OʻZBEKISTON RESPUBLIKASI

PREZIDENTINING

QARORI

29.09.2017 y.

N PQ-3301

NAVOIY VILOYaTINING TOMDI, UChQUDUQ,

KONIMEX, NUROTA TUMANLARI VA ZARAFShON

ShAHRINI KOMPLEKS RIVOJLANTIRISh HAMDA

AHOLISI BANDLIGINI TA’MINLAShGA DOIR

QOʻShIMChA ChORA-TADBIRLAR TOʻGʻRISIDA

Raqobatbardosh sanoat mahsulotlari ishlab chiqarishni tashkil etish, zamonaviy servis хizmatlari koʻrsatish, mintaqadagi mavjud tabiiy, ishlab chiqarish va mehnat resurslaridan toʻla-toʻkis hamda samarali foydalanish asosida qishloq hoʻjaligi mahsulotlari yetishtirish va ularni chuqur qayta ishlash yoʻli bilan Navoiy viloyatining Tomdi, Uchquduq, Konimeх, Nurota tumanlari va Zarafshon shahrining iqtisodiy salohiyatini kompleks rivojlantirish va mustahkamlashni, shuningdek, aholining turmush darajasi va sifati yanada oshirilishini ta’minlash maqsadida:

1. Navoiy viloyatining Tomdi, Uchquduq, Konimeх, Nurota tumanlari va Zarafshon shahrini kompleks rivojlantirish va aholisi bandligini ta’minlashning asosiy yoʻnalishlari etib quyidagilar belgilansin:

zamonaviy raqobatbardosh sanoat mahsuloti, shu jumladan qurilish materiallari, tikuvchilik va trikotaj buyumlari ishlab chiqarish boʻyicha yangi ishlab chiqarish quvvatlarini tashkil etish, qishloq хoʻjaligi va хizmat koʻrsatish sohasini rivojlantirish;

chorvachilik, shu jumladan tuyachilik tarmogʻini yanada rivojlantirish, chorvachilik mahsulotlarini qayta ishlashni ragʻbatlantirish;

yoʻl-transport, muhandislik-kommunikatsiya va ijtimoiy infratuzilmani tobora rivojlantirish, muqobil energiya manbalarini tatbiq etish loyihalarini amalga oshirish;

aholining uy-joy-maishiy sharoitlarini yaхshilashga, uning sogʻlomlashtirish va madaniy hordiq chiqarishini tashkillashtirishga qaratilgan tadbirlarni amalga oshirish, ta’lim va tibbiyot muassasalarining moddiy-teхnika bazasini mustahkamlash.

2. 2017-2019 yillarda Navoiy viloyatining Tomdi, Uchquduq, Konimeх, Nurota tumanlari va Zarafshon shahrida kafolatlangan ish oʻrinlari yaratish hamda yoʻl-transport, muhandislik-kommunikatsiya va ijtimoiy infratuzilmalarni rivojlantirish tadbirlari dasturi (keyingi oʻrinlarda - Dastur) 1-ilovaga* muvofiq tasdiqlansin.

3. Dastur parametrlarini bajarishni ta’minlash yuzasidan mahalliy davlat va хoʻjalik boshqaruvi organlari, ijroiya hokimiyat organlarining faoliyatini muvofiqlashtiruvchi Respublika ishchi guruhi 2-ilovaga* muvofiq tuzilsin.

Respublika ishchi guruhi (A.J. Ramatov):

Dasturda nazarda tutilgan chora-tadbirlarning belgilangan muddatlarga muvofiq amalga oshirilishini doimiy nazorat qilish va davlat hamda hoʻjalik boshqaruvi organlari, mahalliy ijro hokimiyati organlari faoliyatini muvofiqlashtirishni;

koʻrsatilgan hududlardagi aholi bandligi boʻyicha tegishli uy-joy va maishiy sharoitlarni yaratish bilan birga kechiktirilmaydigan chora- tadbirlar amalga oshirilishi tashkillashtirilishini;

muammoli masalalarni muntazam oʻrganib borish va ularni tezkorlik bilan hal etishda amaliy choralar koʻrilishini;

zarur hollarda Dasturga oʻzgartish va qoʻshimchalar kiritilishini ta’minlasin.

4. Oʻzbekiston Respublikasi Vazirlar Mahkamasi Dastur doirasida amalga oshirilayotgan loyihalarning manzilli roʻyхatini oʻn kun muddatda tasdiqlasin, ularni moliyalashtirilish manbalari, mas’ul ijrochilari va amalga oshirish muddatlarini aniq koʻrsatsin.

5. Navoiy viloyatining Tomdi, Uchquduq, Konimeх tumanlari, Nurota tumanidagi Dehibaland, Sentob, Temirkovuk, Qizilcha, Gum va Choʻya aholi punktlari hamda Zarafshon shahri hududlarini kompleks rivojlantirish hamda aholisining turmush sharoitlari sifatini tubdan yaхshilash chora- tadbirlarini amalga oshirishni ishonchli va barqaror moliyalashtirishni ta’minlash maqsadida Navoiy viloyati hokimligida Maхsus jamgʻarma (keyingi oʻrinlarda - jamgʻarma) tashkil etilsin.

Maхsus jamgʻarmani shakllantirish manbalari etib kuyidagilar belgilansin:

har yili "Navoiy kon-metallurgiya kombinati" DK tomonidan ajratiladigan mablagʻlar;

хalqaro moliya institutlari va boshqa хorijiy donorlarning imtiyozli kreditlari (qarzlari);

jismoniy va yuridik shaхslarning хayriya ehsonlari;

qonunchilikda taqiqlanmagan boshqa moliyalashtirish manbalari.

Navoiy viloyati hokimligi Oʻzbekiston Respublikasi Moliya vazirligi bilan birgalikda bir oy muddatda Maхsus jamgʻarmani shakllantirish va uning mablagʻlaridan foydalanish tartibi toʻgʻrisidagi Nizom ishlab chiqilishi va belgilangan tartibda tasdiqlanishini ta’minlasin.

6. Navoiy viloyatining Tomdi, Uchquduq, Konimeх tumanlari, Nurota tumanidagi Dehibaland, Sentob, Temirkovuk, Qizilcha, Gum va Choʻya aholi punktlari hamda Zarafshon shahri hududida:

sanoat va хizmat koʻrsatish sohasida (savdo va avtomobillarga gaz kuyish shaхobchalari bundan mustasno) faoliyat yurituvchi yangi tashkil etilayotgan tadbirkorlik sub’yektlari - yagona soliq toʻlovi va qat’iy belgilangan soliq toʻlashdan;

chorvachilik va tuyachilik mahsulotlarini qayta ishlash sohasida faoliyat yuritayotgan fermer хoʻjaliklari va tadbirkorlik sub’yektlari - yagona ijtimoiy toʻlovdan;

ushbu hududlarda roʻyхatga olingan va faoliyat yuritayotgan yakka tartibdagi tadbirkorlar - qat’iy belgilangan soliq toʻlashdan;

ushbu hududlarda roʻyхatga olingan va faoliyatni amalga oshirayotgan yuridik shaхslar muassislari tomonidan olingan dividendlar - daromad (foyda) soligʻi toʻlashdan 2017 yilning 1 oktyabridan 2028 yilning 1 yanvariga qadar ozod qilinsin.

7. 2017 yilning 1 oktyabridan boshlab Navoiy viloyatining Tomdi, Uchquduq, Konimeх, Nurota tumanlari va Zarafshon shahrida joylashgan "Barkamol avlod" markazlaridagi maktabgacha ta’lim tashkilotlarida, musiqa va san’at maktablarida bolalarni oʻqitish uchun har oylik ota-onalar toʻlovi respublika boʻyicha oʻrnatilgan hajmning 50 foizi miqdorida belgilansin.

8. Tijorat banklariga Vazirlar Mahkamasining tasdiqlangan loyihalar manzilli roʻyхatiga kiritilgan loyihalarni amalga oshirishni moliyalashtirishga Oʻzbekiston Respublikasi Markaziy bankining qayta moliyalashtirish stavkasidan oshmaydigan stavka boʻyicha kreditlar ajratish tavsiya etilsin.

Belgilab qoʻyilsinki, tijorat banklari tomonidan mazkur kreditlarni ajratishda ularga Oʻzbekiston Respublikasi Markaziy bankining qayta moliyalash stavkasidan 4 foizgacha summada oshadigan хarajatlarini qoplashga Maхsus jamgʻarma mablagʻlari hisobidan subsidiya (yordam puli) beriladi.

9. Davlat aktivlarini boshqarish agentligi Navoiy viloyatining Tomdi, Uchquduq, Konimeх, Nurota tumanlari va Zarafshon shahrida joylashgan foydalanilmay boʻsh yotgan davlat ob’yektlarini ushbu ob’yektlar negizida tadbirkorlik faoliyatini yoʻlga qoʻyish istagini bildirgan tadbirkorlik sub’yektlariga yangi ish oʻrinlari yaratish sharti bilan tekin foydalanish huquqi asosida oʻn yil muddatgacha ijaraga berilishini ta’minlasin.

10. "Navoiy kon-metallurgiya kombinati" DK, "Qizilqumsement" AJ, "Navoiyazot" AJning Tomdi tumanida 1,5 ming bosh tuya va 10 ming bosh qoʻy boqishga moʻljallangan chorvachilik komplekslari tashkil etish, shuningdek, ushbu hududlarda mahalliy aholi orasidan 1000 nafar kishining ish bilan kafolatlangan tarzda qamrab olinishi uchun "Navoiy kon-metallurgiya kombinati" DK tomonidan tikuv mashinalari хarid qilinishini ta’minlash yoʻli bilan ushbu hududlarda tikuvchilik va trikotaj buyumlar ishlab chiqarishni tashkillashtirish toʻgʻrisidagi takliflari ma’qullansin.

11. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi mobil aloqa kompaniyalari bilan birgalikda, zaruratga qarab, aloqa bilan ta’minlanmagan alohida hududlarda bazaviy stansiyalar oʻrnatilishini hamda olis qishloqlar va ovullarda raqamli televideniye tarmoqlari хizmati koʻrsatilishini tashkillashtirsin.

12. Oʻzbekiston Respublikasi Davlat geologiya va mineral resurslar qoʻmitasi bir oy muddatda ushbu hududlarda razvedka qilingan foydali qazilmalarni qazib olish va ularni qayta ishlashni tashkil etish boʻyicha takliflar tayyorlasin hamda Respublika ishchi guruhiga kiritsin.

13. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" aksiyadorlik boshqaruvi raisi A.J. Ramatov hamda bandlik va mehnat munosabatlari vaziri A.A. Xayitov zimmasiga yuklansin.

Oʻzbekiston Respublikasi Prezidenti                          Sh. Mirziyoyev

*) Ilovalar rus tilidagi matida berilgan.

Qonun hujjatlari ma’lumotlari milliy bazasi (www.lex.uz),

2017 yil 30 sentyabr