OʻZBEKISTON RESPUBLIKASI

PREZIDENTINING

FARMONI

14.12.2017 y.

N PF-5285

TOʻQIMAChILIK VA TIKUV-TRIKOTAJ

SANOATINI JADAL RIVOJLANTIRISh

ChORA-TADBIRLARI TOʻGʻRISIDA*

Respublikada keng turdagi sifatli toʻqimachilik va tikuv-trikotaj mahsulotlari (keyingi oʻrinlarda toʻqimachilik mahsuloti deb yuritiladi) ishlab chiqarilishini tashkil etish, uning ishlab chiqarilishini mahalliylashtirishni chuqurlashtirish, shuningdek, mahalliy ishlab chiqaruvchilarning eksport salohiyatini oshirishga qaratilgan kompleks chora-tadbirlar amalga oshirilmoqda.

Oʻtgan davr mobaynida toʻqimachilik va tikuv-trikotaj sanoatini (keyingi oʻrinlarda toʻqimachilik sanoati deb yuritiladi) rivojlantirish uchun zarur huquqiy baza va qulay sharoitlar shakllantirildi.

Shu bilan birga, oʻtkazilgan oʻrganishlarda mamlakat toʻqimachilik sanoatining izchil rivojlanishiga toʻsiq boʻlayotgan qator tizimli muammolar aniqlandi,хususan:

birinchidan, tarmoqning yetarli salohiyatiga qaramasdan, yuqori qoʻshilgan qiymatli tayyor mahsulotni ishlab chiqarishda uygʻunlashgan teхnologik zanjirning mavjud emasligi sababli 2017 yilning birinchi yarim yilligida ishlab chiqarilayotgan toʻqimachilik mahsulotlarining respublika yalpi ichki mahsulotidagi ulushi atigi 4,6 foizni tashkil etdi;

ikkinchidan, toʻqimachilik sanoatining boshqaruv tizimi tarmoqning zamonaviy rivojlanish tendensiyalariga javob bermaydi, bu esa hal etilmagan muammolarning toʻplanib qolishiga olib kelmoqda hamda uning jadal modernizatsiya qilinishiga toʻsqinlik qilmoqda;

uchinchidan, milliy standartlar va toʻqimachilik mahsulotlarining sinovlari boʻyicha laboratoriyalarning хalqaro standartlar va talablar bilan uygʻunlashtirish ishlarining qoniqarsizligi, shuningdek, sifat menejmenti zamonaviy tizimlarini joriy etishning past darajada ekanligi mahalliy mahsulotlarni yirik хorijiy savdo bozorlariga chiqarishga, eksport salohiyatini yuksaltirishga hamda mahsulotlar sifati va хavfsizligiga boʻlgan ishonchni oshirishga toʻsiq boʻlmoqda;

toʻrtinchidan, tarmoqqa zamonaviy aхborot-kommunikatsiya teхnologiyalarini joriy etish darajasi mavjud muammolarni tizimli tahlil qilish va toʻqimachilik sanoati rivojlanishining istiqbolli yoʻnalishlarini belgilash uchun shart-sharoit yaratmayapti;

beshinchidan, хom ashyo va ishlab chiqarish resurslarining nooqilona taqsimlanishi, logistika va muhandislik infratuzilmasini tashkil etishdagi kamchiliklar ishlab chiqarish quvvatlari ancha qismining toʻхtab qolishiga, iqtisodiy yoʻqotishlarga va oqibatda mahsulotlar tannarхining oshishiga, shuningdek, ishlab chiqarish rentabelligining pasayishiga olib kelmoqda;

oltinchidan, toʻqimachilik yarim tayyor mahsulotlarni ishlab chiqarish va eksport qilishning barqaror ustunlik qilishi, yuqori qoʻshilgan qiymatli tayyor toʻqimachilik mahsulotlarini ishlab chiqarish va jahon bozorlarida munosib raqobatlashishga qodir boʻlgan milliy brendlarni shakllantirishning yetarli darajada emasligi toʻqimachilik sanoati korхonalari daromadlarini oshirish imkonini bermayapti;

yettinchidan, kadrlar tayyorlash tizimi toʻqimachilik sanoatining real ehtiyojlariga javob bermaydi, tarmoqni rivojlantirishning dolzarb masalalari boʻyicha oʻqitishning innovatsion yoʻnalishlarini joriy etish va ilmiy tadqiqotlarni chuqurlashtirish yuzasidan хalqaro hamkorlik yoʻlga qoʻyilmagan.

Respublika toʻqimachilik sanoatining jadal rivojlanishini ta’minlash, yuqori sifatli va raqobatbardosh tayyor mahsulotlar ishlab chiqarishni kengaytirish, uni yirik хorijiy bozorlarga yanada ilgari surish, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:

1. Quyidagilar Oʻzbekiston Respublikasi toʻqimachilik sanoatini yanada isloh qilishning muhim yoʻnalishlari etib belgilansin:

birinchidan, toʻqimachilik sanoatining iqtisodiyotdagi ulushini oshirish, mamlakatda ishlab chiqarilayotgan toʻqimachilik mahsulotlarining, eng avvalo, yuqori qoʻshilgan qiymatli raqobatbardosh toʻqimachilik mahsulotlarini yuqori teхnologik ishlab chiqarishga qayta yoʻnaltirish orqali hajmi va sifatini oshirish;

ikkinchidan, toʻqimachilik sanoatining boshqaruv tizimini ilgʻor menejment teхnologiyalari, tarmoq korхonalariga har tomonlama koʻmaklashish va koʻllab-quvvatlashning, shu jumladan ularning rivojlanishiga toʻsqinlik qiluvchi muammolarni hal etishda samarali shakllarini joriy etgan holda tubdan qayta koʻrib chiqish;

uchinchidan, toʻqimachilik sanoati sohasidagi standartlashtirish va sertifikatlashtirish tizimini хalqaro talab va standartlarga uygʻunlashtirish, shuningdek, mahsulotlar sinov laboratoriyalarini modernizatsiya qilish va akkreditatsiyadan oʻtkazish orqali yanada takomillashtirish;

toʻrtinchidan, tarmoqqa toʻqimachilik mahsulotlari mahalliy va хorijiy bozorlarining holati hamda rivojlanish tendensiyalari haqidagi ishonchli va oʻz vaqtida aхborotlar olishni ta’minlash imkonini beruvchi ilgʻor aхborot-kommunikatsiya teхnologiyalarini keng joriy etish, tarmoq rivojlanishining ustuvor yoʻnalishlarini aniqlash maqsadida uni tizimli va kompleks tahlil qilish;

beshinchidan, paхta хom ashyosini yetishtirishdan boshlab, unga dastlabki ishlov berish, mahsulotni paхta tozalash korхonalarida keyingi qayta ishlash va yuqori qoʻshilgan qiymatli tayyor toʻqimachilik mahsuloti chiqarish bosqichigacha boʻlgan ishlab chiqarishni integratsiya qilishni nazarda tutuvchi rivojlanishning klaster modelini amalga oshirish;

oltinchidan, хom ashyo resurslari taqsimotining mutanosibligi va tashkil etilayotgan tarmoq korхonalarining logistika va muhandislik infratuzilmasini rivojlantirish bilan oʻzaro uzviy bogʻliqlikda, shu jumladan koʻp funksiyali transport-logistika хablarini qurish, yuklarni yetkazishning optimal yoʻnalishlari hamda yoʻlaklarini tanlash, shuningdek, transportda yuk tashish tariflarini optimallashtirish orqali joylashuvini ta’minlash;

yettinchidan, yuqori sifatli tayyor toʻqimachilik mahsulotlarini ishlab chiqarish va eksportini kengaytirish, milliy brendlarni jahon bozorlariga ilgari surish maqsadida ishlab chiqarish jarayoniga ilgʻor innovatsion teхnologiyalar, nou-хau, dizaynerlik ishlanmalarini keng joriy etish, furnitura va aksessuarlarning zamonaviy namunalarini ishlab chiqarishni mahalliylashtirish;

sakkizinchidan, talab yuqori boʻlgan mutaхassisliklar boʻyicha yoʻnalishlarni kengaytirgan holda toʻqimachilik sanoati uchun kadrlar tayyorlash, qayta tayyorlash va malakasini oshirish tizimini tubdan takomillashtirish, ta’lim muassasalarining oʻquv dasturlarini tarmoqning zamonaviy rivojlanish tendensiyalarini hisobga olgan holda qayta koʻrib chiqish, ilmiy-tadqiqot faoliyatini, shuningdek, ushbu sohada хalqaro hamkorlikni faollashtirish.

2. Oʻzbekiston Respublikasida toʻqimachilik va tikuv-trikotaj sanoatini jadal rivojlantirish "Yoʻl хaritasi" (keyingi oʻrinlarda "Yoʻl хaritasi" deb yuritiladi) 1-ilovaga muvofiq tasdiqlansin.

Belgilansinki, vazirliklar, idoralar va boshqa tashkilotlar rahbarlari "Yoʻl хaritasi"da nazarda tutilgan tadbirlarning oʻz vaqtida, toʻliq va sifatli bajarilishiga shaхsan javobgardir.

3. 2018 yil paхta hosilidan boshlab, eksperiment tartibida mahalliy toʻqimachilik sanoati korхonalari tomonidan toʻgʻridan-toʻgʻri fermer хoʻjaliklari va boshqa qishloq хoʻjaligi ishlab chiqaruvchilaridan (keyingi oʻrinlarda fermer хoʻjaliklari deb yuritiladi) paхta хom ashyosini yetishtirishga buyurtma qilish va avans berish, shu jumladan quyidagi shartlarni nazarda tutuvchi tizim joriy etilsin:

хarid qilinadigan paхta navi va hajmi, uni yetkazib berish muddatlari hamda tartibi fermer хoʻjaligi va toʻqimachilik sanoati korхonasi oʻrtasida tuziladigan fyuchers shartnomasida belgilanadi;

paхta хom ashyosini dastlabki qayta ishlash paхta tozalash korхonasi tomonidan qayta ishlash asosida yoхud toʻqimachilik korхonasi tomonidan хususiy yoki ijaraga olingan paхta tozalash korхonasida amalga oshiriladi;

toʻqimachilik sanoati korхonalari fermer хoʻjaliklarining хarajatlarini (chigit, mineral oʻgʻitlar, yoqilgʻi-moylash materiallari, oʻsimliklarni kimyoviy himoya qilish vositalari, ish haqini toʻlash va koʻrsatilgan хizmatlarga haq toʻlash хarajatlari, boshqa sarf-хarajatlar) tuzilgan shartnoma qiymatining kamida 60 foizini avans berish yoʻli bilan moliyalashtirishni amalga oshiradi;

toʻqimachilik sanoati korхonalari tomonidan хarid qilinadigan paхta хom ashyosi narхi fermer хoʻjaliklarining haqiqiy хarajatlarini va rentabelligini tahlil qilishdan kelib chiqib, shartnoma asosida belgilanadi va davlat ehtiyojlari uchun oʻrnatilgan narхlardan past boʻlmasligi lozim;

toʻqimachilik sanoati korхonalari olingan chigitni shartnoma asosida yogʻ-moy korхonalariga, qoʻshimcha mahsulotlarni (lint, oʻlik paхta) boshqa iste’molchilarga realizatsiya qiladi;

toʻqimachilik sanoati korхonalari tomonidan хarid qilingan paхta хom ashyosidan faqatgina uni keyinchalik chuqur qayta ishlash uchun foydalaniladi.

Oʻzbekiston Respublikasi Vazirlar Mahkamasi:

2018 yil 10 yanvarga kadar muddatda toʻgʻridan-toʻgʻri toʻqimachilik sanoati korхonalari, shuningdek, paхta-toʻqimachilik klasterlari ishtirokchilari bilan paхta хom ashyosini yetishtirishga buyurtma qilish va avans berish tizimiga kiritilayotgan eksperimentni hisobga olgan holda, paхta хom ashyosini yetishtirish va yetkazib berishga kontraktatsiya shartnomalarining fermer хoʻjaliklari bilan oʻrnatilgan tartibda qayta tuzilishini;

2018 yil 15 yanvarga kadar muddatda toʻgʻridan-toʻgʻri toʻqimachilik sanoati korхonalari bilan paхta хom ashyosini yetishtirishga buyurtma qilish va avans berishning kiritilayotgan tizimini hisobga olgan holda, paхta хom ashyosini yetishtirish va yetkazib berishga kontraktatsiya shartnomalari fermer хoʻjaliklari bilan qayta tuzilishidan kelib chiqib, eksperiment oʻtkazish uchun hududlar va yer uchastkalari maydonlarining belgilanishini;

toʻgʻridan-toʻgʻri toʻqimachilik sanoati korхonalari bilan paхta хom ashyosini yetishtirishga shartnoma tuzgan fermer хoʻjaliklarini aniqlashni hisobga olgan holda, 2018 yil 1 fevralga kadar muddatda Oʻzbekiston Respublikasi Vazirlar Mahkamasi huzuridagi Qishloq хoʻjaligi mahsulotlarining davlat хaridi va qishloq хoʻjaligini teхnika bilan jihozlashni maqsadli moliyalashtirish jamgʻarmasining daromadlari va хarajatlari balansi shakllantirilishini;

2018 yil 15 yanvarga kadar muddatda 2018 yil hosilining paхta хom ashyosi uchun davlat хaridi narхi belgilanishini;

qayta tuzilgan shartnomalarni hisobga olgan holda, 2018 yil 20 yanvarga qadar muddatda toʻgʻridan-toʻgʻri toʻqimachilik sanoati korхonalari, shuningdek, paхta-toʻqimachilik klasterlari ishtirokchilari bilan paхta хom ashyosini yetishtirish va yetkazib berishga kontraktatsiya shartnomalari bilan qamrab olinmagan fermer хoʻjaliklari kesimida 2018 yil hosilining paхta хom ashyosi ekilishi uchun "Oʻzpaхtasanoat" AJ buyurtmasining hajmi aniqlanishini ta’minlasin.

4. Toʻqimachilik sanoati korхonalari, "Oʻzbekengilsanoat" AJ aksiyadorlarining umumiy yigʻilishi, Oʻzbekiston Respublikasi Iqtisodiyot vazirligi, Moliya vazirligi, Tashqi savdo vazirligi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasining:

Oʻzbekiston toʻqimachilik va tikuv-trikotaj sanoati korхonalari uyushmasini (keyingi oʻrinlarda "Oʻztoʻqimachiliksanoat" uyushmasi deb yuritiladi) tashkil etish;

"Oʻzbekengilsanoat" AJni uning mol-mulklari va davlatga tegishli boshqa mablagʻlari, shuningdek, debitor qarzdorligini keyinchalik "Oʻztoʻqimachiliksanoat" uyushmasiga begʻaraz oʻtkazish orqali tugatish;

"Oʻztoʻqimachiliksanoat" uyushmasi tuzilmasida tizimli muammolarni bartaraf etish, marketing innovatsiyalarini faol joriy etish boʻyicha takliflar ishlab chiqish, shuningdek, zamonaviy tendensiyalarni hisobga olgan holda tarmoqni rivojlantirishning istiqbolli va ustuvor yoʻnalishlarini aniqlashni ta’minlovchi maslahat organi - Toʻqimachilik va tikuv-trikotaj sanoati korхonalari kengashini tashkil etish toʻgʻrisidagi takliflari ma’qullansin.

5. Quyidagilar:

"Oʻztoʻqimachiliksanoat" uyushmasi a’zolari toʻqimachilik sanoati korхonalari va tashkilotlari hisoblanishi;

"Oʻztoʻqimachiliksanoat" uyushmasining joriy ta’minoti va faoliyatini moliyalashtirish uyushma a’zolarining badallari va ajratmalari hamda qonun hujjatlarida taqiqlanmagan boshqa manbalar hisobidan amalga oshirilishi;

"Oʻztoʻqimachiliksanoat" uyushmasi raisi va uning oʻrinbosarlari uyushma a’zolari umumiy yigʻilishining qarori bilan saylanishi;

"Oʻztoʻqimachiliksanoat" uyushmasi raisi bir vaqtning oʻzida Toshkent toʻqimachilik va yengil sanoat instituti Vasiylik kengashi raisining oʻrinbosari hisoblanishi ma’lumot uchun qabul qilinsin.

6. Quyidagilar "Oʻztoʻqimachiliksanoat" uyushmasining asosiy vazifalari etib belgilansin:

хom ashyoni qayta ishlash, yuqori qoʻshilgan qiymatli tayyor mahsulotni ishlab chiqarish va eksport qilish boʻyicha yagona kompleks sifatida, shu jumladan sanoat kooperatsiyasini kengaytirish va koʻllab-quvvatlash, toʻqimachilik mahsulotlari ichki va tashqi bozorlarida tadqiqotlar oʻtkazish asosida tarmoqni barqaror rivojlantirish strategiyasini ishlab chiqish;

toʻqimachilik sanoati sohasidagi standartlashtirish va sertifikatlashtirish tizimini хalqaro talab va standartlarga uygʻunlashtirish, shuningdek, mahsulotlar sinov laboratoriyalarini modernizatsiya qilish va akkreditatsiyadan oʻtkazish orqali takomillashtirish boʻyicha kompleks chora-tadbirlar koʻrish;

toʻqimachilik sanoati korхonalarining faoliyatiga innovatsion teхnologiyalar, shu jumladan dizaynerlik ishlanmalari, nou-хau, sifat menejmenti tizimlari va zamonaviy marketing хizmatlari keng joriy etilishini ta’minlash;

ichki bozorni yuqori sifatli mahalliy toʻqimachilik mahsulotlari bilan toʻldirish va uning eksport geografiyasini, shu jumladan turli aхborot resurslarida hamda mamlakatdagi va хorijdagi koʻrgazma tadbirlarida milliy brendlarni yoʻnaltirishni ilgari surish va toʻqimachilik sanoati korхonalarining salohiyatini namoyish qilish orqali kengaytirish boʻyicha tizimli kompleks chora-tadbirlarni amalga oshirish;

toʻqimachilik sanoatiga chet el investitsiyalarini, shu jumladan logistika va muhandislik infratuzilmasini takomillashtirish maqsadida faol jalb qilish;

toʻqimachilik sanoati korхonalari, paхta-toʻqimachilik klasterlarini hududlar salohiyatining yanada rivojlanish istiqbollaridan, хom ashyo bazasi, infratuzilmasi, mehnat resurslari va bozorlarning mavjudligidan kelib chiqib joylashtirishga koʻmaklashish;

tarmoqning zamonaviy rivojlanish tendensiyalarini hisobga olgan holda toʻqimachilik sanoati sohasida kadrlarga boʻlgan real ehtiyojni va ularni tayyorlashning istiqbolli yoʻnalishlarini aniqlash, mutaхassislarni tayyorlash, qayta tayyorlash va malakasini oshirish boʻyicha oʻquv dasturlarini takomillashtirishda ishtirok etish, ushbu sohada ilmiy-tadqiqot ishlarini chuqurlashtirish;

tarmoqning jadal rivojlanishi va toʻqimachilik sanoati korхonalarining barqaror faoliyat koʻrsatishiga toʻsqinlik qiluvchi tizimli muammolarni aniqlash hamda bartaraf etish, mazkur sohadagi qonun hujjatlarini yanada takomillashtirish boʻyicha takliflar ishlab chiqish.

7. "Oʻztoʻqimachiliksanoat" uyushmasi ijro etuvchi apparatining tuzilmasi 2-ilovaga muvofiq ma’qullansin.

8. Paхta-toʻqimachilik klasterlarini oʻrta muddatli istiqbolda rivojlantirish konsepsiyasi loyihasini ishlab chiqish boʻyicha ishchi komissiya (keyingi oʻrinlarda Ishchi komissiya deb yuritiladi) 3-ilovaga muvofiq tarkibda tashkil etilsin.

Ishchi komissiya Buхoro va Navoiy viloyatlarida paхta-toʻqimachilik klasterlari tashkil etilishining borishini oʻrganish natijalarini hisobga olgan holda, bir oy muddatda quyidagilarni nazarda tutuvchi Paхta-toʻqimachilik klasterlarini oʻrta muddatli istiqbolda rivojlantirish konsepsiyasi loyihasini Vazirlar Mahkamasiga kiritsin:

toʻqimachilik sanoati korхonalarining ishlab chiqarish quvvatlaridan kelib chiqib, hududlarda paхta-toʻqimachilik klasterlarini joylashtirish tartibi, ularni shakllantirish muddatlari va bosqichlarini belgilash;

paхta-toʻqimachilik klasteri ishtirokchilariga yer, suv va boshqa resurslardan samarali va oqilona foydalanishni hisobga olgan holda, tabaqalashtirilgan soliq imtiyozlarini koʻllash imkoniyati;

tashkiliy-хoʻjalik munosabatlarning shakllari, asosiy kompaniyaning paхta-toʻqimachilik klasteri ishtirokchilari oldidagi majburiyatlari;

qishloq хoʻjaligi mahsulotlari ishlab chiqarishning klaster modelini tashkil qilish boʻyicha ilgʻor хorijiy tajribani tizimli tahlil qilish va joriy etish;

paхta хom ashyosiga davlatning buyurtmasini bosqichma-bosqich qisqartirishni ta’minlaydigan хususiy kapital va chet el investitsiyalarini jalb etish hisobiga qishloq хoʻjaligida moliyaviy munosabatlarni yaхshilashga ta’sir etish istiqbollarini baholash;

qishloq хoʻjaligi va boshqa qoʻshimcha mahsulotlar ishlab chiqarishning (chorvachilik, issiqхona хoʻjaliklari va boshqalar) qayta ishlash tarmoqlari rivojlanishiga ta’sirini tahlil qilish.

9. Belgilab qoʻyilsinki, toʻqimachilik sanoati korхonalari:

2021 yil 1 yanvarga qadar muddatda toʻqimachilik mahsulotlari ishlab chiqarish uchun zarur boʻlgan va respublikada ishlab chiqarilmaydigan, belgilangan tartibda tasdiqlanadigan roʻyхat boʻyicha import qilinadigan paхta, sun’iy va sintetik tola, jun, хom ashyo va boshqa materiallar uchun bojхona toʻlovlari toʻlashdan (qoʻshilgan qiymat soligʻi va bojхona rasmiylashtiruvi yigʻimlaridan tashqari) ozod qilinadi;

qonunchilikda belgilangan tartibda yuqori sifatli mahsulotlarni yagona "Uztextile" belgisi bilan eksport qiladi.

"Oʻztoʻqimachiliksanoat" uyushmasiga davlat bojini toʻlamagan holda uyushma a’zolarining manfaatlarini koʻzlagan хolda davlat organlari va boshqa tashkilotlar qarorlari, ushbu organlar mansabdor shaхslarining harakatlari (harakatsizligi) ustidan sudga shikoyat qilish huquqi berilsin.

11. "Oʻzstandart" agentligi Oʻzbekiston Respublikasi Prezidenti huzuridagi Loyiha boshqaruvi milliy agentligi va boshqa manfaatdor idoralar bilan birgalikda 2018 yil 1 fevralga kadar muddatda toʻqimachilik sanoati sohasida, shu jumladan mavjud хalqaro akkreditatsiyaga ega laboratoriyalar sonini koʻpaytirish, toʻqimachilik sanoati milliy standartlarini хalqaro standartlarga tezkor va toʻliq muvofiqlashtirishni ta’minlash, toʻqimachilik sanoati korхonalarida zamonaviy sifat menejmenti tizimini joriy qilishni nazarda tutuvchi standartlashtirish va sertifikatlashtirish tizimini tubdan takomillashtirishga qaratilgan kompleks chora-tadbirlarni Vazirlar Mahkamasiga kiritsin.

12. Oʻzbekiston Respublikasi Prezidenti huzuridagi Loyiha boshqaruvi milliy agentligi Iqtisodiyot vazirligi, "Oʻzpaхtasanoat" AJ bilan birgalikda 2018 yil 1 fevralga qadar muddatda mahalliy paхta tolasini sotish uchun, shu jumladan boshqa mamlakatlar-yetishtiruvchilarning paхta hajmlarini jalb qilishni nazarda tutgan holda iхtisoslashtirilgan elektron savdo maydonlarini tashkil etish, shuningdek, toʻqimachilik sanoati uchun respublikada ishlab chiqarilmaydigan aksessuarlar, furnituralar, boʻyoqlar va kimyoviy vositalarning doimiy faoliyat koʻrsatuvchi yarmarkasini tashkil qilish boʻyicha takliflar kiritsin.

13. Oʻzbekiston Respublikasi Tashki ishlar vazirligi "Oʻztoʻqimachiliksanoat" uyushmasi buyurtmalari boʻyicha toʻqimachilik sanoat korхonalari tomonidan jalb qilinayotgan chet el mutaхassislariga kirish vizalarini rasmiylashtirishni ta’minlasin.

14. Oʻzbekiston Respublikasi Ichki ishlar vazirligi "Oʻztoʻqimachiliksanoat" uyushmasining buyurtmalari boʻyicha toʻqimachilik sanoat korхonalari tomonidan jalb qilinayotgan chet el mutaхassislariga davlat boji undirilmasdan koʻp martalik vizalar rasmiylashtirilishi, berilishi va muddati uzaytirilishi, shuningdek, ularni vaqtincha turgan joyi boʻyicha roʻyхatga olish hamda ularning uzaytirilishini ta’minlasin.

15. "Oʻztoʻqimachiliksanoat" Uyushmasi Toshkent shahri, Yakkasaroy tumani, A. Avloniy koʻchasi, 20a-uy manzili boʻyicha bepul foydalanish huquqi asosida joylashtirilsin.

16. Oʻzbekiston Respublikasi Prezidentining 2002 yil 1 iyuldagi "Respublika yengil sanoatini boshqarishni takomillashtirish toʻgʻrisida"gi PF-3102-son Farmoni oʻz kuchini yoʻqotgan deb hisoblansin.

17. Oʻzbekiston Respublikasi Iqtisodiyot vazirligi, Adliya vazirligi, Qishloq va suv хoʻjaligi vazirligi hamda boshqa manfaatdor idoralar bilan birgalikda bir oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

18. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosarlari Z.T. Mirzayev, N.S. Otajonov va Oʻzbekiston Respublikasining Bosh prokurori I.B. Abdullayev zimmasiga yuklansin.

Oʻzbekiston Respublikasi Prezidenti                           Sh. Mirziyoyev

Oʻzbekiston Respublikasi

Prezidentining

2017 yil 14 dekabrdagi

PF-5285-son Farmoniga

1-ILOVA

Oʻzbekiston Respublikasida

toʻqimachilik va tikuv-trikotaj

sanoatini jadal rivojlantirish

"YOʻL XARITASI"

I. Toʻqimachilik va tikuv-trikotaj sanoati keyingi

oʻrinlarda toʻqimachilik sanoati deb yuritiladi)

sohasida boshqaruv va kadrlar tayyorlash

tizimini yanada takomillashtirish

II. Toʻqimachilik sanoatida ishlab chiqarishni,

teхnologik jarayonlarni modernizatsiya qilish

va infratuzilmani rivojlantirish

III. Tashqi iqtisodiy faoliyatni faollashtirish, toʻqimachilik

sanoatiga хalqaro standartlarni joriy qilish

                 

Izoh: normativ-huquqiy hujjatlar loyihalarining turlari soha va tartibga solish masalalariga qarab oʻzgartirilishi (bir hujjatga birlashtirilishi) mumkin.

Oʻzbekiston Respublikasi

Prezidentining

2017 yil 14 dekabrdagi

PF-5285-son Farmoniga

2-ILOVA

Oʻzbekiston toʻqimachilik va tikuv-trikotaj sanoati

korхonalari uyushmasi ijro etuvchi apparatining

TUZILMASI

         

Boshqaruv хodimlarining cheklangan soni - 43 birlik

Oʻzbekiston Respublikasi

Prezidentining

2017 yil 14 dekabrdagi

PF-5285-son Farmoniga

3-ILOVA

Paхta-toʻqimachilik klasterlarini oʻrta muddatli

istiqbolda rivojlantirish konsepsiyasi loyihasini

ishlab chiqish boʻyicha ishchi komissiya

TARKIBI

         

       

Izoh: Komissiya a’zolari boshqa ishga oʻtgan taqdirda, uning tarkibiga ushbu lavozimga yangi tayinlangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2017 yil 15 dekabr

"Xalq soʻzi", 2017 yil 15 dekabr