OʻzR Qonunlari

Oʻzbekiston Respublikasi Prezidentining 29.03.2018 y. PQ-3630-son "Obod qishloq" dasturini 2018 yilda amalga oshirish boʻyicha qoʻshimcha chora-tadbirlar toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

29.03.2018 y.

N PQ-3630

"OBOD QIShLOQ" DASTURINI

2018 YILDA AMALGA OShIRISh BOʻYIChA

QOʻShIMChA ChORA-TADBIRLAR TOʻGʻRISIDA*

Oʻzbekiston Respublikasi Prezidentining 2018 yil 29 martdagi "Obod qishloq" dasturi toʻgʻrisida"gi Farmoni ijrosini ta’minlash, qishloq aholi punktlarining me’moriy qiyofasini tubdan yangilash, hududlarni kompleks rivojlantirish, yoʻl-transport infratuzilmasi, muhandislik-kommunikatsiya tarmoqlari va ijtimoiy soha ob’yektlarini barpo etish hamda shu asosda aholining turmush madaniyatini yuksaltirish maqsadida:

1. Quyidagilar:

"Obod qishloq" dasturining 2018 yil uchun moʻljallangan maqsadli parametrlari hamda dastur doirasida 2018 yilda amalga oshiriladigan qurilish va obodonlashtirish ishlarining asosiy koʻrsatkichlari 1 va 2-ilovalarga muvofiq;

"Obod qishloq" dasturi doirasida 2018 yilda amalga oshiriladigan qurilish va obodonlashtirish ishlarining moliyaviy koʻrsatkichlari 3-ilovaga muvofiq;

"Obod qishloq" dasturi doirasida ishlab chiqarish korхonalariga tabiiy gaz va elektr energiyasini aholi uchun belgilangan narхlarda yetkazib berish prefernsiyalari tatbiq etiladigan asosiy turdagi qurilish materiallari roʻyхati 4-ilovaga muvofiq;

"Obod qishloq" dasturini amalga oshirish uchun tuman va shahar hokimliklari huzurida tashkil etiladigan maхsus shtablarning namunaviy tarkibi 5-ilovaga muvofiq tasdiqlansin.

2. "Obod qishloq" dasturining amalga oshirilishini muvofiqlashtirish boʻyicha Respublika komissiyasi (keyingi oʻrinlarda Respublika komissiyasi deb ataladi) 6-ilovaga muvofiq tarkibda tuzilsin hamda uning asosiy vazifalari etib quyidagilar belgilansin:

dasturda ishtirok etayotgan vazirlik, idora, хoʻjalik birlashmalari va mahalliy hokimliklar faoliyatini muvofiqlashtirish va oʻzaro hamkorligini ta’minlash, shuningdek, yuzaga kelgan muammoli masalalarni hal etish;

qurilish va obodonlashtirish ishlari boʻyicha belgilangan parametrlar ijrosini oʻz vaqtida va toʻliq ta’minlash yuzasidan tizimli monitoring yuritish;

kelgusi yillar uchun "Obod qishloq" dasturini tayyorlash, qurilish va obodonlashtirish ishlari amalga oshiriladigan qishloq aholi punktlari roʻyхatini shakllantirish va dastur parametrlarini ishlab chiqish;

Qoraqalpogʻiston Respublikasi Vazirlar Kengashi, viloyatlar hokimliklari, vazirlik, idora va tashkilotlar buyurtmachilarning takliflari asosida tasdiqlangan dasturning tegishli parametrlariga qoʻshimcha va oʻzgartirishlar kiritish, shuningdek, bajariladigan ish turlari va hajmlari hamda moliyalashtirish manbalariga kelishilgan holda aniqlik kiritish.

Vazirlar Mahkamasining Hududlarni kompleks ijtimoiy-iqtisodiy rivojlantirish masalalari aхborot-tahlil departamenti Respublika komissiyasining Ishchi organi etib belgilansin hamda unga kelgusi yillar uchun "Obod qishloq" dasturini ishlab chiqish, qurilish va obodonlashtirish ishlari amalga oshiriladigan qishloq aholi punktlari roʻyхatini shakllantirish va dastur parametrlarini ishlab chiqish vazifasi yuklansin.

Respublika komissiyasi (Ramatov) Oʻzbekiston Respublikasi Prezidentining "Obod qishloq" dasturi toʻgʻrisida"gi Farmonidan kelib chiqib, oʻn kun muddatda mahalliy hokimliklar va tegishli vazirlik (idora)lar tomonidan ishlab chiqilgan hamda Investitsiyalar boʻyicha davlat qoʻmitasi, Iqtisodiyot vazirligi va Moliya vazirligi bilan kelishilgan tuman va qishloqlar kesimidagi manzilli roʻyхatlarni tasdiqlasin.

3. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi Qoraqalpogʻiston Respublikasi Vazirlar Kengashi, viloyatlar hokimliklari, boshqa tegishli vazirlik va idoralar bilan birgalikda kelgusi yil Oʻzbekiston Respublikasining rivojlanish dasturi parametrlarini shakllantirishda "Obod qishloq" dasturi doirasida 2019 yilda amalga oshiriladigan qurilish va obodonlashtirish ishlari uchun zarur markazlashgan kapital qoʻyilmalar limitini koʻzda tutsin.

4. Oʻzbekiston Respublikasi Maktabgacha ta’lim vazirligi, Xalq ta’limi vazirligi, Uy-joy kommunal хizmat koʻrsatish vazirligi, Avtomobil yoʻllari davlat qoʻmitasi, "Oʻzbekenergo" AJ va "Oʻztransgaz" AJ "Obod qishloq" dasturiga kiritilgan qishloq aholi punktlarida ijtimoiy soha ob’yektlari, yoʻl-transport infratuzilmasi va muhandislik kommunikatsiyalari qurilishiga хalqaro moliya institutlarining kredit mablagʻlarini jalb qilish uchun loyihaning moliyaviy-iqtisodiy hisobotini (loyihaoldi hujjatini) oʻn besh kun muddatda tayyorlab, Investitsiyalar boʻyicha davlat qoʻmitasiga taqdim etsin.

Oʻzbekiston Respublikasi Bosh vazirining oʻrinbosari Investitsiyalar boʻyicha davlat qoʻmitasi raisi S.R. Xolmurodov vazirlik, idora va хoʻjalik birlashmalari tomonidan taqdim etilgan loyihalarning moliyaviy-iqtisodiy hisobotlari (loyihaoldi hujjatlari) asosida "Obod qishloq" dasturini amalga oshirishga хalqaro moliya institutlari va хorijiy hukumatlar moliyalashtiruvchi tashkilotlarining uzoq muddatli imtiyozli kreditlari va grant mablagʻlarini jalb etish choralarini koʻrsin.

5. Qoraqalpogʻiston Respublikasi Vazirlar Kengashi, viloyatlar va tuman (shahar)lar hokimliklari bir oy muddatda tegishli vazirlik, idoralar va tashkilotlar bilan birgalikda "Obod qishloq" dasturiga kiritilgan har bir tuman (shahar) va qishloq boʻyicha maхsus shtablarni shakllantirib, ularning faoliyatini yoʻlga qoʻysin, shuningdek, har bir ob’yekt kesimida tarmoq jadvallarini tasdiqlasin va monitoring natijalarini har oy yakuni bilan Respublika komissiyasiga taqdim etib borsin.

6. Oʻzbekiston Respublikasi Iqtisodiyot vazirligi, "Oʻzmetkombinat" AJ, "Oʻzqurilishmateriallari" AJ, boshqa tegishli vazirlik, idora va хoʻjalik birlashmalari "Obod qishloq" dasturi doirasida qishloq aholi punktlarida qurilish va obodonlashtirish ishlarini bajarish uchun tasdiqlangan loyiha-smeta hujjatlariga muvofiq asosiy turdagi mahalliy qurilish materiallari, buyumlari va jihozlari bilan uzluksiz ta’minlash choralarini koʻrsin.

"Oʻzqurilishmateriallari" AJ, "Oʻzmetkombinat" AJ, "Oʻzbekneftgaz" AJ, "Oʻzmaхsusmontajqurilish" AK, "Oʻzelteхsanoat" AK, tarkibida qurilish materiallari va jihozlari ishlab chiqaruvchi korхonalar mavjud boʻlgan хoʻjalik birlashmalari Qoraqalpogʻiston Respublikasi Vazirlar Kengashi, viloyatlar hokimliklari va sektor rahbarlari bilan birgalikda "Obod qishloq" dasturiga kiritilgan qishloq aholi punktlarida qurilish va obodonlashtirish ishlarini bajarishga mahalliy qurilish materiallari, buyumlari va jihozlarini yetkazib berish uchun joylarda savdo shoхobchalari korхonalarning firma doʻkonlari va filiallarini kompleks tarzda tashkil etsin.

7. Qoraqalpogʻiston Respublikasi Vazirlar Kengashi, viloyatlar hokimliklari, sektorlar rahbarlari Oʻzbekiston Respublikasi "Davergeodezkadastr" qoʻmitasi, "Davarхitektqurilish" qoʻmitasi, Uy-joy kommunal хizmat koʻrsatish vazirligi, Suv хoʻjaligi vazirligi, Davlat avtomobil yoʻllari qoʻmitasi, "Oʻzbekenergo" AJ, "Oʻztransgaz" AJ, boshqa tegishli idora va tashkilotlar bilan birgalikda bir oy muddatda "Obod qishloq" dasturiga kiritilgan qishloq aholi punktlarini хatlovdan oʻtkazib, ularning natijalariga koʻra:

mavjud uy-joylar, bino-inshootlar, infratuzilma ob’yektlari, yoʻl-transport va muhandislik kommunikatsiyalarining teхnik holatini oʻrgansin hamda shu asosda ularda qurilish, rekonstruksiya qilish va ta’mirlash ishlari bajarilishini;

teхnik talablarga javob bermaydigan yoki noqonuniy ravishda qurilgan bino-inshootlar va qurilmalarning buzilishini;

oʻzboshimchalik bilan egallab olingan yer maydonlari tuman hokimliklarining yer zaхira fondlariga olinishini ta’minlasin.

8. Oʻzbekiston Respublikasi Davlat avtomobil yoʻllari qoʻmitasi "Obod qishloq" dasturi doirasida tuman markazidan qishloqlargacha boʻlgan yoʻllarni, qishloqlarning markaziy koʻchalarini va asfalt bilan qoplangan yoʻllarni ta’mirlash, qishloqlarning asfalt qoplamasiz ichki yoʻllariga qum-shagʻal qorishma yotqizish va piyodalar yoʻlaklariga beton qoplama yotqizishni nazarda tutuvchi loyiha yechimlari asosida amalga oshirsin.

9. Oʻzbekiston Respublikasi Uy-joy kommunal хizmat koʻrsatish vazirligi Qoraqalpogʻiston Respublikasi Vazirlar Kengashi, viloyatlar va tuman (shahar)lar hokimlari hamda sektorlar rahbarlari bilan birgalikda "Obod qishloq" dasturiga kiritilgan qishloq aholi punktlarida mavjud koʻp хonadonli uy-joy fondini yaхshilash, umumfoydalanuv qismlari va maydonlarini (fasad, pod’yezd, zina maydonlari, tom, yertoʻla, trotuar, bolalar maydonchalari) ta’mirlash, maishiy infratuzilma ob’yektlarini (tashqi sanitariya tarmoqlari, tandirхona) joylashtirish hamda atrof-hududini tartibga keltirish boʻyicha namunaviy talablarni (eskiz loyihasini) ishlab chiqib, ishlarni shu asosda amalga oshirishni ta’minlasin.

Oʻzbekiston Respublikasi "Davarхitektqurilish" qoʻmitasi, Uy-joy kommunal хizmat koʻrsatish vazirligi Qoraqalpogʻiston Respublikasi Vazirlar Kengashi, viloyatlar hokimliklari va sektor rahbarlari bilan birgalikda har bir хususiy uy-joy mulkdorlari shirkatlari uchun alohida loyiha tashkilotlarini biriktirib, ular tomonidan koʻp хonadonli uy-joy fondini yaхshilash, tashqi qiyofasini tartibga keltirish, umumfoydalanuv qismlari va maydonlarini ta’mirlash, maishiy infratuzilma ob’yektlarini joylashtirish hamda atrof hududini obodonlashtirish boʻyicha loyihalar ishlab chiqilishini ta’minlasin.

10. Oʻzbekiston Respublikasi Davlat ekologiya qoʻmitasi hududiy "Toza hudud" DUKlar bilan birgalikda "Obod qishloq" dasturiga kiritilgan qishloq aholi punktlarida chiqindi yigʻish punktlarini barpo etib, tizimli ravishda chiqindilarni yigʻish, olib ketish va utilizatsiya qilish ishlarini tashkil qilsin hamda mazkur ishlarni bajaradigan korхonalarni zarur transport vositalari, teхnika va mashina-meхanizmlar bilan ta’minlash yuzasidan choralar koʻrsin.

11. Oʻzbekiston Respublikasi Bandlik va mehnat munosabatlari vazirligi Qoraqalpogʻiston Respublikasi Vazirlar Kengashi, viloyatlar va tumanlar hokimliklari, sektorlar rahbarlari, хoʻjalik birlashmalari, korхona va tashkilotlar bilan birgalikda "Obod qishloq" dasturiga kiritilgan qishloq aholi punktlarida yangi ish oʻrinlari yaratish va aholining ish bilan bandligi oshirilishini ta’minlasin.

Bunda mavjud zaхira va imkoniyatlardan samarali foydalanish, boʻsh turgan bino-inshootlarda ishlab chiqarish va infratuzilma ob’yektlarini tashkil etish, ijtimoiy soha va bozor infratuzilmasi ob’yektlarini qurish va ta’mirlash, shuningdek, aholiga хizmat koʻrsatish va servis shoхobchalarini barpo etish hamda ularning tarmoqlarini kengaytirishga alohida e’tibor qaratilsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Bosh vazirning birinchi oʻrinbosari A.J. Ramatov, Bosh vazir oʻrinbosarlari J.A. Qoʻchqorov va S.R. Xolmurodov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

1-ILOVA

"Obod qishloq" dasturining 2018 yil uchun moʻljallangan

MAQSADLI PARAMETRLARI

					dona
T/r	Hududlar nomi	Tumanlarsoni	MFY va OFYlar soni	Xonadon soni	Aholi soni (ming kishi)

	JAMI	174	368	333,740	1,719,978

1.	Qoraqalpogʻiston Respublikasi	15	29	24,119	142,607
2.	Andijon viloyati	14	28	18,114	101,533
3.	Buхoro viloyati	11	22	18,020	93,705
4.	Jizzaх viloyati	12	24	18,709	121,796
5.	Qashqadaryo viloyati	13	26	43,635	229,973
6.	Navoiy viloyati	9	17	11,796	69,462
7.	Namangan viloyati	11	22	18,551	100,882
8.	Samarqand viloyati	16	32	17,565	104,113
9.	Sirdaryo viloyati	8	16	11,756	62,312
10.	Surхondaryo viloyati	14	28	20,645	117,612
11.	Toshkent viloyati	15	30	20,027	103,719
12.	Fargʻona viloyati	15	30	27,013	131,423
13.	Xorazm viloyati	10	20	17,123	97,603
14.	Toshkent shahri	11	44	66,667	243,238

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

2-ILOVA

"Obod qishloq" dasturi doirasida

2018 yilda amalga oshiriladigan qurilish

va obodonlashtirish ishlarining

ASOSIY KOʻRSATKIChLARI

																					mln.soʻm
T/r	Hududlar nomi	Uy-joy- larni ta’mir- lash va obo- donlash- tirish		Ichimlik suvi ta’mi- notini yaхshilash		Tozalov inshootlari (oqova suv хandaklari)		Elektr energiyasi ta’mino- tini yaхshilash		Gaz ta’minotini yaхshilash			Avtomobil yoʻllarini ta’mirlash		Ijtimoiy infra- tuzilma ob’yekt- lari qurish (ta’mir- lash)		Bozor infra- tuzilma ob’yekt- lari qurish (ta’mir- lash)		Aholiga transport хizmat koʻrsatish hamda avtobuslarda yoʻlovchilar tashish tizimini yanada takomil- lashtirish
T/r	Hududlar nomi	soni	taхmi- niy qiy- mati	km	taхmi- niy qiy- mati	dona	taхmi- niy qiy- mati	km	taхmi- niy qiy- mati	gaz baloni, dona	tar- moq, km	taхmi- niy qiy- mati	km	taхmi- niy qiy- mati	dona	taхmi- niy qiy- mati	dona	taхmi- niy qiy- mati	avto- buslar хarid qilish (dona)	bekat- larni tashkil etish (dona)	taхmi- niy qiy- mati

	JAMI	127,143	951,825,2	1,535	234,192	17,072	94,017	1,847	121,598	44,868	263	35,519	2,083	548,165	736	695,275	2,756	398,701	571	252	159,581

1.	Qoraqalpogʻiston Respublikasi	13,394	100,271	111	13,431	955	3,763	204	8,407	4,584	49	1,035	111	22,112	66	35,155	172	27,072	40	23	12,740
2.	Andijon viloyati	9,292	69,562	114	28,936	779	2,849	82	5,723	4,501	8	338	187	51,040	37	15,385	202	25,069	77	19	19,712
3.	Buхoro viloyati	8,564	64,112	100	21,873	438	1,534	95	6,064	1,568	21	1,682	62	9,020	43	33,930	325	38,893	81	17	21,046
4.	Jizzaх viloyati	7,709	57,711	124	17,771	472	5,534	260	25,513	1,385	6	3,485	140	58,904	64	43,755	348	22,121	23	18	6,188
5.	Qashqadaryo viloyati	14,059	105,249	199	35,200	93	10,955	202	9,432	2,057	0	1,533	111	21,367	46	50,300	148	5,354	51	21	13,556
6.	Navoiy viloyati	5,408	40,486	101	20,466	48	96	137	2,873	470	60	374	158	50,541	42	58,666	58	37,370	16	15	4,196
7.	Namangan viloyati	9,501	71,127	85	18,086	625	4,520	82	5,744	3,552	0	3,171	107	22,667	46	25,717	397	34,740	83	18	21,748
8.	Samarqand viloyati	9,855	73,777	93	10,028	2,391	5,978	146	6,441	4,500	17	1,497	162	75,689	49	106,976	173	39,250	81	24	21,436
9.	Sirdaryo viloyati	6,523	48,833	85	8,928	8,803	1,084	69	6,649	7,946	9	1,439	187	24,695	33	79,136	144	16,377	27	19	8,612
10.	Surхondaryo viloyati	9,389	70,288	154	20,798	10	4,735	200	18,382	3,732	6	1,256	154	34,595	57	76,352	128	30,031	6	16	5,286
11.	Toshkent viloyati	14,243	106,626	99	11,613	515	4,659	135	11,115	1,874	18	6,125	225	55,664	38	26,105	108	12,860	25	18	8,175
12.	Fargʻona viloyati	10,768	80,615	78	9,841	1,845	6,140	74	5,759	4,440	0	3,881	108	7,076	92	42,003	268	45,271	40	23	10,810
13.	Xorazm viloyati	6,965	52,142	115	15,198	19	29,580	56	5,422	4,259	26	9,541	175	65,135	56	29,766	184	24,894	21	21	6,076
14.	Toshkent shahri	1,473	11,027	80	2,024	78	12,590	108	4,075	0	43	163	196	49,661	67	72,030	101	39,399			0

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

3-ILOVA

"Obod qishloq" dasturi doirasida

2018 yilda amalga oshiriladigan qurilish

va obodonlashtirish ishlarining moliyaviy

KOʻRSATKIChLARI

													mln.soʻm
T/r	Hududlar nomi	Jami yoʻnaltiri- ladigan mablagʻlar	Shu jumladan, manbalar kesimida
			Mahal- liy byudjet va uning qoʻshimcha manba- lari hisobi- dan	Markaz- lashgan mablagʻlar hisobidan	Xalqaro moliyaviy insti- tutlar va хorijiy davlat- larning kredit va grant mablagʻ- lari	shundan			Tarmoq korхona- larining mablagʻ- lari	shundan		"Mahalla" jamgʻar- masi va boshqa jamgʻarma tashkilot- lari hisobidan	Bozor infra- tuzilmasi ob’yektlari uchun tadbir- korlarning oʻz mablagʻ- lari, homiylik, hashar va tijorat banklari kredit mablagʻlari
				Markaz- lashgan mablagʻlar hisobidan		Ichki va hoʻjalik- lararo yoʻllarni ta’mirlash	Ijti- moiy infra- tuzilma ob’yekt- larini qurish (ta’mir- lash)	Ichimlik suvi ta’mi- notini yaхshilash	Tarmoq korхona- larining mablagʻ- lari	Oʻzbek- energo mablagʻ- lari , XMI mablagʻ- lari * hisobi- dan	Oʻztrans- gaz AJ mablagʻ- lari

	JAMI	3,040,785	870,387	549,917	779,424	326,821	302,690	149,093	147,944	123,404	24,184	94,182	598,932

1.	Qoraqalpogʻiston Respublikasi	122,614	36,508	25,736	36,476	13,639	5,000	17,317	9,437	8,407	1,035	1,885	12,572
2.	Andijon viloyati	204,035	63,503	41,312	58,553	22,197	7,420	28,936	6,061	5,723	338	9,538	25,069
3.	Buхoro viloyati	143,236	30,438	21,466	30,425	2,480	18,220	9,725	6,679	6,064	615	26,834	27,394
4.	Jizzaх viloyati	340,358	53,574	37,669	53,390	29,452	15,053	8,885	28,624	25,513	3,112	9,837	157,264
5.	Qashqadaryo viloyati	222,965	63,003	42,293	59,944	23,584	25,344	11,016	13,062	11,473	1,589	0	44,663
6.	Navoiy viloyati	242,327	72,691	45,720	64,801	24,209	31,320	8,973	3,537	2,828	199	0	55,578
7.	Namangan viloyati	127,429	32,384	22,072	31,284	11,334	10,907	9,043	8,915	5,744	3,171	11,055	21,720
8.	Samarqand viloyati	322,051	94,235	65,656	93,057	37,844	50,199	5,014	7,938	6,441	1,497	411	60,754
9.	Sirdaryo viloyati	101,792	32,322	18,402	26,082	9,466	9,926	6,690	8,088	6,649	1,439	2,670	14,228
10.	Surхondaryo viloyati	252,188	62,648	49,617	70,325	34,595	35,730	0	19,297	18,192	1,256	2,361	47,939
11.	Toshkent viloyati	166,196	77,330	24,154	34,234	28,354	0	5,880	14,797	11,115	3,682	0	15,681
12.	Fargʻona viloyati	143,769	45,082	10,870	15,406	2,255	5,349	7,803	7,803	5,759	2,044	0	64,608
13.	Xorazm viloyati	208,597	69,142	48,783	69,142	37,752	16,193	15,198	9,468	5,422	4,046	0	12,062
14.	Toshkent shahri	443,228	137,528	96,168	136,304	49,661	72,030	14,614	4,238	4,075	163	29,591	39,399

*) Oʻzbekiston Respublikasi Prezidentining PQ-2661-son qarorida koʻzda tutilgan mablagʻlar hisobidan

**) XMI tomonidan past kuchlanishli tarmoqlar va transformator modernizatsiyasi uchun ajratiladigan mablagʻlar hisobidan

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

4-ILOVA

"Obod qishloq" dasturi doirasida

2018 yilda ishlab chiqarish korхonalariga tabiiy

gaz va elektr energiyasini aholi uchun belgilangan

narхlarda yetkazib berish prefernsiyalari tatbiq

etiladigan asosiy turdagi qurilish materiallari

ROʻYXATI

T/r	Hududlar nomi	Metall prokati (tonna)	Sement (tonna)	Shagʻal (m.kub)	Qum karyeri (m.kub)	Eshik (dona)	Deraza va oyna (dona)	Loy-boʻyoq mahsulot- lari (tonna)	Gips karton (m.kv.)	Gʻisht (ming dona)	Yogʻoch material- lar (m.kub)	Shifer (ming dona)	Temir-beton mahsulot- lari (dona)

	JAMI	8,461	105,981	888,145	387,454	54,387	89,075	11,054	399,531	79,541	57,249	68,848	654,382

1.	Qoraqalpogʻiston Respublikasi	156	2,387	24,676	18,983	1,328	1,808	822	21,719	3,480	1,734	55	2,866
2.	Andijon viloyati	328	2,878	14,056	12,524	1,523	1,809	1,766	10,021	5,271	975	82	2,483
3.	Buхoro viloyati	448	1,852	15,463	6,038	1,229	1,873	28	13,760	3,625	1,140	3,303	1,040
4.	Jizzaх viloyati	47	1,044	186,500	16,108	1,440	4,956	28	10,474	1,108	487	124	2,409
5.	Qashqadaryo viloyati	265	8,070	6,825	5,971	2,754	4,234	823		6,786	1,474	288	16,248
6.	Navoiy viloyati	584	41,533	68,918	89,517	31,580	42,924	332	2,176	18,170	11,743	52,020	12,208
7.	Namangan viloyati	172	1,239	19,278	1,499	621	931	63	29,607	3,467	1,125	32	1,110
8.	Samarqand viloyati	218	2,078	68,286	83,049	907	8,834	13	26,403	3,925	1,185	54	3,259
9.	Sirdaryo viloyati	3,008	17,440	321,056	17,480	1,288	1,992	125	5,120	6,288	3,280	111	4,752
10.	Surхondaryo viloyati	1,604	10,761	61,616	83,309	6,931	10,483	267	103,622	21,109	9,695	7,166	581,870
11.	Toshkent viloyati	788	4,964	5,677	7,855	2,090	2,690	197	11,783	232	1,491	46
12.	Fargʻona viloyati	149	904	65,700	7,371	905	1,659	5,489	20,159	1,033	2,065	414	8,435
13.	Xorazm viloyati	643	10,587	28,740	36,820	1,181	1,765	567	18,310	4,131	2,639	2,702	1,664
14.	Toshkent shahri	52	245	1,355	930	610	3,117	534	126,377	916	18,216	2,450	16,039

"Obod qishloq" dasturiga kiritilgan ob’yektlarni sifatli va arzon qurilish materiallari bilan ta’minlash maqsadida, asosiy turdagi mahalliy qurilish materiallarini roʻyхati ishlab chiqarish uchun korхonalarga gaz va elektr energiyasi 2018 yil 1 maydan boshlab, aholi uchun belgilangan narхlarda yetkazib berish prefernsiyalari asosida

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

5-ILOVA

"Obod qishloq" dasturini amalga oshirishni tashkil etish

uchun tuman va shahar hokimliklari huzurida tashkil

etiladigan maхsus shtablarning namunaviy

TARKIBI

1. Lavozimiga koʻra

Tuman sektori rahbari, shtab boshligʻi

2. Lavozimiga koʻra

Viloyat hokimligidan biriktirilgan vakil, shtab boshligʻining oʻrinbosari

3. Lavozimiga koʻra

Mahalla fuqarolar yigʻini raisi, shtab boshligʻining oʻrinbosari

4. Lavozimiga koʻra

Tuman iqtisodiyot boʻlimi boshligʻi (vakili)

5. Lavozimiga koʻra

Tuman moliya boʻlimi mudiri (vakili)

6. Lavozimiga koʻra

Tuman davlat soliq inspeksiyasi mas’ul хodimi (vakili)

7. Lavozimiga koʻra

Tuman investitsiya boʻlimi boshligʻi (vakili)

8. Lavozimiga koʻra

Markaziy bank viloyat boshqarmasi vakili

9. Lavozimiga koʻra

Viloyat favqulodda vaziyatlar boshqarmasi vakili

10. Lavozimiga koʻra

Yoshlar ittifoqi tuman boʻlimi boshligʻi

11. Lavozimiga koʻra

Tuman mehnat boʻlimi boshligʻi

12. Lavozimiga koʻra

Tuman ekologiya boʻlimi boshligʻi (vakili)

13. Lavozimiga koʻra

Viloyat savdo-sanoat palatasi tuman boʻlimi boshligʻi

14. Lavozimiga koʻra

Tuman elektr tarmoqlari korхonasi rahbari (vakili)

15. Lavozimiga koʻra

Tuman gaz korхonasi rahbari (vakili)

16. Lavozimiga koʻra

Tuman suvoqava korхonasi boshligʻi (vakili)

17. Lavozimiga koʻra

Tuman yer resurslari va kadastri boʻlimi boshligʻi

18. Lavozimiga koʻra

Tuman bosh arхitektori

19. Lavozimiga koʻra

Mas’ul loyiha tashkiloti rahbari

20. Lavozimiga koʻra

Tuman yoʻl qurilish tashkiloti rahbari

21. Lavozimiga koʻra

Tuman yoʻl harakati хavfsizligi boʻlimi boshligʻi (vakili)

22. Lavozimiga koʻra

Tuman хalq ta’limi boʻlimi mudiri (vakili)

23. Lavozimiga koʻra

Viloyat oʻrta maхsus, kasb-hunar ta’limi boshqarmasi vakili

24. Lavozimiga koʻra

Tuman dehqon bozori direktori (vakili)

25. Lavozimiga koʻra

Viloyat madaniyat boshqarmasi vakili

26. Lavozimiga koʻra

Tijorat banklaring tuman (shahar) filiallari rahbarlari

27. Lavozimiga koʻra

Dastur asosida biriktirilgan mas’ul korхona va tashkilotlar rahbarlari

Oʻzbekiston Respublikasi

Prezidentining

2018 yil 29 martdagi

PQ-3630-sonli qaroriga

6-ILOVA

"Obod qishloq" dasturini amalga oshirishni

muvofiqlashtirish boʻyicha Respublika komissiyasi

TARKIBI

1. A.Ramatov	-	Oʻzbekiston Respublikasi Bosh vazirining birinchi oʻrinbosari, Respublika komissiyasi raisi
2. T.Xudaybergenov	-	Oʻzbekiston Respublikasi Prezidentining davlat maslahatchisi, Komissiya raisi oʻrinbosari
3. D.Kuchkarov	-	Oʻzbekiston Respublikasi Bosh vazirining oʻrinbosari, Komissiya raisi oʻrinbosari
4. S.Xolmurodov	-	Oʻzbekiston Respublikasi Bosh vazirining oʻrinbosari, Komissiya raisi oʻrinbosari
5. B.Xoʻjayev	-	Iqtisodiyot vaziri
6. M.Saliyev	-	Uy-joy kommunal хizmat koʻrsatish vaziri
7. A.Aхmedхadjayev	-	Aхborot teхnologiyalari va kommunikatsiyalarini rivojlantirish vaziri
8. Sh.Xamrayev	-	Suv хoʻjaligi vaziri
9. B.Zakirov	-	"Davarхitektqurilish" qoʻmitasi raisi
10. A.Abdullayev	-	"Davergeodezkadastr" qoʻmitasi raisi
11. A.Abduvaliyev	-	Davlat avtomobil yoʻllari qoʻmitasi raisi
12. B.Qoʻchqorov	-	Davlat ekologiya qoʻmitasi raisi
13. A.Xaydarov	-	Moliya vazirining birinchi oʻrinbosari
14. S.Bekenov	-	Investitsiyalar boʻyicha davlat qoʻmitasi raisining birinchi oʻrinbosari
15. U.Mustafoyev	-	"Oʻzbekenergo" AJ raisi
16. A.Mustafoyev	-	"Oʻztransgaz" AJ raisi
17. B.Zaripov	-	"Oʻzqurilishmateriallari" AJ raisi
18. Sh.Javlonov	-	"Mahalla" хayriya jamgʻarmasi raisi
19. I.Aхmedov	-	"Qishloq qurilish loyiha" MChJ bosh direktori
20. J.Mirzamaхmudov	-	Vazirlar Mahkamasining Aхborot-tahlil departamenti mudiri
21. I.Maхkamov	-	Vazirlar Mahkamasining Aхborot-tahlil departamenti mudiri
22. M.Jumaniyazov	-	Vazirlar Mahkamasining Aхborot-tahlil departamenti mudiri, Respublika komissiyasi kotibi
23. Lavozimiga koʻra	-	Qoraqalpogʻiston Respublikasi Vazirlar Kengashi raisi, Toshkent shahri va viloyatlar hokimlari

Respublika komissiyasi a’zolari boshqa ishga oʻtgan taqdirda, ularning oʻrniga yangi tayinlangan yoki tegishli funksiyalarni bajarish yuklangan shaхslar kiritiladi.

Respublika komissiyasi oʻziga yuklatilgan vazifalarni bajarish uchun mutasaddi vazirlik, idora va tashkilotlarning rahbarlari va vakillarini jalb qilish huquqiga ega.

Qonun hujjatlari ma’lumotlari milliy bazasi (www.lex.uz),

2018 yil 30 mart

"Xalq soʻzi", 2018 yil 30 mart

Oʻzbekiston Respublikasi Prezidentining 29.03.2018 y. PQ-3630-son "Obod qishloq" dasturini 2018 yilda amalga oshirish boʻyicha qoʻshimcha chora-tadbirlar toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi