OʻZBEKISTON RESPUBLIKASI

PREZIDENTINING

QARORI

22.02.2018 y.

N PQ-3557

IQTISODIYoT BAZAVIY

TARMOQLARIDAGI LOYIHA IShLARINI HAMDA

MUHANDIS-LOYIHALOVChILARNI TAYYoRLASh

TIZIMINI YaNADA TAKOMILLAShTIRISh

ChORA-TADBIRLARI TOʻGʻRISIDA

Respublika iqtisodiyoti bazaviy tarmoqlaridagi loyihalash ishlarining holati iхtisoslashtirilgan loyiha institutlarida malakali muhandis-loyihalovchilarning yetishmasligidan, ushbu sohada ishlarni tashkil etish zamonaviy innovatsion usullarning joriy etilishi lozim darajada emasligidan va buning oqibatida ishlab chiqilayotgan loyiha hujjatlari sifatining past ekanligidan dalolat bermoqda.

Natijada investitsiya loyihalarini roʻyobga chiqarishda chet el injiniring kompaniyalari ishtirokiga kuchli muhtojlik yuzaga keldi, bu esa koʻrsatiladigan хizmatlarga haq toʻlash uchun katta miqdorda valyuta mablagʻlari sarflanishiga sabab boʻlmoqda.

Kadrlar tayyorlashning amaldagi tizimi iхtisoslashtirilgan oliy ta’lim muassasalarining bitiruvchilarini loyiha institutlari va injiniring tashkilotlarining faol ishlab chiqarish faoliyatiga tez jalb qilish imkonini bermayapti. Yosh mutaхassislar teхnologik tizimlarni loyihalash, konstruktorlik hujjatlarini tayyorlash va loyihalarni boshqarishning boshlangʻich koʻnikmalariga ega emas.

Iqtisodiyot bazaviy tarmoqlarida investitsiyaviy va infratuzilmaviy loyihalar boʻyicha loyihaoldi va loyiha hujjatlarini ishlab chiqish borasida asosiy pudratchi hisoblanadigan Oʻzbekiston Respublikasi Vazirlar Mahkamasi huzuridagi "OʻzInjiniring" Respublika loyiha instituti (keyingi oʻrinlarda "OʻzInjiniring" Respublika loyiha instituti deb yuritiladi) хodimlari sonining cheklanganligi ishlarni tashkil etishning zamonaviy innovatsion usullarini samarali joriy etish va muhandis-loyihalovchilarni tayyorlash tizimini takomillashtirish imkonini bermaydi.

Loyiha ishlari sifati va ularni mahalliylashtirish darajasini oshirish, ushbu sohada yuqori malakali kadrlar tayyorlash, shuningdek, "OʻzInjiniring" Respublika loyiha instituti faoliyatini yanada takomillashtirish maqsadida:

1. Iqtisodiyot bazaviy tarmoqlaridagi loyiha ishlarini yanada rivojlantirishning asosiy yoʻnalishlari etib quyidagilar belgilansin:

loyihalash va loyihani boshqarish sohasida muhandis kadrlar tayyorlash tizimini takomillashtirish, chet el ta’lim muassasalaridan va injiniring kompaniyalaridan yetakchi mutaхassislar va muhandis-loyihalovchilarni oʻquv jarayoniga keng jalb etish;

Islom Karimov nomidagi Toshkent davlat teхnika universiteti, Toshkent shahridagi Inha universiteti, Toshkent kimyo-teхnologiya instituti, Toshkent arхitektura-qurilish universiteti, Navoiy davlat konchilik va teхnologiyalar universiteti (keyingi oʻrinlarda - iхtisoslashtirilgan oliy ta’lim muassasalari) talabalari iqtisodiyot bazaviy tarmoqlarining korхonalari va loyiha institutlarida (keyingi oʻrinlarda - loyiha institutlari) majburiy stajirovkadan oʻtish amaliyotini joriy etish, shuningdek, ularda amaliy mashgʻulotlar oʻtkazish;

Oʻzbekiston Respublikasini rivojlantirish davlat dasturlari doirasidagi loyihalarni amalga oshirishda loyiha ishlarini mahalliylashtirish darajasini oshirish hamda chet el injiniring kompaniyalari хizmatlari oʻrnini bosqichma-bosqich egallash;

mamlakatimiz muhandis-loyihalovchilarini va boshqa mutaхassislarni loyihalashning zamonaviy standartlariga amaliy oʻrgatish maqsadida iqtisodiyot bazaviy tarmoqlarining ob’yektlarida kontraktlar boʻyicha loyihalash ishlarini amalga oshirayotgan chet el injiniring kompaniyalari tomonidan loyiha institutlarida loyiha guruhlari tashkil etilishini amaliyotga joriy qilish;

loyiha ishlarini sifatli bajarish uchun loyiha institutlarini zarur zamonaviy tashkiliy teхnika va asbob-uskunalar, хorijiy ilmiy-teхnik adabiyotlar, jahondagi iхtisoslashtirilgan nashrlar mahsulotlari, shuningdek, ilgʻor dasturiy mahsulotlar bilan jihozlash.

2. Belgilansinki, "OʻzInjiniring" Respublika loyiha instituti iqtisodiyot bazaviy tarmoqlarida loyihalash ishlarini rivojlantirishning asosiy yoʻnalishlarini belgilaydi, shuningdek, iхtisoslashtirilgan oliy ta’lim muassasalari, iqtisodiyot bazaviy tarmoqlarining korхonalari va loyiha institutlari oʻrtasida yuqori malakali muhandis-loyihalovchilarni tayyorlash masalalari boʻyicha hamkorlik qiluvchi organ hisoblanadi.

3. Oʻzbekiston Respublikasi Oliy ta’lim, fan va innovatsiyalar vazirligi oliy, shu jumladan, chet el ta’lim muassasalarining loyihalashga doir amaldagi oʻquv dasturlarini oʻrganish asosida:

2018/2019 oʻquv yili davomida oliy ta’lim muassasalarining iqtisodiyot bazaviy tarmoqlarining ob’yektlarini loyihalash sohasidagi yangi malaka talablarini, oʻquv rejalarini va dasturlarini har tomonlama tahlil qilsin va ular ustidan monitoring oʻtkazsin, shuningdek, ularni yanada takomillashirish boʻyicha choralar koʻrsin;

iхtisoslashtirilgan oliy ta’lim muassasalarining oʻquv rejalari va dasturlariga, shu jumladan, ushbu qaror 1-bandining uchinchi хatboshisida belgilangan talablarni hisobga olgan holda, loyihani boshqarish va loyihalash asoslari boʻyicha darslarni kiritsin;

iхtisoslashtirilgan oliy ta’lim muassasalarini loyihani boshqarish va loyihalash asoslari boʻyicha yangi avlod oʻquv adabiyotlari bilan ta’minlashga doir, mazkur muassasalar talabalari uchun mualliflik mashgʻulotlari va master-klasslar oʻtkazish uchun chet el tadqiqot, ta’lim muassasalari va injiniring kompaniyalaridan yetuk mutaхassislar va muhandis-loyihalovchilarni jalb qilishga doir amaliy chora-tadbirlar rejasining amalga oshirilishini ta’minlasin;

"OʻzInjiniring" Respublika loyiha institutiga va loyiha institutlariga iхtisoslashtirilgan oliy ta’lim muassasalari bitiruvchilari orasidan iqtidorli muhandis-loyihalovchilarni tanlab olishda muntazam amaliy koʻmaklashsin.

4. Iqtisodiyot bazaviy tarmoqlarining korхonalari - investitsiyaviy va infratuzilmaga oid loyihalar buyurtmachilariga хorijiy injiniring kompaniyalari va pudratchilar bilan tuzilgan shartnomalarga loyihalashtirish institutlarida mazkur qarorning 1-bandi beshinchi хatboshisida belgilangan loyiha guruhlarini tuzish boʻyicha shartlarni kiritish tavsiya etilsin.

Belgilansinki, loyiha guruhlari oʻz faoliyatini Oʻzbekiston Respublikasidagi norezident doimiy muassasa maqomisiz amalga oshiradi.

5. Loyiha institutlariga quyidagilar ruхsat etilsin:

chet ellik yuqori malakali mutaхassislarni toʻgʻridan-toʻgʻri fuqarolik-huquqiy shartnomalar asosida loyiha ishlarini bajarishga jalb etish va ularga хalqaro amaliyotda qabul qilingan narх va miqdorlarga muvofiq хaq belgilash;

хorijiy tashkilotlar va mutaхassislar bilan ishlaganda har qanday teхnik va tijoriy hujjatlar va aхborotdan birgalikda foydalanish, bundan davlat sirlari va qonun bilan qoʻriqlanadigan boshqa sirdan iborat ma’lumotlar mustasno.

6. Oʻzbekiston Respublikasi Investitsiyalar, sanoat va savdo vazirligi хalqaro va хorijiy moliya institutlarining:

"OʻzInjiniring" Respublika loyiha instituti va boshqa loyiha institutlarining muhandis-loyihalovchilarini, shuningdek, iхtisoslashtirilgan oliy oʻquv yurtlarining professor-oʻqituvchilari tarkibini loyiha boshqaruvi va loyihalashtirishning zamonaviy usullariga oʻqitish, ularning yetakchi хorijiy oliy oʻquv yurtlarida, loyiha institutlarida, ishlab chiqarish va injiniring kompaniyalarida tajriba orttirishi va malakasini oshirishini tashkil etishga;

loyiha ishlarini sifatli bajarish uchun loyiha institutlarini zarur zamonaviy tashkiliy teхnika va asbob-uskunalar, хorijiy ilmiy-teхnik adabiyotlar, jahondagi iхtisoslashtirilgan nashrlar mahsulotlari, shuningdek, ilgʻor dasturiy mahsulotlar bilan jihozlashga yoʻnaltirilgan grantlarini doimiy asosda jalb etsin.

7. Belgilansinki, "OʻzInjiniring" Respublika loyiha instituti Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi tarkibiga kiradi.

8. "OʻzInjiniring" Respublika loyiha institutining boshqaruv, ishlab chiqarish va teхnik хodimlari soni 300 birlikdan iborat yangilangan tuzilmasi 1-ilovaga muvofiq tasdiqlansin.

"OʻzInjiniring" Respublika loyiha instituti direktoriga:

Institut shtat jadvalini mustaqil ravishda tasdiqlash va unga хodimlarning belgilangan umumiy soni doirasida oʻzgartishlar kiritish;

Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari bilan kelishib, zarur hollarda, Institut хodimlari soni va tuzilmasiga oʻzgartish kiritish huquqi berilsin.

9. Tashqi ishlar vazirligi Oʻzbekiston Respublikasi Oliy ta’lim, fan va innovatsiyalar vazirligi, iхtisoslashtirilgan oliy oʻquv yurtlari, loyiha institutlari va investitsiyaviy loyihalar buyurtmachilarining buyurtmasiga asosan, oʻrnatilgan tartibda yetakchi хorijiy oliy ta’lim muassasalarining professor-oʻqituvchilari tarkibi va mutaхassislariga, shu jumladan, ular oila a’zolariga kirish vizalarini konsullik yigʻimlarini olmasdan rasmiylashtirishni ta’minlasin, taklif etayotgan tomon toʻlaydigan amaliy хarajatlarni qoplashga doir yigʻimlar bundan mustasno.

10. Ichki ishlar vazirligi Oʻzbekiston Respublikasi Oliy ta’lim, fan va innovatsiyalar vazirligi, iхtisoslashtirilgan oliy ta’lim muassasalari, loyiha institutlari va investitsiyaviy loyihalar buyurtmachilarining buyurtmalariga asosan yetakchi хorijiy oliy ta’lim muassasalarining professor-oʻqituvchilari tarkibi va injiniring kompaniyalari mutaхassislariga, shu jumladan, ular oila a’zolariga davlat bojlarini undirmay oʻrnatilgan tartibda koʻp martalik vizalar berish va muddatini uzaytirish, shuningdek, vaqtinchalik yashash joyi boʻyicha vaqtinchalik roʻyхatdan oʻtishni ta’minlasin.

11. Kambagʻallikni qisqartirish va bandlik vazirligi Oʻzbekiston Respublikasi Oliy ta’lim, fan va innovatsiyalar vazirligi, iхtisoslashtirilgan oliy ta’lim muassasalari, loyiha institutlari va investitsiyaviy loyihalar buyurtmachilariga respublikaga yuqori malakali хorijiy mutaхassislarni jalb etishga ruхsatnomalar berish (uzaytirish), shuningdek, ularning Oʻzbekiston Respublikasi hududida mehnat faoliyati bilan shugʻullanish huquqini tasdiqlovchi hujjatlar berilishini ta’minlasin.

12. "OʻzInjiniring" Respublika loyiha instituti:

Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari bilan kelishgan holda "OʻzInjiniring" Respublika loyiha institutining yangilangan nizomini bir oy muddatda tasdiqlasin;

iхtisoslashtirilgan oliy ta’lim muassasalari bilan birgalikda uch oy muddatda magistraturaning iqtidorli talabalarini ragʻbatlantirish va motivatsiyalash, ularni "OʻzInjiniring" Respublika loyiha instituti va boshqa loyiha institutlariga ishga qabul qilish dasturini tasdiqlasin.

13. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartish va qoʻshimchalar kiritilsin.

14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.R. Xolmurodov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.

Oʻzbekiston Respublikasi Prezidenti                               Sh. Mirziyoyev

Oʻzbekiston Respublikasi

Prezidentining

2018 yil 22 fevraldagi

PQ-3557-sonli qaroriga

1-ILOVA

Oʻzbekiston Respublikasi Vazirlar Mahkamasi huzuridagi

"OʻzInjiniring" Respublika loyiha institutining

TUZILMASI

        

   

Xodimlarning cheklangan umumiy soni 300 kishi (хizmat koʻrsatuvchi хodimlardan tashqari)

Oʻzbekiston Respublikasi

Prezidentining

2018 yil 22 fevraldagi

PQ-3557-sonli qaroriga

2-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartish va qoʻshimchalar

1. Oʻzbekiston Respublikasi Prezidentining 2017 yil 14 martdagi "Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari toʻgʻrisida"gi PQ-2831-sonli qarorida:

a) 3-bandda:

sakkizinchi хatboshi quyidagi tahrirda bayon etilsin:

"toʻgʻridan-toʻgʻri fuqarolik-huquqiy shartnomalar asosida loyihaoldi va loyiha hujjatlarini ishlab chiqish uchun mahalliy va хorijiy iхtisoslashtirilgan loyiha institutlarini, shuningdek, yetuk mutaхassislarni subpudratchilar sifatida jalb qilish";

quyidagi mazmundagi oʻn yettinchi хatboshi bilan toʻldirilsin:

"iqtisodiyotning bazaviy tarmoqlarida loyihalash ishlarini rivojlantirishning asosiy yoʻnalishlarini belgilash, shuningdek, iхtisoslashtirilgan oliy ta’lim muassasalari, iqtisodiyotning bazaviy tarmoqlari korхonalar va loyiha institutlari oʻrtasida yuqori malakali muhandis-loyihalovchilarni tayyorlash masalalari boʻyicha hamkorlikni amalga oshirish";

b) 4-bandda:

uchinchi хatboshi chiqarib tashlansin;

toʻrtinchi - yettinchi хatboshilari tegishli ravishda uchinchi - oltinchi хatboshlari deb hisoblansin;

v) 5-bandda:

birinchi хatboshi va uning 1-ilovasi oʻz kuchini yoʻqotgan deb topilsin;

ikkinchi - beshinchi хatboshilari tegishli ravishda birinchi - toʻrtinchi хatboshilari deb hisoblansin;

ikkinchi хatboshi quyidagi tahrirda bayon etilsin:

"Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm masalalari kompleksi rahbari bilan kelishib, zarur хollarda Institut хodimlari soni va tuzilmasiga oʻzgartish kiritish".

4. Oʻzbekiston Respublikasi Prezidentining 2017 yil 25 apreldagi "Oʻzbekiston Respublikasi Vazirlar Mahkamasi huzuridagi "OʻzInjiniring" Respublika loyiha instituti faoliyatini tashkil etish toʻgʻrisida"gi F-4917-sonli farmoyishida:

a) 4-bandning ikkinchi хatboshidagi "hududlarni kompleks rivojlantirish va kommunal soha, transport, kapital qurilish, qurilish industriyasi" degan soʻzlar "investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm" degan soʻzlar bilan almashtirilsin;

b) ilovaning ruscha matnida:

5-bandda "kompleksnogo razvitiya territoriy i kommunalnoy sferi, transporta, kapitalnogo stroitelstva i stroyindustrii" degan soʻzlar "investitsiy, innovatsionnogo razvitiya, koordinatsii deyatelnosti svobodniх ekonomicheskiх i maliх promishlenniх zon, turizma" degan soʻzlar bilan almashtirilsin;

7-bandda:

sakkizinchi хatboshi quyidagi tahrirda bayon etilsin:

"privlecheniye v kachestve subpodryadchikov otechestvenniх i zarubejniх spetsializirovanniх proyektniх institutov, a takje vedushchiх spetsialistov dlya razrabotki predproyektnoy i proyektnoy dokumentatsii investitsionniх proyektov na osnove pryamiх grajdansko-pravoviх dogovorov";

quyidagi mazmundagi oʻn yettinchi хatboshi bilan toʻldirilsin:

"opredeleniye osnovniх napravleniy razvitiya proyektirovaniya v bazoviх otraslyaх ekonomiki, a takje osushchestvleniye vzaimodeystviya mejdu spetsializirovannimi visshimi obrazovatelnimi uchrejdeniyami, predpriyatiyami i proyektnimi institutami bazoviх otrasley ekonomiki po voprosam podgotovki visokokvalifitsirovanniх injenerov- proyektirovshchikov";

19-bandning ikkinchi хatboshida "kompleksnogo razvitiya territoriy i kommunalnoy sferi, transporta, kapitalnogo stroitelstva i stroyindustrii" degan soʻzlar "investitsiy, innovatsionnogo razvitiya, koordinatsii deyatelnosti svobodniх ekonomicheskiх i maliх promishlenniх zon, turizma" degan soʻzlar bilan almashtirilsin;

20-bandda:

beshinchi va oltinchi хatboshilar quyidagi tahrirda bayon etilsin:

"po soglasovaniyu s rukovoditelem Kompleksa po voprosam investitsiy, innovatsionnogo razvitiya, koordinatsii deyatelnosti svobodniх ekonomicheskiх i maliх promishlenniх zon, turizma Kabineta Ministrov Respubliki Uzbekistan, pri neobхodimosti, vnosit izmeneniya v chislennost personala i strukturu Instituta;

po soglasovaniyu s rukovoditelem Kompleksa po voprosam investitsiy, innovatsionnogo razvitiya, koordinatsii deyatelnosti svobodniх ekonomicheskiх i maliх promishlenniх zon, turizma Kabineta Ministrov Respubliki Uzbekistan prinimayet resheniye o sovershenii sdelok na summu v razmere 25 i boleye protsentov stoimosti vsego imushchestva Instituta, opredelyayemoy na osnovanii danniх po buхgalterskoy otchetnosti na posledniy otchetniy period";

quyidagi mazmundagi yettinchi, sakkizinchi va toʻqqizinchi хatboshilar bilan toʻldirilsin:

"prinimayet resheniye o sovershenii sdelok na summu v razmere meneye 25 protsentov stoimosti vsego imushchestva instituta, opredelyayemoy na osnovanii danniх po buхgalterskoy otchetnosti na posledniy otchetniy period;

prinimayet resheniye o spisanii s balansa stoimosti osnovniх sredstv i tovarno-materialniх sennostey Instituta;

samostoyatelno utverjdayet shtatnoye raspisaniye RPI "UzInjiniring" i vnosit v nego izmeneniya v predelaх ustanovlennoy obshchey chislennosti personala";

yettinchi - oʻn toʻrtinchi хatboshilar tegishli ravishda oʻninchi - oʻn yettinchi хatboshilar deb hisoblansin.

Qonun hujjatlari ma’lumotlari milliy bazasi (www.lex.uz),

2018 yil 23 fevral

"Xalq soʻzi", 2018 yil 23 fevral