Markaziy bank Boshqaruvining 31.03.2018 y. 12/17-son "Valyuta birjasi faoliyatini litsenziyalash tartibi toʻgʻrisidagi nizomga oʻzgartirish va qoʻshimchalar kiritish haqida"gi Qarori (AV tomonidan 25.04.2018 y. 2788-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
25.04.2018 y.
N 2788-2
OʻZBEKISTON RESPUBLIKASI
MARKAZIY BANKI BOShQARUVINING
31.03.2018 y.
N 12/17
QARORI
Valyuta birjasi faoliyatini litsenziyalash
tartibi toʻgʻrisidagi nizomga oʻzgartirish
va qoʻshimchalar kiritish haqida
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonuni va Oʻzbekiston Respublikasi Prezidentining 2017 yil 13 sentyabrdagi PQ-3272-son "Pul-kredit siyosatini yanada takomillashtirish chora-tadbirlari toʻgʻrisida"gi qaroriga muvofiq Oʻzbekiston Respublikasi Markaziy banki Boshqaruvi QAROR QILADI:
1. Oʻzbekiston Respublikasi Markaziy banki Boshqaruvining 2016 yil 23 apreldagi 12/1-son qarori (roʻyхat raqami 2788, 2016 yil 18 may) (Oʻzbekiston Respublikasi qonun hujjatlari toʻplami, 2016 y., 20-son, 227-modda) bilan tasdiqlangan Valyuta birjasi faoliyatini litsenziyalash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi M. Nurmuratov
ILOVA
Valyuta birjasi faoliyatini litsenziyalash
tartibi toʻgʻrisidagi nizomga kiritilayotgan
oʻzgartirish va qoʻshimchalar
1. 1-bandning ikkinchi хatboshisi "birja savdolari" degan soʻzlardan keyin ", shuningdek banklararo pul bozorini hamda Markaziy bankning tijorat banklari bilan amalga oshiriladigan kredit va depozit auksionlarini" degan soʻzlari bilan toʻldirilsin.
2. 5-bandning "v" kichik bandidagi "vakolatli bank" degan soʻzlar "tijorat banki" degan soʻzlar bilan almashtirilsin.
3. 6-bandning "d" kichik bandi "operatsiyalari bilan shugʻullanuvchi" degan soʻzlardan keyin "va banklararo pul bozori, shuningdek Markaziy bankning tijorat banklari bilan amalga oshiriladigan kredit va depozit auksionlarini tashkil etish boʻyicha" degan soʻzlar bilan toʻldirilsin.
Qonun hujjatlari ma’lumotlari milliy bazasi (www.lex.uz),
2018 yil 26 aprel
"Oʻzbekiston Respublikasi qonun hujjatlari toʻplami",
2018 yil 30 aprel, 17-son, 351-modda