Oʻzbekiston Respublikasi Vazirlar Mahkamasining 21.11.2017 y. 931-son "Avtomobil va aviatsiya benziniga, dizel va kema yonilgʻisiga, reaktiv dvigatellar uchun yonilgʻiga va mazutga qoʻyiladigan talablar toʻgʻrisidagi umumiy teхnik reglamentni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.11.2017 y.
N 931
AVTOMOBIL VA AVIATsIYa BENZINIGA,
DIZEL VA KEMA YoNILGʻISIGA, REAKTIV
DVIGATELLAR UChUN YoNILGʻIGA VA MAZUTGA
QOʻYILADIGAN TALABLAR TOʻGʻRISIDAGI
UMUMIY TEXNIK REGLAMENTNI
TASDIQLASh HAQIDA
"Teхnik jihatdan tartibga solish toʻgʻrisida"gi Oʻzbekiston Respublikasi Qonuniga muvofiq hamda avtomobil va aviatsiya benziniga, dizel va kema yonilgʻisiga, reaktiv dvigatellar uchun yonilgʻiga va mazutga qoʻyiladigan yagona talablarni belgilash maqsadida Vazirlar Mahkamasi QAROR QILADI:
1. Avtomobil va aviatsiya benziniga, dizel va kema yonilgʻisiga, reaktiv dvigatellar uchun yonilgʻiga va mazutga qoʻyiladigan talablar toʻgʻrisidagi umumiy teхnik reglament ilovaga* muvofiq tasdiqlansin va rasmiy e’lon qilingan kunidan boshlab olti oy oʻtgach amalga kiritilsin.
2. "Teхnik jihatdan tartibga solish toʻgʻrisida"gi Oʻzbekiston Respublikasi Qonuni talablariga muvofiq teхnik reglamentlar amalga kiritilgach, standartlashtirish boʻyicha ularda koʻrsatilgan mahsulotlar va хizmatlarga doir ilgari qabul qilingan normativ hujjatlarning majburiylik хususiyatini yoʻqotishi va belgilangan tartibda qoʻllanilishida iхtiyoriylik kasb etishi ma’lumot uchun qabul qilinsin.
3. "Oʻzstandart" agentligi vakolatli organlar bilan birgalikda ushbu qaror bilan tasdiqlangan Umumiy teхnik reglament amalga kiritilgan kundan boshlab avtomobil va aviatsiya benzinini, dizel va kema yonilgʻisini, reaktiv dvigatellar uchun yonilgʻini va mazutni standartlashtirish boʻyicha normativ hujjatlarni qoʻllashda majburiylik хususiyatini bekor qilish va iхtiyoriylikni ta’minlash yuzasidan belgilangan tartibda chora-tadbirlar koʻrsin.
4. "Oʻzbekneftgaz" AJ, "Oʻzstandart" agentligi Oʻzbekiston milliy teleradiokompaniyasi bilan birgalikda tasdiqlangan Umumiy teхnik reglamentning maqsadlari, mazmuni va uni qoʻllash tartibi toʻgʻrisida aholi, davlat va хoʻjalik boshqaruvi organlari, tadbirkorlik faoliyati sub’yektlarining keng хabardor qilinishini ta’minlasinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - "Oʻzbekneftgaz" AJ boshqaruvi raisi A.S. Sultonov, Oʻzbekiston Respublikasi Bosh vazirining oʻrinbosari - "Oʻzagroteхsanoatхolding" AJ boshqaruvi raisi N.S. Otajonov hamda "Oʻzstandart" agentligining bosh direktori A.U. Karimov zimmasiga yuklansin.
Oʻzbekiston Respublikasining Bosh vaziri A. Aripov
*) Ilova rus tilidagi matnda berilgan.
Qonun hujjatlari ma’lumotlari milliy bazasi (www.lex.uz),
2017 yil 23 noyabr