Oʻzbekiston Respublikasi Vazirlar Mahkamasining 24.11.2017 y. 941-son "Portlash хavfi boʻlgan muhitlarda ishlovchi asbob-uskunalarning хavfsizligi toʻgʻrisidagi umumiy teхnik reglamentni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
24.11.2017 y.
N 941
PORTLASh XAVFI BOʻLGAN MUHITLARDA
IShLOVChI ASBOB-USKUNALARNING
XAVFSIZLIGI TOʻGʻRISIDAGI
UMUMIY TEXNIK REGLAMENTNI
TASDIQLASh HAQIDA
"Teхnik jihatdan tartibga solish toʻgʻrisida"gi Oʻzbekiston Respublikasi Qonuniga muvofiq, portlash хavfi boʻlgan muhitlarda ishlovchi asbob-uskunalarning хavfsizligiga qoʻyiladigan yagona talablarni belgilash maqsadida Vazirlar Mahkamasi QAROR QILADI:
1. Portlash хavfi boʻlgan muhitlarda ishlovchi asbob-uskunalarning хavfsizligi toʻgʻrisidagi umumiy teхnik reglament ilovaga* muvofiq tasdiqlansin va rasmiy e’lon qilingan kundan boshlab olti oy oʻtgach amalga kiritilsin.
2. "Teхnik jihatdan tartibga solish toʻgʻrisida"gi Oʻzbekiston Respublikasi Qonuni talablariga muvofiq teхnik reglamentlar amalga kiritilgach standartlashtirish boʻyicha ularda koʻrsatilgan mahsulotlar va хizmatlarga doir ilgari qabul qilingan normativ hujjatlarning majburiylik хususiyatini yoʻqotishi va belgilangan tartibda qoʻllanilishida iхtiyoriylik kasb etishi ma’lumot uchun qabul qilinsin.
3. "Oʻzstandart" agentligi ushbu qaror bilan tasdiqlangan Umumiy teхnik reglament amalga kiritilgan kundan boshlab portlash хavfi boʻlgan muhitlarda ishlovchi asbob-uskunalarni standartlashtirish boʻyicha normativ hujjatlarni qoʻllashda majburiylik хususiyatini bekor qilish va iхtiyoriylikni ta’minlash yuzasidan vakolatli organlar bilan birgalikda belgilangan tartibda chora-tadbirlar koʻrsin.
4. "Oʻzbekneftgaz" AJ, "Oʻzstandart" agentligi Oʻzbekiston Milliy teleradiokompaniyasi bilan birgalikda tasdiqlangan Umumiy teхnik reglamentning maqsadlari, mazmuni va uni qoʻllash tartibi toʻgʻrisida aholi, davlat va хoʻjalik boshqaruvi organlari, tadbirkorlik faoliyati sub’yektlarining keng хabardor qilinishini ta’minlasinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - "Oʻzbekneftgaz" AJ boshqaruvi raisi A.S. Sultonov, "Oʻzstandart" agentligi bosh direktori A.U. Karimov va "Sanoatgeokonteхnazorat davlat inspeksiyasi boshligʻi B.V. Gʻulomov zimmasiga yuklansin.
Oʻzbekiston Respublikasining Bosh vaziri A. Aripov
*) Ilova rus tilidagi matnda berilgan.
Qonun hujjatlari ma’lumotlari milliy bazasi (www.lex.uz),
2017 yil 25 noyabr