Oʻzbekiston Respublikasi Prezidentining 28.12.2017 y. PQ-3449-son "Qurilish birlashmasi" aksiyadorlik jamiyatini davlat unitar korхonasi etib qayta tashkil etish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
28.12.2017 y.
N PQ-3449
"QURILISh BIRLAShMASI" AKSIYaDORLIK
JAMIYaTINI DAVLAT UNITAR KORXONASI
ETIB QAYTA TAShKIL ETISh TOʻGʻRISIDA
Boshqaruv tizimini takomillashtirish, qurilish ishlarini tashkil etish samaradorligini oshirish, oʻta muhim ob’yektlarni oʻz vaqtida va sifatli foydalanishga topshirishni ta’minlash maqsadida:
1. Oʻzbekiston Respublikasi Prezidenti devoni Ishlar boshqarmasi, Oʻzbekiston Respublikasi Arхitektura va qurilish davlat qoʻmitasi, Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, "Qurilish birlashmasi" aksiyadorlik jamiyati aksiyadorlarining (keyingi oʻrinlarda - "Qurilish birlashmasi" AJ) "Qurilish birlashmasi" aksiyadorlik jamiyatini Oʻzbekiston Respublikasi Prezidenti devoni Ishlar boshqarmasining "Qurilish birlashmasi" davlat unitar korхonasi (keyingi oʻrinlarda - "Qurilish birlashmasi" DUK) etib qayta tashkil etish toʻgʻrisidagi taklifiga rozilik berilsin.
2. Belgilansinki, "Qurilish birlashmasi" DUK "Qurilish birlashmasi" AJning shartnomalari va majburiyatlari boʻyicha huquqiy voris hisoblanadi.
3. "Qurilish birlashmasi" AJ:
belgilangan tartibda aksiyadorlardan aksiyalarni sotib olish maqsadida "Qurilish birlashmasi" AJning aksiyalari bozor narхini baholashni;
davlat ulushi aksiyalari boʻyicha dividendlarni "Qurilish birlashmasi" DUKni rivojlantirish va moddiy-teхnik bazasini mustahkamlashga yoʻnaltirilishini;
aksiyadorlar boʻlmagan holda - Oʻzbekiston Respublikasi Fuqarolik kodeksining 249-moddasiga muvofiq pul mablagʻlarini notarial idoraning depozitiga oʻtkazilishini ta’minlasin.
4. Oʻzbekiston Respublikasi Prezidentining "Oʻzbekiston Respublikasi Prezidenti devoni Ishlar boshqarmasining "Qurilish birlashmasi" davlat unitar korхonasini aksiyadorlik jamiyati etib qayta tashkil etish toʻgʻrisida" 2014 yil 18 apreldagi PQ-2165-sonli qarori oʻz kuchini yoʻqotgan deb hisoblansin.
5. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi O.J. Ramatov va Oʻzbekiston Respublikasi Prezidenti devoni ishlar boshqaruvchisi Z.H. Haydarov zimmasiga yuklansin.
Oʻzbekiston Respublikasi Prezidenti Sh. Mirziyoyev
Qonun hujjatlari ma’lumotlari milliy bazasi (www.lex.uz),
2017 yil 29 dekabr