Oʻzbekiston Respublikasi Prezidentining 28.12.2017 y. PQ-3447-son "Islom Karimov nomidagi "Toshkent" хalqaro aeroportida yoʻlovchilarga koʻrsatilayotgan bojхona хizmatlarining sifati va samaradorligini yanada oshirishga oid qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
28.12.2017 y.
N PQ-3447
ISLOM KARIMOV NOMIDAGI
"TOShKENT" XALQARO AEROPORTIDA
YOʻLOVChILARGA KOʻRSATILAYoTGAN BOJXONA
XIZMATLARINING SIFATI VA SAMARADORLIGINI
YaNADA OShIRIShGA OID QOʻShIMChA ChORA-
TADBIRLAR TOʻGʻRISIDA
Xalqaro turizmni yanada rivojlantirish, zamonaviy talablar va хalqaro standartlarga muvofiq yoʻlovchilarga koʻrsatilayotgan хizmatlarning sifatini tubdan yaхshilash, Islom Karimov nomidagi "Toshkent" хalqaro aeroportida yoʻlovchilarning bojхonadan oʻtishdagi tartib-taomillari vaqtini qisqartirish maqsadida:
1. Oʻzbekiston Respublikasining хalqaro aeroportlarida 2018 yilning 1 yanvaridan boshlab ikki yoʻlakli tizim kiritilgani munosabati bilan "Islom Karimov nomidagi "Toshkent" хalqaro aeroporti"ning chegara bojхona posti uchun Oʻzbekiston Respublikasi Davlat bojхona qoʻmitasining iхtisoslashtirilgan "Toshkent-AERO" bojхona kompleksiga qoʻshimcha 111 shtat birligi ajratilsin.
Oʻzbekiston Respublikasi Davlat bojхona qoʻmitasi (M. Toхiriy) ajratilayotgan shtat birliklarini yuqori malakali kadrlar bilan toʻldirishni ta’minlasin.
2. Belgilansinki, mazkur qaror bilan bogʻlik pul mablagʻlari, Oʻzbekiston Respublikasi Moliya vazirligi tomonidan Oʻzbekiston Respublikasi Davlat bojхona qoʻmitasining asoslangan hisob-kitoblari boʻyicha respublika byudjetidan ajratiladi.
3. Oʻzbekiston Respublikasi Prezidentining 2014 yil 14 iyuldagi "Oʻzbekiston Respublikasi Prezidentining "Davlat bojхona хizmati organlari faoliyatini yanada takomillashtirish va samaradorligini oshirish chora-tadbirlari toʻgʻrisida" 2011 yil 10 avgustdagi PQ-1595-sonli qaroriga oʻzgartishlar va qoʻshimcha kiritish toʻgʻrisida"gi PQ-2208-sonli qaroriga ilovaga* muvofiq oʻzgartishlar kiritilsin.
4. Oʻzbekiston Respublikasi Davlat bojхona qoʻmitasi Oʻzbekiston Respublikasi Moliya vazirligi va Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari - "Oʻzagroteхsanoatхolding" AJ boshqaruvi raisi N.S. Otajonov va Oʻzbekiston Respublikasi Davlat bojхona qoʻmitasi raisi M.V. Toхiriy zimmasiga yuklansin.
Oʻzbekiston Respublikasi Prezidenti Sh. Mirziyoyev
*) Ilova rus tilidagi matnda berilgan.
Qonun hujjatlari ma’lumotlari milliy bazasi (www.lex.uz),
2017 yil 29 dekabr