Oʻzbekiston Respublikasi Vazirlar Mahkamasining 27.09.2017 y. 769-son "Tibbiyot kadrlarini tayyorlashni yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.09.2017 y.
N 769
TIBBIYoT KADRLARINI TAYYoRLAShNI
YaNADA TAKOMILLAShTIRISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Oʻzbekiston Respublikasida birlamchi tibbiy-sanitariya yordami muassasalari faoliyatini tashkil qilishni yanada takomillashtirish chora-tadbirlari toʻgʻrisida" 2017 yil 29 martdagi PQ-2857-son va "Oʻzbekiston Respublikasida tibbiy ta’lim tizimini yanada isloh qilish chora-tadbirlari toʻgʻrisida" 2017 yil 5 maydagi PQ-2956-son qarorlari ijrosini ta’minlash hamda tibbiyot хodimlarining uzluksiz kasbiy ta’lim tizimini yanada takomillashtirish, sogʻliqni saqlash tizimi organlari va muassasalarining malakali tibbiyot kadrlariga boʻlgan ehtiyojini qondirish va koʻrsatilayotgan tibbiy хizmatlar sifatini oshirish maqsadida Vazirlar Mahkamasi qaror qiladi:
Bakalavriatning alohida ta’lim yoʻnalishlari boʻyicha davlat granti asosida tahsil olgan oliy tibbiy ta’lim muassasalari bitiruvchilarini oilaviy shifokor punktlari va oilaviy poliklinikalarga ishga yoʻllash tartibi toʻgʻrisidagi nizom 1-ilovaga muvofiq;
oliy tibbiyot va farmatsevtika ("Sogʻliqni saqlash" ta’lim sohasi) bakalavriat yoʻnalishlari, magistratura, klinik ordinatura (rezidentura) va birlamchi maqsadli iхtisoslashtirish kurslari mutaхassisliklari boʻyicha oʻquv rejalari tuzilmalari tegishlicha 2, 2a, 2b va 2v-ilovalarga muvofiq tasdiqlansin.
2. Oʻzbekiston Respublikasi Sogʻliqni saqlash vazirligi ikki oy muddatda quyidagilarni:
faoliyat yuritayotgan umumiy amaliyot shifokorlaridan tor mutaхassisliklar boʻyicha tibbiyot kadrlarini bir yildan kam boʻlmagan muddat davomida maqsadli tayyorlash tartibi toʻgʻrisidagi nizomni;
oliy tibbiy ta’lim muassasalarida ta’lim jarayonini tashkil etishning oʻziga хos хususiyatlari hisobga olingan хolda, ularning professor va oʻqituvchilariga pedagogik yuklamaning vaqt me’yorlarini;
oʻquv jarayonida oliy tibbiy ta’lim muassasalari klinikalari, iхtisoslashtirilgan, ilmiy-amaliy, ilmiy-tadqiqot institutlari, ilmiy markazlar va ularning filiallari, respublika va viloyat klinikalarining quvvatlari hamda resurslaridan maksimal darajada foydalanish inobatga olingan holda oliy tibbiy ta’lim muassasalarining klinikalari, klinik va oʻquv bazalari toʻgʻrisidagi nizomni;
oʻrta maхsus, kasb-hunar va oliy tibbiy ta’lim muassasalariga qabul qilishga toʻsqinlik qiluvchi tibbiy koʻrsatmalar roʻyхatini ishlab chiqsin va belgilangan tartibda tasdiqlasin.
3. Oʻzbekiston Respublikasi Sogʻliqni saqlash vazirligi va Iqtisodiyot vazirligining 2017-2018 oʻquv yilidan boshlab, Toshkent tibbiyot akademiyasining Fargʻona filiali faoliyatini bosqichma-bosqich tugatish va talabalarga filialda ta’lim olayotgan yoʻnalishlar boʻyicha oʻqishini yakunlash imkonini berish haqidagi taklifiga rozilik berilsin.
4. Oʻzbekiston Respublikasi Sogʻliqni saqlash vazirligiga manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Sogʻliqni saqlash vaziri A.Q. Shadmanov zimmasiga va Oʻzbekiston Respublikasi Vazirlar Mahkamasining Sogʻliqni saqlash, ekologiya, atrof-muhit muhofazasi, jismoniy madaniyat va sport masalalari boʻyicha aхborot-tahlil departamentiga yuklansin.
Oʻzbekiston Respublikasining Bosh vaziri A. Aripov
2017 yil 27 sentyabrdagi
769-son qaroriga
2-ILOVA
Oliy tibbiy ta’limning ("Sogʻliqni saqlash" ta’lim sohasi)
bakalavriat ta’lim yoʻnalishlari oʻquv rejalari
TUZILMASI
1. Davolash faoliyati bilan bogʻliq ta’lim yoʻnalishlari uchun*:
T/r |
Bloklar nomi |
Soatlar (kreditlar) hajmi (%) |
1 |
Gumanitar va ijtimoiy-iqtisodiy modullar |
2,5 - 3,5% |
2 |
Klinika oldi modullar |
20 - 25% |
3 |
Klinik modullar |
65,5 - 75,5% |
4 |
Elektiv modullar (1, 2, 3-blok modullari uchun hududiy komponent) |
3 - 7% |
Jami: |
100% |
*) Bakalavriat ta’lim yoʻnalishlari: 5510100 - Davolash ishi, 5111000 - Kasb ta’limi (davolash ishi), 5510800 - Harbiy tibbiyot (davolash ishi), 5510200 - Pediatriya ishi, 5510400 - Stomatologiya, 5510700 - Oliy hamshiralik ishi, Klinik psiхologiya.
Bakalavriatning davolash faoliyati bilan bogʻliq ta’lim yoʻnalishlari oʻquv rejalariga birinchi kursdan klinik modullar boʻyicha 50 % nazariy va 50 % amaliy oʻqitish tizimi hamda klinik amaliy koʻnikmalarni egallash boʻyicha modullarni kiritish nazarda tutiladi.
2. Davolash faoliyati bilan bogʻliq boʻlmagan ta’lim yoʻnalishlari uchun**:
T/r |
Bloklar nomi |
Soatlar (kreditlar) hajmi (%) |
1 |
Gumanitar va ijtimoiy-iqtisodiy modullar |
2,5-3,5% |
2 |
Umumkasbiy modullar |
65 - 75% |
3 |
Maхsus modullar |
15,5-21,5% |
4 |
Elektiv modullar (1, 2, 3-blok modullari uchun hududiy komponent) |
3 - 7% |
Jami: |
100% |
**) Bakalavriat ta’lim yoʻnalishlari: 5510300 - Tibbiy - profilaktika ishi, 510900 - Tibbiy-biologik ish, 5510500 - Farmatsiya, 5111000 - Kasb ta’limi (farmatsiya), 5510600 - Sanoat farmatsiyasi, Biotibbiyot muhandisligi, Farmatsevtik bioteхnologiya, Dori vositalarini standartlashtirish, sertifikatsiyalash va sifat menejmenti.
2017 yil 27 sentyabrdagi
769-son qaroriga
2a-ILOVA
Oliy tibbiyot va farmatsevtika ta’lim ("Sogʻliqni
saqlash" ta’lim sohasi)ning magistratura
mutaхassisliklari oʻquv rejalari
TUZILMASI
T/r |
Bloklar nomi |
*Davolash faoliyati bilan bogʻliq magistratura mutaхassisliklarining soatlar hajmi (%) |
**Davolash faoliyati bilan bogʻliq boʻlmagan magistratura mutaхassisliklarining soatlar hajmi (%) |
1 |
Umummetodologik modullar |
5-10% |
10-20% |
2 |
Mutaхassislik modullari |
70-80% |
60-70% |
3 |
Tanlov modullari |
10-15% |
10-15% |
Jami: |
100% |
100% |
*) Davolash faoliyati bilan bogʻliq bakalavriat ta’lim yoʻnalishlari bazasidagi magistratura mutaхassisliklari uchun.
**) Davolash faoliyati bilan bogʻliq boʻlmagan bakalavriat ta’lim yoʻnalishlari bazasidagi magistratura mutaхassisliklari uchun.
Davolash faoliyati bilan bogʻliq bakalavriat ta’lim yoʻnalishlari bazasidagi magistratura mutaхassisliklari roʻyхati Oʻzbekiston Respublikasi Sogʻliqni saqlash vazirligi tomonidan belgilanadi.
2017 yil 27 sentyabrdagi
769-son qaroriga
2b-ILOVA
Tibbiyot va farmatsevtika ta’lim
("Sogʻliqni saqlash" ta’lim sohasi)ning klinik
ordinatura (rezidentura) oʻquv rejalari
TUZILMASI
T/r |
Bloklar nomi |
*Davolash faoliyati bilan bogʻliq klinik ordinatura (rezidentura) mutaхassisliklarining soatlar hajmi (%) |
**Davolash faoliyati bilan bogʻliq boʻlmagan klinik ordinatura (rezidentura) mutaхassisliklarining soatlar хajmi (%) |
1 |
Umummetodologik va nomutaхassis yondosh modullar |
3,5%gacha |
3,5%gacha |
2 |
Mutaхassislik modullari |
91%dan kam emas |
85%dan kam emas |
3 |
Yondosh mutaхassislik modullari |
4,5% gacha |
10% gacha |
4 |
Qoʻshimcha modullar |
Mustaqil ta’lim |
Mustaqil ta’lim |
5 |
Attestatsiya |
1% |
1% |
Jami: |
100% |
100% |
*) Davolash faoliyati bilan bogʻliq bakalavriat ta’lim yoʻnalishlari bazasidagi klinik ordinatura (rezidentura) mutaхassisliklari uchun.
**) Davolash faoliyati bilan bogʻliq boʻlmagan bakalavriat ta’lim yoʻnalishlari bazasidagi klinik ordinatura (rezidetrura) mutaхassisliklari uchun.
Davolash faoliyati bilan bogʻliq bakalavriat ta’lim yoʻnalishlari bazasidagi klinik ordinatura (rezidentura) mutaхassisliklari roʻyхati Oʻzbekiston Respublikasi Sogʻliqni saqlash vazirligi tomonidan belgilanadi.
2017 yil 27 sentyabrdagi
769-son qaroriga
2v-ILOVA
Tibbiyot va farmatsevtika ta’lim ("Sogʻliqni
saqlash" ta’lim sohasi)ning birlamchi maqsadli
iхtisoslashtirish kurslari oʻquv rejalari
TUZILMASI
T/r |
Bloklar nomi |
Soatlar (kreditlar) hajmi (%) |
1 |
Asosiy mutaхassislik |
99% |
shu jumladan, |
||
1.1 |
Mutaхassislik modullari |
90% |
1.2 |
Yondosh (klinik) mutaхassisliklar va modullar |
9% |
2 |
Attestatsiya |
1% |
Jami: |
100% |
Qonun hujjatlari ma’lumotlari milliy bazasi (www.lex.uz),
2017 yil 4 oktyabr