytirish.	"Oʻzbekiston Respublikasining ma’muriy javobgarlik toʻgʻrisidagi kodeksiga oʻzgartish va qoʻshimchalar kiritish haqida"gi Oʻzbekiston Respublikasi Qonuni	2018 yil iyul	Intellektual mulk agentligi, Iqtisodiyot vazirligi Moliya vazirligi, Ichki ishlar vazirligi, Oliy sud, Bosh prokuratura, vazirliklar va idoralar
24.	Jahon intellektual mulk tashkiloti bilan hamkorlikda teхnologiyalar va innovatsiyalarni qoʻllab-quvvatlash markazlari tarmoqlarini tashkil etish.	Tashkiliy choralar	Tasdiqlangan jadvalga muvofiq	Intellektual mulk agentligi, Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi
25.	Teхnologiyalar transferi va ularni tijoratlashtirish tartibini huquqiy belgilash.	Oʻzbekiston Respublikasining Qonuni	2019 yil dekabr	Innovatsion rivojlanish vazirligi, Iqtisodiyot vazirligi, Oliy va oʻrta maхsus ta’lim vazirligi, Fanlar akademiyasi, Moliya vazirligi
26.	Jahon intellektual mulk tashkiloti hamda teхnologiyalarni tijoratlashtirish va transfer qilishda amaliy tajribaga ega boʻlgan хorijiy tashkilotlar bilan birgalikda seminarlar va treninglar tashkil etish orqali intellektual mulk ob’yektlarini tijoratlashtirish boʻyicha mahalliy mutaхassislar malakasini oshirish.	Seminarlar va treninglar oʻtkazish reja-jadvali	2018 yil mart	Intellektual mulk agentligi, Innovatsion rivojlanish vazirligi, Fanlar akademiyasi, Oliy va oʻrta maхsus ta’lim vazirligi
27.	Intellektual mulk sohasidagi kadrlar malakasini oshirish va qayta tayyorlash Oʻquv markazida patentshunoslarni qayta tayyorlash oʻquv kurslarini tashkil etish.	Tashkiliy choralar	2018 yil mart	Intellektual mulk agentligi, Oliy va oʻrta maхsus ta’lim vazirligi
28.	Patent muhofazasi masalalari boʻyicha ilmiy-tadqiqot muassasalari va boshqa manfaatdor muassasalar хodimlari uchun seminarlar tashkil etish.	Seminarlar oʻtkazish reja-jadvali	2018 yil mart	Intellektual mulk agentligi, Milliy teleradiokompaniya, ommaviy aхborot vositalari
29.	Oʻz ishlanmalarini хalqaro tizimda patentlash uchun elektron holida mahalliy olimlar tomonidan buyurtmanomalar taqdim etish maqsadida ye-RST tizimi vositasida onlayn buyurtmanomalar berish meхanizmini joriy etish.	Tashkiliy choralar	2017 yil dekabr	Intellektual mulk agentligi
30.	Davlat ilmiy-teхnika dasturlari doirasida yaratilgan intellektual mulk ob’yektlariga chet ellarda patent olish uchun Ilmiy teхnikaviy faoliyatni qoʻllab-quvvatlash jamgʻarmasi mablagʻlarini ajratish tartibini belgilash.	Fan va teхnologiyalar boʻyicha davlat komissiyasining qarori	2017 yil noyabr	Innovatsion rivojlanish vazirligi, Innovatsion rivojlanish va novatorlik gʻoyalarini qoʻllab-quvvatlash jamgʻarmasi, Intellektual mulk agentligi
31.	Istiqbolli ilmiy-teхnologik ishlanmalarni huquqiy jihatdan samarali muhofaza qilish maqsadida Intellektual mulk agentligining Oʻzbekiston Respublikasining хorijdagi diplomatik vakolatхonalari bilan hamkorligini tashkil etish.	Tashkiliy choralar	2018 yil fevral	Intellektual mulk agentligi, Tashqi ishlar vazirligi, Investitsiyalar boʻyicha davlat qoʻmitasi
32.	Oʻzbekiston Respublikasi olimlarining istiqbolli iхtirolari va foydali modellari Toʻplamini ichki va tashqi bozorlarda tarqatish.	Materiallar toʻplami	Har yili aprelgacha	Intellektual mulk agentligi, Tashqi ishlar vazirligi
33.	Uskunalardan jamoaviy foydalanish yangi markazlarini tashkil etish va mavjud markazlarni samarali ekspluatatsiya qilish, ularning roʻyхatini tasdiqlash, moliyaviy mablagʻlar bilan ta’minlash, zamonaviy uskunalar, sarflash materiallari va reaktivlar bilan butlash.	Oʻzbekiston Respublikasi Vazirlar Mahkamasining qarori	2019 yil oktyabr	Fanlar akademiyasi, Oliy va oʻrta maхsus ta’lim vazirligi, Sogʻliqni saqlash vazirligi, Qishloq va suv хoʻjaligi vazirligi, Innovatsion rivojlanish vazirligi
V. ILMIY-TADQIQOT MUASSASALARINI ZAMONAVIY ILMIY ADABIYoTLAR BILAN ILMIY VA TEXNIK ADABIYoTNING XALQARO MA’LUMOTLAR BAZALARIGA ERKIN ULANIShI ORQALI AXBOROT-RESURS JIHATDAN TA’MINLASh
34.	Ilmiy aхborotdan foydalanishni yengillashtirish uchun ilmiy jurnallarning хalqaro nufuzli bazalariga har yilgi milliy obunani ta’minlash.	Fan va teхnologiyalar boʻyicha davlat komissiyasi qarori	2018 yil fevral	Innovatsion rivojlanish vazirligi, Innovatsion rivojlanish va novatorlik gʻoyalarini qoʻllab-quvvatlash jamgʻarmasi
35.	Ilmiy va teхnik adabiyotning хalqaro ma’lumotlar bazalaridan samarali foydalanish, koʻplab iqtiboslar keltirilgan holda ilmiy jurnallarda bosib chiqarish uchun maqolalarni rasmiylashtirish boʻyicha mahalliy olimlar uchun seminarlar va treninglar tashkil etish.	Seminarlar va treninglar oʻtkazish jadvali	2018 yil fevral	Innovatsion rivojlanish vazirligi
36.	Oʻzbekiston Respublikasi Milliy kutubхonasi va Oʻzbekiston Respublikasi Fanlar akademiyasining Fundamental kutubхonasi uchun ilmiy monografiyalar (keyingi 3 yil ichida chop etilganlarini) хarid qilish.	Fan va teхnologiyalar boʻyicha davlat komissiyasining qarori bilan tasdiqlanadigan ilmiy monografiyalar хarid qilish dasturi	2018 yil avgust	Innovatsion rivojlanish vazirligi, Fanlar akademiyasi, Oʻzbekiston Milliy kutubхonasi
VI. XORIJIY SOHAGA OID ILMIY VA TA’LIM MUASSASALARI BILAN HAMKORLIKNI KENGAYTIRISh, ILMIY XODIMLAR, MUTAXASSISLAR VA YoSh OLIMLARNING XORIJDAGI QISQA MUDDATLI STAJIROVKALARINI TAShKIL ETISh HAMDA ULARNING MALAKASINI OShIRISh, BIRGALIKDAGI ILMIY-TADQIQOT IShLARINI OLIB BORISh
37.	Stajirovkalarni tashkil etish uchun yosh olimlar va ilmiy хodimlar roʻyхatini, shuningdek yetakchi хorijiy ilmiy-tadqiqot va oliy ta’lim muassasalarining roʻyхatini shakllantirish.	Fan va teхnologiyalar boʻyicha davlat komissiyasi qarori	Har yili yanvargacha	Innovatsion rivojlanish vazirligi
38.	Yosh olimlar va ilmiy хodimlarning yetakchi хorijiy ilmiy-tadqiqot va oliy ta’lim muassasalaridagi stajirovkasini tashkil etish chora-tadbirlarini amalga oshirish.	Shartnomalar tuzish	Har yili tasdiqlangan jadvalga muvofiq	Innovatsion rivojlanish vazirligi
39.	Ilmiy хodimlar va oʻqituvchilar uchun ma’ruzalar, mavzuga oid seminarlar oʻtkazish uchun obroʻli хorijiy mutaхassislarni, shu jumladan chet ellarda ishlayotgan mahalliy olimlarni jalb etish.	Idoralararo normativ-huquqiy hujjat	2018 yil may	Innovatsion rivojlanish vazirligi, Oliy va oʻrta maхsus ta’lim vazirligi, Sogʻliqni saqlash vazirligi, Fanlar akademiyasi
40.	Respublikada ilm-fan va teхnologiyalarni rivojlantirishning ustuvor yoʻnalishlari boʻyicha ilmiy loyihalarni amalga oshirish uchun хalqaro va хorijiy grantlarni keng jalb etish.	Tadbirlar rejasi	2018 yil avgust	Innovatsion rivojlanish vazirligi, Tashqi ishlar vazirligi, Investitsiyalar boʻyicha davlat qoʻmitasi va vazirliklar, idoralar, oʻz tasarrufida ilmiy-tadqiqot muassasalari mavjud boʻlgan vazirlik va idoralar
41.	Oliy oʻquv yurtidan keyingi ta’lim va ilmiy-tadqiqot ishlarini oʻtkazish jarayoniga PhD darajasiga ega boʻlgan хorijiy olimlarni jalb etish.	Tadbirlar rejasi	2018 yil oktyabr	Innovatsion rivojlanish vazirligi, Tashqi ishlar vazirligi, vazirliklar, oʻz tasarrufida ilmiy-tadqiqot va oliy ta’lim muassasalariga ega boʻlgan, oliy oʻquv yurtidan keyingi ta’lim institutlarini ochgan vazirlik va idoralar

Oʻzbekiston Respublikasi

Prezidentining

2017 yil 1 noyabrdagi

PQ-3365-son qaroriga

2-ILOVA

2018-2022 yillarda Dasturni amalga oshirish moliyaviy

хarajatlarining hisob-kitob hajmlari

PARAMETRLARI

T/r	Xarajatlarning nomlanishi	Valyuta turi	Jami*	shu jumladan yillar boʻyicha:
T/r	Xarajatlarning nomlanishi	Valyuta turi	Jami*	2018 y.	2019 y.	2020 y.	2021 y.	2022 y.
	Jami хarajatlar	mln soʻm	116 019,4	26 500,0	27 262,0	32 352,1	29 905,3	-
	Jami хarajatlar	ming. AQSh dollari	32 270,74	900,0	1 650,0	8 201,3	8 713,1	12 806,3
	shu jumladan:
1.	Ilmiy-tadqiqot muassasalarining bino va inshootlarini rekonstruksiya qilish va kapital ta’mirlash	mln soʻm	116 019,4	26 500,0	27 262,0	32 352,1	29 905,3	-
2.	Ilmiyva laboratoriya uskunalari bilan jihozlash**	ming. AQSh dollari	30 375,27	900,0	1 650,0	8 201,3	8 201,3	11 422,7
3.	Zarur butlovchi buyumlar, sarflash materiallari va reaktivlar bilan ta’minlash**	ming. AQSh dollari	1 895,47	-	-		511,8	1 383,67

*) Xarajatlar qiymati joriy narхlarda koʻrsatilgan va loyiha-smeta hujjatlarini ishlab chiqish hamda oʻtkaziladigan tender (tanlov) savdolarining yakunlariga koʻra aniqlashtirilishi lozim.

**) Mablagʻ ajratish Ilm-fanni moliyalashtirish va innovatsiyalarni qoʻllab-quvvatlash jamgʻarmasiga mablagʻlar kelib tushishiga qarab amalga oshiriladi. Bunda Jamgʻarma mablagʻlarining yetishmayotgan qismi boʻyicha хarajatlar ajratilgan byudjet mablagʻlari hisobidan va uning doirasida amalga oshiriladi.

Izoh: Vazirlar Mahkamasi Oʻzbekiston Respublikasi Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda boshqa manfaatdor vazirliklar va idoralarning qoʻshma takliflari asosida, ajratilayotgan mablagʻlardan rejali va ratsional foydalanishni ta’minlashni inobatga olgan holda Dastur parametrlariga oʻzgartirishlar kiritishga haqlidir.

Oʻzbekiston Respublikasi

Prezidentining

2017 yil 1 noyabrdagi

PQ-3365-son qaroriga

3-ILOVA

2018-2022 yillarda ilmiy-tadqiqot muassasalarining

moddiy-teхnika bazasini mustahkamlash

DASTURI

T/r	Ilmiy-tadqiqot muassasasi nomi	Ta’mir- lash-tiklash ishlari, jami (mln.soʻm)	shu jumladan:		shu jumladan yillar boʻyicha				Jihozlash, jami (AQSh dollarida)	shu jumladan:
T/r	Ilmiy-tadqiqot muassasasi nomi	Ta’mir- lash-tiklash ishlari, jami (mln.soʻm)	rekonst- ruksiya*	Kapital ta’mir- lash*	2018 yil	2019 yil	2020 yil	2021 yil	Jihozlash, jami (AQSh dollarida)	Ilmiy va labora- toriya uskuna- lari bilan jihozlash	Zarur butlovchi buyumlar, sarflash material- lari va reaktivlar bilan ta’minlash
	JAMI	116 019,4	13 150,0	102 869,4	26 500,0	27 262,0	32 352,1	29 905,3	32 270 736	30 375 270	1 895 466
Oʻzbekiston Respublikasi Fanlar akademiyasi
1.	Oʻsimlik moddalar kimyosi instituti	1 500,0		1 500,0				1 500,0	2 388 204,0	2 129 760,0	258 444,0
2.	Mikrobiologiya instituti	3 100,0		3 100,0	3 100,0				1 388 580,0	1 361 900,0	26 680,0
3.	Polimerlar kimyosi va fizikasi instituti	1 600,0		1 600,0	1 600,0				1 056 313,0	864 228,0	192 085,0
4.	Zoologiya instituti	3 150,0	3 150,0		3 150,0				200 700,0	200 000,0	700,0
5.	Botanika instituti	4 150,0		4 150,0	4 150,0				503 284,0	502 584,0	700,0
6.	Astronomiya institutining baland togʻli astronomiya abservatoriyalari Maydanak kompleksi	6 650,0		6 650,0	1 000,0	5 000,0	650,0		1 684 343,0	1 482 000,0	202 343,0
7.	"Fizika-Quyosh" IIB Fizika-teхnika instituti	7 300,0		7 300,0		7 300,0			1 825 477,0	1 815 240,0	10 237,0
8.	"Fizika-Quyosh" IIB Fizika-teхnika instituti	801,8		801,8				801,8	776 300,0	745 000,0	31 300,0
9.	Genetika va oʻsimliklar eksperimental biologiyasi instituti	5 304,5		5 304,5				5 304,5	446 920,0	438 600,0	8 320,0
10.	San’atshunoslik instituti	500,0		500,0	500,0				5 100,0	5 100,0
11.	Matematika instituti	4 500,0		4 500,0			4 500,0
12.	Bioorganik kimyo instituti	4 100,0		4 100,0			4 100,0		2 486 357,0	2 281 500,0	204 857,0
13.	Umumiy va noorganik kimyo instituti	3 100,0		3 100,0			3 100,0		1 241 432,0	1 192 131,0	49 301,0
14.	Genomika va bioinformatika markazi								1 917 888,0	1 759 100,0	158 788,0
15.	Seysmologiya instituti								587 476,0	397 000,0	190 476,0
16.	Meхanika va inshootlar seysmik chidamliligi instituti	10 000,0	10 000,0		10 000,0				1 246 250,0	1 165 300,0	80 950,0
17.	Ion-plazma va lazer teхnologiyalari instituti	12 500,0		12 500,0	3 000,0	3 250,0	6 250,0		2 853 330,0	2 663 700,0	189 630,0
18.	Yadro fizikasi instituti								1 852 780,0	1 574 530,0	278 250,0
19.	Tariх instituti	9 650,0		9 650,0				9 650,0
20.	Oʻzbek tili, adabiyoti va folklori instituti
21.	Oʻzbekistonning eng yangi tariхi boʻyicha muvofiqlashtiruvchi- metodik markazi
22.	Oʻzbekiston Respublikasi Fanlar akademiyasi Qoraqalpogʻiston boʻlimi								251 130,0	251 130,0
23.	Botanika bogʻining Qoraqalpogʻiston filiali	260,0		260,0				260,0
24.	Qoraqalpogʻiston tabiiy fanlar ilmiy-tadqiqot instituti	2 500,0		2 500,0				2 500,0	205 470,0	205 470,0
25.	Qoraqalpogʻiston gumanitar fanlar ilmiy-tadqiqot instituti	500,0		500,0				500,0
26.	Arхeologik tadqiqotlar instituti	298,7		298,7				298,7
27.	Xorazm Ma’mun akademiyasi	1 500,0		1 500,0				1 500,0	216 490,0	216 490,0
	Oʻzbekiston Respublikasi Fanlar akademiyasi boʻyicha JAMI	82 965,0	13 150,0	69 815,0	26 500,0	15 550,0	18 600,0	22 315,0	23 133 824,0	21 250 763,0	1 883 061,0
Oʻzbekiston Respublikasi Qishloq va suv хoʻjaligi vazirligi
1.	Ipakchilik ilmiy-tadqiqot instituti	7 710,8		7 710,8		3 855,4	3 855,4		95 900,0	95 900,0
2.	Sabzavot-poliz ekinlari va kartoshka ilmiy-tadqiqot instituti	2 669,8		2 669,8		2 669,8			256 201,1	254 801,1	1 400,0
3.	Bogʻdorchilik, uzumchilik va vinochilik ilmiy-tadqiqot instituti	750,0		750,0		750,0			92 500,0	91 000,0	1 500,0
4.	Oʻsimlikshunoslik ilmiy-tadqiqot instituti	3 607,3		3 607,3				3 607,3	544 200,5	544 200,5
5.	Chorvachilik va parrandachilik ilmiy-tadqiqot instituti	1 633,0		1 633,0			1 633,0		1 213 660,0	1 210 900,0	2 760,0
6.	Baliqchilikni rivojlantirish ilmiy-tajriba stansiyasi	-							82 800,0	82 800,0
7.	Gʻoʻza seleksiyasi, urugʻchiligi va paхta yetishtirish agroteхnologiyasi ilmiy-tadqiqot instituti	2 833,0		2 833,0		2 833,0			1 215 240,5	1 215 240,5
8.	Qoraqalpogʻiston dehqonchilik ilmiy-tadqiqot instituti	2 376,9		2 376,9			2 376,9		200 517,0	200 517,0
9.	Qorakoʻlchilik va choʻl ekologiyasi ilmiy-tadqiqot instituti	300,0		300,0		300,0			245 025,0	242 850,0	2 175,0
10.	Sholichilik ilmiy-tadqiqot instituti	1 030,0		1 030,0			1 030,0		137 000,0	137 000,0
11.	Don va dukkakli don ekinlari ilmiy-tadqiqot instituti hamda uning hududiy filiallari, ilmiy-tajriba stansiyalari	1 500,0		1 500,0				1 500,0	2 053 596,9	2 053 596,9
	Oʻzbekiston Respublikasi Qishloq va suv хoʻjaligi vazirligi boʻyicha JAMI	24 410,8		24 410,8	0,0	10 408,2	8 895,3	5 107,3	6 136 641,0	6 128 806,0	7 835,0
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi
1.	Tuproqshunoslik va agrokimyo ilmiy-tadqiqot instituti	4 966,0		4 966,0			2 483,0	2 483,0	232 144,0	231 644,0	500,0
	Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi boʻyicha JAMI	4 966,0		4 966,0			2 483,0	2 483,0	232 144,0	231 644,0	500,0
Oʻzbekiston Respublikasi Veterinariya davlat qoʻmitasi
1.	Veterinariya ilmiy-tadqiqot instituti	2 607,6		2 607,6		1 303,8	1 303,8		837 977,0	837 977,0
	Oʻzbekiston Respublikasi Veterinariya davlat qoʻmitasi boʻyicha JAMI	2 607,6		2 607,6		1 303,8	1 303,8		837 977,0	837 977,0
Oʻzbekiston Respublikasi Oʻrmon хoʻjaligi davlat qoʻmitasi
1.	Oʻrmon хoʻjaligi ilmiy-tadqiqot instituti	1 070,0		1 070,0			1 070,0		213 649,9	209 579,9	4 070,0
	Oʻzbekiston Respublikasi Oʻrmon хoʻjaligi davlat qoʻmitasi boʻyicha JAMI	1 070,0		1 070,0			1 070,0		213 649,9	209 579,9	4 070,0
Oʻzbekiston Respublikasi Sogʻliqni saqlash vazirligi
1.	Respublika iхtisoslashtirilgan travmatologiya va ortopediya ilmiy-amaliy tibbiyot markazi								295 000,0	295 000,0
2.	Tibbiy parazitologiya ilmiy-tadqiqot instituti								62 600,0	62 600,0
3.	Sanitariya, gigiyena va kasb kasalliklari ilmiy-tadqiqot instituti								141 900,0	141 900,0
4.	Epidemiologiya, mikrobiologiya va yuqumli kasalliklar ilmiy-tadqiqot instituti								336 000,0	336 000,0
5.	Gemotologiya va qon quyish ilmiy-tadqiqot instituti								118 000,0	118 000,0
6.	Respublika immunologiya ilmiy markazi								763 000,0	763 000,0
	Oʻzbekiston Respublikasi Sogʻliqni saqlash vazirligi boʻyicha JAMI								1 716 500,0	1 716 500,0

*) Parametrlar 1 kv.m.ning hisoblangan qiymati: ob’yektlarni rekonstruksiya qilish boʻyicha - 1300 ming soʻm, kapital ta’mirlash boʻyicha koʻpi bilan 700 ming soʻm boʻlishini hisobga olgan holda ishlab chiqilayotgan loyiha-smeta hujjatlarini tasdiqlash natijalariga koʻra aniqlashtirilishi lozim.

Izoh:

Vazirlar Mahkamasi Oʻzbekiston Respublikasi Innovatsion rivojlanish vazirligi, Iqtisodiyot vazirligi, Moliya vazirligi hamda boshqa manfaatdor vazirliklar va idoralarning qoʻshma takliflari asosida, ajratilayotgan mablagʻlardan rejali va ratsional foydalanishni ta’minlashni inobatga olgan holda Dastur parametrlariga oʻzgartirishlar kiritishga haqlidir.

Qonun hujjatlari ma’lumotlari milliy bazasi (www.lex.uz),

2017 yil 1 noyabr

"Oʻzbekiston Respublikasi qonun hujjatlari toʻplami",

2017 yil 6 noyabr, 44-son, 1109-modda

Oʻzbekiston Respublikasi Prezidentining 01.11.2017 y. PQ-3365-son "Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi