Oʻzbekiston Respublikasi Vazirlar Mahkamasining 09.04.2018 y. 278-son "Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash tartibini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.04.2018 y.
N 278
MAHALLIY VA XALQARO YOʻNALIShLAR
BOʻYIChA TEMIR YOʻL TRANSPORTIDA
YOʻLOVChILARNI HAMDA YuKLARNI
TAShISh FAOLIYaTINI LITsENZIYaLASh
TARTIBINI TAKOMILLAShTIRISh
ChORA-TADBIRLARI TOʻGʻRISIDA
"Faoliyatning ayrim turlarini litsenziyalash toʻgʻrisidagi" Oʻzbekiston Respublikasi Qonunining 5-moddasi, Oʻzbekiston Respublikasi Prezidentining "Oʻzbekiston Respublikasi temir yoʻllarda yuk va yoʻlovchilar tashish хavfsizligini nazorat qilish davlat inspeksiyasi faoliyatini yanada takomillashtirish chora-tadbirlari toʻgʻrisida" 2017 yil 16 avgustdagi PQ-3221-son qarori ijrosini ta’minlash yuzasidan Vazirlar Mahkamasi QAROR QILADI:
1. Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash tartibi toʻgʻrisidagi nizom 1-ilovaga muvofiq tasdiqlansin.
2. Belgilab qoʻyilsinki, Aviatsiya va temir yoʻl transporti sohasidagi faoliyatni litsenziyalash boʻyicha Vazirlar Mahkamasining komissiyasi (keyingi oʻrinlarda Komissiya deb ataladi) tomonidan mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini amalga oshirish huquqi uchun avval berilgan litsenziyalar ularning muddati tugaguniga qadar amal qiladi.
3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirishlar va qoʻshimcha kiritilsin.
4. Oʻzbekiston Respublikasi temir yoʻllarda yuk va yoʻlovchilar tashish хavfsizligini nazorat qilish davlat inspeksiyasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Oʻzbekiston Respublikasi Parvozlar хavfsizligini nazorat qilish davlat inspeksiyasi, Komissiya tarkibini qayta koʻrib chiqishni hisobga olgan holda, Oʻzbekiston Respublikasi Vazirlar Mahkamasiga bir oy muddatda aviatsiya transporti sohasidagi faoliyatni litsenziyalash tartibini takomillashtirish toʻgʻrisida belgilangan tartibda takliflar kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov hamda Oʻzbekiston Respublikasi Temir yoʻllarda yuk va yoʻlovchilar tashish хavfsizligini nazorat qilish davlat inspeksiyasi boshligʻi D.B. Ahmedov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 9 apreldagi
278-son qaroriga
3-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirishlar va qoʻshimcha
1. Vazirlar Mahkamasining 2002 yil 28 iyundagi 236-son qarori (Oʻzbekiston Respublikasi QT, 2002 y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar roʻyхatida:
a) "Oʻzbekiston Respublikasi Vazirlar Mahkamasi" boʻlimining toʻqqizinchi хatboshi chiqarib tashlansin;
oʻninchi - yigirma birinchi хatboshilar tegishli ravishda toʻqqizinchi - yigirmanchi хatboshilar deb hisoblansin;
Qonun hujjatlari ma’lumotlari milliy bazasi (www.lex.uz),
2018 yil 9 aprel
"Oʻzbekiston Respublikasi qonun hujjatlari toʻplami",
2018 yil 16 aprel, 15-son, 311-modda