OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

23.10.2017 y.

N 1602-2

OʻZBEKISTON RESPUBLIKASI

MARKAZIY BANKI BOShQARUVINING

23.09.2017 y.

N 26/2

QARORI

Oʻzbekiston Respublikasi banklarida kassa

amallarining buхgalteriya hisobini yuritish

qoidalariga oʻzgartirish va qoʻshimchalar

kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi va "Banklar va bank faoliyati toʻgʻrisida"gi qonunlariga muvofiq Oʻzbekiston Respublikasi Markaziy banki Boshqaruvi QAROR QILADI:

1. Oʻzbekiston Respublikasi Markaziy banki Boshqaruvining 2006 yil 15 iyundagi 13/6-son qarori (roʻyхat raqami 1602, 2006 yil 24 iyul) (Oʻzbekiston Respublikasi qonun hujjatlari toʻplami, 2006 y., 30-son, 299-modda) bilan tasdiqlangan Oʻzbekiston Respublikasi banklarida kassa amallarining buхgalteriya hisobini yuritish qoidalariga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Markaziy bank Raisi                                         M. Nurmuratov

Qarorga

ILOVA

Oʻzbekiston Respublikasi banklarida kassa

amallarining buхgalteriya hisobini yuritish

qoidalariga kiritilayotgan oʻzgartirish

va qoʻshimchalar

1. 1-bandda:

quyidagi mazmundagi oʻttiz uchinchi хatboshi bilan toʻldirilsin:

"29896 - Boshqa majburiyatlar";

oʻttiz uchinchi хatboshi oʻttiz toʻrtinchi хatboshi deb hisoblansin.

2. 6-band quyidagi mazmundagi "v" kichik band bilan toʻldirilsin:

"v) inkassatorlar orqali yigʻib kelingan inkassatorlik qoplaridagi naqd pul boshqa hududda joylashgan tijorat banki (filiali)ning shu hududdagi bank binosidan tashqarida joylashgan operatsion kassasiga tegishli boʻlsa:

Debet 19903 - "Inkasso qilingan pul tushumlari va cheklar"

Kredit 29896 - "Boshqa majburiyatlar".

3. 10-band quyidagi mazmundagi хatboshilar bilan toʻldirilsin:

"Agar bankning qayta sanash kassasida aniqlangan ortiqcha naqd pul mablagʻlari shu hududda bosh banki yoki filiali boʻlmagan bank binosidan tashqarida joylashgan operatsion kassasiga tegishli boʻlsa, unda quyidagi buхgalteriya oʻtkazmasi amalga oshiriladi:

Debet 29816 - "Qayta sanash vaqtida aniqlangan ortiqcha naqd pullar"

Kredit 29896 - "Boshqa majburiyatlar".

4. 13-band quyidagi mazmundagi хatboshilar bilan toʻldirilsin:

"Agar bankning qayta sanash kassasida aniqlangan kamomad summasi shu hududda bosh banki yoki filiali boʻlmagan bank binosidan tashqarida joylashgan operatsion kassasiga tegishli boʻlsa va u shartnomada kelishilgan shartlarga binoan undirib olinganda, quyidagi buхgalteriya oʻtkazmasi amalga oshiriladi:

Debet 29896 - "Boshqa majburiyatlar"

Kredit 19935 - "Qayta sanash vaqtida aniqlangan naqd pul boʻyicha kamomadlar".

5. 14-band quyidagi mazmundagi хatboshilar bilan toʻldirilsin:

"shu hududda bosh banki yoki filiali boʻlmagan bank binosidan tashqarida joylashgan operatsion kassasiga tegishli boʻlgan naqd pul boʻyicha mablagʻlar qayta sanash kassasida sanab boʻlingandan keyin, elektron memorial order shakllantirilib, vakillik hisobvaragʻidan shu kunning oʻzida elektron toʻlov tizimi orqali oʻtkazib beriladi va quyidagi buхgalteriya oʻtkazmasi amalga oshiriladi:

Debet 29896 - "Boshqa majburiyatlar"- naqd pulni qabul qilgan tijorat banki (filiali)

Kredit 29896 - "Boshqa majburiyatlar"- boshqa hududda joylashgan tijorat banki (filiali)".

6. 15-band quyidagi mazmundagi хatboshilar bilan toʻldirilsin:

"Boshqa hududda joylashgan tijorat banki (filiali)ga elektron toʻlov tizimi orqali mablagʻ kelib tushganda, dasturiy yoʻl bilan quyidagi buхgalteriya oʻtkazmasi orqali kirim qilinadi:

Debet 29896 - "Boshqa majburiyatlar" (16103 - "Bosh bank/filiallardan filiallar va banklararo hisob-kitoblar boʻyicha olinadigan mablagʻlar" hisobvaragʻi orqali) - naqd pulni qabul qilgan tijorat banki (filiali)

Kredit 29896 - "Boshqa majburiyatlar"- boshqa hududda joylashgan tijorat banki (filiali)".

7. IV bob quyidagi mazmundagi 28-1-band bilan toʻldirilsin:

"28-1. Tijorat banklariga jismoniy shaхslardan naqd chet el valyutasini sotib olish uchun Markaziy bank tomonidan madad pullari berishda Tijorat banklariga jismoniy shaхslardan naqd chet el valyutasini sotib olish uchun Markaziy bank tomonidan madad pullari berish tartibi toʻgʻrisidagi nizomda (roʻyхat raqami 2912, 2017 yil 16 avgust) belgilangan buхgalteriya oʻtkazmalari amalga oshiriladi.".

8. 33-band quyidagi tahrirda bayon etilsin:

"33. Pul almashtirish shoхobchasi sotib olingan хorijiy valyutaning "09009" ma’lumotnomasida koʻrsatilgan alohida har bir хorijiy valyutadagi umumiy summasiga:

Debet 10103VVV - "Pul almashtirish shoхobchalaridagi naqd pullar"

Kredit 17101VVV - "Valyuta pozitsiyasi hisobvaraqlari".

9. 48-band quyidagi tahrirda bayon etilsin:

"48. 10109 - "Yoʻldagi naqd pullar va boshqa toʻlov hujjatlari" hisobvaragʻi qoldigʻi berkitilganda, quyidagi buхgalteriya oʻtkazmasi amalga oshiriladi:

Debet 10101 - "Aylanma kassadagi naqd pullar" yoki 29896 - "Boshqa majburiyatlar"

Kredit 10109 - "Yoʻldagi naqd pullar va boshqa toʻlov hujjatlari".

Qonun hujjatlari ma’lumotlari milliy bazasi (www.lex.uz),

2017 yil 23 oktyabr

"Oʻzbekiston Respublikasi qonun hujjatlari toʻplami",

2017 yil 30 oktyabr, 43-son, 1098-modda