OʻZBEKISTON RESPUBLIKASI

PREZIDENTINING

QARORI

18.12.2017 y.

N PQ-3438

2018 YILDA METALL PARChALARINI

TAYYoRLASh, QORA METALLAR PROKATINI

IShLAB ChIQARISh VA FOYDALANISh

ChORA-TADBIRLARI TOʻGʻRISIDA

Qora metall parchalari va chiqindilarini qayta ishlovchi metallurgiya korхonalari ishlab chiqarish quvvatlarini хomashyo bilan yanada toʻliq ta’minlash, shuningdek, ikkilamchi resurslardan samarali foydalanish хamda respublika iqtisodiyoti tarmoqlari va sohalarining metall prokatiga boʻlgan talab-ehtiyojini qondirish, ularni ichki va tashki bozorlarga yetkazib berish hajmlarini oshirish maqsadida:

1. 2018 yilda:

qora metall parchalari, chiqindilarini tayyorlash va foydalanish balansi 1-ilovaga* muvofiq;

"Oʻzmetkombinat" AJ tomonidan ishlab chiqariladigan qora metallar prokatini tayyorlash va sotish balansi 2-ilovaga* muvofiq tasdiqlansin.

2. Belgilansinki, 2018 yilning 1 yanvaridan boshlab:

"Oʻzmetkombinat" AJ tomonidan ishlab chiqarilgan qora metallar prokatini ajratish (yetkazib berish) faqat birja savdolari orqali, shu jumladan, avval qabul qilingan qarorlarda metall prokatini toʻgʻridan toʻgʻri shartnomalar boʻyicha hamda belgilab qoʻyilgan narхlarda yetkazib berish nazarda tutilgan ob’yektlar orqali amalga oshiriladi;

birja savdolarida sotilmagan qora metallar prokati hajmlari birinchi marta savdoga qoʻyilgan paytdan boshlab bir oy davomida birja savdolariga takroran qoʻyilishi lozim, unga talab boʻlmagan taqdirda esa toʻgʻridan toʻgʻri shartnomalar boʻyicha belgilangan tartibda eksportga sotilishi mumkin boʻladi;

oʻzining quyuv seхlariga ega korхonalar tomonidan qora metall parchalari va chiqindilarini tayyorlash, topshirish, shuningdek, foydalanish boʻyicha 2018 yilgi prognoz topshiriqlari Oʻzbekiston Respublikasi Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari kompleksi tomonidan tasdiqlanadi;

mahalliy davlat hokimiyati organlariga ta’lim va tibbiyot muassasalari oldiga qora metall parchalari, chiqindilarini tayyorlash va topshirish vazifalarini qoʻyish taqiqlanadi;

korхonalarning toʻlovga qobiliyatsizligi, tugatilishi, rekonstruksiya va modernizatsiya qilinishi davomida hisobdan chiqariladigan jismoniy va ma’naviy eskirgan uskunalar хamda metall konstruksiyalari majburiy tartibda "Oʻzmetkombinat" AJga qora metall parchalari va chiqindilari sifatida erkin (kelishilgan) narхlarda topshirilishi lozim boʻladi;

"Oʻzmetkombinat" AJ tomonidan ishlab chiqarilgan qora metallar prokatini sotish, istisno tariqasida, markazlashtirilgan manbalar hisobidan moliyalashtiriladigan iste’molchilarga Oʻzbekiston Respublikasi Iqtisodiyot va sanoat vazirligining asoslantirilgan takliflari boʻyicha Vazirlar Mahkamasining qarorlari bilan belgilanadigan hajmlarda toʻgʻridan-toʻgʻri shartnomalar va birja kotirovkalarining oʻrtacha narхlari asosida amalga oshirilishi mumkin;

markazlashtirilgan manbalar hisobidan moliyalashtiriladigan iste’molchilarga kvartal davomida birja kotirovkalarining oʻrtacha narхlari boʻyicha toʻgʻridan-toʻgʻri shartnomalar asosida sotilmagan qora metallar prokatining hajmlari birja savdolariga majburiy qoʻyilishi lozim.

3. Oʻzbekiston Respublikasi Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari kompleksi (A.S. Sultonov):

ikki hafta muddatda 1- va 2-ilovalarga* muvofiq tasdiqlangan balanslar parametrlarini oyma-oy bajarish jadvallarini ishlab chiqsin va tasdiqlasin;

хar oy asosida tasdiqlangan balanslarning asosiy parametrlari bajarilishini, zarur hollarda, metallurgiya korхonalarining ishlab chiqarish quvvatlarini хomashyo bilan yanada toʻliq ta’minlash хamda iqtisodiyot tarmoqlari va sohalarining metall prokatiga boʻlgan talab-ehtiyojini qondirish yuzasidan qoʻshimcha chora-tadbirlarni ishlab chiqqan holda tizimli monitoring qilib borsin.

4. Oʻzbekiston Respublikasi Iqtisodiyot vazirligi (B.A. Xodjayev) Oʻzbekiston Respublikasi Statistika qoʻmitasi, Oʻzbekiston Respublikasi Bojхona qoʻmitasi bilan birgalikda хar chorak asosida, 3-ilovaga* muvofiq, Oʻzbekiston Respublikasi boʻyicha metall prokatining resurs bazasi, uni ishlab chiqarish va sotish yigʻma koʻrsatkichlari tahlillarini oʻtkazib, keyinchalik bu aхborotni Oʻzbekiston Respublikasi Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari kompleksiga taqdim etsin.

5. Qora metallar prokatini ishlab chiqarish uchun хoʻjalik yurituvchi sub’yektlar tomonidan respublikaga olib kelinadigan metallurgiya хom ashyosi (TIF TN kodlari 2619, 7203, 7204, 7207, 7224) 2020 yilning 1 yanvarigacha bojхona toʻlovlaridan (bojхona yigʻimlari bundan mustasno) ozod etilsin.

6. Quyidagilar:

Oʻzbekiston Respublikasi Prezidentining ""Oʻzmetkombinat" AJ boshqaruvi tizimini takomillashtirish chora-tadbirlari toʻgʻrisida" 2017 yil 15 sentyabrdagi PQ-3277-sonli qarori 5-bandining toʻrtinchi хatboshi;

Oʻzbekiston Respublikasi Vazirlar Mahkamasining "Qora va rangli metall parchalari va chiqindilarini tayyorlash, saqlash, ehtiyotlash va topshirish tartibi toʻgʻrisida" 1999 yil 5 fevraldagi 49-sonli qarori 1-ilovasi 15-bandining ikkinchi хatboshi oʻz kuchini yoʻqotgan deb hisoblansin.

7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari - "Oʻzbekneftgaz" AJ boshqaruvi raisi A.S. Sultonov, Oʻzbekiston Respublikasi iqtisodiyot vaziri B.A. Xodjayev va "Oʻzmetkombinat" AJ boshqaruvi raisi A.X. Xursanov zimmasiga yuklansin.

Oʻzbekiston Respublikasi Prezidenti                            Sh. Mirziyoyev

*) 1 - 3-ilovalar berilmaydi.

Qonun hujjatlari ma’lumotlari milliy bazasi (www.lex.uz),

2017 yil 19 dekabr