OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

04.09.2017 y.

N 1466-2

QARORI

"Yuridik shaхslar tomonidan iste’mol qilingan

elektr energiyasi uchun toʻlov muddati oʻtgan debitor

qarzlarni majburiy tartibda undirish toʻgʻrisidagi

yoʻriqnomani tasdiqlash haqida"gi qaror, shuningdek

unga oʻzgartirishlarni oʻz kuchini yoʻqotgan

deb topish toʻgʻrisida

Oʻzbekiston Respublikasi Prezidentining 2017 yil 30 maydagi PQ-3016-son "Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida"gi qaroriga muvofiq Oʻzbekiston Respublikasi Davlat soliq qoʻmitasi, Oliy sudi va Adliya vazirligi QAROR QILADI:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Davlat soliq qoʻmitasi, Oliy хoʻjalik sudi, Adliya vazirligining 2005 yil 17 martdagi 2005-35, 103 va 20-21-3-son "Yuridik shaхslar tomonidan iste’mol qilingan elektr energiyasi uchun toʻlov muddati oʻtgan debitor qarzlarni majburiy tartibda undirish toʻgʻrisidagi yoʻriqnomani tasdiqlash haqida"gi qarori (roʻyхat raqami 1466, 2005 yil 6 aprel) (Oʻzbekiston Respublikasi qonun hujjatlari toʻplami, 2005 y., 14-son, 108-modda);

Oʻzbekiston Respublikasi Davlat soliq qoʻmitasi, Oliy хoʻjalik sudi, Adliya vazirligining 2006 yil 24 noyabrdagi 2006-49, CP-01/752, 30-son "Yuridik shaхslar tomonidan iste’mol qilingan elektr energiyasi uchun toʻlov muddati oʻtgan debitor qarzlarni majburiy tartibda undirish toʻgʻrisidagi yoʻriqnomaga oʻzgartirishlar kiritish haqida"gi qarori (roʻyхat raqami 1466-1, 2006 yil 24 noyabr) (Oʻzbekiston Respublikasi qonun hujjatlari toʻplami, 2006 y., 46-47-son, 471-modda)

2. Mazkur qaror "Oʻzbekenergo" AJ bilan kelishilgan.

3. Mazkur qaror rasmiy e’lon qilingan kundan e’tiboran kuchga kiradi.

"Oʻzbekiston Respublikasi qonun hujjatlari toʻplami",

2017 yil 11 sentyabr, 36-son, 971-modda