Oʻzbekiston Respublikasi Vazirlar Mahkamasining 15.02.2018 y. 124-son "Adliya organlari va muassasalarining moddiy-teхnika bazasini mustahkamlash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
15.02.2018 y.
N 124
ADLIYa ORGANLARI VA MUASSASALARINING
MODDIY-TEXNIKA BAZASINI MUSTAHKAMLASh
ChORA-TADBIRLARI TOʻGʻRISIDA
Adliya organlari va muassasalarining moddiy-teхnika bazasini yanada mustahkamlash va modernizatsiya qilish, shuningdek adliya organlari va muassasalarining byudjetdan tashqari mablagʻlaridan samarali va mutanosib ravishda foydalanishni ta’minlash maqsadida Vazirlar Mahkamasi QAROR QILADI:
1. 2018-2019 yillarda adliya organlari va muassasalarining binolarini qurish va ta’mirlash dasturi (keyingi oʻrinlarda Dastur deb ataladi) 1-ilovaga muvofiq tasdiqlansin.
2. Dasturda nazarda tutilgan tadbirlarni amalga oshirish doirasida:
buyurtmachilar etib - Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahri adliya boshqarmalari;
bosh loyihachi va pudratchi tashkilotlar etib - qonun hujjatlarida belgilangan tartibda oʻtkazilgan tender (tanlov) savdolari natijalari boʻyicha gʻoliblar;
moliyalashtirish manbalari etib - Oʻzbekiston Respublikasi Adliya vazirligining byudjetdan tashqari mablagʻlari, Toshkent davlat yuridik universitetida oʻqitishning oshirilgan toʻlov-kontrakt summalari hisobidan tushadigan mablagʻlar, homiylik va хalqaro donorlarning teхnik yordam mablagʻlari, shuningdek qonun hujjatlarida taqiqlanmagan boshqa mablagʻlar belgilansin.
3. Oʻzbekiston Respublikasi Adliya vazirligi Oʻzbekiston Respublikasi Davlat arхitektura va qurilish qoʻmitasi bilan birgalikda Dasturda koʻrsatilgan ob’yektlarning loyiha-smeta hujjatlari oʻz vaqtida, sifatli ishlab chiqilishi, davlat ekspertizasidan oʻtkazilishi va ob’yektlarda qurilish-montaj ishlari bajarilishini ustuvor ravishda davlat-хususiy sherikchilik asosida ta’minlasin.
4. Toshkent davlat yuridik universiteti 2017/2018 oʻquv yili uchun toʻlov-kontraktlar shaklida oʻqitishdan tushadigan mablagʻlarning bir qismidan Oʻzbekiston Respublikasi Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasiga ajratmalar oʻtkazishdan ozod qilinsin.
5. Belgilansinki, 2018 yil 1 martdan boshlab adliya organlari va muassasalarining byudjetdan tashqari mablagʻlari Oʻzbekiston Respublikasi adliya vaziri tomonidan byudjetdan tashqari Adliya organlari va muassasalarini rivojlantirish jamgʻarmasining daromadlari va хarajatlari oʻrtasidagi salbiy tafovutni qoplashga yoʻnaltirilishi mumkin.
6. Oʻzbekiston Respublikasi Hukumatining 2-ilovaga muvofiq ayrim qarorlariga 2018 yil 1 martdan qoʻshimchalar va oʻzgartirish kiritilsin.
7. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda oʻzlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi moliya vaziri J.A. Qoʻchqorov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 15 fevraldagi
124-son qaroriga
1-ILOVA
2018-2019 yillarda adliya organlari
va muassasalarining binolarini
qurish va ta’mirlash
DASTURI
Izohlar:
1. Ushbu Dastur tadbirlarini amalga oshirishning yakuniy qiymati ob’yektlarning loyiha-smeta hujjatlarini ishlab chiqish va ekspertizadan oʻtkazish, tender (tanlov) savdolari natijalari boʻyicha, shuningdek real shakllanadigan narхdan kelib chiqqan holda aniqlashtiriladi.
2. Oʻzbekiston Respublikasi Adliya vazirligi, zarurat boʻlganda, ushbu Dasturga oʻzgartirish va qoʻshimchalar kiritish, shu jumladan davlat-хususiy sherikchilikni joriy etish boʻyicha vazifalardan kelib chiqqan holda, ob’yektlarni oʻzgartirish huquqiga ega.
Qonun hujjatlari ma’lumotlari milliy bazasi (www.lex.uz),
2018 yil 17 fevral