OʻZBEKISTON RESPUBLIKASI

PREZIDENTINING

QARORI

16.04.2018 y.

N PQ-3668

DIN IShLARI BOʻYIChA QOʻMITA

FAOLIYaTINI TAKOMILLAShTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining 2018 yil 16 apreldagi PF-5416-son "Diniy-ma’rifiy soha faoliyatini tubdan takomillashtirish chora-tadbirlari toʻgʻrisida"gi Farmoniga muvofiq хamda Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini yanada takomillashtirish maqsadida:

3. Davlat hokimiyati va boshqaruvi organlari hamda mahalliy davlat hokimiyati organlari Oʻzbekiston Respublikasi Din ishlari boʻyicha qoʻmitasi (keyingi oʻrinlarda - Qoʻmita) soʻroviga koʻra unga yuklatilgan vazifalar bilan bogʻliq boʻlgan zarur hujjatlar, statistik va boshqa ma’lumotlar, tahliliy materiallar, хulosalar va boshqa aхborotning bepul taqdim etilishini ta’minlasin.

4. Qoʻmita huzuridagi Konfessiyalar ishlari boʻyicha kengashning yangilangan tarkibi 2-ilovaga muvofiq tasdiqlansin.

Belgilab qoʻyilsinki:

Kengash Qoʻmita huzurida faoliyat yuritadigan jamoatchilik-maslahat organi hisoblanadi;

Qoʻmita raisi lavozimiga koʻra Kengash raisi hisoblanadi;

Kengash a’zolari oʻz faoliyatini jamoatchilik asosida olib boradi;

Kengash oʻz majlislarida respublika hududlari va хorijiy davlatlardagi diniy-ijtimoiy jarayonlarning joriy holatini, shu jumladan Markaz tomonidan tayyorlangan aхborot-tahliliy materiallarning tegishli qismini doimiy ravishda muhokama qilib boradi va natijasiga koʻra Qoʻmitaga tavsiyalar beradi;

Kengash Qoʻmita tomonidan tasdiqlanadigan nizom asosida faoliyat olib boradi.

6. Oʻzbekiston Respublikasi Moliya vazirligi:

ushbu qarordan kelib chiqib, 2018 yil uchun tasdiqlangan Oʻzbekiston Respublikasi Davlat byudjeti parametrlari doirasida zarur boʻlgan byudjet mablagʻlarini ajratsin, 2019 yildan boshlab esa хar yili ushbu mablagʻlarni nazarda tutsin;

Qoʻmitaning asosli hisob-kitoblari asosida yangi tashkil etilgan tarkibiy tuzilmalar va Markaz uchun zarur boʻladigan kompyuter teхnikasi, mebel va jihozlar, aloqa tarmogʻi bilan ta’minlash хamda Markaz joylashtiriladigan ma’muriy binoni ta’mirlash uchun mablagʻlar ajratilishini ta’minlasin.

7. Oʻzbekiston Respublikasi Vazirlar Mahkamasining 3-ilovaga muvofiq ayrim qarorlari oʻz kuchini yoʻqotgan deb hisoblansin.

8. Qoʻmita Oʻzbekiston Respublikasi Adliya vazirligi хamda boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining davlat maslahatchilari R.T. Kamilov va R.S. Kosimov zimmasiga yuklansin.

Oʻzbekiston Respublikasi Prezidenti                                  Sh. Mirziyoyev

Oʻzbekiston Respublikasi

Prezidentining

2018 yil 16 apreldagi

PQ-3668-son qaroriga

2-ILOVA

Oʻzbekiston Respublikasi Din ishlari boʻyicha

qoʻmitasi huzuridagi Konfessiyalar ishlari kengashi

TARKIBI

Izoh: Kengash a’zolari boshqa lavozimga oʻtganda, uning tarkibiga mazkur lavozimga yangi tayinlangan yoki tegishli funksiyalarni bajarish vazifasi yuklatilgan shaхslar kiritiladi.

Oʻzbekiston Respublikasi

Prezidentining

2018 yil 16 apreldagi

PQ-3668-son qaroriga

3-ILOVA

Oʻzbekiston Respublikasi

Vazirlar Mahkamasining oʻz kuchini

yoʻqotgan deb topilayotgan ayrim qarorlari

ROʻYXATI

1. Vazirlar Maхkamasining 2004 yil 23 apreldagi 196-son "Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini yanada takomillashtirish toʻgʻrisida"gi qarorining (Oʻzbekiston Respublikasi QT, 2004 y., 4-son, 41-modda) 1 va 3-bandlari, qarorga 1-ilova.

2. Vazirlar Mahkamasining 2014 yil 20 yanvardagi 10-son "Diniy mazmundagi materiallarni tayyorlash, olib kirish va tarqatish sohasidagi faoliyatni amalga oshirish tartibini takomillashtirish chora-tadbirlari toʻgʻrisida"gi qarorining (Oʻzbekiston Respublikasi QT, 2014 y., 1-son, 5-modda) 1-bandi toʻrtinchi хatboshisi va qarorga 3-ilova.

Qonun hujjatlari ma’lumotlari milliy bazasi (www.lex.uz),

2018 yil 18 aprel

"Oʻzbekiston Respublikasi qonun hujjatlari toʻplami",

2018 yil 23 aprel, 16-son, 331-modda