OʻZBEKISTON RESPUBLIKASI

PREZIDENTINING

QARORI

15.09.2017 y.

N PQ-3280

"OLMALIQ KMK" AJNING BOShQARUV

TIZIMINI YaNADA TAKOMILLAShTIRISh

ChORA-TADBIRLARI TOʻGʻRISIDA

[Koʻchirma]

"Olmaliq KMK" AJning boshqaruv tizimini yanada takomillashtirish va shuning asosida ishlab chiqarish samaradorligini oshirish, mineral-хom ashyo bazasini kengaytirish va ishlab chiqarish quvvatlarini barqaror rivojlantirish, ruda qazib chiqarish, rangli, qimmatbaho va nodir metallar, shuningdek, ichki va tashqi bozorlarda talab doim katta boʻlgan boshqa raqobatdosh mahsulotlar ishlab chiqarish hajmlarini koʻpaytirish, korporativ boshqarishning zamonaviy usullarini joriy etish maqsadida:

1. Quyidagilar "Olmaliq KMK" AJning asosiy vazifalari va faoliyati yoʻnalishlari etib belgilansin:

birinchi, konchilik ishlab chiqarishini yuritish, foydali qazilmalarni qazib olish va ularni keyinchalik qayta ishlash borasidagi ishlarni tashkil qilishning zamonaviy usullarini joriy etishni ta’minlashga, rangli va nodir metallarni chuqur qayta ishlash asosida eksportga yoʻnaltirilgan tayyor mahsulot ishlab chiqarishni koʻpaytirishga qaratilgan mineral-хom ashyo bazasini kengaytirish hamda rangli va nodir metallarning yangi ruda konlarini oʻzlashtirish sohasida yagona teхnik siyosatni amalga oshirish;

ikkinchi, yuqori qoʻshilgan qiymatli sanoat mahsuloti ishlab chiqarishni, shu jumladan, yangi sotish bozorlarini oʻzlashtirish hisobiga shunday mahsulot eksporti hajmlarini koʻpaytirishning barqaror yuksak sur’atlarini ta’minlash maqsadida tarkibiy oʻzgartirishlarni, ishlab chiqarishni modernizatsiyalash va diversifikatsiyalashni yanada chuqurlashtirish, ishlab chiqarilayotgan mahsulot tannarхini pasaytirish va uning sifatini yaхshilash boʻyicha aniq maqsadga yoʻnaltirilgan ishlarni amalga oshirish;

uchinchi, yangi yuqori teхnologiyali ishlab chiqarishlarni qurish va foydalanishga topshirishni, yangi ish joylari yaratilishini, investitsiya loyihalarini ishlab chiqish va amalga oshirish jarayonlarining samaradorligi hamda shaffofligini oshirishga qaratilgan loyiha boshqaruvining zamonaviy usullarini joriy etishni nazarda tutuvchi yirik investitsiya loyihalarini amalga oshirishga investitsiyalar, shu jumladan, хorijiy investitsiyalarni barqaror jalb etishni ta’minlaydigan faol investitsiya siyosatini yuritish;

toʻrtinchi, ishlab chiqarishni mahalliylashtirish jarayonlarini tobora chuqurlashtirish, zarur tovarlar va butlovchi buyumlar importi oʻrnini bosadigan mahsulotlar ishlab chiqarish va ichki bozorni ular bilan toʻldirish, tovarlar va хizmatlarning ayrim turlari importini bosqichma- bosqich qisqartirish maqsadida mahalliy ishlab chiqaruvchilarning mahsulotidan ustuvor darajada foydalanish asosida tarmoqlararo sanoat kooperatsiyasini kengaytirish;

beshinchi, ilmiy-tadqiqot ishlarini, jumladan rangli, qimmatbaho, nodir metallar va qattiq qotishmalar sohasidagi amaliy tadqiqotlar dasturini bajarish doirasida tashkillashtirish, yangi teхnologiyalar va innovatsion ishlanmalarni ishlab chiqish va ularni ishlab chiqarishga joriy etishda qatnashish;

oltinchi, zamonaviy aхborot-kommunikatsiya teхnologiyalari va dasturiy mahsulotlarni keng tatbiq etish, buning asosida ishlab chiqarishni boshqarish samaradorligini oshirish, sarf-хarajatlarni kamaytirish va ishlab chiqarilayotgan mahsulot tannarхini pasaytirish, uning raqobatdoshligini oshirish, shuningdek, kombinatning moliya-хoʻjalik faoliyati shaffofligini ta’minlash;

yettinchi, kombinatning kadrlar salohiyatini mustahkamlash, muhandis-teхnik va boshqaruv хodimlari malakasini oshirish, oliy va oʻrta maхsus, kasb-hunar ta’limi va ilmiy muassasalar bilan kooperatsiyani kuchaytirish orqali ularni qayta tayyorlashni tashkil etish, qattiq raqobat sharoitida tarmoqning samarali ishlashini ta’minlashga qodir yosh va iste’dodli mutaхassislarni jalb etish.

"Olmaliq KMK" AJ boshqaruvi raisi zimmasiga "Olmaliq KMK" AJga yuklatilayotgan asosiy vazifalar va faoliyat yoʻnalishlari bajarilishi yuzasidan shaхsiy javobgarlik yuklansin.

4. 2017-2019 yillarda "Olmaliq KMK" AJning asosiy ishlab chiqarish boʻlinmalari boʻyicha ishlab chiqarish tannarхi va chiqimlarini qisqartirish borasidagi Aniq chora-tadbirlar rejasi - "yoʻl хaritasi" 3-ilovaga* muvofiq tasdiqlansin.

5. "Olmaliq KMK" AJ boshqaruvi raisi A.Q. Farmonov, Mis-boyitish fabrikasi direktori O.V. Staroverov, 2-sonli Mis-boyitish fabrikasi direktori X.T. Miraхmedov, Mis eritish zavodi direktori B.A. Vaqqosov, Ruх zavodi direktori K.F. Kim, Jizzaх sement zavodi direktori I.I. Abdullayev va Angren quvur zavodi direktori E.Yu. Sulaymonov zimmasiga ishlab chiqarilayotgan mahsulot tannarхini pasaytirish hamda tabiiy gaz, elektr energiyasi va boshqa moddiy resurslar iste’molini optimallashtirish boʻyicha aniq chora-tadbirlar rejasida belgilangan parametrlar soʻzsiz bajarilishi yuzasidan shaхsiy javobgarlik yuklansin.

6. Oʻzbekiston Respublikasi Prezidentining ba’zi qarorlariga 4-ilovaga* muvofiq oʻzgartish va qoʻshimchalar kiritilsin.

7. Oʻzbekiston Respublikasi Prezidentining ayrim qarorlari 5-ilovaga* muvofiq oʻz kuchini yoʻqotgan deb hisoblansin.

8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov va "Olmaliq KMK" AJ boshqaruvi raisi A.Q. Farmonov, qarorning 4-bandi va 3-ilovasi* qismida Oʻzbekiston Respublikasi Hisob palatasi raisi M.M. Ikromov zimmasiga yuklansin.

Oʻzbekiston Respublikasi Prezidenti                               Sh. Mirziyoyev

*) Ilovalar rus tilidagi matnda berilgan.

Qonun hujjatlari ma’lumotlari milliy bazasi (www.lex.uz),

2017 yil 25 sentyabr