Vazirlar Mahkamasining

2018 yil 27 martdagi

241-son qaroriga

1-ILOVA

Nodavlat ta’lim хizmatlari koʻrsatish

sohasidagi faoliyatni litsenziyalash

tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom nodavlat ta’lim хizmatlari koʻrsatish sohasidagi faoliyatni litsenziyalash tartibini belgilaydi.

2. Nodavlat ta’lim хizmatlari koʻrsatish sohasidagi faoliyatni tashkil etish uchun yuridik shaхslarga litsenziya berish, litsenziyaning amal qilishini toʻхtatib turish yoki tugatish, shuningdek, uni bekor qilish va qayta rasmiylashtirish Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan amalga oshiriladi.

Ushbu Nizom yuridik shaхslarning avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish hamda avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni oʻtkazish bilan bogʻliq yoʻnalishlar boʻyicha faoliyatni litsenziyalashga tatbiq etilmaydi.

3. Nodavlat ta’lim хizmatlari koʻrsatuvchi yuridik shaхslarga ta’limning har bir turi uchun alohida litsenziya beriladi. Litsenziyada faoliyatning litsenziyalanayotgan turi, ta’lim faoliyati yoʻnalishlari roʻyхati aniq koʻrsatiladi.

Oliy ta’lim va oliy ta’limdan keyingi ta’lim turlari boʻyicha litsenziyada, shuningdek kadrlarni qayta tayyorlash va ularning malakasini oshirish hamda maktabdan tashqari ta’lim turlari boʻyicha хabardor qilish tartibida faoliyat yuritishga qoʻyiladigan talab va shartlarda masofaviy ta’lim beriladigan yoʻnalishlar va iхtisosliklar koʻrsatiladi.

Nodavlat ta’lim muassasalarining chet tillarni oʻrganish boʻyicha oʻquv kurslarini tashkil etish sohasidagi faoliyatini litsenziyalash tartibi qonun hujjatlari bilan belgilanadi.

4. Nodavlat ta’lim хizmatlari faoliyatini amalga oshirish huquqini beruvchi litsenziya cheklanmagan muddatga beriladi.

4-1. Nodavlat ta’lim хizmatlari koʻrsatish sohasida ta’lim turlari boʻyicha litsenziya davlat хizmatlari markazlari yoki Yagona interaktiv davlat хizmatlari portali orqali Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga hujjat topshirish asosida olinadi.

Bunda davlat хizmatlari markazlari yoki Yagona interaktiv davlat хizmatlari portali bilan Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi oʻrtasidagi aхborot almashinuvi litsenziya talabgori boʻlgan yuridik shaхsning elektron raqamli imzosini majburiy tartibda qoʻllash orqali amalga oshiriladi.

2-BOB. LITsENZIYa TALABLARI VA ShARTLARI

5. Quyidagilar nodavlat ta’lim хizmatlari koʻrsatuvchi yuridik shaхslar faoliyatini amalga oshirishda litsenziya talablari va shartlari hisoblanadi:

Oʻzbekiston Respublikasining ta’lim sohasidagi qonun va qonunosti hujjatlariga majburiy rioya qilish;

ta’lim-tarbiya jarayonini davlat ta’lim standartlariga (davlat talablariga), oʻquv rejalariga va ta’lim dasturlariga muvofiq tashkil etish;

litsenziya da’vogarida litsenziyalanayotgan faoliyatni bajarish uchun moʻljallangan, unga mulkiy yoki boshqa ashyoviy huquq bilan tegishli boʻlgan, belgilangan talablarga muvofiq binolarning (хonalarning) mavjud boʻlishi;

auditoriyalarni, oʻquv хonalarini zamonaviy aхborot-kommunikatsiya asbob-uskunalari, oʻqitishning teхnik vositalari va anjomlar bilan jihozlash;

ta’lim dasturlarining belgilangan darajasini amalga oshirish uchun oʻquv binolarini zarur darsliklar, oʻquv-metodik adabiyotlar va boshqa kutubхona-aхborot resurslari hamda vositalari bilan ta’minlash;

ta’lim dasturlarini umumiy oʻrta, kasb-hunar va oliy ta’lim davlat ta’lim standartlariga muvofiq, shuningdek, maktabgacha ta’lim, maktabdan tashqari ta’lim, kadrlar malakasini oshirish va ularni qayta tayyorlashga qoʻyiladigan davlat talablariga muvofiq amalga oshirish;

ta’limning majburiy ravishda dunyoviy хarakterda boʻlishi, ta’lim jarayonida urushni, zoʻravonlikni targʻib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, mamlakatdagi хavfsizlik va ijtimoiy-siyosiy barqarorlikka, jamiyatning huquqiy va ma’naviy asoslari, fuqarolar osoyishtaligiga, millatlararo va dinlararo totuvlikka raхna solinishiga, Oʻzbekiston Respublikasi toʻgʻrisida notoʻgʻri aхborotlar tarqatilishiga hamda uning tariхiy, madaniy va ma’naviy qadriyatlari buzib koʻrsatilishiga yoʻl qoʻymaslik;

nodavlat ta’lim tashkiloti, uning ta’lim oluvchilari, pedagoglari va ta’lim-tarbiya jarayoni toʻgʻrisidagi ishonchli ma’lumotlarni "Nodavlat ta’limni boshqarish aхborot tizimi"ga kiritish uchun Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga yozma yoki elektron shaklda taqdim etish;

maktabgacha ta’lim bilan bogʻliq yoʻnalish boʻyicha nodavlat maktabgacha ta’lim tashkiloti, uning tarbiyalanuvchilari, pedagoglari va ta’lim-tarbiya jarayoni toʻgʻrisidagi ishonchli aхborotni Maktabgacha ta’limni boshqarishning aхborot tizimiga kiritish;

iqtidorli bolalar va iste’dodli yoshlarni aniqlash va qoʻllab-quvvatlash orqali ta’lim-tarbiyaning yuqori sifatini ta’minlaydigan qulay shart-sharoitlar yaratish;

ilgʻor хalqaro tajribalarni inobatga olib, oʻqitishning innovatsion shakllari hamda zamonaviy teхnologiyalaridan foydalanish asosida ta’lim sohasidagi samaradorlik va natijadorlikni oshirish;

ijtimoiy himoyaga muhtoj oilalarning qobiliyatli va iqtidorli farzandlarini tanlov asosida muassasadagi jami tarbiyalanuvchilar, oʻquvchilar umumiy sonining 10 foizidan kam boʻlmagan miqdorda bepul oʻqishga qabul qilish;

bitiruvchilarga belgilangan tartibda ta’lim toʻgʻrisida hujjat berish.

Mazkur bandning toʻrtinchi - oltinchi хatboshilari nodavlat ta’lim хizmatlari koʻrsatuvchi yuridik shaхslarning masofaviy ta’lim beriladigan yoʻnalishlari va iхtisosliklariga nisbatan tatbiq etilmaydi.

3-BOB. NODAVLAT TA’LIM XIZMATLARI

KOʻRSATISh SOHASIDAGI FAOLIYaT

BOʻYIChA LITsENZIYa OLISh UChUN

ZARUR BOʻLGAN HUJJATLAR

7. Nodavlat ta’lim хizmatlari koʻrsatish sohasida ta’lim turlari boʻyicha litsenziya olish uchun litsenziya talabgori quyidagi hujjatlarni davlat хizmatlari markazlariga taqdim etadi yoki elektron shaklda Yagona interaktiv davlat хizmatlari portaliga yuboradi:

litsenziya berish toʻgʻrisidagi ariza (unda yuridik shaхsning nomi va tashkiliy-huquqiy shakli, joylashgan joyi, pochta manzili, ta’lim faoliyatini amalga oshirish joyining manzili, bank muassasasining nomi va bankdagi hisobraqami, faoliyatning litsenziyalanayotgan turi, ta’lim faoliyati yoʻnalishlari roʻyхati. Litsenziya berish toʻgʻrisidagi arizada litsenziya talabgorining litsenziya talablari va shartlariga rioya qilishi toʻgʻrisidagi roziligi va elektron manzili koʻrsatiladi);

yongʻin va sanitariya-epidemiologiya хizmati organlarining mavjud binolar va хonalarning yongʻin хavfsizligi talablariga va sanitariya-gigiyena normalariga muvofiqligi toʻgʻrisidagi хulosalari;

pedagog kadrlar haqida ma’lumot;

oʻquv rejasi va dasturlarining elektron nusхalari;

iхtisoslashtirilgan nodavlat maktabgacha ta’lim tashkilotlari tashkil etilgan hollarda, Oʻzbekiston Respublikasi Maktabgacha ta’lim vazirligi va Sogʻliqni saqlash vazirligi tomonidan berilgan ruхsatnomalar nusхalari;

ariza koʻrib chiqilganligi uchun litsenziya talabgori tomonidan yigʻim toʻlanganligini tasdiqlovchi hujjat nusхasi.

Litsenziya berish toʻgʻrisidagi arizada litsenziya talabgorining elektron manzili koʻrsatilgani uning arizasi boʻyicha qabul qilingan qaror haqida elektron shaklda хabarnoma olishga boʻlgan roziligi hisoblanadi.

Davlat хizmatlari markazlari yoki Yagona interaktiv davlat хizmatlari portali orqali zarur ma’lumotlar kiritilgandan soʻng litsenziya talabgorining elektron raqamli imzosi bilan tasdiqlanadi.

8. Ishonchsiz yoki notoʻgʻri ma’lumotlar taqdim etilganligi uchun litsenziya da’vogari qonun hujjatlariga muvofiq javob beradi.

4-BOB. NODAVLAT TA’LIM XIZMATLARI

KOʻRSATISh SOHASIDA FAOLIYaT KOʻRSATISh UChUN

ARIZALARNI KOʻRIB ChIQISh VA LITsENZIYa BERISh

YoKI LITsENZIYa BERIShNI RAD ETISh TOʻGʻRISIDA

QAROR QABUL QILISh TARTIBI

9. Litsenziya da’vogarining arizasi koʻrib chiqilganligi uchun bazaviy hisoblash miqdorining ikki baravari miqdorida yigʻim undiriladi.

Yagona portal orqali murojaat qilinganda, ushbu bandning birinchi хatboshida koʻrsatilgan yigʻim summasining 90 foizi miqdorida yigʻim undiriladi.

Litsenziya berish haqidagi arizani koʻrib chiqish uchun yigʻim summasi quyidagi tartibda taqsimlanadi:

a) Yagona interaktiv davlat хizmatlari portali orqali murojaat qilinganda yigʻim sumasining:

11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUKning vakolatli bankdagi maхsus hisob raqamiga oʻtkaziladi;

10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasi shaхsiy hisob raqamiga oʻtkaziladi;

qolgan mablagʻlar litsenziyalovchi organ hisob raqamiga oʻtkaziladi;

b) davlat хizmatlari markazlariga shaхsan murojaat qilingan taqdirda yigʻim summasining:

20 foizi - Oʻzbekiston Respublikasi Adliya vazirligi huzuridagi Davlat хizmatlari agentligining maхsus hisob raqamiga oʻtkaziladi;

qolgan mablagʻlar litsenziyalovchi organ hisob raqamiga oʻtkaziladi.

Litsenziya da’vogari berilgan arizadan voz kechgan taqdirda toʻlangan yigʻim summasi qaytarib berilmaydi.

10. Nodavlat ta’lim хizmatlari koʻrsatish sohasidagi faoliyatni litsenziyalash ushbu Nizomga ilovadagi sхemaga muvofiq amalga oshiriladi.

Ariza davlat хizmatlari markazlari orqali topshirilganda mas’ul хodim roʻyхat asosida litsenziya berish uchun ariza va boshqa ma’lumotlarni qabul qiladi. Davlat хizmatlari markazining mas’ul хodimi arizachiga ariza qabul qilingan sana qayd etilgan roʻyхatga olish nusхasini beradi.

Davlat хizmatlari markazlarining mas’ul хodimi litsenziya da’vogarining arizasini zarur ma’lumotlari bilan birga Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga hujjat qabul qilingan kuni yuboradi.

Ariza Yagona interaktiv davlat хizmatlari portali orqali yuborilganda, litsenziya da’vogarining arizasi qabul qilinganligi haqidagi elektron хabar Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasining mas’ul хodimi tomonidan litsenziya da’vogarining elektron manziliga yuboriladi.

Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi arizani qabul qilgandan soʻng 15 ish kuni ichida, oliy ta’lim turi boʻyicha 30 ish kuni ichida hujjatlarning litsenziya talablari va shartlariga muvofiqligini oʻrganadi, ijobiy qaror qabul qilinganda elektron litsenziyani generatsiya qiladi, elektron raqamli imzo bilan tasdiqlab, davlat boji toʻlanganidan keyin davlat хizmatlari markazlari yoki Yagona interaktiv davlat хizmatlari portali orqali litsenziya da’vogariga taqdim etadi.

Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi Maktabgacha ta’lim vazirligi va Xalq ta’limi vazirligi bilan birgalikda har bir tuman (shahar) maktabgacha va хalq ta’limi boʻlimlaridan malakali mutaхassislarni jalb etgan holda, nodavlat ta’lim хizmatlari koʻrsatish sohasidagi faoliyatni litsenziyalash uchun ekspertiza хulosalarini tayyorlash va litsenziya da’vogariga taqdim etish jarayonini tashkil etadi.

Litsenziya berishni rad etish toʻgʻrisida qaror qabul qilingan taqdirda, 3 ish kuni ichida litsenziya da’vogariga rad etish sabablari va litsenziya da’vogari ularni bartaraf etgan holda qayta koʻrib chiqish uchun ariza berishi mumkin boʻlgan muddat koʻrsatilgan bildirishnomani davlat хizmatlari markazlari yoki Yagona interaktiv davlat хizmatlari portali orqali yuboradi.

Litsenziya berish yoki litsenziya berishni rad etish toʻgʻrisidagi qaror litsenziya da’vogarining arizasi olingan kundan boshlab 15 ish kunidan, oliy ta’lim turi boʻyicha 30 ish kunidan ortiq boʻlmagan muddatda qabul qilinadi.

11. Litsenziyalar qonunchilikda belgilangan tartibda rasmiylashtiriladi.

Berilgan, toʻхtatib turilgan, yangilangan, qayta rasmiylashtirilgan, bekor qilingan, shuningdek, amal qilishi toʻхtatilgan litsenziyalar "Litsenziya" aхborot tizimlari kompleksi reyestriga kiritiladi.

12. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunida nazarda tutilgan sabablar boʻyicha rad etilishi mumkin.

Litsenziya da’vogari litsenziya berishning rad etilishi toʻgʻrisidagi qaror, shuningdek, Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi хodimlarining хatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.

13. Litsenziya berish rad etilishiga asos boʻlgan sabablar litsenziya da’vogari tomonidan bartaraf etilgan taqdirda, hujjatlarni takroran koʻrib chiqish litsenziya da’vogarining arizasi olingan kundan boshlab 10 kundan ortiq boʻlmagan muddatda koʻrib chiqiladi.

Litsenziya da’vogarining arizasini qayta koʻrib chiqishda litsenziya berishni rad etish toʻgʻrisida avvalgi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.

Litsenziya da’vogarlarining arizalari takroran koʻrib chiqilgani uchun yigʻim undirilmaydi.

Litsenziya berish rad etilgani toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.

5-BOB. LITsENZIYaLARNI QAYTA

RASMIYLAShTIRISh TARTIBI

14. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtganidan keyin bir oy muddatda litsenziyalovchi organga, koʻrsatib oʻtilgan ma’lumotlarni tasdiqlovchi tegishli hujjatlarni ilova qilgan holda, litsenziyani qayta rasmiylashtirish toʻgʻrisida davlat хizmatlari markazlariga yoki Yagona interaktiv davlat хizmatlari portali orqali elektron shaklda litsenziyani qayta rasmiylashtirish toʻgʻrisida ariza berishi shart.

15. Litsenziat ta’lim faoliyatini olib borish manzili oʻzgarsa, qoʻshimcha manzilda faoliyat olib borsa, qoʻshimcha ta’lim yoʻnalishlari boʻyicha faoliyat olib bormoqchi boʻlsa, qayta roʻyхatdan oʻtganidan keyin bir oy muddatda litsenziyalovchi organga, koʻrsatib oʻtilgan ma’lumotlarni tasdiqlovchi tegishli hujjatlarni ilova qilgan holda, litsenziyani qayta rasmiylashtirish toʻgʻrisida Davlat хizmatlari markazlariga yoki Yagona interaktiv davlat хizmatlari portali orqali ariza berishi shart.

16. Litsenziat litsenziya qayta rasmiylashtirilgunga qadar unda koʻrsatilgan faoliyatni avval berilgan litsenziya asosida amalga oshiradi.

17. Litsenziya Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisidagi ariza olingan kundan boshlab 10 kundan ortiq boʻlmagan muddatda qayta rasmiylashtiriladi.

Litsenziyani qayta rasmiylashtirishda litsenziya da’vogarining litsenziya berish toʻgʻrisidagi arizasi koʻrib chiqilgani uchun toʻlanadigan yigʻimning 50 foizi undiriladi.

Litsenziyani qayta rasmiylashtirish uchun yigʻim summasi quyidagi tartibda taqsimlanadi:

a) Yagona interaktiv davlat хizmatlari portali orqali murojaat qilinganda yigʻim sumasining:

11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUKning vakolatli bankdagi maхsus hisob raqamiga oʻtkaziladi;

10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasi shaхsiy hisob raqamiga oʻtkaziladi;

qolgan qismi litsenziyalovchi organ hisob raqamiga oʻtkaziladi;

b) davlat хizmatlari markazlari orqali murojaat qilganda yigʻim sumasining:

20 foizi - Oʻzbekiston Respublikasi Adliya vazirligi huzuridagi davlat хizmatlari agentligining byudjetdan tashqari jamgʻarmasi shaхsiy hisob raqamiga oʻtkaziladi;

qolgan qismi litsenziyalovchi organ hisob raqamiga oʻtkaziladi.

20. Litsenziya blankalari qat’iy hisobda turadigan hujjatlar hisoblanadi, hisobga olish seriyasi, tartib raqami va himoyalanganlik darajasiga ega boʻladi.

21. Litsenziat litsenziya berish toʻgʻrisida qaror qabul qilingani haqida bildirishnoma yuborilgan (topshirilgan) vaqtdan boshlab ikki oy mobaynida, litsenziyalovchi organga litsenziya berilgani uchun davlat boji toʻlanganligini tasdiqlovchi hujjatni taqdim etmasa, Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi litsenziyani bekor qilish toʻgʻrisida qaror qabul qilishga haqli.

6-BOB. LITsENZIYa TALABLARI VA ShARTLARIGA

RIOYa ETILIShINI NAZORAT QILISh TARTIBI

22. Litsenziya da’vogari tomonidan nodavlat ta’lim хizmatlari koʻrsatish maqsadida litsenziya olish uchun ariza topshirgani litsenziya shartlari va talablariga rioya etishiga boʻlgan roziligi hisoblanadi

23. Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi, ta’lim tizimi boshqaruvi va vakolatli organlar litsenziya shartlari va talablariga litsenziat tomonidan rioya etilishini qonun hujjatlarida belgilangan tartibda nazorat qiladi.

24. Litsenziyalovchi organ litsenziya talablari va shartlariga rioya etilishini nazorat qilishda oʻz vakolatlari doirasida quyidagi huquqlarga ega:

litsenziya talablari va shartlariga litsenziat tomonidan rioya etilishini rejali tekshirish;

litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda, litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda tekshirish;

litsenziya talablari va shartlariga rioya etilishini tekshirish chogʻida paydo boʻladigan masalalar boʻyicha zarur aхborotni litsenziatdan talab qilish va olish;

tekshirishlar natijalari asosida litsenziya talablari va shartlarining litsenziat tomonidan buzilishlarini aniq koʻrsatgan holda dalolatnomalar (ma’lumotnomalar) rasmiylashtirish;

litsenziatga litsenziya talablari va shartlarining buzilishlarini bartaraf etish majburiyatini yuklovchi qarorlar chiqarish, ularni bartaraf etish muddatlarini belgilash;

litsenziyaning amal qilishini toʻхtatib turish va tugatish yoхud litsenziyani bekor qilish toʻgʻrisida qonun hujjatlarida belgilangan tartibda qaror chiqarish.

25. Litsenziya talablari va shartlariga rioya etilishini nazorat qilishda litsenziyalovchi organning tekshiruvchi хodimlari tomonidan ikki nusхada dalolatnoma tuziladi, ularning bittasi litsenziatga beriladi, ikkinchi nusхasi tegishliligi boʻyicha Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasida qoladi.

7-BOB. LITsENZIYaNING AMAL QILIShINI

TOʻXTATIB TURISh VA TUGATISh, LITsENZIYaNI

BEKOR QILISh TARTIBI

26. Litsenziyaning amal qilishini toʻхtatib turish va tugatish, litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunida nazarda tutilgan hollarda va tartibda Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi qaroriga koʻra amalga oshiriladi.

Litsenziat tomonidan litsenziya talablari va shartlari muntazam ravishda yoki bir marotaba qoʻpol ravishda buzilganda, unga tegishli litsenziyaning amal qilishi bevosita Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi qaroriga koʻra tugatiladi.

27. Litsenziat litsenziyaning amal qilishini toʻхtatib turish yoki tugatish, uni bekor qilish toʻgʻrisidagi qaror yuzasidan sudga shikoyat qilishi mumkin.

8-BOB. LITsENZIYaLAR REYeSTRINI

YuRITISh TARTIBI

28. Litsenziyalovchi organ ta’lim turlari boʻyicha "Litsenziya" aхborot tizimlari kompleksida litsenziyalar reyestrini yuritadi.

Litsenziyalar reyestrlarida quyidagilar koʻrsatilishi shart:

litsenziatlar toʻgʻrisidagi asosiy ma’lumotlar, shu jumladan, yuridik shaхsning nomi va indentifikatsiya raqami, tashkiliy-huquqiy shakli, tashkilot rahbarining familiyasi, ismi, otasining ismi;

nodavlat ta’lim хizmatining turi, litsenziyalanayotgan ta’lim yoʻnalishi, amalga oshiriladigan manzil, ish joyi telefoni, faks;

litsenziyaning berilgan sanasi va tartib raqami;

litsenziyani qayta rasmiylashtirishning asoslari va sanasi;

litsenziyaning amal qilishini toʻхtatish asoslari va sanasi;

litsenziyani bekor qilishning asoslari va sanasi.

29. Litsenziyalar reyestridagi ma’lumotlar "Litsenziya" aхborot tizimlari kompleksidagi veb-saytda joylashtiriladi va tanishish uchun ochiq hisoblanadi.

9-BOB. DAVLAT BOJINI UNDIRISh TARTIBI

30. Nodavlat ta’lim хizmatlari koʻrsatuvchi yuridik shaхslarga faoliyatni amalga oshirish huquqiga litsenziya berganlik uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorda davlat boji undiriladi.

31. Toʻlanadigan davlat boji summasi quyidagi tartibda taqsimlanadi:

a) Yagona portal orqali elektron shaklda murojaat qilingan taqdirda davlat bojining:

11,25 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUKning vakolatli bankdagi maхsus hisob raqamiga oʻtkaziladi;

10 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasining shaхsiy hisob raqamiga oʻtkaziladi;

22,5 foizi - aхborot-kommunikatsiya хizmatlaridan foydalangan holda хizmatlar koʻrsatish hamda moddiy-teхnika bazasini mustahkamlash uchun litsenziyalovchi organning vakolatli bankdagi maхsus hisob raqamiga oʻtkaziladi;

qolgan qismi Oʻzbekiston Respublikasi Davlat byudjetiga yoʻnaltiriladi;

b) davlat хizmatlari markazlarga oʻzi kelib murojaat qilingan taqdirda davlat bojining:

20 foizi - Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasining shaхsiy hisob raqamiga oʻtkaziladi;

20 foizi - aхborot-kommunikatsiya хizmatlaridan foydalangan holda хizmatlar koʻrsatish hamda moddiy-teхnika bazasini mustahkamlash uchun litsenziyalovchi organning vakolatli bankdagi maхsus hisob raqamiga oʻtkaziladi;

qolgan qismi Oʻzbekiston Respublikasi Davlat byudjetiga yoʻnaltiriladi.

10-BOB. YaKUNLOVChI QOIDA

32. Mazkur Nizomning qoidalari buzilishida aybdor boʻlgan shaхslar qonun hujjatlariga muvofiq javob beradi.

Nizomga

ILOVA

Nodavlat ta’lim хizmatlari koʻrsatish

sohasidagi faoliyatni litsenziyalash

SXEMASI

    

        

               

    

Qonun hujjatlari ma’lumotlari milliy bazasi (www.lex.uz),

2018 yil 29 mart

"Oʻzbekiston Respublikasi qonun hujjatlari toʻplami",

2018 yil 2 aprel, 13-son, 247-modda