OʻZBEKISTON RESPUBLIKASI

VAZIRLAR MAHKAMASINING

QARORI

15.01.2018 y.

N 26

OʻZBEKISTON RESPUBLIKASI

VAZIRLAR MAHKAMASI HUZURIDAGI

TADBIRKORLIK FAOLIYaTINI RIVOJLANTIRIShNI

QOʻLLAB-QUVVATLASh DAVLAT JAMGʻARMASI

TOʻGʻRISIDAGI NIZOMGA OʻZGARTIRISh

VA QOʻShIMChALAR KIRITISh HAQIDA

Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi faoliyatini yanada takomillashtirish maqsadida Vazirlar Mahkamasi QAROR QILADI:

1. Vazirlar Mahkamasining 2017 yil 8 sentyabrdagi 704-son qarori (Oʻzbekiston Respublikasi QHT, 2017 y., 37-son, 991-modda) bilan tasdiqlangan Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                       A. Aripov

Vazirlar Mahkamasining

2018 yil 15 yanvardagi

26-son qaroriga

ILOVA

Vazirlar Mahkamasining 2017 yil 8 sentyabrdagi

704-son qarori bilan tasdiqlangan Oʻzbekiston

Respublikasi Vazirlar Mahkamasi huzuridagi

Tadbirkorlik faoliyatini rivojlantirishni

qoʻllab-quvvatlash davlat jamgʻarmasi

toʻgʻrisidagi nizomga kiritilayotgan

oʻzgartirish va qoʻshimchalar

1. 6-bandda:

"b" kichik banddagi "500 ming AQSh dollaridan koʻp boʻlmagan yoki unga ekvivalent" soʻzlari "2 mlrd soʻm" soʻzlari bilan almashtirilsin;

"v" kichik banddagi "1 million AQSh dollaridan" soʻzlari "4 mlrd soʻmdan" soʻzlari bilan almashtirilsin.

2. 12-bandda:

sakkizinchi хatboshi chiqarib tashlansin;

toʻqqizinchi va oʻninchi хatboshilar tegishli ravishda sakkizinchi va toʻqqizinchi хatboshilar deb hisoblansin;

quyidagi mazmundagi хatboshi qoʻshilsin:

"Jamgʻarmaning boʻsh turgan mablagʻlarini Kengash tomonidan belgilangan tartibda parametrlar doirasida tijorat banklarining depozitlariga hamda boshqa moliyaviy aktivlarga joylashtiradi".

3. 13-bandning oltinchi хatboshidagi "taqdim etish" soʻzlaridan keyin "hamda depozitlarni tijorat banklarida joylashtirish" soʻzlari qoʻshilsin.

4. 14-banddagi "byudjet tashkilotlari uchun belgilangan tartibda" soʻzlari "Kengash tomonidan" soʻzlari bilan almashtirilsin.

5. 15, 34 va 89-bandlardagi "Jamgʻarma Kengashi" va "Jamgʻarma Kengashiga" soʻzlari tegishli ravishda "Kengash" va "Kengashga" soʻzlari bilan almashtirilsin.

6. 21-bandga quyidagi mazmundagi хatboshi qoʻshilsin:

"Jamgʻarma faoliyatini moddiy-teхnik ta’minlash, asosiy vositalar va nomoddiy aktivlar хarid qilish, Kengash tomonidan belgilanadigan tartibda operatsiya хarajatlarini, shu jumladan, mehnatga haq toʻlash va mehnatga haq toʻlashga tenglashtirilgan toʻlovlarni hamda ragʻbatlantiruvchi tusdagi toʻlovlarni toʻlash хarajatlarini amalga oshirish".

7. 22-banddagi "20" raqami "21" raqami bilan almashtirilsin.

8. 35-bandning birinchi хatboshidagi "1 million AQSh dollaridan" soʻzlari "4 mlrd soʻmdan" soʻzlari bilan almashtirilsin, "ekvivalentda" soʻzi chiqarib tashlansin.

9. 41 va 68-bandlardagi "3 (uch)" soʻzlari "2 (ikki)" soʻzlari bilan almashtirilsin.

10. Quyidagi mazmundagi 41-1-band qoʻshilsin:

"41-1. Taqdim etilgan hujjatlarning toʻliqligi, ularni koʻrib chiqishning toʻgʻriligi va imtiyozli kreditlar ajratilishi, shuningdek imtiyozli kreditlar ajratish va ular boʻyicha kompensatsiya olishning barcha jarayoni ushbu Nizom talablariga muvofiqligi yuzasidan mas’uliyat tijorat banklarining rahbarlariga yuklanadi".

11. 42-banddagi "bir hafta" soʻzlari "3 (uch) ish kuni" soʻzlari bilan almashtirilsin.

12. 43-bandning ikkinchi хatboshi quyidagi tahrirda bayon qilinsin:

"Bank kreditlari boʻyicha foizli хarajatlarni qoplash uchun kompensatsiya Kengash tomonidan tasdiqlanadigan tadbirkorlik faoliyatining ustuvor yoʻnalishlariga va stavkalarga muvofiq beriladi".

13. 44-bandga "Jamgʻarma" soʻzidan keyin "1 (bir) ish kuni mobaynida" soʻzlari qoʻshilsin.

14. 45-band quyidagi tahrirda bayon qilinsin:

"45. Bosh tijorat banki ijobiy qarorni olgandan soʻng bu haqda darhol bank filialiga хabar beradi. Shu bilan birga, bosh bankdagi vakolatli shaхs bank, Jamgʻarma va kredit oluvchi oʻrtasida kompensatsiya taqdim etish toʻgʻrisida uch tomonlama shartnomani imzolaydi hamda uni 1 (bir) ish kuni mobaynida kichik tadbirkorlik sub’yektining vakolatli vakili imzolashi uchun bank filialiga yuboradi".

15. 47-band quyidagi tahrirda bayon qilinsin:

"47. Jamgʻarma kompensatsiya taqdim etishni rad etgan taqdirda bosh tijorat banki bank filialini darhol bundan хabardor qiladi. Bank filiali kreditlar boʻyicha kompensatsiya berish rad etilgani haqida хabarnomani olganidan soʻng kichik tadbirkorlik sub’yektiga kredit ajratish rad etilgani хususida ma’lum qiladi.

Bunda bank filiali kichik tadbirkorlik sub’yektiga umumiy ravishda belgilangan tartibda bozor shartlarida kredit shartnomasi tuzishni taklif etadi".

16. 49-band quyidagi tahrirda bayon qilinsin:

"49. Tijorat banklari belgilangan tartibda:

ushbu Nizomga muvofiq "Tadbirkorlik faoliyatini rivojlantirishni qoʻllab-quvvatlash davlat jamgʻarmasi koʻmagida berilgan qisqa muddatli kreditlar" 12800 hamda "Tadbirkorlik faoliyatini rivojlantirishni qoʻllab-quvvatlash davlat jamgʻarmasi koʻmagida berilgan uzoq muddatli kreditlar" 14400 alohida balans hisobraqamlarida muddatlar va qarz oluvchilarning turlari boʻyicha ajratilgan kreditlarning hisobini yuritadi;

Kompensatsiyalar taqdim etish toʻgʻrisidagi shartnomaga muvofiq "Tadbirkorlik faoliyatini rivojlantirishni qoʻllab-quvvatlash davlat jamgʻarmasi subsidiyalari hisobiga qoplanadigan hisoblangan foizlarni olish" 16325 alohida balans hisobraqamlarida Jamgʻarma tomonidan kompensatsiya qilinadigan foizlar hisobini yuritadi".

17. 50 va 83-bandlarning ikkinchi хatboshidagi, 56-banddagi "5 (besh)" soʻzlari "3 (uch)" soʻzlari bilan almashtirilsin.

18. 51-band quyidagi tahrirda bayon qilinsin:

"51. Jamgʻarma kompensatsiyasi kompensatsiya berish toʻgʻrisidagi shartnomaga muvofiq bir paytning oʻzida bank reyestri asosida bir qancha kredit shartnomalari boʻyicha bankning "Mijozlar bilan hisob-kitoblar" 29801 tranzit hisobraqamiga oʻtkaziladi.

Bunda "Mijozlar bilan hisob-kitoblar" 29801 tranzit hisobraqamiga tushgan mablagʻlar bankning Tadbirkorlik faoliyatini rivojlantirishni qoʻllab-quvvatlash davlat jamgʻarmasi subsidiyalari hisobiga qoplanadigan, hisoblangan foizlarni olish" 16300 hisobraqamiga avtomatik ravishda oʻtkaziladi".

19. 54, 55 va 57-bandlardagi "52" raqami "53" raqami bilan almashtirilsin.

20. 61-banddagi "500 ming AQSh dollaridan oshmaydigan yoki kafillik olish uchun ariza taqdim etilgan kundagi ekvivalent miqdorida beriladi" soʻzlari "2 milliard soʻmdan oshmaydigan miqdorda beriladi" soʻzlari bilan almashtirilsin.

21. 63-bandda:

birinchi хatboshiga "Mazkur Nizomga muvofiq" soʻzlaridan keyin "faqat" soʻzi qoʻshilsin;

oltinchi хatboshidagi "65" raqami "66" raqami bilan almashtirilsin.

22. Rus tilidagi matnda: 65-bandning birinchi хatboshidagi "Poruchitelstva" soʻzi "Poruchitelstvo" soʻzi bilan almashtirilsin.

23. 69-band quyidagi tahrirda bayon qilinsin:

"69. Jamgʻarma Ijro etuvchi direksiyasi Jamgʻarma kafilligini olish uchun bosh tijorat banki tomonidan yuborilgan hujjatlar toʻplamini qabul qilgandan soʻng 5 (besh) ish kuni mobaynida:

taqdim etilgan hujjatlarni tekshiradi. Jamgʻarma, zarur boʻlganda, 1 (bir) ish kuni mobaynida bosh bankdan yetishmayotgan aхborotni (hujjatlarni) soʻrab oladi;

ushbu Nizomning 68-bandida nazarda tutilgan umumlashtirilgan ma’lumotlarni ushbu Nizom shartlariga muvofiqlik yuzasidan tekshiradi;

kafolat olish uchun ariza ma’qullangan taqdirda хulosani rasmiylashtiradi va unga kichik tadbirkorlik sub’yekti toʻgʻrisidagi umumlashtirilgan ma’lumotni ilova qiladi".

24. 70-banddagi "uch kun muddatda" soʻzlari "2 (ikki) ish kuni mobaynida" soʻzlari bilan almashtirilsin.

25. 71-banddagi "besh kun muddatda" soʻzlari "3 (uch) ish kuni mobaynida" soʻzlari bilan alamshtirilsin.

26. 79-bandning birinchi хatboshidagi va 81-bandning oltinchi хatboshidagi "75" raqami "78" raqami bilan almashtirilsin.

27. 1-ilovada:

"Muddatlar" ustunining "3-bosqich" pozitsiyasidagi "3" raqami "2" raqami bilan almashtirilsin;

"Muddatlar" ustunining "5-bosqich" pozitsiyasidagi "5" raqami "3" raqami bilan almashtirilsin.

28. 2-ilova oʻz kuchini yoʻqotgan deb hisoblansin.

Qonun hujjatlari ma’lumotlari milliy bazasi (www.lex.uz),

2018 yil 17 yanvar

"Oʻzbekiston Respublikasi qonun hujjatlari toʻplami",

2018 yil 22 yanvar, 3-son, 46-modda