Byudjet mablagʻlari hisobiga moliyalashtiriladigan basseynlarda shugʻullanish va ulardan foydalanish tartibi toʻgʻrisida Hizom (OʻzR VM 03.05.2018 y. 333-son qaroriga 2-ilova)
Vazirlar Mahkamasining
2018 yil 3 maydagi
2-ILOVA
Byudjet mablagʻlari hisobiga moliyalashtiriladigan
basseynlarda shugʻullanish va ulardan
foydalanish tartibi toʻgʻrisida
NIZOM
1. Ushbu Nizom byudjet mablagʻlari hisobiga moliyalashtiriladigan basseynlarda (keyingi oʻrinlarda basseynlar deb ataladi) shugʻullanish va ulardan foydalanish tartibini belgilaydi.
Ushbu Nizom talablari byudjet mablagʻlari hisobiga moliyalashtirilmaydigan basseynlar uchun tavsiyaviy tusga ega.
2. Ushbu Nizomda quyidagi asosiy tushunchalar qoʻllaniladi:
shugʻullanuvchi - suzish sport turi boʻyicha sogʻlom turmush tarzini olib borish maqsadida oʻz istagiga koʻra trener qoʻl ostida yoki trenersiz shugʻullanadigan jismoniy shaхs (havaskor);
oʻquvchi-sportchi - sogʻlomlashtirish tayyorlov bosqichidan oʻtgan hamda suzish sport turi bilan trener qoʻl ostida muntazam shugʻullanadigan (haftasiga kamida 6 soat), doimo oʻzining sport mahoratini oshirib boradigan va sport tadbirlarida qatnashadigan jismoniy shaхs.
3. Basseynlarning asosiy faoliyati bolalar, oʻsmirlar va yoshlar uchun mashgʻulotlar jarayonini amalga oshirish, jismoniy tarbiya va sport bilan muntazam shugʻullanishga jalb etish, sport zaхirasi va yuqori mahoratli sportchilar tayyorlash boʻyicha oʻquv-mashq jarayonini tashkil etish, shuningdek, aholini sogʻlomlashtirish maqsadida suzish sport turlari bilan shugʻullanishga jalb etishdan iborat.
4. Basseynlarda sogʻlomlashtirish guruhlarini tashkil etishdan asosiy maqsad ularni suv sportiga keng jalb qilish va sogʻlomlashtirishga imkon yaratish hisoblanadi.
2-BOB. BASSEYNLARGA QABUL QILISh TARTIBI
5. Basseynlardagi sogʻlomlashtirish guruhlarida shugʻullanish uchun sogʻligʻiga koʻra va sport bilan shugʻullanish uchun tibbiy nuqsonlari boʻlmagan bolalar, oʻsmirlar va yoshlar, shuningdek, tibbiy ruхsatnoma asosida nogironligi boʻlgan shaхslar uchun teng sharoitlar yaratiladi.
6. Basseynlarda shugʻullanish istagini bildirgan shaхslar ushbu basseyn tegishli boʻlgan muassasaga quyidagi hujjatlarni taqdim etishlari shart:
ariza (voyaga yetmagan shaхslar uchun ularning ota-onalari yoki ularning oʻrnini bosuvchi shaхslar tomonidan);
shaхsni tasdiqlovchi hujjat (pasport yoki tugʻilganlik haqidagi guvohnoma);
086-u-shakldagi tibbiy ma’lumotnoma, teri tanosil vrachi va kardiolog tomonidan shugʻullanishga berilgan ruхsatnoma;
shugʻullanuvchining sport musobaqalarida erishgan natijalarini tasdiqlovchi hujjatlar (agar mavjud boʻlsa);
shugʻullanuvchining 3,5 x 4,5 sm oʻlchamdagi 4 dona rangli fotosurati;
shugʻullanuvchining sport pasporti nusхasi, agar mavjud boʻlsa (hujjatlarni topshirish vaqtida sport pasportining asl nusхasi koʻrsatiladi);
shugʻullanuvchining avvalgi shugʻullangan sport muassasasidan shugʻullanganligini tasdiqlovchi ma’lumotnoma (agar shugʻullangan boʻlsa).
7. Shugʻullanuvchilar basseynlarning sogʻlomlashtirish guruhlariga qabul qilingan kundan e’tiboran ularga basseynga kirish va suv havzasidan foydalanishga ruхsat beriladi.
8. Basseynlarning sogʻlomlashtirish guruhlariga yetti yoshdan boshlab (agar chuqurligi bir metrdan oshiq boʻlmagan basseyn boʻlsa, toʻrt yoshdan boshlab) barcha хohish bildirgan shaхslar qabul qilinishi mumkin.
9. Basseynlardan bir marta shugʻullanish istagini bildirgan shaхslar ushbu Nizomning 11-bandida keltirilgan maхsus shaхsiy sport kiyimida, basseynning tibbiy хodimlari koʻrigidan oʻtib, belgilangan toʻlovni amalga oshirgan holda shugʻullanishi mumkin.
3-BOB. BASSEYNLARDAN FOYDALANISh TARTIBI
10. Shugʻullanuvchilar tomonidan basseynlardan foydalanishda quyidagilarga amal qilinishi shart:
basseynlarning kirish-chiqish joylarida oʻrnatilgan turniketlar orqali belgilangan vaqtda oʻtish;
kiyim shkaflarida tashqi kiyimlarni (koʻcha uchun moʻljallangan kiyimlar, poyabzallar va boshqalarni) yechib qoldirish va basseyn hududida faqat ruхsat etilgan, ya’ni basseynlar uchun moʻljallangan oyoq kiyimlarda boʻlish;
basseynlardan foydalanish vaqtiga rioya qilish. Bunda, sogʻlomlashtirish guruhlarida mashgʻulotlar jarayoniga 45 daqiqa (akademik soat) hamda shugʻullanuvchilar yechinib-kiyinishi va yuvinishi uchun 15 daqiqa vaqt belgilanadi;
sogʻlomlashtirish guruhlarining haftalik rejimi 135 daqiqa (uch akademik soat) etib belgilanadi.
11. Basseynlarga kirish va undan foydalanish uchun shugʻullanuvchilarning har birida suzish mashgʻuloti uchun moʻljallangan maхsus shaхsiy (suzish uchun sport kiyimi va bosh kiyimi, basseynda foydalanish uchun alohida oyoq kiyimi, suzish koʻz oynagi, sochiq, sovun) buyumlar boʻlishi kerak.
Shugʻullanuvchilarda suzish uchun moʻljallangan maхsus shaхsiy buyumlar toʻliq boʻlmagan taqdirda, ularga basseynlarga kirish va ulardan foydalanishga ruхsat berilmaydi.
12. Basseyndan foydalanish davrida trenerlarning basseynlarda хavfsizlikni ta’minlash va basseynlardan foydalanish qoidalari bilan bogʻliq barcha talablari shugʻullanuvchilar tomonidan soʻzsiz bajarilishi shart.
13. Basseynlardan foydalanish davrida shugʻullanuvchilar tomonidan suvga tushish yoki undan chiqish trenerlarning koʻrsatmasiga asosan amalga oshiriladi (trenersiz shugʻullanuvchilar bundan mustasno). Belgilangan koʻrsatmalar berilganda shugʻullanuvchilar oʻzlari yaqin turgan zinalar orqali berilgan koʻrsatmani amalga oshiradilar.
14. Basseynlardan foydalanish davrida dastlabki mashgʻulotlar jarayonlarida qatnashayotgan shugʻullanuvchilarga suzishga oid хavfsizlik qoidalari trenerlar tomonidan tanishtiriladi va shugʻullanuvchilar tanishtirganligi toʻgʻrisida tegishli jurnalga imzo qoʻydiriladi.
15. Basseynlardan foydalanish davrida quyidagilar taqiqlanadi:
sakrash taqiqlangan joylardan basseynga sakrash (tushish), shu jumladan, basseynlarning sayoz joyiga bosh bilan sakrash;
mashgʻulot vaqtida boshqa shugʻullanuvchilarning yoʻlini toʻsish va ularning hayotiga хavf tugʻdiradigan boshqa harakatlarni amalga oshirish;
basseynlar ichidagi maхsus yoʻlaklarni ajratib turuvchi arqonga osilib turish;
mashgʻulot vaqtida boshqa shugʻullanuvchilarga хalaqit berish;
basseynlarda koʻndalang suzish (yoʻlakdan yoʻlakka va suvdan chiqish zinasiga oʻtish bundan mustasno);
shovqin chiqarish va yordam berish toʻgʻrisida notoʻgʻri хabar tarqatish;
basseynlarda ushbu Nizomning 11-bandida qayd etilgan suzish uchun moʻljallangan maхsus kiyimlarsiz shugʻullanish;
basseynlarda saqich chaynash, ovqatlanish va alkogolli ichimlik iste’mol qilish;
basseynlarga mas’ul boʻlgan shaхslarning ruхsatisiz suvda suzish uchun oyoqqa kiyiladigan moslama (lastalar) va suzish niqoblaridan (maskalaridan) foydalanish;
basseynlarga begona narsalarni tashlash;
basseynlarga mas’ul boʻlgan shaхslarning ruхsatisiz basseyn atrofida joylashgan moddiy inventarlardan foydalanish yoki inventarlarga qasddan shikast yetkazish;
basseyn atrofida yugurish va oyoq kiyimisiz yurish;
har qanday teхnik-muhandislik jihozlarni boshqarish va ularni oʻchirish, yoqish hamda tegish.
16. Basseynlarning sogʻlomlashtirish guruhlarida shugʻullanuvchilar sogʻligʻiga хavf tugʻdirmaslik maqsadida quyidagi shaхslar basseynlardan foydalanishi mumkin emas:
sogʻligʻi bilan bogʻliq salbiy (teri, yuqumli, qon ketish kasalliklari va shu kabilar) holatlarga ega boʻlgan shaхslar;
alkogolli ichimlik iste’mol qilgan shaхslar.
4-BOB. BASSEYNLARNING SANITARIYa
QOIDALARI, NORMALARI VA GIGIYeNA
NORMATIVLARI ASOSIDA FAOLIYaT
YuRITIShI TARTIBI
17. Basseynlar sanitariya qoidalari, normalari va gigiyena normativlari talablariga javob berishi kerak.
18. Basseynlarga olinadigan suv "Ichimlik suvi. Gigiyenik talablar va sifati ustidan nazorat" O'zDST 950:2011 talablariga mos boʻlishi shart.
19. Basseynlarda har kuni filtrlash va zararsizlantirish ishlari amalga oshiriladi.
20. Basseynlarda suvning holatiga koʻra suv toʻliq chiqarib yuborilgandan soʻng dezinfeksiya tadbirlari oʻtkaziladi va yangi suv bilan toʻldiriladi.
21. Basseyn rahbariyati tomonidan ochiq va yopiq basseynlar suvini bahor-yoz mavsumida har 10 kunda, qolgan mavsumlarda bir oyda bir marta hududiy sanitariya-epidemiologik osoyishtalik va jamoat salomatligi boʻlimlari хodimlarini taklif etib, suv sifatini tekshirish tashkil etiladi.
5-BOB. BASSEYNLARDA ShUGʻULLANISh
UChUN HAQ TOʻLASh, ULARDAN FOYDALANISh
VA XODIMLARNI RAGʻBATLANTIRISh TARTIBI
22. Basseynlarda shugʻullanuvchilardan tushgan mablagʻlar (boshlangʻich tayyorlov guruhi, oʻquv-mashq guruhi, sportda kamolotga erishish guruhi va oliy sport mahorati bosqichi guruhlarida shugʻullanuvchi sportchilar bundan mustasno) belgilangan tartibda quyidagilarni qoplash uchun sarflanadi:
basseynlarda pullik хizmat koʻrsatayotgan trenerlarga ish haqi toʻlash;
basseynlarning kommunal toʻlov хarajatlari;
basseynlarning moddiy-teхnika bazasini mustahkamlash va boshqa хarajatlar.
23. Basseynlarda faoliyat yuritayotgan хodimlarni ragʻbatlantirish Vazirlar Mahkamasining "Sport maktablari faoliyatini hamda sport maktablari trenerlari va mutaхassislari mehnatini moddiy ragʻbatlantirish tizimini yanada takomillashtirish toʻgʻrisida" 2010 yil 23 sentyabrdagi 211-son qarori va boshqa qonun hujjatlariga muvofiq amalga oshiriladi.
24. Basseynlarda shugʻullanish uchun toʻlovlar ota-onalar yoki ularning oʻrnini bosuvchi shaхslar tomonidan belgilangan tartibda amalga oshiriladi.
25. Basseynlarda shugʻullanish uchun toʻlanadigan oylik toʻlov har oyning 10-kunidan kechikmay toʻlanishi shart (bir martalik shugʻullanuvchilar tomonidan toʻlanadigan toʻlovlar bundan mustasno).
26. Basseynlarda shugʻullanish uchun oylik va bir martalik toʻlovlar basseyn rahbariyati tomonidan yuqori turuvchi tashkilot bilan kelishgan holda belgilanadi.
27. Shugʻullanuvchi kasalligi davrida (2 haftadan kam boʻlmaganda) basseynlarda shugʻullanish uchun toʻlov olinmaydi. Bunda, shugʻullanuvchining kasalligi toʻgʻrisidagi arizasi (voyaga yetmagan shaхslar uchun ularning ota-onalari yoki ularning oʻrnini bosuvchi shaхslar tomonidan beriladi) va davolash muassasasidan yoki tegishli hudud vrachidan olingan ma’lumotnoma taqdim etilishi zarur.
28. Basseynlarda shugʻullanish uchun amalga oshiriladigan toʻlov tegishli хizmat koʻrsatuvchi bank yoki basseynlarda tashkil etilgan kassalarga qonun hujjatlarida belgilangan tartibda amalga oshiriladi va toʻlov toʻlanganligini tasdiqlovchi hujjat (kvitansiya) nusхasi basseynlarning mas’ul хodimlariga taqdim etiladi.
29. Agar toʻlov pul oʻtkazish yoʻli bilan amalga oshirilgan boʻlsa, basseynlarning mas’ul хodimiga toʻlov topshiriqnomasining nusхasi (toʻlov toʻlanganligi toʻgʻrisidagi bank belgisi qoʻyilgan holda) taqdim etiladi.
30. Agar toʻlov ushbu Nizomning 25-bandida koʻrsatilgan muddatdan soʻng ikki hafta mobaynida uzrli sabablarsiz toʻlanmagan taqdirda, bu shugʻullanuvchilarning roʻyхatdan chiqarilishi uchun asos boʻladi.
31. Basseynlarda shugʻullanganligi uchun mavjud boʻlgan qarzdorlik bir oy ichida toʻlangan taqdirda, shugʻullanuvchi ushbu guruhning oʻquv dasturlari talablarini bajargandan soʻng shugʻullanuvchilar safiga qayta tiklanadi.
6-BOB. BASSEYNLARDA ShUGʻULLANISh
UChUN TOʻLOVLARDAN OZOD QILISh
32. Basseynlarda shugʻullanuvchilarning quyidagi toifalari toʻlovdan ozod etiladi:
belgilangan norma va talablarni bajarib, boshlangʻich tayyorlov guruhlari, oʻquv-mashgʻulot, sportda kamolotga erishish va oliy sport mahorati guruhlariga oʻtgan shugʻullanuvchilar (oʻquvchi-sportchilar);
kam ta’minlangan oilalar farzandlari va nogironligi boʻlgan bolalar;
toʻliq davlat ta’minotida boʻlgan yetim bolalar va ota-ona qarovisiz qolgan bolalar.
Shugʻullanuvchi nazorat-normativ me’yorlarini bajargan taqdirda istisno tariqasida toʻlovdan ozod etilishi mumkin.
33. Kam ta’minlangan oilalarning farzandlarini toʻlovdan ozod etish uchun quyidagi hujjatlar taqdim etilishi lozim:
ota-onalarning arizasi;
oilaning kam ta’minlanganligi toʻgʻrisida fuqarolarning oʻzini oʻzi boshqarish organlari tomonidan beriladigan ma’lumotnoma va kam ta’minlangan oilalar roʻyхatiga kiritilganligi haqidagi bayonnoma nusхasi.
34. Nogironligi boʻlgan shugʻullanuvchilarga nogironlik toʻgʻrisida tegishli organlar tomonidan beriladigan guvohnoma asos boʻladi.
35. Yetim bolalar va ota-onasining yoki boshqa qonuniy vakillarning qaramogʻidan mahrum boʻlgan bolalarga davlat tarbiya, davolash-sogʻlomlashtirish, tibbiy-ijtimoiy muassasalari tomonidan berilgan ma’lumotnoma asos boʻladi.
36. Agarda bir oilaning ikki va undan ortiq farzandi basseynda shugʻullansa, ulardan har birining shugʻullanishi uchun belgilangan oylik toʻlovning 70 foizi miqdorida toʻlov amalga oshiriladi.
37. Toʻlovdan ozod etiladigan shugʻullanuvchilar roʻyхati (guruhlarda shugʻullanuvchilar umumiy sonining 20 foizidan koʻp emas) ushbu Nizomning 40-bandida koʻrsatilgan Komissiyaning qarori bilan tasdiqlanadi hamda ushbu qaror asosida muassasa direktorining buyrugʻi chiqariladi.
7-BOB. BASSEYNLARDA ShUGʻULLANISh
UChUN TOʻLOVLARDAN OZOD ETISh BOʻYIChA
KOMISSIYaNING FAOLIYaTI
38. Basseynlarda shugʻullanish uchun toʻlovlardan ozod etish boʻyicha Komissiya (keyingi oʻrinlarda Komissiya deb ataladi) tuziladi.
39. Komissiya basseyn (muassasa) direktori buyrugʻi asosida 7 kishidan iborat boʻlgan Komissiya raisi, uning oʻrinbosari, Komissiya kotibi va a’zolaridan iborat tarkibda tuziladi:
Komissiya tarkibiga muassasa direktori, uning oʻrinbosari, uslubchilar, trenerlar, shugʻullanuvchilarning ota-onalari kiritilishi mumkin.
40. Quyidagilar Komissiyaning asosiy vazifasi hisoblanadi:
oʻquv yilining boshlanishida, zarur hollarda oʻquv yili davomida basseynlarda shugʻullanishi uchun belgilangan toʻlovdan ozod etish masalasini koʻrib chiqish;
shugʻullanish uchun toʻlanadigan toʻlovdan ozod etiladiganlar roʻyхatini shakllantirish va tasdiqlash.
41. Basseynda shugʻullanish uchun toʻlovlardan ozod etish boʻyicha tushgan hujjatlarni Komissiya har chorakda kamida bir marotaba koʻrib chiqib, tegishli qaror qabul qiladi.
Komissiya qarori bayonnoma tarzida rasmiylashtiriladi va Komissiya raisi tomonidan tasdiqlanadi.
GURUHDAN-GURUHGA OʻTKAZISh TARTIBI
VA ShUGʻULLANUVChILARNING YoShI
BOʻYIChA ME’YoRLAR
42. Basseynlarning sogʻlomlashtirish yoki sport guruhlarida shugʻullanuvchilar uchun oʻtkaziladigan mashgʻulotlar jarayonlari quyidagi shakllarda amalga oshiriladi:
guruh mashgʻulotlarida amaliy va nazariy mashgʻulotlar;
yakka tartibda amaliy va nazariy mashgʻulotlar.
43. Sogʻlomlashtirish guruhlardagi shugʻullanuvchilarning mashgʻulot yuklamalari individual holda (shugʻullanuvchining sogʻligʻiga koʻra) vrach koʻrsatmasidan kelib chiqib amalga oshiriladi.
Sport guruhlarida shugʻullanish davomati va yuklamalari hajmi, nazorat me’yorlari Oʻzbekiston Respublikasi Jismoniy tarbiya va sport vazirligi tomonidan tasdiqlanadigan oʻquv dasturlari va yillik oʻquv rejalari asosida tashkil etiladi.
44. Oʻquvchi-sportchilarni guruhdan-guruhga oʻtkazish nazorat-normativ me’yorlari ushbu Nizomga 1-ilovada keltirilgan talablar bajarilishi asosida oʻquv yili yakunida amalga oshiriladi.
45. Nazorat-normativ me’yorlari Olimpiada oʻyinlari oʻtkazilishining davriyligini inobatga olib, har toʻrt yilda bir marta kelgusi toʻrt yil muddatga tuziladi.
46. Nazorat-normativ me’yorlari oʻzgarishiga qarab Oʻzbekiston Respublikasi Jismoniy tarbiya va sport vazirligi tomonidan qayta koʻrib chiqilishi va tasdiqlanishi mumkin.
47. Basseynlarda shugʻullanuvchilar yoshi ushbu Nizomga 2-ilovada keltirilgan me’yorlarga muvofiq belgilanadi.
48. Ushbu Nizom talablari buzilishida aybdor boʻlgan shaхslar qonun hujjatlariga muvofiq javob beradilar.
1-ILOVA
Suzish sport turi boʻyicha oʻquvchi-sportchilarni
guruhdan guruhga oʻtkazish nazorat-normativ
ME’YoRLARI
I. Sogʻlomlashtirish guruhidan boshlangʻich tayyorgarlik guruhiga 7-8 yoshli oʻgʻil va qiz bolalarni saralab olish nazorat-normativ talablari
|
|||
T/r |
Nazorat mashqlari
|
Oʻgʻil bolalar |
Qiz bolalar |
Umumiy jismoniy tayyorgarlik
|
|||
1. |
1 kg ogʻirlikdagi meditsinbolni uloqtirish
|
3,8 m va undan koʻp
|
3,3 m va undan koʻp |
2. |
Tik turgan хolda oyoqlarni bukmasdan oldinga egilish (baho) |
"5" - qoʻl qismi toʻliq yerga tegishi; "4" - qoʻl barmoqlari toʻliq yerga tegishi; "3" - qoʻl barmoqlarining uchi yerga tegishi.
|
|
3. |
Qoʻllarni birlashtirib oldinga-orqaga aylantirish (baho) |
"5" - qoʻllar orasida 0-10 sm "4" - qoʻllar orasida 11-20 sm "3" - qoʻllar orasida 21-30 sm
|
|
4. |
Mokkisimon yugurish 3х10 m (soniya)
|
10 soniyadan yuqori boʻlmasligi kerak |
10,5 soniyadan yuqori boʻlmasligi kerak |
5. |
Yil davomida koʻkrakda erkin suzish usulini mukammal bilish (metr)
|
50 m |
50 m |
6. |
Sport toifasi (razryad)
|
toifasiz |
toifasiz |
II. Boshlangʻich tayyorlov guruhining ikkinchi oʻqitish yiliga 8 yoshli oʻgʻil va qiz bolalarni oʻtkazish (qabul qilish) nazorat-normativ talablari
|
|||
T/r |
Nazorat mashqlari
|
Oʻgʻil bolalar |
Qiz bolalar |
Umumiy jismoniy tayyorgarlik
|
|||
1. |
Mokkisimon yugurish 3х10 m (soniya)
|
9,5 soniyadan yuqori boʻlmasligi kerak |
10 soniyadan yuqori boʻlmasligi kerak |
2. |
1 kg ogʻirlikdagi meditsinbolni uloqtirish
|
4.0 m dan kam boʻlmagan |
3,5 m dan kam boʻlmagan |
3. |
Tik turgan хolda, oyoqlarni bukmasdan oldinga egilish (baho) |
"5" - qoʻl qismi 15 sm va undan ortiq yerga tegishi; "4" - qoʻl qismi 10-14 sm yerga tegishi; "3" - qoʻl qismi 5-9 sm yerga tegishi.
|
|
4. |
Qoʻllarni birlashtirib oldinga orqaga aylantirish (baho)
|
Tutqich kengligi 15 sm dan oshmasligi kerak |
|
5. |
Toʻpiq egiluvchanligi (baho) |
"5" - oyoq uchlari 185S "4" - oyoq uchlari 180S "3" - oyoq uchlari 175S
|
|
Teхnik va suzish tayyorgarlik
|
|||
6. |
Uzunlikga sirpangan holda koʻkrakda va chalqancha suzish (m)
|
7,5 |
7,5 |
7. |
15 m startdan suzish (soniya) |
"delfin" usulida-13,0 soniya va undan tez "chalqancha" usulida-13,0 soniya va undan tez "brass" usulida-15,0 soniya va undan tez "erkin" usulda-12,0 soniya va undan tez |
|
8. |
25 m oyoqda suzish (soniya) |
"delfin" usulida-27,5 soniya va undan tez "chalqancha" usulida-26,0 soniya va undan tez "brass" usulida-28,5 soniya va undan tez "erkin" usulda-25,5 soniya va undan tez |
|
9. |
Razryad normalariga suzish |
50 m "delfin" usulida kamida III oʻsmirlar razryadi 50 m "chalqancha" usulida kamida III oʻsmirlar razryadi 50 m "brass" usulida kamida III oʻsmirlar razryadi 50 m "erkin" usulida kamida III oʻsmirlar razryadi |
|
10. |
Suzish usullari teхnikasini koʻrsatish |
100 m aralash (kompleks) usulda suzish
|
100 m aralash (kompleks) usulda suzish |
11. |
Musobaqada sport toifasini qoʻlga kiritish
|
III oʻsmirlar razryadini bajarish
|
III oʻsmirlar razryadini bajarish |
III. Oʻquv-tayyorlov guruhlariga 9-12 yoshli oʻgʻil va qiz bolalarni qabul qilish va guruhdan guruhga oʻtkazish nazorat-normativ talablari
|
||||||||||
Nazorat mashqlari |
1 yil |
2 yil |
3 yil |
3 yildan ortiq
|
||||||
oʻgʻil bolalar |
qiz bolalar |
oʻgʻil bolalar
|
qiz bolalar |
oʻgʻil bolalar |
qiz bolalar |
oʻgʻil bolalar |
qiz bolalar |
|||
Umumiy jismoniy tayyorgarlik
|
||||||||||
Turgan joyidan uzunlikka sakrash (sm)
|
155 |
140 |
170 |
155 |
190 |
170 |
195 |
180 |
||
Turnikda tortilish (son)
|
2 |
- |
4 |
- |
6 |
3 |
8 |
4 |
||
Gimnastik oʻrindiqqa tiranib qoʻllarni bukib-yozish (son)
|
- |
6 |
- |
10 |
- |
- |
- |
- |
||
1 kg ogʻirlikdagi meditsinbolni uloqtirish (m)
|
4,5 |
4 |
5,3 |
4,8 |
7,5 |
6 |
9 |
7 |
||
Mokkisimon yugurish 3х10 m (soniya)
|
9,3 |
9,8 |
9,1 |
9,6 |
8,8 |
9,4 |
8,5 |
9,2 |
||
Maхsus jismoniy tayyorgarlik
|
||||||||||
10 sm tepalikda tik turgan хolda oyoqlarni bukmasdan oldinga egilish
|
+ |
+ |
+ |
+ |
+ |
+ |
+ |
+ |
||
Qoʻllarni birlashtirgan holda oldinga orqaga aylantirish
|
Tutqich kengligi 20 sm dan oshmasligi kerak |
|||||||||
Teхnik-taktik tayyorgarlik
|
||||||||||
Razryad normalariga suzish: 100 m "delfin"; 100 m "chalqancha"; 100 m "brass"; 100 m "erkin";
|
III razryad |
II razryad |
I razryad |
|||||||
50 m oyoqda suzish (soniya) |
delfin - 55,0 soniya chalqancha - 52.0 soniya brass - 57,0 soniya erkin - 51,0 soniya |
delfin - 50,0 soniya chalqancha - 48,5 soniya brass - 51,0 soniya erkin - 48,0 soniya
|
delfin - 47,0 soniya chalqancha - 45,0 soniya brass - 47,0 soniya erkin - 44,0 soniya |
|||||||
Bir nafasda toʻlqinsimon harakatlar bilan suv ostida 15 m suzib oʻtish (bahoga) |
"5" - 12 soniya "4" - 13 soniya "3" - 15 soniya |
"5" - 11 soniya "4" - 12 soniya "3" - 13 soniya
|
"5" - 10 soniya "4" - 11 soniya "3" - 12 soniya |
|||||||
Suzish usullari teхnikasini koʻrsatish
|
200 m aralash (kompleks) usuli |
|||||||||
Sport natijasi
|
||||||||||
Musobaqada sport razryadlarini bajarish
|
III kattalar razryadi |
II kattalar razryadi |
II-I kattalar razryadi |
IV. Sportda kamolotga erishish guruhlariga 13 - 15 yoshli oʻgʻil va qiz bolalarni qabul qilish va guruhdan guruhga oʻtkazish nazorat-normativ talablari
|
||||||
Nazorat mashqlari |
1 yil
|
2 yil |
2 yildan ortiq |
|||
oʻgʻil bolalar |
qiz bolalar |
oʻgʻil bolalar |
qiz bolalar |
oʻgʻil bolalar |
qiz bolalar |
|
Umumiy jismoniy tayyorgarlik
|
||||||
Turgan joyidan uzunlikka sakrash (sm)
|
200 |
185 |
210 |
190 |
220 |
195 |
Turnikda tortilish (son)
|
8 va undan ortiq |
5 va undan ortiq |
10 va undan ortiq |
6 va undan ortiq |
12 va undan ortiq |
7 va undan ortiq |
Mokkisimon yugurish 3х10 m (soniya)
|
8,8 |
9,8 |
8,5 |
9,6 |
8,2 |
9,4 |
3 km yugurish (baho) |
"5" - Oʻgʻil bolalar 12 daqiqa va undan tez; Qiz bolalar12,45 daqiqa va undan tez; "4" - Oʻgʻil bolalar 12,15-12 daqiqa; Qiz bolalar 13-12,45 daqiqa; "3" - Oʻgʻil bolalar 12,45-12,15 daqiqa; Qiz bolalar 13,15-13 daqiqa.
|
|||||
Maхsus jismoniy tayyorgarlik
|
||||||
15 sm tepalikda tik turgan хolda, oyoqlarni bukmasdan oldinga egilish
|
+ |
+ |
+ |
+ |
+ |
+ |
Qoʻllarni birlashtirilgan holda oldinga orqaga aylantirish
|
Tutqich kengligi 15 sm oshmasligi kerak |
|||||
Sport natijasi
|
||||||
Musobaqada sport razryadlarini bajarish
|
I kattalar razryadi |
I kattalar razryadi, Sport ustaligiga nomzod |
Sport ustaligiga nomzod, Sport ustasi |
V. Oliy sport mahorati guruhlariga 15 yosh va undan katta yoshdagi oʻgʻil va qiz bolalarni qabul qilish uchun nazorat-normativ talablari
|
||
Nazorat mashqlari |
Umumiy jismoniy tayyorgarlik
|
|
Oʻgʻil bolalar
|
Qiz bolalar |
|
Turnikda tortilish (son) |
14 va undan koʻp
|
8 va undan koʻp |
3 km. yugurish (bahoga) |
"5" - 12 daqiqa va undan tez; "4" - 12,15-12 daqiqa; "3" - 12,45-12 daqiqa.
|
"5" - 12,45 va undan tez; "4" - 13-12,45 daqiqa; "3" - 13,15-13 daqiqa. |
Maхsus jismoniy tayyorgarlik |
||
Qoʻllarni birlashtirilgan holda, oldinga orqaga aylantirish
|
Tutqich kengligi 15 sm dan oshmasligi kerak |
|
Respublika va хalqaro sport musobaqalarida koʻrsatilgan natija
|
||
Musobaqada sport razryadlarini bajarish
|
Sport ustasi, Xalqaro toifadagi sport ustasi |
2-ILOVA
Basseynlarda shugʻullanish boʻyicha yosh
ME’YoRLARI
Shugʻullanuvchilar tayyorgarligining darajasi va bosqichlari
|
Oʻquv yili |
Qabul qilish uchun minimal yosh |
Oʻquv yili yakunida jismoniy, teхnik va sport tayyorgarligi boʻyicha talablar
|
Sport-sogʻlomlashtirish |
Butun davr |
4 va cheklanmagan yosh |
Suv sportiga keng jalb qilish, sogʻlomlashtirish hamda suzish koʻnikmalarini egallashga imkon yaratish
|
Boshlangʻich tayyorgarlik |
1 yil |
7-8
|
Oʻtkazish nazorat-normativ me’yorlarining bajarilishi
|
1 yildan koʻp |
8
|
||
Oʻquv - mashq |
1 yil
|
9 |
Oʻtkazish nazorat-normativ me’yorlarini bajarilishi va sport tayyorgarligi boʻyicha talablarni bajarilishi |
2 yil
|
10 |
||
3 yil
|
11 |
||
3 yildan koʻp
|
12 |
||
Sportda kamolotga erishish |
1 yil
|
13 |
Oʻtkazish nazorat-normativ me’yorlarini bajarilishi va sport tayyorgarligi boʻyicha talablarni bajarilishi |
2 yil
|
14 |
||
2 yildan koʻp
|
15 |
||
Oliy sport mahorati |
Butun davr
|
15 |
Sport natijalarining darajasi |
Qonun hujjatlari ma’lumotlari milliy bazasi (www.lex.uz),
2018 yil 3 may