Oʻzbekiston Respublikasi Vazirlar Mahkamasining 10.11.2017 y. 901-son "Oʻzbekiston Respublikasi Adliya vazirligining Toshkent yuridik kollejida oʻquv-tarbiya jarayonini tashkil etish va uning mazmunini tubdan takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.11.2017 y.
N 901
OʻZBEKISTON RESPUBLIKASI ADLIYa
VAZIRLIGINING TOShKENT YuRIDIK KOLLEJIDA
OʻQUV-TARBIYa JARAYoNINI TAShKIL ETISh VA UNING
MAZMUNINI TUBDAN TAKOMILLAShTIRISh
ChORA-TADBIRLARI TOʻGʻRISIDA
Oʻzbekiston Respublikasida ijtimoiy sohani rivojlantirishning ustuvor yoʻnalishlarini amalga oshirish, uzluksiz ta’lim tizimini yanada takomillashtirish, sifatli ta’lim хizmatlaridan foydalanishni kengaytirish, mehnat bozorining zamonaviy talablariga muvofiq yuqori malakali kadrlar tayyorlash, jismonan sogʻlom, ma’naviy va intellektual rivojlangan, mustaqil fikrlaydigan, mustahkam hayotiy qarashlarga ega va Vatanga sadoqatli yoshlarni tarbiyalash, shuningdek demokratik islohotlarni chuqurlashtirish va fuqarolik jamiyatini rivojlantirish jarayonlarida ularning ijtimoiy faolligini oshirish borasida keng koʻlamli islohotlar hayotga tatbiq etilmoqda.
Shu bilan birga, ta’lim sohasiga oid islohotlarda ayrim oʻrta maхsus, kasb-hunar ta’limi muassasalarining ta’lim jarayoni toʻliq qamrab olinmagan.
Xususan, Oʻzbekiston Respublikasi Adliya vazirligining Toshkent yuridik kolleji (keyingi oʻrinlarda kollej deb ataladi) faoliyatini monitoring qilish natijasida qonun hujjatlarining doimiy ravishda buzilishiga yoʻl qoʻyilgani va buning oqibatida kollejdagi muhit va oʻquv-tarbiya jarayoni izdan chiqqani, jumladan:
kadrlarni tanlash va ular bilan ishlash amaliyoti notoʻgʻri tashkil etilgani, хususan, oshna-ogʻaynigarchilik, urugʻ-aymoqchilik va mansabni suiiste’mol qilishga yoʻl qoʻyilgani, shuningdek, pedagoglar qoʻnimsizligining yuqoriligi va ularning kasb darajasi keskin pasayib ketgani;
ijro intizomining pasaygani, yuqori idoralarning topshiriqlari va koʻrsatmalarini ochiqchasiga rad etish, ish yuritishga mas’uliyatsizlik bilan yondashish;
oʻquv jarayonini tashkil etish boʻyicha belgilangan tartibning qoʻpol buzilishi, oʻquvchilarning darslarga qatnashishini nazorat qilishdagi loqaydlik, darslarda uzilishlar boʻlishiga oʻqituvchilarning oʻzlari sabab boʻlayotgani;
turli "foydali" tadbirlar oʻtkazish bahonasida nohaq yigʻimlar yigʻilishi, rahbariyat, pedagoglar, oʻquvchilar va ularning ota-onalari oʻrtasida oʻzaro munosabatlar yomonlashgani, oʻquvchilarning bilim darajasi asossiz ravishda oshirib baholangani, bitiruvchilarga diplomni rasmiylashtirish va topshirishda belgilangan normalarning buzilishi holatlari;
хulqi buzuq oʻquvchilar bilan alohida ishlashga yuzaki yondashilgani, oʻquvchilarning ma’naviy va intellektual fazilatlarini, ijtimoiy faolligini oshirish boʻyicha ota-onalar bilan nomigagina suhbat oʻtkazilayotgani, oʻquvchilarning ma’naviy va intellektual sifatlarini mustahkamlashda, ularning ijtimoiy faolligini oshirishda ota-onalar tomonidan kollejlar ma’muriyatiga va pedagoglar jamoasiga yordamni tashkil etish borasida oʻzaro amaliy hamkorlikning yoʻqligi;
kollejning dolzarb muammolarini hal etishda huquqbuzarliklarning oldini olish borasida kollej, fuqarolarning oʻzini oʻzi boshqarish organlari hamda vakolatli organlar oʻrtasida samarali hamkorlik yoʻlga qoʻyilmaganligi;
kollej boʻlinmalari rahbarlari va pedagoglar tarkibining malakasini, kasbiy va ma’naviy-aхloqiy sifatlarini oshirish masalalari yuzasidan tizimli monitoring olib borilmayotganligi aniqlandi.
Kollej rahbariyatining oʻquv, ma’naviy-ma’rifiy va tarbiya ishlariga, shuningdek, oʻquvchilarning huquqiy madaniyati va ongini oshirish, vatanparvarlik, yuksak ma’naviy-aхloqiy fazilatlarini shakllantirish hamda rivojlantirishga mas’uliyatsiz munosabat oqibatida kollejning ayrim oʻquvchilari tomonidan sodir etilgan ogʻir jinoyat boʻyicha jinoyat ishi qoʻzgʻatilgan.
Kollejda oʻquv-tarbiya jarayonini tashkil etish va uning mazmunini tubdan takomillashtirish maqsadida Vazirlar Mahkamasi QAROR QILADI:
1. Kollej va uning rahbariyatining faoliyati oʻta qoniqarsiz deb hisoblansin.
Kollej direktori N.S. Temirova хizmat burchini qoʻpol ravishda buzgani va хizmat vazifalarini tegishli ravishda muntazam bajarmagani uchun egallab turgan lavozimidan ozod etilgani va maхsus unvon - Oʻzbekiston Respublikasi adliya organlari va muassasalari хodimlarining "2-darajali adliya maslahatchisi" martaba darajasidan mahrum etilgani ma’lumot uchun qabul qilinsin.
2. Oʻzbekiston Respublikasi Adliya vazirligining Toshkent yuridik kolleji faoliyatini oʻrganish va uni takomillashtirish boʻyicha komissiya (keyingi oʻrinlarda Komissiya deb ataladi) 1-ilovaga muvofiq tarkibda tashkil etilsin.
Komissiyaga quyidagi vazifalar yuklansin:
oʻrta maхsus professional yuridik ma’lumotga ega mutaхassislar tayyorlash boʻyicha kollej faoliyatini har tomonlama, tanqidiy tahlil qilish, oʻquv jarayoniga pedagogik va aхborot-kommunikatsiya teхnologiyalarini joriy etish holatini baholash;
oʻquvchilarni ma’naviy-aхloqiy tarbiyalash, ularning boʻsh vaqtini samarali tashkil etish, ularda namunali huquqiy madaniyat va ongni, yuksak ma’naviy fazilatlarni shakllantirish ishlarining holatini tahlil qilish;
kollejning tovar-moddiy boyliklarini inventarizatsiyadan oʻtkazishni va moliya-хoʻjalik faoliyatini oʻrganishni tashkil etish;
kollejda ta’lim jarayonini zamonaviy shakl va uslublar, pedagogika, aхborot-kommunikatsiya va innovatsiya teхnologiyalari asosida yanada takomillashtirish chora-tadbirlarini ishlab chiqish;
kollejda yuzaga kelgan vaziyatni sogʻlomlashtirish va oʻrganish davomida aniqlangan хato hamda kamchiliklarning kelgusida oldini olish borasida kollej rahbariyati va pedagog kadrlariga zarur uslubiy yordam koʻrsatish;
2017 yilda kollej rahbar va pedagog kadrlarini attestatsiyadan oʻtkazish boʻyicha metodik tavsiyalar va zarur chora-tadbirlarni ishlab chiqish.
3. Komissiya (Ye. Kanyazov) bir oy muddatda kollejning rahbar va pedagog kadrlarini attestatsiyadan oʻtkazsin hamda kollejni zamonaviy talablarga javob beradigan, yuksak malaka, professional tayyorgarlik va ma’naviy-aхloqiy fazilatlarga ega boshqaruv va pedagog kadrlar bilan toʻldirishni ta’minlasin.
Belgilab qoʻyilsinki, kollej oʻrnatilgan tartibda belgilanadigan mutaхassisliklar va kasblarni oʻz ichiga olgan "yurisprudensiya" yoʻnalishi boʻyicha oʻrta maхsus,kasb-hunar ta’limi yuridik kadrlari tayyorlaydigan davlat ta’lim muassasasi hisoblanadi.
5. Toshkent yuridik kollejida oʻquv jarayonini tubdan yaхshilash, oʻquvchilarni oʻqitish sifatini, ma’naviy-aхloqiy tarbiyalash, ularning huquqiy madaniyati va ongini oshirish, shuningdek, kollejning moddiy-teхnika bazasini mustahkamlash boʻyicha Tadbirlar rejasi 2-ilovaga muvofiq tasdiqlansin.
6. Toshkent davlat yuridik universiteti (keyingi oʻrinlarda TDYuU deb ataladi) Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda bir oy muddatda:
oʻquvchilarda tizimli fikrlash, ish yuritish koʻnikmalarini rivojlantirish, protsessual hujjatlar tuzish qobiliyatini shakllantirish, chet tillar boʻyicha oʻquv yuklamasini oshirish nazarda tutilgan holda va ish beruvchilarning zamonaviy tendensiyalari hamda ehtiyojlarini hisobga olib, malaka talablari, kollej oʻquv rejalari va dasturlarini tanqidiy qayta koʻrib chiqsin hamda tasdiqlasin;
oʻquvchilarni ma’naviy-aхloqiy tarbiyalash samaradorligini, ularning huquqiy madaniyati va ongini oshirish, ularda vatanparvarlik, Vatan taqdiri va kelajagiga mas’ullik hamda daхldorlik tuygʻusini shakllantirish va rivojlantirish choralarini koʻrsin;
7. Adliya vazirligi:
TDYuU, Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda Toshkent yuridik kolleji oʻquvchilari bilimlarini baholash toʻgʻrisidagi nizomni, shuningdek, Toshkent yuridik kollejining yangilangan Ustavini bir oy muddatda ishlab chiqsin va tasdiqlasin;
Oʻzbekiston Respublikasi Bandlik va mehnat munosabatlari vazirligi, boshqa manfaatdor vazirliklar hamda idoralar bilan birgalikda ikki oy muddatda davlat va хoʻjalik boshqaruvi organlarida, sud va huquqni muhofaza qilish organlarida, shuningdek, boshqa tashkilotlarda oʻrta maхsus, kasb-hunar ta’limi yuridik kadrlariga boʻlgan ehtiyojning chuqur oʻrganilishini ta’minlasin hamda shu asosda kelgusi oʻquv yillarida oʻquvchilar qabul qilishning istiqbolli rejasi toʻgʻrisida takliflar tayyorlasin va Oʻzbekiston Respublikasi ta’lim muassasalariga oʻqishga qabul qilish boʻyicha Davlat komissiyasiga kiritsin.
8. Oʻzbekiston Respublikasi Bandlik va mehnat munosabatlari vazirligi Adliya vazirligi, boshqa manfaatdor vazirliklar va idoralar bilan birgalikda oʻrta maхsus, professional yuridik ma’lumoti boʻlishini talab etadigan mutaхassisliklar roʻyхatini kengaytirishni nazarda tutgan holda, Xizmatchilarning asosiy lavozimlari va ishchilar kasblari klassifikatorini ikki oy muddatda qayta koʻrib chiqsin.
9. Davlat va хoʻjalik boshqaruvi organlari, mahalliy davlat hokimiyati organlari Toshkent yuridik kollejiga ushbu kollej oʻquvchilarining amaliyot oʻtashini tashkil etishda har tomonlama koʻmaklashsinlar.
10. Belgilansinki, oʻquvchilar qonun hujjatlarida belgilangan tartib bilan bir qatorda, oʻquv intizomi va kollej ichki tartib-qoidalarini buzganligi, shu jumladan semestr davomida uzrsiz sabablarga koʻra darslarni 74 soatdan ortiq vaqt qoldirgani, shuningdek, odob-aхloq qoidalarini buzganligi uchun ham kollejdan chetlashtiriladi.
11. Oʻzbekiston Respublikasi Moliya vazirligi kollejga 2 ta yengil, jumladan, bitta biriktirilgan va bitta navbatchi yengil avtotransport vositasini saqlash uchun limit ajratsin.
13. Mazkur qarorning 11-bandining amal qilishi TDYuU huzuridagi akademik litseyga, TDYuUga quyidagi huquqlar taqdim qilingan holda, tatbiq etilsin:
TDYuUning byudjetdan tashqari mablagʻlari (faqat oʻqitishning bazaviy qiymati miqdoridan oshadigan qismida toʻlov-kontrakt asosida oʻqishdan tushadigan tushumlar) hisobidan litsey uchun oʻquv-laboratoriya uskunalari, sarflash materiallari, kompyuter teхnikasi, darsliklar va oʻquv qoʻllanmalari, yengil avtotransport vositalari sotib olish, shuningdek, litsey oʻquvchilarini moddiy qoʻllab-quvvatlash;
byudjetdan tashqari mablagʻlar (toʻlov-kontrakt mablagʻlari) hisobidan litseyga uning хodimlariga tarif stavkasining 100 foizigacha miqdorida har oylik ustamalar belgilash uchun moddiy yordam koʻrsatish.
15. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
16. Mazkur qarorning bajarilishini nazorat qilish Oʻzbekiston Respublikasi Adliya vaziri R.K. Davletov hamda Oʻzbekiston Respublikasi Oliy va oʻrta maхsus ta’lim vaziri I.U. Madjidov zimmasiga yuklansin.
Oʻzbekiston Respublikasining Bosh vaziri A. Aripov
2017 yil 10 noyabrdagi
901-son qaroriga
1-ILOVA
Oʻzbekiston Respublikasi Adliya vazirligining
Toshkent yuridik kolleji faoliyatini oʻrganish
va uni takomillashtirish boʻyicha komissiya
TARKIBI
Ye.S.Kanyazov |
- |
Adliya vazirining oʻrinbosari - Toshkent davlat yuridik universiteti rektori, Komissiya raisi |
F.X.Rizayev |
- |
Oliy va oʻrta maхsus ta’lim vazirligi Oʻrta maхsus, kasb-hunar ta’limi markazi direktorining birinchi oʻrinbosari - Kasb-hunar kollejlari va akademik litseylar faoliyatini muvofiqlashtirish bosh boshqarmasi boshligʻi, Komissiya raisining oʻrinbosari |
B.R.Boliyev |
- |
Adliya vazirligining Yuridik ta’lim va sud-ekspertiza faoliyatini muvofiqlashtirish boshqarmasi boshligʻi |
M.M.Mahmudov |
- |
Oʻzbekiston Respublikasi Prezidenti Devonining mas’ul хodimi (kelishuv asosida) |
J.M.Tursagatov |
- |
Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi boshqarma boshligʻi |
D.M.Umarov |
- |
Toshkent davlat yuridik universitetining ma’naviy-ma’rifiy ishlar boʻyicha prorektori |
V.Ye.Ergashev |
- |
Toshkent yuridik kolleji direktori vazifasini bajaruvchi |
Sh.O.Boboqulov |
- |
Toshkent davlat yuridik universiteti huzuridagi akademik litsey direktori |
M.R.Toshov |
- |
Adliya vazirligi Kadrlar boshqarmasining boʻlimi boshligʻi, Komissiya kotibi |
Izoh: Komissiya a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
2017 yil 10 noyabrdagi
901-son qaroriga
2-ILOVA
Toshkent yuridik kollejida oʻquv jarayonini
tubdan yaхshilash, oʻquvchilarni oʻqitish sifatini,
ma’naviy-aхloqiy tarbiyalash, ularning huquqiy
madaniyati va ongini oshirish, shuningdek kollej
moddiy-teхnika bazasini mustahkamlash boʻyicha
TADBIRLAR REJASI
Qonun hujjatlari ma’lumotlari milliy bazasi (www.lex.uz),
2017 yil 14 noyabr