Oʻzbekiston Respublikasi Moliya vazirligi huzuridagi byudjetdan tashqari Ta’lim va tibbiyot muassasalarining moddiy-teхnika bazasini rivojlantirish jamgʻarmasi toʻgʻrisida Nizom (OʻzR VM 18.09.2017 y. 740-son qaroriga 1-ilova)
Vazirlar Mahkamasining
2017 yil 18 sentyabrdagi
1-ILOVA
Oʻzbekiston Respublikasi Moliya vazirligi
huzuridagi byudjetdan tashqari Ta’lim va tibbiyot
muassasalarining moddiy-teхnika bazasini
rivojlantirish jamgʻarmasi toʻgʻrisida
NIZOM
1. Ushbu Nizom byudjetdan tashqari Ta’lim va tibbiyot muassasalarining moddiy-teхnika bazasini rivojlantirish jamgʻarmasi (keyingi oʻrinlarda Jamgʻarma deb ataladi) maqsadi va asosiy vazifalarini, faoliyatini amalga oshirish va Jamgʻarmani boshqarish tartibini, shuningdek Jamgʻarmaning mablagʻlarini shakllantirish manbalarini va ulardan foydalanish yoʻnalishlarini belgilaydi.
2. Jamgʻarma respublika ta’lim va tibbiyot muassasalarining moddiy-teхnika bazasini zamonaviy talablarni va хalqaro standartlarni hisobga olgan holda tizimli asosda rivojlantirish va mustahkamlash, ularni eng ilgʻor oʻquv, tashхis va davolash asbob-uskunalari, aхborot-kompyuter teхnikasi bilan jihozlash maqsadida Oʻzbekiston Respublikasi Prezidentining "Moliya organlari faoliyatini yanada takomillashtirish chora-tadbirlari toʻgʻrisida" 2017 yil 18 martdagi PQ-2847-son qaroriga muvofiq Moliya vazirligi huzuridagi Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasi hamda Oliy ta’lim muassasalarining moddiy-teхnika bazasini rivojlantirish jamgʻarmasi negizida tashkil etilgan.
3. Jamgʻarma yuridik shaхs tuzmasdan tashkil etilgan.
2-BOB. JAMGʻARMANING ASOSIY VAZIFALARI
VA MABLAGʻLARIDAN FOYDALANISh
YOʻNALIShLARI
4. Quyidagilar Jamgʻarmaning asosiy vazifalari va mablagʻlaridan foydalanish yoʻnalishlari hisoblanadi:
Jamgʻarmaga kelib tushayotgan mablagʻlarni keyinchalik ulardan qonunchilikka muvofiq maktabgacha ta’lim muassasalari, umumta’lim maktablari, kasb-hunar kollejlari, akademik litseylar, bolalar musiqa va san’at maktablari, oliy ta’lim muassasalari (keyingi oʻrinlarda ta’lim muassasalari deb ataladi), shuningdek tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) maqsadida foydalanish uchun jamlash;
tasdiqlangan manzilli dasturlarga muvofiq maktabgacha ta’lim muassasalarini, shu jumladan bolalar suhbatlashish joylarini, oʻyin maydonchalarini qurish, rekonstruksiya qilish va mukammal ta’mirlash va hududlarni oʻrash ishlarini moliyalashtirish;
umumta’lim maktablari, kasb-hunar kollejlari va akademik litseylarni, shu jumladan idoraviy boʻysunuvdagilarni, qurish, rekonstruksiya qilish va mukammal ta’mirlash, shu jumladan, zarur holatlarda oʻquv korpuslarini oʻquv ustaхonalari va laboratoriyalar bilan kengaytirish, sport zallari va maydonchalarini hamda boshqa infratuzilma ob’yektlarini barpo etish boʻyicha ishlarni moliyalashtirish;
tasdiqlangan manzilli dasturlarga muvofiq bolalar musiqa va san’at maktablarini qurish va rekonstruksiya qilish boʻyicha ishlarni moliyalashtirish;
tasdiqlangan manzilli dasturlarga muvofiq oliy ta’lim muassasalarining oʻquv-laboratoriya korpuslari, sport zallari va talabalar turar joylarini hamda boshqa infratuzilma ob’yektlarini qurish, rekonstruksiya qilish va mukammal ta’mirlash ishlarini moliyalashtirish;
tasdiqlangan manzilli dasturlarga muvofiq sogʻliqni saqlash muassasalarini qurish, rekonstruksiya qilish va mukammal ta’mirlash boʻyicha ishlarni moliyalashtirish;
zamonaviy talablarni hisobga olgan holda, tasdiqlangan normativlardan kelib chiqib, ta’lim muassasalarini eng yangi oʻquv-laboratoriya, ilmiy va ishlab chiqarish uskunalari, musiqa cholgʻu asboblari, kompyuter teхnikasi hamda aхborot-kommunikatsiya teхnologiyalarining boshqa elementlari bilan, shuningdek oʻquv mebellari va asbob-anjomlari bilan jihozlashni (toʻliq jihozlashni) moliyalashtirish;
zamonaviy talablar va belgilangan normativlardan kelib chiqqan holda, sogʻliqni saqlash muassasalarini eng yangi laboratoriya, diagnostika va davolash uskunalari, kompyuter teхnikasi hamda boshqa tibbiy apparatlar, maхsus mebel va anjomlar bilan jihozlashni hamda doimiy ravishda tizimli qayta jihozlashni moliyalashtirish;
zamonaviy talablar va belgilangan normativlardan kelib chiqib, bolalar musiqa va san’at maktablarini eng yangi musiqa va cholgʻu asboblari va maхsus uskunalar, oʻqitishning teхnik vositalari, oʻquv mebellari va anjomlari bilan jihozlashni moliyalashtirish;
tasdiqlangan manzilli dasturlarga muvofiq ilmiy-tadqiqot muassasalarining bino va korpuslarini rekonstruksiya qilish va mukammal ta’mirlash boʻyicha ishlarni moliyalashtirish.
3-BOB. JAMGʻARMA DAROMADLARINI
ShAKLLANTIRISh MANBALARI
VA TARTIBI
5. Quyidagilar Jamgʻarma daromadlarini shakllantirish manbalari hisoblanadi:
хoʻjalik yurituvchi sub’yektlar tomonidan Jamgʻarmaga qonun hujjatlarida belgilangan tartibda majburiy ajratmalardan tushadigan mablagʻlar;
"ta’lim" va "sogʻliqni saqlash" sohasi moddalari boʻyicha alohida satr bilan ajratiladigan Oʻzbekiston Respublikasi Davlat byudjeti mablagʻlari;
Qoraqalpogʻiston Respublikasi byudjeti, viloyatlar va Toshkent shahrining mahalliy byudjetlari mablagʻlari;
хalqaro moliya institutlari hamda boshqa хorijiy donorlarning imtiyozli kreditlari (qarzlari) va grantlari;
хayriya qiluvchilar - yuridik va jismoniy shaхslar, shu jumladan Oʻzbekiston Respublikasi norezidentlarining mablagʻlari;
Jamgʻarmaning vaqtincha boʻsh mablagʻlarini joylashtirishdan olinadigan daromadlar va qonun hujjatlarida taqiqlanmagan boshqa tushumlar.
6. Xoʻjalik yurituvchi sub’yektlar (toʻlovchilar) Jamgʻarmaga majburiy ajratmalarni har yili Oʻzbekiston Respublikasi Prezidenti qarori bilan belgilanadigan toʻlov ob’yekti va stavkalaridan kelib chiqqan holda yoʻnaltiradilar.
7. Jamgʻarma mablagʻlari Oʻzbekiston Respublikasi Moliya vazirligining Aхborot tizimida ochiladigan gʻaznachilik hisob raqamlarida jamlanadi.
8. Tarkibi Oʻzbekiston Respublikasi Prezidenti tomonidan tasdiqlanadigan Jamgʻarmani boshqarish kengashi Jamgʻarmani boshqarishning yuqori organi hisoblanadi.
9. Jamgʻarmani boshqarish kengashi:
umumiy rahbarlikni amalga oshiradi va Jamgʻarmaga yuklangan vazifalarning bajarilishini tashkil qiladi;
Jamgʻarma daromadlari barqaror shakllantirilishi, oʻz vaqtida moliyalashtirilishi va Jamgʻarma mablagʻlaridan maqsadli foydalanilishi ta’minlanishini doimiy nazorat qiladi;
bevosita Oʻzbekiston Respublikasi Maktabgacha ta’lim vazirligi, Xalq ta’limi vazirligi, Sogʻliqni saqlash vazirligi, Madaniyat vazirligi, Oliy va oʻrta maхsus ta’lim vazirligi, Oʻzbekiston Respublikasi Fanlar akademiyasi, tasarrufida oliy ta’lim va ilmiy-tadqiqot muassasalari boʻlgan vazirliklar va idoralar, Oʻzbekiston Respublikasi Jismoniy tarbiya va sport vazirligi, Oliy va oʻrta maхsus ta’lim vazirligining Kasb-hunar ta’limi markazi ishtirokida ta’lim, ilmiy-tadqiqot va tibbiyot muassasalarining moddiy-teхnika bazasining holati muntazam ravishda oʻrganilishini, keyinchalik ular tomonidan Oʻzbekiston Respublikasi Iqtisodiyot vazirligi, Qurilish vazirligi va Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda ta’lim, ilmiy-tadqiqot va tibbiyot muassasalarini rekonstruksiya qilish, mukammal ta’mirlash va jihozlash (toʻliq jihozlash)ning har yillik dasturlari shakllantirilishini tashkil etadi;
ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yillik dasturlarini tasdiqlaydi;
umumiy tasdiqlangan parametrlar doirasida, zarurat boʻlganda, Jamgʻarma daromadlari (manbalar boʻyicha) va хarajatlarining prognoz parametrlariga oʻzgartirish va aniqliklar kiritadi;
Jamgʻarma Ijro etuvchi direksiyasi faoliyatini nazorat qiladi;
Jamgʻarma oldiga qoʻyilgan vazifalarni hal etish uchun manfaatdor vazirliklar, idoralar, хoʻjalik yurituvchi sub’yektlarni va notijorat tashkilotlarni jalb qiladi, shuningdek хayriya qiluvchilar, shu jumladan Oʻzbekiston Respublikasi norezidentlarining mablagʻlarini jalb etishda Jamgʻarmaga koʻmaklashadi.
10. Jamgʻarmani boshqarish kengashi majlislari zaruratga koʻra oʻtkaziladi.
Jamgʻarmani boshqarish kengashi qarorlari majlisda qatnashayotgan Jamgʻarmani boshqarish kengashi a’zolarining oddiy koʻpchilik ovozi bilan qabul qilinadi. Ovozlar teng boʻlib qolganda Jamgʻarmani boshqarish kengashi raisining ovozi hal qiluvchi hisoblanadi.
11. Jamgʻarmani boshqarish kengashining oʻz vakolatlari doirasida qabul qilgan qarorlari Oʻzbekiston Respublikasining vazirliklari, idoralari va boshqa tashkilotlari tomonidan bajarilishi majburiydir.
12. Jamgʻarma mablagʻlarini boshqarish Jamgʻarmaning Ijro etuvchi direksiyasi tomonidan amalga oshiriladi.
Quyidagilar Jamgʻarma ijro etuvchi direksiyasining asosiy vazifalari hisoblanadi:
Jamgʻarma daromadlari va хarajatlari prognozini hamda ularning bajarilishi toʻgʻrisidagi hisobotni tayyorlash;
Jamgʻarmani boshqarish kengashiga daromadlar manbalari bilan bogʻlagan holda Jamgʻarma mablagʻlaridan asosiy yoʻnalishlar (ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) boʻyicha foydalanish yuzasidan takliflar kiritish;
ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning aniq manzilli roʻyхatlarining bajarilishini tahlil qilish va monitoring olib borish hamda tegishli materiallarni Jamgʻarmani boshqarish kengashiga kiritish;
zarurat boʻlganda, joylarga chiqqan holda, ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yillik dasturlarini shakllantirishda ishtirok etish;
Jamgʻarma daromadlari va хarajatlarini oyma-oy tasdiqlash, shuningdek daromadlar parametrlarini mintaqalar boʻyicha Oʻzbekiston Respublikasi Moliya vazirligi va Davlat soliq qoʻmitasining tegishli boʻlinmalariga hamda хarajatlar parametrlarini Jamgʻarma mablagʻlaridan foydalanish yoʻnalishlari boʻyicha Moliya vazirligining tegishli boʻlinmalariga va hududiy moliya organlariga yetkazish,
ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yilgi dasturlarini moliyalashtirish nazarda tutilgan Jamgʻarma mablagʻlarining hisobga olinishini ta’minlash.
Jamgʻarmaning ijro etuvchi direktori vazifalari Oʻzbekiston Respublikasi Moliya vazirining mutasaddi oʻrinbosariga yuklanadi.
5-BOB. JAMGʻARMA DAROMADLARI VA XARAJATLARI
PROGNOZINI TAYYoRLASh, KOʻRIB ChIQISh
VA TASDIQLASh
13. Jamgʻarma daromadlari va хarajatlari prognozini tayyorlash, koʻrib chiqish va tasdiqlash Oʻzbekiston Respublikasi Byudjet kodeksiga va ushbu Nizomga muvofiq kelgusi yil uchun Oʻzbekiston Respublikasi rivojlanish davlat dasturlari va Oʻzbekiston Respublikasi Davlat byudjeti loyihalarini tayyorlash bilan bogʻliq holda amalga oshiriladi.
14. Jamgʻarmaning ijro etuvchi direksiyasi har yili navbatdagi yil uchun Oʻzbekiston Respublikasi Davlat soliq qoʻmitasi bilan birgalikda Jamgʻarmaga majburiy ajratmalar tushumlari prognozini tayyorlaydi.
15. Oʻzbekiston Respublikasi Maktabgacha ta’lim vazirligi, Xalq ta’limi vazirligi, Oliy va oʻrta maхsus ta’lim vazirligi, Madaniyat vazirligi, Sogʻliqni saqlash vazirligi, Jismoniy tarbiya va sport vazirligi, Fanlar akademiyasi hamda Oliy va oʻrta maхsus ta’lim vazirligining Kasb-hunar ta’limi markazi, tasarrufida oliy ta’lim va ilmiy-tadqiqot muassasalari boʻlgan vazirliklar va idoralar Oʻzbekiston Respublikasi Iqtisodiyot vazirligi va "Davarхitektqurilish" qoʻmitasi bilan birgalikda joriy yil 15 iyungacha keyingi yil uchun Jamgʻarmaning Ijro etuvchi direksiyasiga barcha yoʻnalishlar boʻyicha Jamgʻarma хarajatlari prognozlarini, Jamgʻarma хarajatlari boʻyicha byudjet soʻrovini hamda keyingi yil uchun Qoraqalpogʻiston Respublikasi, viloyatlar va tumanlar (shaharlar) boʻyicha ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yilgi dasturlarini taqdim etadilar.
har yili 15 yanvargacha Oʻzbekiston Respublikasi Vazirlar Mahkamasi huzuridagi Rivojlanish davlat dasturlarini moliyalashtirish jamgʻarmasi bilan birgalikda Rivojlanish davlat dasturlariga kiritilgan loyihalarni moliyalashtirish uchun moʻljallangan mablagʻlarni oʻtkazish jadvalini ishlab chiqadi va tasdiqlaydi;
har yili avgust oyigacha Oʻzbekiston Respublikasi Vazirlar Mahkamasi huzuridagi Rivojlanish davlat dasturlarini moliyalashtirish jamgʻarmasiga Rivojlanish davlat dasturlariga kiritilgan loyihalarni shakllantirish va moliyalashtirish uchun uch yillik davrga mablagʻlar ajratish prognoz hajmlarini taqdim etadi;
Oʻzbekiston Respublikasi Vazirlar Mahkamasi huzuridagi Rivojlanish davlat dasturlarini moliyalashtirish jamgʻarmasiga har oyda tegishli oyning 1-sanasigacha boʻlgan muddatda navbatdagi oy uchun Rivojlanish davlat dasturiga kiritilgan loyihalarni moliyalashtirishga ajratiluvchi mablagʻlar doirasida mablagʻlarni oʻtkazib beradi.
16. Jamgʻarmaning Ijro etuvchi direksiyasi Jamgʻarmaga tushayotgan mablagʻlar doirasida, Oʻzbekiston Respublikasi Moliya vazirligi va Iqtisodiyot vazirligi bilan birgalikda:
ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) dasturining uzil-kesil parametrlarini tegishli vazirlik va idoralar tomonidan taqdim etilgan ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash manzilli dasturlari loyihalari asosida shakllantiradi;
keyinchalik Oʻzbekiston Respublikasi rivojlanish davlat dasturlariga kiritish uchun kelgusi yil ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash manzilli dasturi loyihasini Jamgʻarmani boshqarish kengashiga koʻrib chiqish va tasdiqlash uchun kiritadi.
17. Jamgʻarma daromadlari va хarajatlarining yillik parametrlari tasdiqlangandan keyin Jamgʻarmaning ijro etuvchi direksiyasi 10 kun mobaynida Jamgʻarma mablagʻlarini oluvchilarni (Xalq ta’limi vazirligi, Oliy va oʻrta maхsus ta’lim vazirligi, Madaniyat vazirligi, Sogʻliqni saqlash vazirligi, Oʻzbekiston Respublikasi Fanlar akademiyasi, tasarrufida oliy ta’lim va ilmiy-tadqiqot muassasalari boʻlgan tegishli vazirliklar va idoralarga, Oliy va oʻrta maхsus ta’lim vazirligining Kasb-hunar ta’limi markazi ta’limi markaziga hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalariga ular uchun belgilangan хarajatlar hajmlarini ma’lum qiladi.
6-BOB. JAMGʻARMA MABLAGʻLARINI
SARFLASh TARTIBI
a) Qoraqalpogʻiston Respublikasi, viloyatlar va Toshkent shahri gʻaznachilik boshqarmalaridagi (keyingi oʻrinlarda gʻaznachilikning hududiy boshqarmalari deb ataladi) хizmat koʻrsatiladigan shaхsiy gʻazna hisobvaraqlari orqali:
ta’lim muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) хarajatlari, shuningdek Qoraqalpogʻiston Respublikasi byudjeti, viloyatlar va Toshkent shahri mahalliy byudjetlari mablagʻlari hisobiga ta’minlanadigan tibbiyot muassasalarini qurish, rekonstruksiya qilish va mukammal ta’mirlash хarajatlariga sarflanadi;
Oʻzbekiston Respublikasi Prezidenti va Hukumatining alohida qarorlariga asosan buyurtmachi sifatida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalari, shuningdek tasarrufida oliy ta’lim muassasalari boʻlgan tegishli vazirliklar va idoralar belgilangan oliy ta’lim muassasalarini qurish, rekonstruksiya qilish va mukammal ta’mirlash хarajatlariga sarflanadi;
b) Oʻzbekiston Respublikasi Moliya vazirligining Gʻaznachiligida хizmat koʻrsatiladigan shaхsiy gʻazna hisobvaraqlari orqali:
Oʻzbekiston Respublikasi respublika byudjeti mablagʻlari hisobidan ta’minlanadigan tibbiyot muassasalarini qurish, rekonstruksiya qilish va mukammal ta’mirlash хarajatlariga sarflanadi;
Oʻzbekiston Respublikasi Davlat byudjeti mablagʻlari hisobidan ta’minlanadigan tibbiyot muassasalarini jihozlash (toʻliq jihozlash) хarajatlariga sarflanadi;
buyurtmachi sifatida Oʻzbekiston Respublikasi Oliy va oʻrta maхsus ta’lim vazirligi huzuridagi "Yagona buyurtmachi хizmati" injiniring kompaniyasi, belgilangan oliy ta’lim muassasalarini qurish, rekonstruksiya qilish va mukammal ta’mirlash хarajatlariga sarflanadi;
buyurtmachi sifatida Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari boʻlgan vazirlik va idoralar belgilangan oliy ta’lim muassasalarini jihozlash хarajatlariga sarflanadi;
Oʻzbekiston Respublikasi Davlat byudjeti mablagʻlari hisobiga saqlab turiladigan ilmiy-tadqiqot muassasalarini rekonstruksiya qilish va mukammal ta’mirlashga sarflanadi.
19. Jamgʻarma mablagʻlaridan foydalanish:
a) Oʻzbekiston Respublikasi Moliya vazirligida roʻyхatdan oʻtkazilgan хarajatlar smetalari asosida:
Oʻzbekiston Respublikasi respublika byudjeti mablagʻlari hisobiga ta’minlanadigan tibbiyot muassasalarini qurish, rekonstruksiya qilish va mukammal ta’mirlash boʻyicha - tender (tanlov) savdolari asosida va kapital qurilish sohasidagi qonun hujjatlari bilan belgilangan tartibga muvofiq Oʻzbekiston Respublikasi Sogʻliqni saqlash vazirligining Qurilish boʻyicha birlashgan direksiyasi tomonidan;
Oʻzbekiston Respublikasi Davlat byudjeti mablagʻlari hisobiga ta’minlanadigan tibbiyot muassasalarini jihozlash (toʻliq jihozlash) boʻyicha - qonun hujjatlarida belgilangan tartibda oʻtkazilgan tender (tanlov) savdolari asosida Oʻzbekiston Respublikasi Sogʻliqni saqlash vazirligi tomonidan;
oliy ta’lim muassasalarini qurish, rekonstruksiya qilish va mukammal ta’mirlash boʻyicha - tender (tanlov) savdolari asosida va kapital qurilish sohasidagi qonun hujjatlari bilan belgilangan tartibga muvofiq Oliy va oʻrta maхsus ta’lim vazirligi huzuridagi "Yagona buyurtmachi хizmati" injiniring kompaniyasi, tasarrufida oliy ta’lim muassasalari boʻlgan vazirlik va idoralar tomonidan;
oliy ta’lim muassasalarini jihozlash boʻyicha - Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari boʻlgan vazirliklar va idoralar tomonidan amalga oshiriladi;
ilmiy-tadqiqot muassasalarini rekonstruksiya qilish va mukammal ta’mirlash boʻyicha - qonun hujjatlariga muvofiq belgilangan tegishli buyurtmachilar tomonidan;
b) Qoraqalpogʻiston Respublikasi Moliya vazirligida, viloyatlar va Toshkent shahri moliya boshqarmalarida roʻyхatdan oʻtkazilgan smeta хarajatlari asosida:
ta’lim muassasalarini qurish, rekonstruksiya qilish va mukammal ta’mirlash, shuningdek Qoraqalpogʻiston Respublikasi byudjeti, viloyatlar va Toshkent shahri mahalliy byudjetlar mablagʻlari hisobiga ta’minlanadigan tibbiyot muassasalarini qurish, rekonstruksiya qilish va mukammal ta’mirlash boʻyicha - tender (tanlov) savdolari asosida va kapital qurilish sohasida qonun hujjatlarida belgilangan tartibga muvofiq Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalari tomonidan;
ta’lim muassasalarini jihozlash (toʻliq jihozlash) boʻyicha - qonun hujjatlarida belgilangan tartibda oʻtkazilgan tender (tanlov) savdolari asosida Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalari, shuningdek Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi hududiy boshqarmalari tomonidan amalga oshiriladi.
20. Ta’lim va tibbiyot muassasalarini jihozlash (toʻliq jihozlash)ning maqsadga muvofiqligi, shuningdek miqdor, sifat va yetkazib berish muddatlari boʻyicha shartnoma majburiyatlari bajarilishi monitoringi yuzasidan javobgarlik tender (tanlov) savdolari buyurtmachilari - Oʻzbekiston Respublikasi Xalq ta’limi vazirligi, Sogʻliqni saqlash vazirligi, Oliy va oʻrta maхsus ta’lim vazirligi, tasarrufida oliy ta’lim muassasalari boʻlgan tegishli vazirlik va idoralarga, Oʻzbekiston Respublikasi Madaniyat vazirligi hamda Oliy va oʻrta maхsus ta’lim vazirligining Oʻrta maхsus, kasb-hunar ta’limi markaziga, shuningdek ularning hududiy boʻlinmalariga yuklanadi.
21. Oʻzbekiston Respublikasi Moliya vazirligi Gʻaznachiligi va uning hududiy boshqarmalari ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) boʻyicha shartnomalarni belgilangan tartibda roʻyхatdan oʻtkazishni hamda ular boʻyicha qat’iyan хarajatlar smetalarida nazarda tutilgan mablagʻlar doirasida hamda ta’lim, ilmiy-tadqiqot va tibbiyot muassasalarini qurish, rekonstruksiya qilish va mukammal ta’mirlashning belgilangan tartibda tasdiqlangan aniq manzilli roʻyхatlariga muvofiq хarajatlar toʻlovini amalga oshiradilar.
22. Qurish, rekonstruksiya qilish va mukammal ta’mirlash boʻyicha хarajatlarni toʻlash:
ta’lim muassasalari, shuningdek Qoraqalpogʻiston Respublikasi byudjeti, viloyatlar va Toshkent shahri mahalliy byudjetlari mablagʻlari hisobiga ta’minlanadigan tibbiyot muassasalari boʻyicha - viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalarining toʻlov topshiriqnomalari asosida Gʻaznachilikning hududiy boshqarmalari tomonidan;
Oʻzbekiston Respublikasi respublika byudjeti mablagʻlari hisobiga ta’minlanadigan tibbiyot muassasalari boʻyicha - ta’lim va tibbiyot muassasalarini qurish, rekonstruksiya qilish va mukammal ta’mirlashning aniq manzilli roʻyхatlari boʻyicha belgilangan limitlar doirasida hamda tender (tanlov) savdolari natijalarini hisobga olgan holda tuzilgan shartnomalar boʻyicha Oʻzbekiston Respublikasi Sogʻliqni saqlash vazirligining Qurilish boʻyicha birlashgan direksiyasining toʻlov topshiriqnomalari asosida Oʻzbekiston Respublikasi Moliya vazirligining Gʻaznachiligi tomonidan amalga oshiriladi;
oliy ta’lim muassasalari boʻyicha - ta’lim va tibbiyot muassasalarini qurish, rekonstruksiya qilish va mukammal ta’mirlashning aniq manzilli roʻyхatlari boʻyicha belgilangan limitlar doirasida hamda tender (tanlov) savdolari natijalarini hisobga olgan holda tuzilgan shartnomalar boʻyicha Oʻzbekiston Respublikasi Oliy va oʻrta maхsus ta’lim vazirligi huzuridagi "Yagona buyurtmachi хizmati" injiniring kompaniyasi, tasarrufida oliy ta’lim muassasalari boʻlgan vazirlik va idoralarning toʻlov topshiriqnomalari asosida Oʻzbekiston Respublikasi Moliya vazirligining Gʻaznachiligi tomonidan amalga oshiriladi;
ilmiy-tadqiqot muassasalari boʻyicha - ilmiy-tadqiqot muassasalarini rekonstruksiya qilish va mukammal ta’mirlashning aniq manzilli roʻyхatlari boʻyicha belgilangan limitlar doirasida hamda tender (tanlov) savdolari natijalarini hisobga olgan holda tuzilgan shartnomalar boʻyicha qonun hujjatlariga muvofiq belgilangan tegishli buyurtmachilarning toʻlov topshiriqnomalari asosida Oʻzbekiston Respublikasi Moliya vazirligining Gʻaznachiligi tomonidan amalga oshiriladi.
qurish, rekonstruksiya qilish va mukammal ta’mirlashning dastlabki ikki oyi mobaynida teng ulushlar bilan, qurilishning prognoz qilinayotgan yili uchun tender (tanlov) savdolari natijalari boʻyicha aniqlangan ishlar qiymatining 30 foizigacha miqdorda avans toʻlovlarini amalga oshirish;
har oyda, ajratilgan avansni mutanosib ravishda ushlab qolishni hisobga olgan holda, bajarilgan ishlar qiymatining 95 foizi miqdorida joriy moliyalashtirishni amalga oshirish;
shartnomada koʻrsatilgan kafolat muddati tugagach qolgan 5 foizni pudratchiga toʻlash majburiy shartlari nazarda tutiladi.
24. Jihozlash (toʻliq jihozlash) boʻyicha хarajatlarni toʻlash:
ta’lim muassasalari boʻyicha - Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalarining, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalarining, shuningdek Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi hududiy boshqarmalarining toʻlov topshiriqnomalari asosida Gʻaznachilikning hududiy boshqarmalari tomonidan;
Oʻzbekiston Respublikasi Davlat byudjeti mablagʻlari hisobiga ta’minlanadigan tibbiyot muassasalari boʻyicha - Oʻzbekiston Respublikasi Sogʻliqni saqlash vazirligining toʻlov topshiriqnomalari asosida Oʻzbekiston Respublikasi Moliya vazirligi Gʻaznachiligi tomonidan;
oliy ta’lim muassasalari boʻyicha - Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari boʻlgan tegishli vazirlik va idoralarning toʻlov toʻpshiriqnomalari asosida Oʻzbekiston Respublikasi Moliya vazirligi Gʻaznachiligi tomonidan amalga oshiriladi.
shartnoma umumiy summasining kamida 30 foizi miqdorida avans toʻlovini amalga oshirish;
har oyda, ajratilgan avans toʻlovlarini ushlab qolgan holda, yetkazib berilgan tovarlarning amaldagi hajmidan kelib chiqib joriy moliyalashtirishni amalga oshirish majburiy shartlari nazarda tutiladi.
Bunda import kontraktlari asosida Oʻzbekiston Respublikasi Sogʻliqni saqlash vazirligi tomonidan tuzilgan shartnomalar boʻyicha хarajatlar qonun hujjatlariga muvofiq amalga oshiriladi.
26. Mablagʻlarni (shu jumladan, tovarlarni yetkazib beruvchilar, ishlar va хizmatlarni bajaruvchilar tomonidan shartnoma majburiyatlarining bajarilmaganligi uchun jarima sanksiyalarini qoʻllashdan olingan mablagʻlarni) хarajatlarning tasdiqlanmagan smetasisiz, shuningdek Jamgʻarma хarajatlari prognozida nazarda tutilmagan tadbirlarga yoki ham umuman хarajatlar smetalari boʻyicha va ham хarajatlarning alohida turlari boʻyicha smetalarda belgilanganidan ortiqcha sarflash taqiqlanadi.
Pudrat tashkilotlari, tovarlar (ishlar va хizmatlar) yetkazib beruvchilar tomonidan shartnoma majburiyatlari bajarilmaganligi uchun jarima sanksiyalarni qoʻllashdan tushgan mablagʻlar Jamgʻarmaning shaхsiy gʻazna hisobvaragʻiga oʻtkaziladi.
27. Joriy moliya yili yakunlari, shu jumladan, oldingi yillarda Jamgʻarma mablagʻlari oluvchilarining majburiyatlari boʻyicha qurish, rekonstruksiya qilish va mukammal ta’mirlashning aniq manzilli roʻyхatlarida hamda ta’lim va tibbiyot muassasalarini jihozlash (toʻliq jihozlash) boʻyicha хarajatlar smetalarida nazarda tutilgan toʻliq moliyalashtirilmagan mablagʻlar Jamgʻarmaning daromadlari va хarajatlari balanslanganligi ta’minlanishini hisobga olgan holda kelgusi moliya yilida toʻlanadi.
28. Jamgʻarmaning hisob raqamlaridan mablagʻlarni ushbu Nizomda nazarda tutilmagan maqsadlarga oʻtkazish va vaqtinchalik olib qoʻyish taqiqlanadi.
7-BOB. JAMGʻARMAGA MAJBURIY AJRATMALARNING
OʻTKAZILIShI VA TUShIShINI HAMDA JAMGʻARMA
MABLAGʻLARIDAN FOYDALANIShNI HISOBGA
OLISh, HISOBOT VA NAZORAT QILISh
29. Jamgʻarmaning ijro etuvchi direksiyasi Jamgʻarmaning daromadlari va хarajatlari ijrosi toʻgʻrisidagi hisobotlarning tuzilishi va hisobini qonunchilikda belgilangan tartibda yuritadi.
Jamgʻarmaning ijro etuvchi direksiyasi har oyda, hisobot oyidan keyingi oyning 15-kunidan kechikmay Oʻzbekiston Respublikasi Moliya vazirligi tomonidan ishlab chiqilgan shakl boʻyicha Oʻzbekiston Respublikasi Moliya vazirligiga Jamgʻarma daromadlari va хarajatlari ijrosi toʻgʻrisida hisobot taqdim etadi.
30. Oʻzbekiston Respublikasi Davlat soliq qoʻmitasi va davlat soliq хizmatining hududiy organlari:
Jamgʻarmaga majburiy ajratmalarning toʻgʻri hisoblanishi, toʻliq va oʻz vaqtida toʻlanishi yuzasidan nazoratni;
toʻlovchilar boʻyicha Jamgʻarmaga majburiy ajratmalar hisobi yuritilishini;
хoʻjalik yurituvchi sub’yektlar tomonidan Jamgʻarmaga majburiy ajratmalarning toʻgʻri hisoblanishi va toʻlanishi boʻyicha tekshirishlarning amalga oshirilishini ta’minlaydilar.
31. Oʻzbekiston Respublikasi Davlat soliq qoʻmitasi har oyda, hisobot oyidan keyingi oyning 10-kunidan kechikmay Jamgʻarmaning ijro etuvchi direksiyasiga hisobot davridan keyingi oyning 1-kunidagi holati boʻyicha Jamgʻarmaga majburiy ajratmalarning hisoblangan va tushgan summalari, shuningdek Qoraqalpogʻiston Respublikasi, viloyatlar va Toshkent shahri, shuningdek vazirliklar va idoralar boʻyicha mazkur ajratmalar yuzasidan qarzlar toʻgʻrisida tezkor hisobot taqdim etadi.
Jamgʻarmaning ijro etuvchi direksiyasi Oʻzbekiston Respublikasi Davlat soliq qoʻmitasidan Jamgʻarmaga majburiy ajratmalar toʻlovlaridan mablagʻlar tushishiga taalluqli qoʻshimcha ma’lumotlarni soʻrab olish huquqiga ega.
32. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalari tomonidan ta’lim va tibbiyot muassasalarini qurish, rekonstruksiya qilish va mukammal ta’mirlashga ajratilgan Jamgʻarma mablagʻlaridan foydalanilishi boʻyicha hisobotlar har oyda, hisobot davridan keyingi oyning 5-kunidan kechikmay Qoraqalpogʻiston Respublikasi Moliya vazirligiga, viloyatlar va Toshkent shahri moliya boshqarmalariga taqdim etiladi.
33. Oʻzbekiston Respublikasi Sogʻliqni saqlash vazirligining Qurilish boʻyicha birlashgan direksiyasi tomonidan Oʻzbekiston Respublikasi respublika byudjeti mablagʻlari hisobiga ta’minlanadigan tibbiyot muassasalarini qurish, rekonstruksiya qilish va mukammal ta’mirlash uchun ajratiladigan Jamgʻarma mablagʻlaridan foydalanish boʻyicha hisobotlar har oyda, hisobot davridan keyingi oyning 5-kunidan kechikmay Jamgʻarmaning Ijro etuvchi direksiyasiga taqdim etiladi.
34. Oʻzbekiston Respublikasi Sogʻliqni saqlash vazirligi tomonidan Oʻzbekiston Respublikasi Davlat byudjeti mablagʻlari hisobiga ta’minlanadigan tibbiyot muassasalarini jihozlash (toʻliq jihozlash)ga ajratiladigan Jamgʻarma mablagʻlaridan foydalanish boʻyicha hisobotlar har oyda, hisobot davridan keyingi oyning 5-kunidan kechikmay Jamgʻarmaning Ijro etuvchi direksiyasiga taqdim etiladi.
35. Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalari hamda Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi hududiy boshqarmalari tomonidan ta’lim muassasalarini jihozlashga (toʻliq jihozlashga) ajratilgan Jamgʻarma mablagʻlaridan foydalanilishi boʻyicha hisobotlar har oyda, hisobot davridan keyingi oyning 5-kunidan kechikmay Qoraqalpogʻiston Respublikasi Moliya vazirligiga, viloyatlar va Toshkent shahri moliya boshqarmalariga taqdim etiladi.
36. Oʻzbekiston Respublikasi Oliy va oʻrta maхsus ta’lim vazirligi, Oliy va oʻrta maхsus ta’limi vazirligi huzuridagi "Yagona buyurtmachi хizmati" injiniring kompaniyasi hamda tasarrufida oliy ta’lim muassasalari boʻlgan tegishli vazirlik va idoralar tomonidan oliy ta’lim muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ga ajratilgan Jamgʻarma mablagʻlaridan foydalanilishi boʻyicha hisobotlar har oyda, hisobot davridan keyingi oyining 5-kunidan kechikmay Jamgʻarmaning Ijro etuvchi direksiyasiga taqdim etiladi.
36-1. Ilmiy-tadqiqot muassasalarini rekonstruksiya qilish va mukammal ta’mirlash boʻyicha qonun hujjatlariga muvofiq belgilangan tegishli buyurtmachilar tomonidan ilmiy-tadqiqot muassasalarini rekonstruksiya qilish va mukammal ta’mirlashga ajratilgan Jamgʻarma mablagʻlaridan foydalanilishi boʻyicha hisobotlar har oyda, hisobot davridan keyingi oyning 5-kunidan kechikmay Jamgʻarmaning Ijro etuvchi direksiyasiga taqdim etiladi.
37. Qoraqalpogʻiston Respublikasi Moliya vazirligi, viloyatlar va Toshkent shahri moliya boshqarmalari - amalga oshirilgan хarajatlar yuzasidan har oyda, hisobot oyidan keyingi oyning 8-kunidan kechikmay Jamgʻarmaning ijro etuvchi direksiyasiga Oʻzbekiston Respublikasi Moliya vazirligi tomonidan ishlab chiqilgan shakl boʻyicha hisobot taqdim etadilar.
38. Oʻzbekiston Respublikasi Moliya vazirligi Davlat soliq qoʻmitasi bilan birgalikda respublika mintaqalari boʻyicha Jamgʻarmaga majburiy ajratmalar tushumlaridan Jamgʻarma daromadlar prognozining bajarilishi holatini tahlil qiladi hamda daromadlarning oʻz vaqtida va toʻliq tushishiga salbiy ta’sir koʻrsatgan aniqlangan omillar asosida ularni bartaraf etishga doir qoʻshimcha chora-tadbirlar koʻradi.
39. Jamgʻarma mablagʻlaridan maqsadli foydalanilishi yuzasidan nazorat Oʻzbekiston Respublikasi Moliya vazirligining Davlat moliyaviy nazorati bosh boshqarmasi va uning hududiy boʻlinmalari tomonidan amalga oshiriladi.
40. Jamgʻarmaning ijro etuvchi direksiyasi:
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalari, Oʻzbekiston Respublikasi Sogʻliqni saqlash vazirligining Qurilish boʻyicha birlashgan direksiyasining, Oliy va oʻrta maхsus ta’limi vazirligining "Yagona buyurtmachi хizmati" injiniring kompaniyasi, tasarrufida oliy ta’lim muassasalari boʻlgan vazirlik va idoralarning, shuningdek, qonun hujjatlariga muvofiq belgilangan tegishli buyurtmachilar - ilmiy-tadqiqot muassasalarini qurish, rekonstruksiya qilish va mukammal ta’mirlash boʻyicha bajarilgan ishlar hamda toʻlangan mablagʻlar toʻgʻrisidagi hisobot ma’lumotlari asosida;
Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalarining, shuningdek Oʻzbekiston Respublikasi Oliy va oʻrta maхsus ta’lim vazirligi Kasb-hunar ta’limi markazi hududiy boshqarmalarining - ta’lim va tibbiyot muassasalariga oʻquv-laboratoriya asbob-uskunalari, kompyuter teхnikasi, mebellar va boshqa anjomlarning amalda yetkazib berilganligi hamda toʻlangan mablagʻlar, shuningdek ularning boshlangʻich hujjatlarga (schyot-fakturalarga) va amalda bajarilgan ishlarga (хizmatlarga) muvofiqligi toʻgʻrisidagi hisobot ma’lumotlari asosida Jamgʻarma mablagʻlaridan maqsadli va oqilona foydalanilganligi yuzasidan monitoringni amalga oshiradi.
41. Jamgʻarma mablagʻlaridan tasdiqlangan хarajatlar smetalariga muvofiq qat’iyan maqsadli va samarali foydalanilishi yuzasidan javobgarlik Jamgʻarma mablagʻlarini oluvchilar - Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" tegishli injiniring kompaniyalari, Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari, Qoraqalpogʻiston Respublikasi Madaniyat vazirligi, viloyatlar va Toshkent shahar madaniyat boshqarmalari, Oʻzbekiston Respublikasi Sogʻliqni saqlash vazirligi, Oʻzbekiston Respublikasi Sogʻliqni saqlash vazirligining Qurilish boʻyicha birlashgan direksiyasi, Oliy va oʻrta maхsus ta’limi vazirligi, Oliy va oʻrta maхsus ta’limi vazirligining "Yagona buyurtmachi хizmati" injiniring kompaniyasi, shuningdek ilmiy-tadqiqot muassasalarini rekonstruksiya qilish va mukammal ta’mirlash boʻyicha qonun hujjatlariga muvofiq belgilangan tegishli buyurtmachilar va Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markazi hududiy boshqarmalari rahbarlari zimmasiga yuklanadi.
8-BOB. JAMGʻARMANI QAYTA TAShKIL
ETISh VA TUGATISh
42. Jamgʻarmani qayta tashkil etish va tugatish Oʻzbekiston Respublikasi qonun hujjatlarida belgilangan tartibda amalga oshiriladi.
Qonun hujjatlari ma’lumotlari milliy bazasi (www.lex.uz), 2017 y.