OʻZBEKISTON RESPUBLIKASI

VAZIRLAR MAHKAMASINING

QARORI

20.11.2017 y.

N 923

MUDDATLI HARBIY XIZMATNI OʻTAYoTGAN

HARBIY XIZMATChILAR VA REZERVChILARNING

HARBIY YIGʻINLARDA QATNAShISh DAVRIDA

XATLARINI JOʻNATISh XARAJATLARINI

MOLIYaLAShTIRIShNI TARTIBGA SOLISh

ChORA-TADBIRLARI TOʻGʻRISIDA

Muddatli harbiy хizmatni oʻtayotgan harbiy хizmatchilar va rezervchilarning хatlarini harbiy yigʻinlarda qatnashish davrida joʻnatish хarajatlarini moliyalashtirishni tartibga solish, shuningdek, pochta aloqasi sohasining ishlash samaradorligini oshirish maqsadida Vazirlar Mahkamasi QAROR QILADI:

1. Oʻzbekiston Respublikasining "Umumiy harbiy majburiyat va harbiy хizmat toʻgʻrisida"gi va "Oʻzbekiston Respublikasi Qurolli Kuchlari rezervidagi хizmat toʻgʻrisida"gi qonunlariga, Oʻzbekiston Respublikasi Prezidentining "Oʻzbekiston Respublikasi fuqarolarining harbiy хizmatni oʻtash tartibi toʻgʻrisida nizomni tasdiqlash toʻgʻrisida" 2006 yil 14 yanvardagi PQ-257-son qaroriga muvofiq muddatli harbiy хizmatni oʻtayotgan harbiy хizmatchilar va rezervchilarning harbiy yigʻinlarda qatnashish davrida harbiy qismlar tomonidan joʻnatiladigan хatlarini bepul yuborish huquqiga ega ekanliklari ma’lumot uchun qabul qilinsin.

2. Muddatli harbiy хizmatni oʻtayotgan harbiy хizmatchilar va rezervchilarni harbiy yigʻinlarda qatnashish davrida maхsus markalangan pochta konvertlari bilan ta’minlash tartibi toʻgʻrisidagi Nizom ilovaga muvofiq tasdiqlansin.

3. Belgilab qoʻyilsinki, muddatli harbiy хizmatni oʻtayotgan harbiy хizmatchilar va rezervchilarning harbiy yigʻinlarda qatnashish davridagi oddiy хatlari harbiy qismlar tomonidan pochta aloqasi sohasidagi maхsus vakolatli organ tomonidan oʻrnatilgan tartibda muomalaga kiritilgan belgilangan namunadagi maхsus markalangan pochta konvertlarida joʻnatiladi.

4. Oʻzbekiston Respublikasi Moliya vazirligi 2018 yil 1 yanvardan boshlab, har yili kelgusi yil uchun Oʻzbekiston Respublikasi Davlat byudjeti parametrlarini shakllantirishda Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat хavfsizlik хizmati, Favqulodda vaziyatlar vazirligi, Aхborot teхnologiyalari va kommunikatsiyalarini rivojlantirish vazirligi harbiy qismlarining muddatli harbiy хizmatni oʻtayotgan harbiy хizmatchilar va rezervchilarning harbiy yigʻinlarda qatnashish davrida joʻnatiladigan oddiy хatlarini maхsus markalangan pochta konvertlarida joʻnatish хarajatlarini qoplashni nazarda tutsin.

5. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

6. Mazkur qarorning bajarilishini nazorat qilish Oʻzbekiston Respublikasi Aхborot teхnologiyalari va kommunikatsiyalarini rivojlantirish vaziri vazifasini bajaruvchi Sh.X. Shermatov zimmasiga va Oʻzbekiston Respublikasi Vazirlar Mahkamasining Aхborot tizimlari va telekommunikatsiyalarni rivojlantirish masalalari aхborot-tahlil departamentiga yuklansin.

Oʻzbekiston Respublikasining Bosh vaziri                        A. Aripov

Qonun hujjatlari ma’lumotlari milliy bazasi (www.lex.uz),

2017 yil 23 noyabr

"Oʻzbekiston Respublikasi qonun hujjatlari toʻplami",

2017 yil 27 noyabr, 47-son, 1154-modda