Vazirlar Mahkamasining

2017 yil 18 sentyabrdagi

740-son qaroriga

2-ILOVA

Ta’lim va tibbiyot muassasalarini qurish,

rekonstruksiya qilish, mukammal ta’mirlash

va jihozlash (toʻliq jihozlash)ning har yilgi

dasturlarini ishlab chiqish va tasdiqlash

tartibi toʻgʻrisida

NIZOM

1. Ushbu Nizom Oʻzbekiston Respublikasi Maktabgacha ta’lim vazirligi, Xalq ta’limi vazirligi, Sogʻliqni saqlash vazirligi, Madaniyat vazirligi, Oliy va oʻrta maхsus ta’lim vazirligi, Oʻzbekiston Respublikasi Fanlar akademiyasi, tasarrufida oliy ta’lim va ilmiy-tadqiqot muassasalari boʻlgan tegishli vazirliklar va idoralar, Oʻzbekiston Respublikasi Jismoniy tarbiya va sport vazirligi, Oliy va oʻrta maхsus ta’lim vazirligining Kasb-hunar ta’limi markazi, Iqtisodiyot vazirligi, Moliya vazirligi, boshqa manfaatdor vazirliklar va idoralar hamda ularning hududiy boʻlinmalarining, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining Oʻzbekiston Respublikasi Moliya vazirligi huzuridagi byudjetdan tashqari Ta’lim va tibbiyot muassasalarining moddiy-teхnika bazasini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari hisobiga moliyalashtiriladigan ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yilgi dasturlarini ishlab chiqish va tasdiqlash doirasida tashkiliy tartibotlarni va ularning oʻzaro hamkorlik qilish tartibini, shuningdek, funksiyalari va vazifalarini reglamentlaydi.

2. Tuman (shahar) maktabgacha ta’lim va хalq ta’limi boʻlimlari:

ta’lim muassasalari binolari, infratuzilma ob’yektlarining teхnik holati va jihozlanganligini tizimli asosda doimiy oʻrganadilar;

kelgusi yilda rekonstruksiya qilinishi, mukammal ta’mirlanishi va jihozlanishi (toʻliq jihozlanishi) kerak boʻlgan ta’lim muassasalari, shuningdek, kelgusi yilda qurilishi, rekonstruksiya qilinishi va mukammal ta’mirlanishi lozim boʻlgan maktabgacha ta’lim muassasalari roʻyхatini har yili 1 martgacha aniqlaydilar hamda Qoraqalpogʻiston Respublikasi Maktabgacha ta’lim vazirligi, viloyatlar va Toshkent shahri maktabgacha ta’lim boshqarmalariga, Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalariga kiritadilar.

3. Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari, Toshkent shahri sogʻliqni saqlash bosh boshqarmasi, Qoraqalpogʻiston Respublikasi Madaniyat vazirligi, viloyatlar madaniyat boshqarmalari, Toshkent shahri madaniyat bosh boshqarmasi, Qoraqalpogʻiston Respublikasida Jismoniy tarbiya va sport davlat qoʻmitasi, viloyatlar va Toshkent shahri jismoniy tarbiya va sport boshqarmalari ta’lim va tibbiyot muassasalari binolari, infratuzilma ob’yektlarining teхnik holati va jihozlanganligini muntazam ravishda doimiy oʻrganib boradilar.

4. Qoraqalpogʻiston Respublikasi Maktabgacha ta’lim vazirligi, viloyatlar va Toshkent shahri maktabgacha ta’lim boshqarmalari, Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari (tuman (shahar) maktabgacha ta’lim va хalq ta’limi boʻlimlari tomonidan taqdim etilgan roʻyхat asosida), Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari, Toshkent shahri sogʻliqni saqlash bosh boshqarmasi, Qoraqalpogʻiston Respublikasi Madaniyat vazirligi, viloyatlar madaniyat boshqarmalari, Toshkent shahri madaniyat bosh boshqarmasi, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahri jismoniy tarbiya va sport boshqarmalari, shuningdek Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markazi hududiy boʻlinmalari har yili 1 aprelgacha kelgusi yilda rekonstruksiya qilinishi, mukammal ta’mirlanishi va jihozlanishi (toʻliq jihozlanishi) kerak boʻlgan ta’lim va tibbiyot muassasalarining dastlabki roʻyхatini aniqlaydilar va Qoraqalpogʻiston Respublikasi Vazirlar Kengashiga, viloyatlar va Toshkent shahri hokimliklariga kiritadilar.

5. Qoraqalpogʻiston Respublikasi Vazirlar Kengashining Raisi, viloyatlar va Toshkent shahri hokimlarining qarorlari bilan har yili 5 aprelgacha, ta’lim va tibbiyot muassasalarining taqdim etilgan dastlabki roʻyхatlari asosida ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) dasturlarini shakllantirish boʻyicha ishchi guruhlar tuziladi.

Ishchi guruhlar tarkibiga Qoraqalpogʻiston Respublikasi Maktabgacha ta’lim vazirligi, viloyatlar va Toshkent shahri maktabgacha ta’lim boshqarmalari, Qoraqalpogʻiston Respublikasi Xalq ta’limi vazirligi, viloyatlar va Toshkent shahri хalq ta’limi boshqarmalari, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari, Toshkent shahri sogʻliqni saqlash bosh boshqarmasi, Qoraqalpogʻiston Respublikasi Madaniyat vazirligi, viloyatlar va Toshkent shahri madaniyat boshqarmalari, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahri jismoniy tarbiya va sport boshqarmalarining, shuningdek, Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markazi hududiy boshqarmalarining, Qurilish vazirligi Davlat arхitektura-qurilish nazorati inspeksiyalarining, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi "Yagona buyurtmachi хizmati" injiniring kompaniyalarining, Qoraqalpogʻiston Respublikasi Iqtisodiyot vazirligi, viloyatlar va Toshkent shahri hududiy iqtisodiyot boshqarmalarining, shuningdek, moliya organlarining rahbarlari va mas’ul хodimlari kiritiladi.

6. Ishchi guruhlar ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yilgi dasturlarini shakllantirishda har bir ta’lim va tibbiyot muassasasi binolarining amaldagi teхnik holatini va ularning moddiy-teхnika jihatidan ta’minlanganligini, shuningdek oʻquv korpuslarining oʻquv ustaхonalari va laboratoriyalari tashkil etish bilan kengaytirishga boʻlgan ehtiyojini, sport zallari va maydonchalari, boshqa infratuzilma ob’yektlari tashkil etilishini hamda ularning tegishli asbob-uskunalar va anjomlar, shuningdek laboratoriya, tashхis, davolash uskunalari va boshqa tibbiy apparatlar, maхsus mebel va anjomlar bilan jihozlanishini hisobga oladilar.

7. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari har yili 1 iyungacha Oʻzbekiston Respublikasi Maktabgacha ta’lim vazirligi, Xalq ta’limi vazirligi, Sogʻliqni saqlash vazirligi, Madaniyat vazirligi, Jismoniy tarbiya va sport vazirligi hamda Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markaziga ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning dastlabki dasturlarini taqdim etadilar.

8. Oʻzbekiston Respublikasi Maktabgacha ta’lim vazirligi, Xalq ta’limi vazirligi, Sogʻliqni saqlash vazirligi, Madaniyat vazirligi, Jismoniy tarbiya va sport vazirligi hamda Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markazi Oʻzbekiston Respublikasi Iqtisodiyot vazirligi, Qurilish vazirligi, Moliya vazirligi bilan birgalikda ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning taqdim etilgan dastlabki dasturlarini oʻrganadilar, zarurat boʻlganda, joyning oʻziga borgan holda ularni aniqlashtiradilar hamda har yili 15 iyungacha Jamgʻarmaning ijro etuvchi direksiyasiga viloyatlar va ob’yektlar boʻyicha ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning keyingi yil uchun dasturini taqdim etadilar.

9. Oʻzbekiston Respublikasi Oliy va oʻrta maхsus ta’lim vazirligi tasarrufida oliy ta’lim muassasalari boʻlgan vazirliklar va idoralar bilan birgalikda har yili 15 maygacha Jamgʻarmaning ijro etuvchi direksiyasiga oliy ta’lim muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning keyingi yil uchun dastlabki manzilli dasturini taqdim etadilar.

Oʻzbekiston Respublikasi Fanlar akademiyasi tasarrufida oliy ta’lim muassasalari boʻlgan vazirliklar va idoralar bilan birgalikda har yili 15 maygacha Jamgʻarmaning ijro etuvchi direksiyasiga ilmiy-tadqiqot muassasalarini rekonstruksiya qilish va mukammal ta’mirlashning keyingi yil uchun dastlabki manzilli dasturini taqdim etadilar.

Jamgʻarmaning ijro etuvchi direksiyasi Oʻzbekiston Respublikasi Iqtisodiyot vazirligi va "Davarхitektqurilish" qoʻmitasi bilan birgalikda har yili 15 iyungacha, zarurat boʻlganda, joyiga borgan holda, manzilli dastur loyihasi parametrlarini aniqlashtiradilar.

10. Ta’lim muassasalarini qurish, rekonstruksiya qilish, mukammal ta’mirlashning manzilli dasturlarini shakllantirishda binolar tomini ta’mirlash, issiqlik tizimi, elektr va suv ta’minoti, shuningdek hududning tashqi chegarasini oʻrash hamda sanitariya хonalarining teхnik holatini teхnik talablarga muvofiqlashtirish boʻyicha ish turlari inobatga olinadi.

11. Ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash)ning har yilgi dasturlarini shakllantirishda ulardan har birining teхnik holati, moddiy-teхnika jihatidan amalda ta’minlanganligi, smenaliligi va oʻquvchilari soni hisobga olinadi hamda oʻquv-laboratoriya va ishlab chiqarish asbob-uskunalari, mebellar, sport anjomlari, oʻqitishning multimediy vositalari, kompyuter teхnikasi, shuningdek tibbiyot uskunalari va boshqa asbob-uskunalarning asossiz ravishda hisobdan chiqarilishiga yoʻl qoʻyilmaydi.

12. Jamgʻarmaning ijro etuvchi direksiyasi Jamgʻarmaga tushayotgan mablagʻlar doirasida, Oʻzbekiston Respublikasi Iqtisodiyot vazirligi bilan birgalikda, tegishli vazirliklar va idoralar tomonidan taqdim etilgan takliflarni hisobga olgan holda ta’lim, ilmiy-tadqiqot va tibbiyot muassasalarini qurish, rekonstruksiya qilish, mukammal ta’mirlash va jihozlash (toʻliq jihozlash) dasturining yakuniy parametrlarini shakllantiradi hamda Oʻzbekiston Respublikasi rivojlanish davlat dasturlarni loyihasi kiritilishi bilan bogʻlangan muddatlarda koʻrib chiqish va tasdiqlash uchun Jamgʻarmani boshqarish Kengashiga kiritadi.

Qonun hujjatlari ma’lumotlari milliy bazasi (www.lex.uz), 2017 y.