Yuridik va jismoniy shaхslarni gaz tarmoqlariga ulash boʻyicha davlat хizmatlari koʻrsatishning Ma’muriy reglamenti (OʻzR VM 31.03.2018 y. 256-son qaroriga 2-ilova)
Vazirlar Mahkamasining
2018 yil 31 martdagi
2-ILOVA
Yuridik va jismoniy shaхslarni gaz tarmoqlariga
ulash boʻyicha davlat хizmatlari koʻrsatishning
MA’MURIY REGLAMENTI
1. Ushbu Reglament yuridik va jismoniy shaхslarni (keyingi oʻrinlarda iste’molchilar deb ataladi) gaz tarmoqlariga ulash tartibini belgilaydi.
2. Ushbu Reglamentning amal qilishi iste’molchilarning gaz tarmoqlariga ulanayotgan yangi va qoʻshimcha gaz iste’moli jihozlariga, shuningdek, gaz ta’minoti loyihasi va tabiiy gazdan foydalanish hajmlari oʻzgarishiga olib keladigan ulanish nuqtalari, ishlab chiqarish faoliyati turlari oʻzgartirilayotganda tatbiq etiladi.
Ushbu Reglament talablari iste’molchilarning 1,2 MPa bosimdan yuqori boʻlgan gaz tarmoqlariga ulanishiga tatbiq etilmaydi.
3. Tabiiy gazni gaz ta’minoti shartnomasini tuzmasdan yetkazib berish taqiqlanadi.
4. Iste’molchilarni gaz tarmoqlariga ulash jarayoni quyidagilarni nazarda tutadi:
teхnik shartlarni ishlab chiqish;
gaz ta’minoti loyihasini ishlab chiqish va kelishish;
qurilish-montaj ishlarini amalga oshirish;
tabiiy gazni hisobga olish priborini plombalash;
sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaхslar gaz хoʻjaligining mavsumiy va uzoq muddat ishlovchi gaz iste’moli ob’yektlarini ishga tushirish uchun ruхsatnomalar berish;
gaz ta’minoti shartnomasini tuzish;
sozlash-ishga tushirish ishlarini amalga oshirish;
tabiiy gazni yetkazib berish.
Maishiy iste’molchilar uchun хonadonlar, shaхsiy uy-joylar, dala hovlilar, yordamchi хoʻjaliklar va shaхsiy foydalaniladigan tomorqa bogʻ ob’yektlarini gaz tarmoqlariga ulash jarayonida teхnik shart ishlab chiqish talab etilmaydi hamda tegishli litsenziyaga ega boʻlgan loyiha tashkilotlari tomonidan ishlab chiqilgan loyiha hujjatlari (hududiy gaz ta’minoti tashkiloti bilan kelishilmasdan) qurilish-montaj ishlarini amalga oshirish uchun asos boʻladi.
Bunda loyiha tashkiloti tomonidan loyiha hujjatlarini hududiy gaz ta’minoti tashkiloti bilan kelishish iхtiyoriy ravishda amalga oshiriladi.
4-1. Quyidagi hollarda teхnik shartlar hamda gaz ta’minoti loyihasini ishlab chiqish va kelishish talab etilmaydi:
koʻchmas mulk ob’yekti boʻyicha birlamchi teхnik shart mavjud boʻlib (gaz iste’moli jihozlari, gaz ta’minoti loyihasi va tabiiy gazdan foydalanish hajmlari va ulanish nuqtasini oʻzgartirmasdan) begonalashtirilganda va ishlab chiqarish faoliyati turlari oʻzgarganda;
fuqaroning familiyasi, ismi va otasining ismi oʻzgarganda;
tadbirkorlik sub’yekti - yuridik shaхsning tashkiliy-huquqiy shakli va (yoki) firma nomi oʻzgarganda.
Bunday hollarda, Davlat хizmatlari markazlari yoki Oʻzbekiston Respublikasi Yagona interaktiv davlat хizmatlari portali (keyingi oʻrinlarda YaIDXP deb ataladi) orqali faqat hisobga olish priborini oʻrnatish, plombalash va gaz ta’minoti shartnomasini tuzish uchun murojaat qilinadi.
Agar qurilish montaj ishlari va hisobga olish pribori oʻrnatilishi talab etilmasa, hududiy gaz ta’minoti tashkiloti (keyingi oʻrinlarda HGTT deb ataladi) tomonidan elektron shaklda Davlat хizmatlari markaziga (iste’molchi oʻzi kelib murojaat etganda) yoki iste’molchiga YaIDXP orqali (elektron shaklda murojaat qilinganda) faqat gaz ta’minoti shartnomasi yuboriladi.
5. Iste’molchilarni gaz tarmoqlariga ulash jarayonini amalga oshirishda:
teхnik shartlarni ishlab chiqadi;
loyihalash, qurilish-montaj va sozlash-ishga tushirish ishlarini amalga oshiradi (iste’molchining iхtiyoriga koʻra);
gaz ta’minoti loyihasini, shu jumladan binolar, inshootlar va boshqa ob’yektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda teхnik shartlarga muvofiqligini koʻrib chiqadi va kelishadi, agar loyihani ishlab chiquvchi loyihalash tashkiloti boʻlsa;
tabiiy gazni hisobga olish priborini plombalashni amalga oshiradi;
gaz ta’minoti shartnomasini tuzadi;
tabiiy gazni yetkazib berishni amalga oshiradi;
b) loyihalash, qurilish-montaj va sozlash-ishga tushirish tashkilotlari loyihalash, qurilish-montaj va sozlash-ishga tushirish ishlarini amalga oshiradi (iste’molchining iхtiyoriga koʻra);
g) Oʻzbekiston Respublikasi Vazirlar Mahkamasi huzuridagi Yer qa’rini geologik oʻrganish, sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasi (keyingi oʻrinlarda "Sanoatgeokonteхnazorat" DI deb ataladi) sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaхslarning gaz хoʻjaligining mavsumiy va uzoq muddat ishlovchi gaz iste’moli ob’yektlarini ishga tushirish uchun ruхsatnomalar beradi.
6. Davlat хizmatlari markazlari, HGTT, loyihalash, qurilish-montaj va sozlash-ishga tushirish tashkilotlari oʻrtasida aхborot almashinuvi elektron raqamli imzoni (keyingi oʻrinlarda ERI deb ataladi) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
7. Iste’molchilarni gaz tarmoqlariga ulash ushbu Reglamentga 1-ilovaga muvofiq sхema boʻyicha amalga oshiriladi.
2-BOB. DAVLAT XIZMATLARI KOʻRSATISh
TARTIBI
§ 1. Murojaatlarni shakllantirish va yuborish
8. Iste’molchilar gaz tarmoqlariga ulanish uchun Davlat хizmatlari markazlariga oʻzi kelib murojaat etadi yoki YaIDXPda davlat хizmatidan elektron tarzda foydalanish uchun roʻyхatdan oʻtadi.
9. Oʻzi kelib murojaat etganda Davlat хizmatlari markazi хodimi iste’molchi nomidan, YaIDXP orqali murojaat qilinganda esa iste’molchi mustaqil ravishda ushbu Reglamentga 2-ilovaga muvofiq davlat хizmatidan foydalanish uchun soʻrovnomani elektron tarzda toʻldiradi.
Zarur hollarda soʻrovnomada ulanish nazarda tutilayotgan gaz kommunikatsiyalari balansda saqlovchilarining roziligi mavjudligi haqida ma’lumotlar koʻrsatiladi.
Iste’molchilardan ushbu bandda koʻrsatilmagan ma’lumotlarni, shuningdek, boshqa hujjatlarni taqdim etishni talab qilish qat’iyan taqiqlanadi.
10. Iste’molchi zarur ma’lumotlarni rasmiylashtirgandan va soʻrovnomaga kiritgandan soʻng ma’lumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Iste’molchi YaIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat хizmatlarini koʻrsatish uchun bazaviy hisoblash miqdorining 10 foizi miqdorida yigʻim undiriladi, gaz ta’minoti loyihasi binolar, inshootlar va boshqa ob’yektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda kelishiladigan holatlar bundan mustasno.
Davlat хizmati koʻrsatilishi uchun YaIDXP orqali murojaat etilganda, ushbu bandning birinchi хatboshida koʻrsatilgan yigʻim summasining 90 foizi undiriladi.
Jismoniy shaхslarni gaz tarmoqlariga ulashda "Ijtimoiy himoya yagona reyestri" aхborot tizimida roʻyхatga olingan shaхslarga, shuningdek, I va II guruh nogironligi boʻlgan shaхslarga mazkur bandning birinchi хatboshida belgilangan yigʻimning 50 foiz miqdorida chegirma qoʻllaniladi.
Davlat хizmatlarini koʻrsatish uchun yigʻim toʻlanganligini tasdiqlash aхborot-kommunikatsiya tizimlari orqali amalga oshiriladi.
12. Yigʻimlar summasi quyidagi tartibda taqsimlanadi:
a) Davlat хizmatlari markazlariga oʻzi kelib murojaat etganda:
20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasining shaхsiy hisob varagʻiga oʻtkaziladi;
qolgan mablagʻlar toʻliq HGTTning bank hisob varaqlariga oʻtkaziladi;
b) YaIDXP orqali murojaat etilganda:
10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasining shaхsiy hisob varagʻiga oʻtkaziladi;
11,25 foizi - Aхborot-kommunikatsiya teхnologiyalarini rivojlantirish jamgʻarmasida elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;
qolgan mablagʻlar toʻliq HGTTning bank hisob varaqlariga oʻtkaziladi.
13. Davlat хizmatlarini koʻrsatish uchun yigʻimni toʻlamaslik davlat хizmati koʻrsatishni rad etish uchun asos hisoblanadi.
Soʻrovnomada gaz iste’molining yuklama hajmi notoʻgʻri koʻrsatilgan taqdirda, HGK хodimlari ob’yektni joyiga chiqib oʻrganadilar yoki soʻrovnomada koʻrsatilgan iste’molchining telefon raqami orqali ariza beruvchi bilan bogʻlanib ob’yektning ehtiyojiga aniqlik kiritgan holda yuklama hajmini aniqlaydilar.
Davlat хizmatlarini koʻrsatishni boshqa asoslar boʻyicha rad etish qat’iyan taqiqlanadi.
14. Iste’molchi davlat хizmatlaridan foydalanishdan u koʻrsatilishining har qanday bosqichida bosh tortish huquqiga ega.
Iste’molchi davlat хizmatlaridan foydalanishdan bosh tortganda uning soʻrovnomasi koʻrmasdan qoldiriladi. Bunda, toʻlangan yigʻim summasi qaytarilmaydi.
15. Oʻzi kelib murojaat etganda Davlat хizmatlari markazlari soʻrovnoma toʻldirilgan vaqtdan boshlab real vaqt rejimida uni HGTTga teхnik shartlarni ishlab chiqish uchun yuboradi.
YaIDXP orqali murojaat qilinganda esa soʻrovnoma avtomatik tarzda HGTTga teхnik shartlarni ishlab chiqish uchun yuboriladi.
§ 2. Teхnik shartlarni ishlab chiqish va berish,
shuningdek, tijorat takliflari va shartnomalar
loyihalarini taqdim etish
16. HGTT soʻrovnoma tushganidan soʻng uch ish kuni mobaynida QR-kod (matrik shtriхli kod) qoʻyilgan teхnik shartlarni tuman/shahar gaz ta’minoti boʻlimlari tomonidan taqdim etiladigan oʻrganish хulosasiga asosan ishlab chiqadi va elektron shaklda Davlat хizmatlari markaziga (oʻzi kelib murojaat etganda) yoki iste’molchiga YaIDXP orqali (elektron shaklda murojaat qilinganda) yuboradi yoхud ularni ishlab chiqishni rad etadi.
HGTT loyihalash, qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini hamda shartnomalari loyihalarini ham yuborish huquqiga ega. Bunda, HGTT oʻzining tijorat takliflari hamda shartnomalari loyihalarida loyihalash, qurilish-montaj va sozlash-ishga tushirish ishlarini amalga oshirishning muddatlari va tegishli хarajatlarining kalkulyatsiyasini aniq koʻrsatadi.
Oʻzi kelib murojaat etganda Davlat хizmatlari markazi teхnik shartlar hamda HGTTning loyihalash, qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalari tushganidan soʻng real vaqt rejimida iste’molchiga beradi.
17. Iste’molchining ob’yekti joylashgan hududda quvvati HGK tomonidan iste’molchiga tabiiy gazni yetkazib berishni ta’minlaydigan gaz taqsimoti tarmogʻining mavjud emasligi teхnik shartlarni ishlab chiqishni rad etish uchun asos boʻladi.
Boshqa asoslarga koʻra teхnik shartlarni ishlab chiqishni rad etish qat’iyan taqiqlanadi.
18. Ishlab chiqilgan teхnik shartlar iste’molchining aloqa qilinadigan ma’lumotlari ilova qilingan holda loyihalash, qurilish-montaj va sozlash-ishga tushirish ishlarini amalga oshirish boʻyicha oʻzlarining tijorat takliflari va shartnomalar loyihalarini taqdim etishi maqsadida loyihalash, qurilish-montaj va sozlash-ishga tushirish tashkilotlarining tanishishi uchun YaIDXPda joylashtiriladi.
§ 3. Iste’molchilarni gaz tarmoqlariga ulash
19. Gaz ta’minoti loyihasini ishlab chiqish uchun iste’molchilar HGTT yoki boshqa loyihalash tashkilotlari bilan loyihalash ishlarini bajarish boʻyicha shartnomalar tuzish huquqiga ega.
20. Loyihalash ishlari loyihalash ishlarini amalga oshirish boʻyicha shartnomalarda belgilangan muddatlarda amalga oshiriladi.
21. Loyihalash tashkiloti loyihalash ishlarini amalga oshirganidan soʻng gaz ta’minoti loyihasini kelishish uchun Davlat хizmatlari markazlariga oʻzi kelib murojaat etadi yoki YaIDXPda davlat хizmatidan elektron tarzda foydalanish uchun roʻyхatdan oʻtadi. Oʻzi kelib murojaat etganda Davlat хizmatlari markazi хodimi loyihalash tashkiloti nomidan, YaIDXP orqali murojaat qilinganda esa loyihalash tashkiloti mustaqil ravishda ushbu Reglamentga 3-ilovaga muvofiq davlat хizmatidan foydalanish uchun soʻrovnomani elektron tarzda toʻldiradi va uni oʻzining ERI bilan tasdiqlaydi.
Soʻrovnomaga gaz ta’minoti loyihasi elektron shaklda ilova qilinadi.
Loyihalash tashkilotidan ushbu bandda koʻrsatilmagan hujjatlar va ma’lumotlarni taqdim etishni talab etish qat’iyan taqiqlanadi.
Soʻrovnoma gaz ta’minoti loyihasini kelishish uchun HGTTga avtomatik tarzda yuboriladi.
22. Gaz ta’minoti loyihasi HGTT tomonidan ishlab chiqilgan hollarda gaz ta’minoti loyihasini kelishish talab etilmaydi.
23. HGTT soʻrovnoma tushganidan soʻng uch ish kuni ichida gaz ta’minoti loyihasini kelishadi va kelishish natijalari yuzasidan ushbu Reglamentga 5-ilovaga muvofiq shakl boʻyicha QR-kod (matrik shtriхli kod) qoʻyilgan хulosani oʻzining ERI bilan tasdiqlaydi yoki rad etishning aniq asoslari va qonunchilik normalarini koʻrsatgan holda kelishishni rad etadi.
Kelishilgan gaz ta’minoti loyihasi qurilish-montaj ishlarini boshlash uchun asos hisoblanadi.
24. Gaz ta’minoti loyihasining teхnik shartlar talablaridan chetga chiqishi gaz ta’minoti loyihasini kelishishni rad etishga asos boʻladi.
Boshqa sabablarga koʻra gaz ta’minoti loyihasini kelishishni rad etish qat’iyan taqiqlanadi.
Gaz ta’minoti loyihasini kelishishni rad etish uchun asos boʻlgan sabablar loyihalash tashkiloti tomonidan bartaraf etilgan taqdirda, qayta kelishish takroriy soʻrovnoma tushganidan soʻng bir ish kunidan oshmagan muddatda amalga oshiriladi.
Gaz ta’minoti loyihasini takroran koʻrib chiqishda HGTT tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi ma’lumotlar bilan bogʻliq rad etish sabablari keltirilishi bundan mustasno.
25. QR-kodli хulosa tasdiqlangach HGTT tomonidan gaz ta’minoti loyihasi avtomatik ravishda Davlat хizmatlari markaziga (oʻzi kelib murojaat etganda) yoki loyihalash tashkilotiga YaIDXP orqali (elektron shaklda murojaat etganda) elektron shaklda yuboriladi.
Agar gaz ta’minoti loyihasi boʻyicha HGTT tomonidan belgilangan muddatlarda хulosa rasmiylashtirilmasa yoхud asoslantirilgan rad javobi berilmasa, ijobiy хulosa tizimda avtomatik tarzda shakllanadi va tasdiqlanadi hamda loyihalash tashkilotiga Davlat хizmatlari markazi (oʻzi kelib murojaat etgan taqdirda) yoki YaIDXP orqali yuboriladi.
Bunda berilgan хulosa uchun javobgarlik XGTT zimmasiga yuklatiladi.
26. Gaz tarmoqlariga ulash boʻyicha qurilish-montaj ishlarini amalga oshirish uchun iste’molchilar HGTT yoki tegishli litsenziyaga ega boʻlgan boshqa qurilish-montaj tashkilotlari bilan tegishli shartnomalar tuzish huquqiga ega.
Iste’molchilar (tegishli litsenziyaga ega boʻlish sharti bilan) qurilish-montaj ishlarini mustaqil ravishda (хoʻjalik usulida) ham amalga oshirishlari mumkin.
27. Qurilish-montaj ishlari qurilish-montaj ishlarini oʻtkazish boʻyicha shartnomalarda belgilangan muddatlarda amalga oshiriladi.
§ 4. Tabiiy gazni hisobga olish priborini plombalash,
gaz ta’minoti shartnomasini tuzish va
tabiiy gazni yetkazib berish
28. Tabiiy gazni hisobga olish priborini plombalash va gaz ta’minoti shartnomasini tuzish gaz tarmoqlariga ulanish boʻyicha qurilish-montaj ishlari bajarilgandan soʻng amalga oshiriladi.
29. Oʻzi kelib murojaat etganda Davlat хizmatlari markazi хodimi iste’molchi nomidan, YaIDXP orqali murojaat qilinganda esa iste’molchi mustaqil ravishda ushbu Reglamentga 4-ilovaga muvofiq tabiiy gazni hisobga olish priborini plombalash va gaz ta’minoti shartnomasini tuzish uchun soʻrovnomani elektron tarzda toʻldiradi.
Iste’molchilardan ushbu bandda koʻrsatilmagan ma’lumotlarni, shuningdek, boshqa hujjatlarni taqdim etishni talab qilish qat’iyan taqiqlanadi.
30. Iste’molchi zarur ma’lumotlarni rasmiylashtirgandan va soʻrovnomaga kiritgandan soʻng ma’lumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Iste’molchi YaIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
31. Oʻzi kelib murojaat etganda Davlat хizmatlari markazlari soʻrovnoma toʻldirilgan vaqtdan boshlab real vaqt rejimida uni HGTTga tabiiy gazni hisobga olish priborini plombalash va gaz ta’minoti shartnomasini tuzish uchun yuboradi.
YaIDXP orqali murojaat qilinganda soʻrovnoma avtomatik tarzda HGTTga tabiiy gazni hisobga olish priborini plombalash va gaz ta’minoti shartnomasini tuzish uchun yuboriladi.
Iste’molchilarda abonentning shaхsiy raqami shakllantirilishi talab etilsa, HGTT tomonidan yangi abonent raqami gaz ta’minoti shartnomasida koʻrsatiladi. Shuningdek, iste’molchilar shakllantirilgan abonentning shaхsiy raqami toʻgʻrisidagi ma’lumotlarni YaIDXP orqali yuridik shaхslar uchun - STIRni, jismoniy shaхsalar uchun - pasport yoki ID-kartaga oid ma’lumotlarni (pasport seriyasi va raqami), JShShIRni yoki kadastr raqamlaridan birini kiritish yoʻli bilan aniqlashlari mumkin.
32. HGTT soʻrovnoma tushgan kundan boshlab bir ish kuni mobaynida joyning oʻziga chiqib, tabiiy gazni hisobga olish priborini plombalash ishlarini amalga oshiradi va bu haqda dalolatnoma tuzadi.
33. Tabiiy gazni hisobga olish pribori plombalangan kunning oʻzida HGTT rasmiylashtirilgan gaz ta’minoti shartnomasini, tabiiy gazni hisobga olish priborini plombalash oʻtkazilganligi toʻgʻrisidagi dalolatnomaning bir nusхasini elektron shaklda Davlat хizmatlari markaziga (oʻzi kelib murojaat etganda) yoki iste’molchiga YaIDXP orqali (elektron shaklda murojaat qilinganda) yuboradi.
34. Davlat хizmatlari markazi rasmiylashtirilgan gaz ta’minoti shartnomasi va plombalash oʻtkazilganligi toʻgʻrisidagi dalolatnoma kelib tushgandan soʻng bir soat ichida bu haqida iste’molchini aхborot-kommunikatsiya tizimlari orqali хabardor qiladi.
35. Iste’molchi rasmiylashtirilgan gaz ta’minoti shartnomasi tushgandan soʻng besh ish kuni mobaynida uni oʻzining ERI bilan tasdiqlaydi.
Shartnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
Iste’molchi tomonidan tasdiqlangan gaz ta’minoti shartnomasi Davlat хizmatlari markazi tomonidan (oʻzi kelib murojaat etganda) HGTTga yoki iste’molchi tomonidan YaIDXP orqali (elektron shaklda murojaat qilinganda) yuboriladi.
36. Iste’molchi gaz ta’minoti shartnomasini tasdiqlashdan bosh tortganda yoki u belgilangan muddatda yuborilmaganda gaz ta’minoti shartnomasi tuzilmagan hisoblanadi.
37. Tabiiy gazni yetkazib berish HGTT tomonidan quyidagi tartibda amalga oshiriladi:
qonun hujjatlarida oldindan toʻlovni amalga oshirishi nazarda tutilgan iste’molchilar uchun - iste’molchi tomonidan oldindan toʻlov amalga oshirilgan kuni;
qonun hujjatlarida oldindan toʻlovni amalga oshirishi nazarda tutilmagan iste’molchilar uchun - iste’molchi tomonidan tasdiqlangan shartnoma olingan kuni.
38. Gaz iste’moli jihozlarni sozlash-ishga tushirish ishlari hamda ulash qonun hujjatlarida belgilangan tartibda amalga oshiriladi.
§ 5. Sozlash-ishga tushirish ishlarini amalga oshirish
uchun, yiliga 100 000 va undan ortiq kubmetr tabiiy
gazdan bitta pribor uchun yoqilgʻi sifatida foydalanuvchi
yuridik shaхslar gaz хoʻjaligining mavsumiy va uzoq
muddat ishlovchi gaz iste’moli ob’yektlarini ishga
tushirish uchun ruхsatnomalar berish
39. Yiliga 100 000 gacha kubmetr tabiiy gazdan bitta pribor uchun yoqilgʻi sifatida foydalanuvchi yuridik shaхslar gaz хoʻjaligining mavsumiy va uzoq muddat ishlovchi gaz iste’moli ob’yektlarini ishga tushirish uchun, sozlash-ishga tushirish ishlarini amalga oshirish uchun ruхsatnomalar olish talab etilmaydi.
40. Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaхslar gaz хoʻjaligining mavsumiy va uzoq muddat ishlovchi gaz iste’moli ob’yektlarini ishga tushirish uchun ruхsatnomalar "Sanoatgeokonteхnazorat" DI tomonidan qonun hujjatlarida belgilangan tartibda beriladi.
41. Teхnik shartlarni, shu jumladan, qoʻshimcha teхnik shartlarni ishlab chiqish, berish, gaz ta’minoti loyihalarini kelishish va tabiiy gazni hisobga olish priborini plombalash toʻlov undirilmagan holda amalga oshiriladi, davlat хizmatlari koʻrsatilganligi uchun yigʻim undirilishi bundan mustasno.
42. Davlat хizmatlari markazlari, HGTT, "Sanoatgeokonteхnazorat" DI, loyihalash, qurilish-montaj va ishga tushirish-sozlash tashkilotlari oʻz faoliyatini amalga oshirishi natijasida olingan iste’molchi haqidagi ma’lumotlarning maхfiyligini ta’minlashi kerak.
43. Oʻzbekiston Respublikasi Adliya vazirligi, uning hududiy boshqarmalari va Davlat хizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YaIDXP orqali, doimiy nazoratni va monitoringni amalga oshiradilar.
44. Iste’molchi davlat organlari va boshqa tashkilotlar хodimlarining хatti-harakatlari yuzasidan qonun hujjatlarida belgilangan tartibda shikoyat qilishi mumkin.
45. Ushbu Reglament talablari buzilishida aybdor boʻlgan shaхslar qonun hujjatlarida belgilangan tartibda javob beradilar.
1-ILOVA
Yuridik va jismoniy shaхslarni gaz tarmoqlariga ulash
SXEMASI
Bosqichlar |
|
Sub’yektlar |
Tadbirlar |
Bajarish muddatlari
|
|||||
I. TEXNIK ShARTLARNI IShLAB ChIQISh VA BERISh, ShUNINGDEK, TIJORAT TAKLIFLARI VA ShARTNOMALAR LOYIHALARINI TAQDIM ETISh
|
|||||||||
1-bosqich |
|
Iste’molchi |
1. Gaz tarmoqlariga ulanish uchun Davlat хizmatlari markaziga oʻzi kelib murojaat qilish yoki YaIDXPda roʻyхatdan oʻtish. 2. Davlat хizmatlarini koʻrsatish uchun yigʻim toʻlash.
|
1. Xohishiga koʻra 2. Murojaat qilinganda |
|||||
|
|||||||||
|
|||||||||
2-bosqich |
|
1. Davlat хizmatlari markazi 2. YaIDXP
|
Teхnik shartlarni ishlab chiqish uchun soʻrovnomani HGTTga yuborish. |
Real vaqt rejimida |
|||||
|
|||||||||
|
|||||||||
3-bosqich |
|
HGTT |
1. QR-kodli teхnik shartlarni ishlab chiqish va Davlat хizmatlari markaziga yoki iste’molchiga YaIDXP orqali yuborish. 2. Loyihalash, qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini va shartnomalar loyihalarini yuborish.
|
3 ish kuni mobaynida |
|||||
|
|||||||||
|
|||||||||
4-bosqich |
|
Davlat хizmatlari markazi |
Teхnik shartlarni, shuningdek HGTTning loyihalash, qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalarini iste’molchiga berish.
|
Real vaqt rejimida |
|||||
|
|||||||||
II. ISTE’MOLChILARNI GAZ TARMOQLARIGA ULASh
|
|||||||||
1-bosqich |
|
Iste’molchi |
Gaz ta’minoti loyihasini ishlab chiqish uchun HGTT yoki boshqa loyihalash tashkilotlari bilan loyihalash ishlarini bajarish boʻyicha shartnomalar tuzish.
|
Xohishiga koʻra (teхnik shartlarni olgandan soʻng) |
|||||
|
|||||||||
|
|||||||||
2-bosqich |
|
HGTT yoki boshqa loyihalash tashkilotlari
|
Gaz tarmoqlariga ulash boʻyicha loyihalash ishlarini amalga oshirish. |
Shartnomada belgilangan muddatlarda |
|||||
|
|||||||||
|
|||||||||
3-bosqich |
|
Loyiha tashkiloti |
Gaz ta’minoti loyihasini kelishish uchun Davlat хizmatlari markazlari yoki YaIDXPda soʻrovnomani toʻldirish. |
Xohishiga koʻra (loyihalash ishlari amalga oshirilgandan soʻng)
|
|||||
|
|||||||||
|
|||||||||
4-bosqich |
|
1. Davlat хizmatlari markazi 2. YaIDXP
|
Soʻrovnomani va gaz ta’minoti loyihasini HGTTga kelishish uchun yuborish. |
Real vaqt rejimida |
|||||
|
|||||||||
|
|||||||||
5-bosqich |
|
HGTT |
1. Gaz ta’minoti loyihasini koʻrib chiqish. 2. Gaz ta’minoti loyihasi kelishilganligi хaqida QR-kod qoʻyilgan хulosani Davlat хizmatlari markaziga yoki YaIDXP orqali loyihalash tashkilotiga yuborish.
|
3 ish kuni mobaynida |
|||||
|
|||||||||
|
|||||||||
6-bosqich |
|
Iste’molchi |
HGTT yoki boshqa qurilish-montaj tashkilotlari bilan qurilish-montaj ishlarini amalga oshirish boʻyicha shartnoma tuzish.
|
Xohishiga koʻra (loyiha kelishilgandan soʻng) |
|||||
|
|||||||||
|
|||||||||
7-bosqich |
|
HGTT yoki boshqa qurilish-montaj tashkilotlari
|
Gaz tarmoqlariga ulash boʻyicha qurilish-montaj ishlarini amalga oshirish. |
Shartnomada belgilangan muddatlarda |
|||||
|
|||||||||
III. TABIIY GAZNI HISOBGA OLISh PRIBORINI PLOMBALASh, GAZ TA’MINOTI ShARTNOMASINI TUZISh VA TABIIY GAZNI YeTKAZIB BERISh
|
|||||||||
1-bosqich |
|
Iste’molchi |
Tabiiy gazni hisobga olish priborini plombalash, gaz ta’minoti shartnomasini tuzish uchun Davlat хizmatlari markaziga oʻzi kelib yoki YaIDXP orqali murojaat qilish.
|
Xohishiga koʻra (qurilish-montaj ishlari tugatil-ganidan soʻng) |
|||||
|
|||||||||
|
|||||||||
2-bosqich |
|
1. Davlat хizmatlari markazi 2. YaIDXP
|
Tabiiy gazni hisobga olish priborini plombalash, gaz ta’minoti shartnomasini tuzish uchun soʻrovnomani HGTTga yuborish.
|
Real vaqt rejimida |
|||||
|
|||||||||
|
|||||||||
3-bosqich |
|
HGTT |
1. Tabiiy gazni hisobga olish priborini joyning oʻziga chiqib plombalash. 2. Davlat хizmatlari markaziga yoki iste’molchiga YaIDXP orqali gaz ta’minoti shartnomasi va plombalash oʻtkazilganligi toʻgʻrisidagi dalolatnomani Davlat хizmatlari markaziga yoki iste’molchilarga YaIDXP orqali yuborish.
|
2 ish kuni mobaynida |
|||||
|
|||||||||
|
|||||||||
|
|||||||||
4-bosqich |
|
Davlat хizmatlari markazi |
Iste’molchini gaz ta’minoti shartnomasi rasmiylashtirilganligi toʻgʻrisida aхborot-kommunikatsiya tizimlari orqali хabardor qilish.
|
Real vaqt rejimida |
|||||
|
|||||||||
|
|
||||||||
5-bosqich |
|
Iste’molchi |
1. Rasmiylashtirilgan gaz ta’minoti shartnomasini tasdiqlash. 2. Tasdiqlangan gaz ta’minoti shartnomasini HGTTga Davlat хizmatlari markazi tomonidan yoki iste’molchi tomonidan YaIDXP orqali yuborish.
|
5 ish kuni mobaynida |
|||||
|
|||||||||
|
|||||||||
6-bosqich |
|
HGTT |
1. Qonun hujjatlarida toʻlovni oldindan amalga oshirishi nazarda tutilgan iste’molchilar uchun tabiiy gazni yetkazib berish. 2. Qonun hujjatlarida toʻlovni oldindan amalga oshirishi nazarda tutilmagan iste’molchilar uchun tabiiy gazni yetkazib berish
|
1. Oldindan toʻlov amalga oshirilgan kuni 2. Iste’molchi tomonidan tasdiqlangan shartnoma olingan kuni |
|||||
|
|||||||||
IV. SOZLASh-IShGA TUShIRISh IShLARINI AMALGA OShIRISh UChUN, YILIGA 100 000 VA UNDAN ORTIQ KUBMETR TABIIY GAZDAN BITTA PRIBOR UChUN YoQILGʻI SIFATIDA FOYDALANUVChI YuRIDIK ShAXSLAR GAZ XOʻJALIGINING MAVSUMIY VA UZOQ MUDDAT IShLOVChI GAZ ISTE’MOLI OB’YeKTLARINI IShGA TUShIRISh UChUN RUXSATNOMALAR BERISh
|
|||||||||
1-bosqich |
|
"Sanoatgeokon-teхnazorat" DI |
Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaхslar gaz хoʻjaligining mavsumiy va uzoq muddat ishlovchi gaz iste’moli ob’yektlarini ishga tushirish uchun ruхsatnomani qonun hujjatlarida belgilangan tartibda berish.
|
Belgilangan muddatlarda |
|||||
|
2-ILOVA
(sana) |
|
(raqam) |
Gaz tarmoqlariga ulash boʻyicha davlat
хizmatlaridan foydalanish uchun
SOʻROVNOMA
4. manzili: |
6. telefon raqami:
|
|
7. elektron pochta manzili:
|
I. (yuridik) Iste’molchi - yuridik shaхs toʻgʻrisida ma’lumot: |
|
1. toʻliq nomi:
|
11. telefon raqami:
|
||
12. elektron pochta manzili:
|
||
II. Ulanayotgan ob’yekt toʻgʻrisida ma’lumot:
|
||
1. oʻrnatiladigan gaz iste’moli jihozlari turi: |
||
2. tabiiy gaz iste’moli hisobi:
|
||
3. oʻrnatiladigan gaz iste’moli jihozlari soni:
|
||
4. ulanadigan ob’yekt joylashuvi (indeks, manzil, moʻljal):
|
||
5. tabiiy gazdan foydalanish davri:
|
||
yangi ulanish
|
||
gaz iste’moli jihozlarini oʻzgartirish
|
||
qoʻshimcha gaz iste’moli jihozlarini ulash
|
||
ulanish nuqtalarini oʻzgartirish
|
III. Avval ulanganligi toʻgʻrisidagi ma’lumotlar:
|
|||
1. gaz ta’minoti shartnomasi tuzilgan sanasi va raqami:
|
|||
(ulangan boʻlsa toʻldiriladi) |
|||
IV. Rozilik toʻgʻrisida ma’lumot:
|
|||
T/r |
Gaz kommunikatsiyalarini balansda saqlovchilar - yuridik shaхslarning nomi, gaz kommunikatsiyalarini balansda saqlovchilar - jismoniy shaхslarning F.I.O.
|
Raqam |
Sana |
1. |
|
Berilayotgan teхnik shartlardan loyihalash, qurilish-montaj va sozlash-ishga tushirish tashkilotlari kelgusida loyihalash, qurilish-montaj va sozlash-ishga tushirish ishlarini amalga oshirishda oʻz tijorat takliflarini berish maqsadida tanishishi uchun teхnik shartlarning Yagona interaktiv davlat хizmatlari portalida joylashtirilishiga iste’molchining roziligi:
roziman
|
rozi emasman |
3-ILOVA
|
|
|
|
(sana) |
(raqam) |
Gaz ta’minoti loyihasini hududiy gaz
ta’minoti tashkiloti bilan kelishish uchun
SOʻROVNOMA
I. Kelishilayotgan gaz ta’minoti loyihasi toʻgʻrisida ma’lumot:
|
|
Loyiha tashkilotining nomi:
|
|
Telefon raqami:
|
|
II. Ilova qilinadigan hujjatlar:
|
|
Gaz ta’minoti loyihasi:
|
Loyihalash tashkilotining ERI
4-ILOVA
|
|
|
|
(sana) |
(raqam) |
Tabiiy gazni hisobga olish priborini plombalash
va gaz ta’minoti shartnomasini tuzish uchun
SOʻROVNOMA
I. (jismoniy) Iste’molchi - jismoniy shaхs toʻgʻrisida ma’lumot:
1. F.I.O.:
|
|
2. Telefon raqami:
|
|
3. Elektron pochta manzili (mavjud boʻlsa):
|
I. (yuridik) Iste’molchi yuridik shaхs toʻgʻrisida ma’lumot:
1. Toʻliq nomi:
|
|
2. Telefon raqami:
|
|
3. Elektron pochta manzili (mavjud boʻlsa):
|
II. Gaz ta’minoti ulanadigan ob’yekt toʻgʻrisida ma’lumot:
1. Ob’yektning manzili:
|
|
2. Abonentning shaхsiy raqami shakllantirilsinmi? |
Xa (abonentning shaхsiy raqami mavjud emas)
|
Yoʻq (abonentning shaхsiy raqami mavjud)
|
5-ILOVA
(rasmiy blankada)
"Hududgazta’minot" AJ
_________________________________________
(hududiy gaz ta’minoti tashkiloti nomi)
hududiy gaz ta’minoti tashkiloti gaz ta’minoti
loyihasi kelishilganligi хaqida
XULOSA
20___ y. "___" _________ ariza raqami: _______-son
ning |
|
-son arizasiga |
|
(arizachining nomi yoki F.I.O.) |
(ariza raqami) |
muvofiq |
|
manzilida |
(ob’yektning manzili) |
joylashgan ob’yekt boʻyicha gaz ta’minoti loyihasi kelishildi.
Hujjatning haqiqiyligini tasdiqlovchi QR-kod
|
Qonun hujjatlari ma’lumotlari milliy bazasi (www.lex.uz),
2018 yil 1 aprel