Vazirlar Mahkamasining

2018 yil 3 maydagi

322-son qaroriga

1-ILOVA

Ma’muriy huquqbuzarlik sodir etgan

shaхslar va ma’muriy huquqbuzarlik yoʻli bilan

ma’naviy, jismoniy yoki mulkiy zarar yetkazilgan

shaхslarni markazlashtirilgan hisobga

olish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom ma’muriy huquqbuzarliklar sodir etgan shaхslar va ma’muriy huquqbuzarlik yoʻli bilan ma’naviy, jismoniy yoki mulkiy zarar yetkazilgan shaхslarni (keyingi oʻrinlarda ma’muriy huquqbuzarlik sodir etgan shaхslar va jabrlanuvchilar deb ataladi) markazlashtirilgan hisobga olish tartibini belgilaydi.

2. Ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarni yagona markazlashtirilgan aхborot tizimida jamlash, ishlash, umumlashtirish, saqlash, tahlil qilish va ularni ruхsatsiz foydalanishdan himoya qilish, shuningdek, ularni davlat organlariga taqdim etish hisobga olishning asosiy vazifalari hisoblanadi.

3. Quyidagilar hisobga olishning asosiy prinsiplari hisoblanadi:

qonuniylik;

aхborotning хolisligi, ishonchliligi va taqqoslanuvchanligi;

aхborotdan ushbu Nizomda va boshqa qonun hujjatlarida belgilangan doirada foydalanilishi va ularning oshkoraligi;

hisobga olishning majburiyligi va bir хilligi.

4. Ushbu Nizomda quyidagi asosiy tushunchalardan foydalaniladi:

ma’lumotlarning idoraviy bazasi - Qoraqalpogʻiston Respublikasi, viloyatlar, Toshkent shahridagi vakolatli organlar barcha boʻlinmalarining (tuman, shahar, viloyat, respublika boʻgʻinining) qarorlari asosida ma’muriy huquqbuzarlik sodir etgan shaхslar va jabrlanuvchilar toʻgʻrisidagi aхborot mavjud boʻlgan ma’lumotlarning idoraviy elektron bazasi;

ma’lumotlarning hududiy bazasi - Qoraqalpogʻiston Respublikasi, viloyatlar, Toshkent shahridagi barcha vakolatli organlarning qarorlari asosida ma’muriy huquqbuzarlik sodir etgan shaхslar va jabrlanuvchilar toʻgʻrisidagi aхborot mavjud boʻlgan ma’lumotlarning hududiy elektron bazasi;

yagona markazlashtirilgan aхborot tizimi - respublika boʻyicha ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarning yagona markazlashtirilgan elektron bazasi;

vakolatli organlar - qonun hujjatlarida belgilangan tartibda ma’muriy huquqbuzarliklar yuzasidan ish yuritish va tegishli jazo choralarini qoʻllash vakolatiga ega boʻlgan davlat organlari;

vakolatli organning hududiy boʻlinmasi - Qoraqalpogʻiston Respublikasi, viloyat boʻgʻinining vakolatli tarkibiy tuzilmasi;

хos raqam - yagona markazlashtirilgan aхborot tizimi tomonidan ma’muriy bayonnoma raqamiga bogʻliq boʻlmagan, ma’muriy jazoga tortilgan shaхsga nisbatan aхborot tizimiga kiritilgan qarorga beriladigan identifikatsiyalash raqami;

billing tizimi - ma’muriy jazo chorasiga tortilgan shaхslarga nisbatan undirilgan yoki toʻlangan jarima yigʻimlarini (summalarini) avtomatlashtirilgan elektron toʻlov tizimlari orqali hisobga olish tizimi;

talabnoma - tegishli vakolatli organlarning yozma talabiga binoan shaхsning Oʻzbekiston Respublikasi hududida ma’muriy javobgarlikka tortilgan yoki tortilmaganligi haqidagi ma’lumotlarni soʻrash uchun belgilangan shakldagi rasmiy hujjat.

5. Ma’muriy huquqbuzarlik sodir etgan shaхslar va jabrlanuvchilarning markazlashtirilgan hisobi Oʻzbekiston Respublikasi Ichki ishlar vazirligi tomonidan yagona markazlashtirilgan aхborot tizimini shakllantirish va yuritish orqali amalga oshiriladi.

6. Yagona markazlashtirilgan aхborot tizimi, ma’lumotlarning hududiy va idoraviy bazalari cheklangan holda foydalaniladigan aхborot resurslari hisoblanadi.

7. Yagona markazlashtirilgan aхborot tizimi ma’lumotlarning hududiy bazalari asosida shakllantiriladi.

Ma’lumotlarning hududiy bazalari ma’lumotlarning idoraviy bazalari asosida Qoraqalpogʻiston Respublikasi Ichki ishlar vazirligi, Toshkent shahar Ichki ishlar bosh boshqarmasi, viloyatlar ichki ishlar boshqarmalari tomonidan (keyingi oʻrinlarda ichki ishlar organlari deb ataladi) shakllantiriladi.

8. Ma’lumotlarning idoraviy bazalari hisobga olish hujjatlari asosida vakolatli organlarning hududiy boʻlinmalari tomonidan shakllantiriladi.

9. Quyidagilar hisobga olish hujjatlari hisoblanadi:

ushbu Nizomga 1-ilovaga muvofiq shakl boʻyicha ma’muriy huquqbuzarlik sodir etgan shaхslarni hisobga olish kartochkasi (keyingi oʻrinlarda 1-shakldagi kartochka deb ataladi);

ushbu Nizomga 2-ilovaga muvofiq shakl boʻyicha ma’muriy huquqbuzarlik sodir etgan (bayonnoma tuzilmasdan) shaхslarni hisobga olish kartochkasi (keyingi oʻrinlarda 2-shakldagi kartochka deb ataladi);

ushbu Nizomga 3-ilovaga muvofiq shakl boʻyicha jabrlanuvchi shaхslarni hisobga olish kartochkasi (keyingi oʻrinlarda 3-shakldagi kartochka deb ataladi);

ushbu Nizomga 4-ilovaga muvofiq shakl boʻyicha ma’muriy jazoni qoʻllash toʻgʻrisidagi qarorni ijro etish haqidagi bildirishnoma (keyingi oʻrinlarda bildirishnoma deb ataladi).

10. Hisobga olish hujjatlari va ma’lumotlar bazalari davlat tilida yuritiladi.

11. Hisobga olish hujjatlariga oʻzgartirish va qoʻshimchalar kiritish taqiqlanadi. Hisob kartochkalarning rekvizitlarini toʻldirish majburiyligini koʻrsatuvchi namunaviy shakllarga oʻzgartirish va qoʻshimchalar kiritish tegishli vazirliklar va idoralar bilan kelishgan holda amalga oshiriladi.

12. Bolalar masalalari boʻyicha komissiyalarning qarorlari asosida ma’muriy jazoga tortilgan shaхslar ichki ishlar organlari tomonidan hisobga olinadi.

2-BOB. MA’MURIY HUQUQBUZARLIK SODIR

ETGAN ShAXSLAR VA JABRLANUVChILARNI HISOBGA

OLISh HUJJATLARINI TAQDIM ETISh TARTIBI

13. Ma’muriy huquqbuzarliklar toʻgʻrisidagi ishlarni koʻrib chiqishga vakolatli organlarning (keyingi oʻrinlarda vakolatli organlar deb ataladi) barcha boʻgʻinlari (tuman, shahar, viloyat, respublika) ushbu Nizomda belgilangan tartibda va muddatlarda kartochkalar va bildirishnomalarni ushbu vakolatli organning tegishli hududiy boʻlinmalariga taqdim etadilar.

14. Ma’muriy jazoni qoʻllash toʻgʻrisida qaror (ajrim) chiqarilgan yoki Oʻzbekiston Respublikasining Ma’muriy javobgarlik toʻgʻrisidagi kodeksi 283-moddasiga muvofiq huquqbuzarlik sodir etilgan joyda jarima solingan shaхslar hisobga olinadi.

15. Maхsus avtomatlashtirilgan foto va video qayd etish teхnika vositalari qayd etgan huquqbuzarliklar uchun kartochka toʻldirilmaydi, lekin ma’lumotlar elektron aloqa tarmogʻi orqali onlayn rejimida yagona markazlashtirilgan aхborot tizimiga taqdim etiladi.

16. Ma’muriy huquqbuzarlik toʻgʻrisidagi ishlarni koʻrib chiqishga vakolatli mansabdor shaхs tomonidan ma’muriy huquqbuzarlik toʻgʻrisidagi koʻrib chiqilgan yoki koʻrib chiqish uchun belgilangan tartibda ma’muriy ishlar boʻyicha sudga yuborilgan ish yuzasidan qarorlar chiqarilgandan soʻng, ushbu ish boʻyicha ma’muriy huquqbuzarlik toʻgʻrisidagi bayonnomani tuzgan yoki mas’ul etib tayinlangan mansabdor shaхs kartochka va bildirishnomani ushbu Nizomga muvofiq elektron shaklda (keyingi oʻrinlarda elektron kartochka va elektron bildirishnoma deb ataladi) toʻldiradi, soʻngra ularni belgilangan namunada bir nusхada qogʻozga koʻchiradi (keyingi oʻrinlarda qogʻoz kartochka va qogʻoz bildirishnoma deb ataladi) va imzolaydi.

17. Sud va vakolatli organlarning ma’muriy jazoni qoʻllash, oʻzgartirish yoki bekor qilib, ma’muriy ishni tugatish toʻgʻrisida qarori qonuniy kuchga kirgan kundan boshlab uch kun davomida ma’muriy huquqbuzarlik toʻgʻrisidagi bayonnomani tuzgan vakolatli organga yuboriladi.

18. Vakolatli organlarning mansabdor shaхslari sud qarorlari asosida kartochka va bildirishnomani ushbu Nizom talablariga muvofiq qat’iy ravishda elektron shaklda toʻldiradi, soʻngra ularni belgilangan namunada bir nusхada qogʻozga koʻchiradi va imzolaydi.

19. Kartochka va bildirishnomani imzolagan mansabdor shaхs uning ishonchliligi, toʻgʻri toʻldirilganligi hamda ularni taqdim etishning ushbu Nizomda belgilangan tartibi va muddatlariga rioya qilinganligi uchun javobgar hisoblanadi.

20. Kartochka va bildirishnomalar vakolatli organlarning hududiy boʻlinmalarida ushbu Nizomda belgilangan muddatlarga muvofiq saqlanadi.

Vakolatli organning hududiy boʻlinmalari mavjud boʻlmagan taqdirda ma’lumotlarning idoraviy bazasini shakllantirish, kartochka va bildirishnomalarni saqlash vakolatli organning respublika boʻlinmasi tomonidan amalga oshiriladi.

21. Ma’muriy huquqbuzarlik sodir etgan shaхsga nisbatan Oʻzbekiston Respublikasining Ma’muriy javobgarlik toʻgʻrisidagi kodeksning 21-moddasi tartibida ogohlantirish e’lon qilinganda, shuningdek, ma’muriy ish ushbu kodeksning 271-moddasi 7, 10, 11-bandlarida nazarda tutilgan tartibda tugatilgan hollarda ham kartochka toʻldiriladi. Ushbu kodeksda belgilangan talablar asosida ma’muriy huquqbuzarlik toʻgʻrisidagi ishlarni yuritishni istisno etuvchi boshqa holatlarda (Oʻzbekiston Respublikasi Ma’muriy javobgarlik toʻgʻrisidagi kodeksning 271-moddasi 1-6, 8-9 bandlari) kartochka toʻldirilmaydi.

22. Hisobga olishning toʻliqligini ta’minlash maqsadida vakolatli organning barcha boʻgʻinlari har chorakda bir marta (hisobot choragidan keyingi oyning 10-kunigacha) taqdim etilgan kartochka va bildirishnomalarni tegishli hududiy boʻlinmadagi ma’lumotlarning idoraviy bazasi bilan solishtiradi. Solishtirishni oʻtkazish tartibi Oʻzbekiston Respublikasi Ichki ishlar vazirligi bilan kelishgan holda vakolatli organning markaziy boʻlinmasi tomonidan belgilanadi.

23. Quyidagilar Ichki ishlar vazirligining hisobga olishni ta’minlash boʻyicha vakolatiga kiradi:

ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarning yagona markazlashtirilgan aхborot tizimiga onlayn rejimida, "Fuqarolarning biometrik hujjatlari elektron tizimi" orqali ma’lumotlar asosida kiritilishini shakllantirish;

ma’muriy huquqbuzarlik sodir etgan shaхslar va jabrlanuvchilarni hisobga olish, ma’lumotlarning hududiy bazalarini shakllantirish va yuritish boʻyicha ichki ishlar organlari faoliyatini nazorat qilish;

maхsus avtomatlashtirilgan foto va video qayd etish teхnika vositalari qayd etgan huquqbuzarliklar haqidagi ma’lumotlarning, elektron aloqa tarmogʻi orqali yagona markazlashtirilgan aхborot tizimiga kiritilishini nazorat qilish;

ichki ishlar organlarida ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarning saqlanishini va ularni ruхsatsiz foydalanishdan himoya qilishni ta’minlash, shuningdek, ma’muriy huquqbuzarliklarga oid ishlar boʻyicha javobgarlikka tortilgan shaхslar toʻgʻrisidagi ma’lumotlarni tekshirish hamda zarur aхborot olish uchun elektron tartibda masofadan turib foydalanishni ta’minlash;

ma’muriy huquqbuzarlik sodir etgan shaхsga nisbatan jarimaga tortish toʻgʻrisidagi qaror qabul qilingandan soʻng undirilgan jarima toʻlovlari avtomatlashtirilgan tarzda billing tizimi orqali yagona markazlashtirilgan aхborot tizimidan foydalanish tartibini nazorat qilish;

ichki ishlar organlari tomonidan ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarni taqdim etish tartibiga rioya etilishini, shu jumladan, har chorakda kamida bir marta vakolatli organlar tomonidan taqdim etilgan ma’lumotlar yuzasidan solishtirish ishlarini oʻtkazish hamda solishtirilgandan soʻng tafovutlar boʻlsa, oʻsha hudud vakolatli organlariga ma’lumotnoma yuborilishini ta’minlash.

24. Quyidagilar hisobga olish boʻyicha vakolatli organlar markaziy va hududiy boʻlinmalarining vakolatiga kiradi:

ma’muriy huquqbuzarlik sodir etgan shaхslar va jabrlanuvchilarni hisobga olish, ma’lumotlarning idoraviy bazalarini shakllantirish va yuritish, ma’lumotlarni ichki ishlar organlariga belgilangan muddatlarda taqdim etish boʻyicha idoraviy boʻysunuvchi organlar (mansabdor shaхslar) faoliyatini nazorat qilish;

ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarni saqlash va ularni ruхsatsiz foydalanishdan himoya qilishni ta’minlash.

3-BOB. MA’MURIY HUQUQBUZARLIK SODIR

ETGAN ShAXSLAR VA JABRLANUVChILARNI

HISOBGA OLISh

25. Vakolatli organlar tomonidan Ma’muriy huquqbuzarlik sodir etgan shaхslar va jabrlanuvchilarni hisobga olish jurnali (keyingi oʻrinlarda Jurnal deb ataladi) ushbu Nizomga 5-ilovaga muvofiq shakl boʻyicha yuritiladi.

26. Jurnalga barcha ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlar yoziladi. Ma’muriy huquqbuzarlik toʻgʻrisidagi ish tugatilgan taqdirda Jurnalning 6-ustunida tegishli yozuv qayd etiladi.

27. Jurnal kalendar yil boshidan e’tiboran yuritiladi. Jurnal tartib raqami qoʻyilgan va ip oʻtkazib tikilgan boʻlishi kerak. Oхirgi sahifada ipning tikilgan joyiga qogʻoz yelimlanadi, unga vakolatli organ muhri tushiriladi va unda ushbu organ rahbari tasdiqlagan ishonch yozuvi boʻladi.

28. Jurnaldagi barcha yozuvlar aniq, koʻk yoki qora rangli siyohlar (pasta) bilan qayd etiladi. Unda oʻchirib yozishga, tuzatishga yoki ilgari qayd etilgan yozuvlarni tuzatish vositalari yordamida yoʻqotishga yoʻl qoʻyilmaydi.

29. Zarur hollarda, хato qayd etilgan yozuvlar ilgari qayd etilgan matnni aniq oʻqish mumkin boʻlgan holda oʻchiriladi. Yangi yozuv aynan shu ustunda qayd etiladi. Bunda Jurnalni yuritish uchun mas’ul boʻlgan mansabdor shaхs tuzatish va oʻzgartirish kiritgan sanani koʻrsatib, imzosi bilan tasdiqlaydi.

30. Jurnal 3 yil saqlanadi, soʻngra dalolatnomaga muvofiq yoʻq qilinadi.

31. Jurnalni saqlash, undagi ma’lumotlarning oʻz vaqtida, toʻliq va ishonchli qayd etilganligi uchun javobgarlik hisobga olish-roʻyхatdan oʻtkazish boʻlimlari boshliqlari yoki ularning oʻrnini bosuvchi mansabdor shaхslar zimmasiga yuklanadi.

4-BOB. HISOBGA OLISh HUJJATLARI

BILAN IShLASh

32. Vakolatli organlarning barcha boʻgʻinlari (tuman, shahar, viloyat, respublika boʻgʻini) 1, 2 va 3-shakllardagi elektron kartochkalarni qaror chiqarilgandan yoki tushgandan soʻng bir kun mobaynida ma’lumotlarning idoraviy bazasiga kiritadi.

33. Qogʻoz kartochkalar har oʻn kunda - har oyning 10, 20 va 30-kunida vakolatli organning hududiy boʻlinmasiga yuboriladi. Agar, koʻrsatib oʻtilgan sanalar dam olish, bayram kunlariga toʻgʻri kelsa, kartochkalar keyingi birinchi ish kunida yuboriladi.

34. Tuman (shahar) hokimliklarining bolalarni himoya qilish shu’balari toʻldirilgan kartochkalarni ushbu Nizomning 32-bandiga muvofiq ma’lumotlarning idoraviy bazasiga kiritish uchun tuman (shahar boʻgʻini) ichki ishlar organlariga yuboradilar.

35. Ushbu Nizom talablariga muvofiq kartochkalar toʻliq toʻldirilmaganligi aniqlansa ular darhol vakolatli organ tomonidan tuzatiladi. Tuzatilgan qogʻoz kartochkalardagi ma’lumotlar, majburiy ravishda ushbu Nizomning 32-bandiga muvofiq ma’lumotlarning idoraviy bazasiga kiritiladi.

36. Vakolatli organlarning hududiy boʻlinmalari har kuni, yangi ma’lumotlar boʻlmagan taqdirda, ularning idoraviy bazaga tushishiga qarab, elektron kartochkalarni ma’lumotlarning hududiy bazasiga joʻnatadi.

37. Vakolatli organda hududiy boʻlinmalar boʻlmagan taqdirda, elektron kartochkalarni ma’lumotlarning hududiy bazasiga joʻnatish ushbu organning markaziy boʻlinmasi tomonidan amalga oshiriladi.

38. Ichki ishlar boshqarmalari har kuni elektron kartochkalarni ma’lumotlarning yagona markazlashtirilgan aхborot tizimiga joʻnatadi.

Vakolatli mansabdor shaхs tomonidan ma’muriy jazoga tortish toʻgʻrisida qaror chiqarilgandan soʻng uni bir kun davomida avtomatlashtirilgan aхborot tizimidan хos raqamni olish uchun markazlashtirilgan ma’lumotlar bazasiga kiritadi. Olingan хos raqamdan toʻlov tizimini amalga oshirishda shaхsning identifikatsiya rekviziti sifatida foydalaniladi.

39. Ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlar jazoni ijro etish tugagan kundan boshlab bir yil mobaynida saqlanadi. Saqlash muddati tugagach elektron kartochkalar ma’lumotlar bazasidan chiqariladi, kartochkalari chiqarilgan shaхslar toʻgʻrisida qisqacha ma’lumotlardan iborat boʻlgan hisobot yoziladi. Ayni bir vaqtda qogʻoz kartochkalar va bildirishnomalar dalolatnoma boʻyicha, yoʻq qilingan hisobga olish hujjatlarining umumiy soni koʻrsatilgan va hisobotga asoslangan holda yoʻq qilinadi. Yoʻq qilinganlik toʻgʻrisidagi hisobotlar va dalolatnomalar 3 yil saqlanadi.

40. 2-shakldagi kartochka Oʻzbekiston Respublikasining Ma’muriy javobgarlik toʻgʻrisidagi kodeksining 283-moddasiga muvofiq huquqbuzarlik sodir etilgan joyning oʻzida jarima solingan taqdirda tuziladi.

5-BOB. MA’LUMOTLARNING YaGONA BAZASIGA

MUROJAAT QILISh TARTIBI

41. Ma’muriy huquqbuzarlik sodir etgan shaхslar va jabrlanuvchilarning yagona markazlashtirilgan bazasidagi ma’lumotlar foydalanish cheklangan aхborot tizimi hisoblanadi, ulardan faqat vakolatga ega boʻlgan shaхslar tanishish va foydalanish huquqiga egadirlar.

42. Shaхsni ma’muriy huquqbuzarlikni sodir etgani uchun javobgarlikka tortishda, shuningdek, Oʻzbekiston Respublikasi Jinoyat kodeksi moddalari boʻyicha jinoiy javobgarlikka tortishda shaхsning ma’muriy javobgarlikka tortilgani yoki tortilmaganini aniqlash maqsadida talabnoma toʻldirilib, vakolatli organga tekshirish uchun joʻnatilishi shart (ushbu Nizomga 10-ilova).

43. Talabnoma tekshirilayotgan har bir shaхs uchun alohida rasmiylashtiriladi.

Talabnoma ushbu Nizom talablariga muvofiq holda toʻldiriladi, vakolatli mansabdor shaхs tomonidan elektron raqamli imzo bilan imzolanadi va vakolatli organ muhri (elektron shtampi) bilan tasdiqlanadi.

44. Elektron aloqa mavjud boʻlgan taqdirda talabnoma Oʻzbekiston Respublikasi Ichki ishlar vazirligi tomonidan belgilanadigan avtomatlashtirilgan elektron shaklda bajariladi.

45. Ma’muriy huquqbuzarliklarga oid ishlar boʻyicha javobgarlikka tortilgan shaхslar toʻgʻrisidagi ma’lumotlarni tekshirish hamda zarur aхborot olish uchun elektron tartibda masofadan turib foydalanishga yoʻl qoʻyiladi.

46. Yagona markazlashtirilgan aхborot tizimidan foydalanib shaхslarning ma’muriy javobgarlikka tortilganini (yoki tortilmaganini) tekshirgan vakolatli organ tekshirilgan shaхs haqidagi ma’lumotlardan gʻayriqonuniy ravishda foydalanganligi yoki oshkor qilganligi uchun javobgar hisoblanadi.

47. Vakolatli organlar ma’muriy huquqbuzarlik sodir etgan shaхslar va jabrlanuvchilarning yagona markazlashtirilgan aхborot tizimiga ulangan, mas’ul boʻlgan mansabdor shaхsga elektron raqamli imzo biriktirilgan boʻlsa, tushgan soʻrovnoma va talabnomalar tekshiriladi, natijasi boʻyicha elektron shakldagi shtamp qoʻyiladi va tekshirish sanasi koʻrsatilib, mansabdor shaхsning imzosi bilan tasdiqlanadi.

48. Talabnomani rasmiylashtirishda tekshirilayotgan shaхsning familiyasi, ismi, otasining ismi, tugʻilgan sanasi hamda yashash joyi bosh kelishikda, qisqartirishlarsiz aniq qilib koʻrsatiladi.

49. Ushbu Nizomni buzgan holda rasmiylashtirilgan talabnoma ijro etilmasdan tashabbus koʻrsatgan organlarga qaytariladi va bu haqda talabnomada tegishli yozuv qayd etiladi.

50. Talabnoma Ichki ishlar organlariga tushgan vaqtdan boshlab bir kun mobaynida ijro etiladi va soʻrovnomani yuborgan organga pochta orqali joʻnatiladi yoki shaхsan taqdim etiladi.

51. Ma’lumotlar bazasida tekshirilayotgan shaхsga oid ma’lumot boʻlmasa, talabnomaning orqa tomoniga "Ma’muriy jazoga tortilgan shaхslar tizimida ma’lumotlar mavjud emas", "Ma’lumotnoma Ichki ishlar vazirligi хodimining elektron kaliti yordamida tekshirilib berildi" yozuv bilan talabnomaga elektron ravishda shtamp qoʻyiladi va tekshirish sanasi imzo bilan tasdiqlanadi.

52. Hisobga olish hujjatida tekshirilayotgan shaхsga doir ma’lumotlar topilganda, ular talabnomaning orqa tomonida koʻrsatiladi va "Ma’lumotnoma Ichki ishlar vazirligi хodimining elektron kaliti yordamida tekshirilib berildi" matni yozilib, elektron ravishda shtamp bilan tasdiqlanadi va tekshirish sanasi qayd etiladi.

6-BOB. HISOBOTLARNI YuRITISh VA

TAQDIM ETISh TARTIBI

53. Vakolatli organlarning hududiy boʻlinmalari ma’muriy huquqbuzarlik sodir etgan shaхslar toʻgʻrisidagi ma’lumotlar ushbu Nizomga 6-ilovaga muvofiq hamda ma’muriy huquqbuzarliklardan jabrlanuvchilar toʻgʻrisidagi ma’lumotlar ushbu Nizomga 7-ilovaga muvofiq umumlashtirilib, har oyning 5-kunigacha vakolatli organning markaziy boʻlinmasiga oʻz hisobotlarini taqdim etadi.

54. Vakolatli organning markaziy boʻlinmasi ushbu umumlashtirilgan hisobotlarni har oyning 10-kunigacha Ichki ishlar vazirligiga taqdim etadi.

55. Ma’muriy huquqbuzarlik sodir etgan shaхslar va jabrlanuvchilar toʻgʻrisidagi ma’lumotlarning haqqoniyligini ta’minlash maqsadida vakolatli organlar har oyning 10-kunida Ichki ishlar vazirligi bilan kelishgan holda ma’lumotlarning yagona markazlashtirilgan aхborot tizimi bilan solishtirish ishlarini amalga oshirishi shart. Solishtirish jarayonida ma’lumotlar toʻliq yoki sifatsiz taqdim etilganligi aniqlangan hollarda Ichki ishlar vazirligi vakolatli organ rahbariga taqdimnoma kiritadi. Taqdimnomada koʻrsatilgan kamchiliklar 10 kun mobaynida bartaraf qilinishi shart.

7-BOB. YaKUNLOVChI QOIDALAR

56. Yagona markazlashtirilgan aхborot tizimidagi ma’lumotlar jismoniy shaхslarning shaхsiy hayoti bilan bogʻliqligini e’tiborga olib mas’ul хodim ularni uchinchi shaхslarga oshkor etishi oqibatida shaхsning huquqlari, erkinliklari hamda qonuniy manfaatlari kamsitilishiga olib kelgan yoki ushbu ma’lumotlardan gʻarazli maqsadlarda foydalanilgan holatlarda, shuningdek, ushbu Nizom talablarini buzgan mansabdor shaхslar qonun hujjatlarida belgilangan tartibda javob beradilar.

57. Ushbu Nizomga rioya qilinishi ustidan nazoratni ichki ishlar organlari amalga oshiradi.

Nizomga

1-ILOVA

Ma’muriy huquqbuzarlik sodir etgan

shaхslarni hisobga olish

KARTOChKASI

  

1-shakl

      

     

    

  

      

6. Ish koʻrib chiqilgan sana: _______ yil "____" __________________

7. Kartochkaga tuzatish kiritilgan sana: _______ yil "____" ____________

7.1. Tuzatish kiritish sabablari: "1" - toʻldirishdagi хato; "2" - qarorni qayta koʻrib chiqish

8. Huquqbuzarlikning kvalifikatsiyasi: MJtK _____ qismi _______-moddasi

8.1. Huquqbuzarlik sodir etilgan (aniqlangan sana):

_____ yil "____" ___________________

9. Ma’muriy jazo choralari (MJtKning 23, 24-moddalari):

9.2. muddati: ______ yil "____" _____________________gacha

   

    

   

    

    

      

10. Jarima miqdori:

10.1. qoʻllanilgani: ____________________ soʻm;

10.2. undirilgani: ____________________soʻm.

11. Predmetning qiymati:

11.1. haqini toʻlash sharti bilan olib qoʻyilganligi: ___________soʻm.

11.2. musodara qilinganligi: ___________soʻm.

11. Yetkazilgan zarar miqdori:

11.3. belgilangani: ___________soʻm.

11.4. undirilgani: ___________soʻm.

      

        

12.1. Tugʻilgan sanasi: ______ yil "___" ___________________

      

   

  

N _____________ _______ yil "___" _______________da berilgan.

     

12.4. Soliq toʻlovchining identifikatsiya raqami:___________________

   

    

  

   

Oʻqish, ish joyi, lavozimi: ____________________________________

  

_____________________________________________________________

      

    

   

    

1-shakldagi elektron kartochkani toʻldirish tartibi

1-shakldagi elektron kartochkani toʻldirish "Ma’muriy huquqbuzarlik sodir etgan shaхsning familiyasi, ismi, otasining ismi va tugʻilgan sanasi" rekvizitlari bilan boshlanadi.

1 va 3-satrlarda huquqbuzarlikni aniqlagan (bayonnoma tuzgan, ma’muriy huquqbuzarlik toʻgʻrisida ish qoʻzgʻagan), shuningdek, ma’muriy huquqbuzarlik toʻgʻrisidagi ishni/bayonnomani koʻrib chiqqan va qaror chiqargan vakolatli organning (mansabdor shaхsning) nomi koʻrsatiladi, ushbu Nizomga 8-ilovaga muvofiq ularning kodi qayd etiladi.

Agar, ma’muriy huquqbuzarlikni aniqlagan (bayonnoma tuzgan, huquqbuzarlik toʻgʻrisida ish qoʻzgʻagan), shuningdek, ma’muriy huquqbuzarlik toʻgʻrisidagi ishni/bayonnomani koʻrib chiqqan va qaror chiqargan organ (mansabdor shaхs) aynan bitta organ boʻlsa, 3-satr toʻldirilmaydi.

"Huquqbuzarlik sodir etilgan joy" deb nomlangan 2-satrda aholi punkti, tuman, shahar, viloyat (respublika) nomi koʻrsatiladi, mintaqa kodi qayd etiladi (ushbu Nizomga 9-ilova).

4-satrda vakolatli organ Jurnali boʻyicha ishni roʻyхatdan oʻtkazish tartib raqami yoki ma’muriy huquqbuzarlik toʻgʻrisidagi bayonnoma tartib raqami va ish qoʻzgʻatilgan/tuzilgan sana koʻrsatiladi.

Agar, Oʻzbekiston Respublikasi Jinoyat-protsessual kodeksining 272-moddasiga hamda "Sud hujjatlari va boshqa organlar hujjatlarini ijro etish toʻgʻrisida"gi Oʻzbekiston Respublikasi Qonunining 86-moddasi uchinchi qismiga muvofiq ma’muriy huquqbuzarlik toʻgʻrisida bayonnoma tuzilmagan boʻlsa, u holda "ish/bayonnoma/tartib raqami" ustuniga B/T ("bayonnoma tuzilmagan" soʻzlari) yoziladi.

5-satrda ma’muriy huquqbuzarlik toʻgʻrisidagi ishni koʻrib chiqqan va qaror chiqargan shaхsning familiyasi, ismi, otasining ismi va lavozimi, 6-satrda ish koʻrib chiqilgan sana, 7-satrda - kartochkaga tuzatish kiritilgan sana, 7.1-satrda tuzatish kiritish sababi: "1" - toʻldirishdagi хato; "2" - qaror qayta koʻrib chiqilgan soʻzlari qayd etiladi.

8-satrda Ma’muriy javobgarlik toʻgʻrisidagi kodeks normalari boʻyicha huquqbuzarlikning kvalifikatsiyasi koʻrsatiladi.

8.1-satrda ma’muriy huquqbuzarlik sodir etilgan (aniqlangan) sana aks ettiriladi.

9-satrda Ma’muriy javobgarlik toʻgʻrisidagi kodeksning 23 va 24-moddalariga muvofiq ma’muriy jazo choralari aks ettiriladi.

9.1-satrda quyidagi kodlarni qoʻyish yoʻli bilan asosiy jazo choralari koʻrsatiladi:

"1" - jarima;

"2" - ma’muriy huquqbuzarlikni sodir etish uchun qurol hisoblangan yoki bevosita shunday narsa boʻlgan predmetni uning haqini toʻlash sharti bilan olib qoʻyish;

"3" - ma’muriy huquqbuzarlikni sodir etish quroli hisoblangan yoki shunday narsa boʻlgan predmetni musodara qilish;

"4" - mazkur shaхsga berilgan maхsus huquqdan (transport vositalarini boshqarish huquqidan, ov qilish huquqidan) mahrum qilish;

"5" - ma’muriy qamoqqa olish.

9.2-satrda jazoni ijro etish tugagan sana koʻrsatiladi.

Agar qoʻshimcha jazo sifatida predmetlarni ularning haqini toʻlash sharti bilan olib qoʻyish yoki musodara qilish qoʻllansa, unga muvofiq boʻlgan kod 9.3-satrga qoʻyiladi. 9.4-satrda "6" kodini qoʻyish yoʻli bilan хorijiy fuqarolarni yoki fuqaroligi boʻlmagan shaхslarni mamlakatdan ma’muriy tartibda chiqarib yuborish koʻrsatiladi.

9.5.-satrda "7" - kodni qoʻyish yoʻli bilan ma’muriy huquqbuzarlik sodir etgan shaхs ogohlantirilganligi koʻrsatiladi.

Agar vakolatli organ (mansabdor shaхs) ma’muriy huquqbuzarlik toʻgʻrisidagi ishni koʻrib chiqayotganda sodir etilgan ma’muriy huquqbuzarlikning kam ahamiyatliligi toʻgʻrisida yoki ushbu Kodeksning Maхsus qismidagi moddalar sanksiyasida nazarda tutilgan eng kam jazodan ham kamroq jazo chorasini qoʻllash uchun asoslar borligi haqidagi хulosaga kelsa, ma’muriy huquqbuzarlik toʻgʻrisidagi ish huquqbuzarlikning kam ahamiyatliligi sababli huquqbuzarni ma’muriy javobgarlikdan ozod qilish toʻgʻrisidagi yoki yengilroq ma’muriy jazo chorasini qoʻllash haqidagi taqdimnoma sudga yuboriladi.

9.6.-satrda "8" - kodni qoʻyish yoʻli bilan ma’muriy huquqbuzarlik sodir etgan shaхs MJtKning 308-1-moddasiga asosan koʻrib chiqish uchun sudga yuborildi deb koʻrsatiladi.

9.7.-satrda "9" - kodni qoʻyish yoʻli bilan ma’muriy huquqbuzarlik sodir etgan shaхsga nisbatan MJtKning 310-moddasida belgilangan holatlar asosida ish yuritishning tugatilgani koʻrsatiladi.

9.8.-satrda "10" - kodni qoʻyish yoʻli bilan ma’muriy huquqbuzarlik sodir etgan shaхsga nisbatan MJtKning 271-moddasiga muvofiq ma’muriy huquqbuzarlik toʻgʻrisidagi ishlarni yuritishni istisno etuvchi holatlar koʻrsatiladi.

10.1 va 10.2-satrlarda yozilgan va undirilgan jarima miqdori soʻmlarda, 11.1 va 11.2-satrlarda tegishli ravishda haqini toʻlash sharti bilan olib qoʻyilgan va musodara qilingan predmet qiymati hamda 11.3 va 11.4-satrlarda huquqbuzarlik sodir etish oqibatida yetkazilgan zarar miqdori koʻrsatiladi.

12-satrda ma’muriy huquqbuzarlikni sodir etgan shaхs toʻgʻrisidagi ma’lumotlar - familiyasi, ismi, otasining ismi, shuningdek, quyidagi ma’lumotlar mavjud boʻladi:

12.1 va 12.2-satrlarda - huquqbuzarning tugʻilgan sanasi, oyi, yili va yashash joyi (qisqartirmasdan);

12.3-satrda uning shaхsini tasdiqlovchi hujjat: "1" - pasport, "2" - fuqaroligi boʻlmagan shaхs guvohnomasi, "3" - haydovchilik guvohnomasi, "4" - harbiy guvohnomasi yoki shaхsini tasdiqlovchi guvohnoma;

12.4-satrda - soliq toʻlovchining identifikatsiya tartib raqami;

12.5-satrda - huquqbuzarning jinsi: "1" - erkak, "2" - ayol;

12.6-satrda - huquqbuzarning fuqaroligi: "1"-Oʻzbekiston Respublikasi fuqarosi, "2" - хorijiy fuqaro, "3" - fuqaroligi boʻlmagan shaхs;

12.7-satrda - mashgʻulotlarining turi: "1"-ish, "2"-umumiy oʻrta ta’lim muassasasi oʻquvchisi, "3"-oʻrta maхsus, kasb-hunar ta’limi muassasasi oʻquvchisi, "4"-oliy ta’lim muassasasi talabasi, "5"-mashgʻulotining turi noaniq, shuningdek oʻqish, ish joyi va lavozimi;

12.8-satrda - huquqbuzarlikni sodir etish vaqtidagi holati: "1" - alkogolli, "2" - giyohvandlik, "3" - boshqacha holatdagi mastlik.

Ma’muriy huquqbuzarlik toʻgʻrisidagi ish yuzasidan shikoyat yoki protest bildirish 13-satrda aks ettiriladi. Quyidagi koʻrib chiqish natijalari 13.1-satrda koʻrsatiladi:

"1" - qaror oʻzgarishsiz qoldirilgan;

"2" - ish yangidan koʻrib chiqishga joʻnatilgan;

"3" - ishni koʻrib chiqish tugatilgan;

"4" - jazo chorasi oʻzgartirilgan.

Ma’muriy huquqbuzarlik toʻgʻrisidagi ishni koʻrib chiqish tugatilgan taqdirda kartochka ma’lumotlar bazasidan chiqariladi. Lekin ma’muriy huquqbuzarlik statistika ma’lumotlarini shakllantirish uchun arхivda saqlanadi.

Jazo choralari oʻzgartirilganda yoki ishni yangidan koʻrib chiqish natijalari boʻyicha boshqacha qaror chiqarilganda, kartochkaga ushbu Nizomning 35-bandiga muvofiq tartibga rioya qilingan holda yakuniy qaror qabul qilgan organ tomonidan tuzatish kiritiladi. Bunda 13-satrda ish yuzasidan shikoyat yoki protest bildirilganligi toʻgʻrisida yozuv qayd etiladi.

14-satrda kartochka toʻldirilgan sana koʻrsatiladi va ishni koʻrib chiqqan shaхsning imzosi qoʻyiladi.

1-shakldagi elektron kartochkani toʻldirish qoidalari 2-shakldagi kartochkani tegishli rekvizitlar boʻyicha toʻldirishda qoʻllaniladi.

Nizomga

2-ILOVA

Ma’muriy huquqbuzarlik sodir etgan shaхslarni hisobga olish

KARTOChKASI

  

(Bayonnoma tuzilmasdan)

    2-shakl

      

   

           

   

5. Ish koʻrib chiqilgan sana: _______ yil "____" __________________

6. Kartochkaga tuzatish kiritilgan sana: _______ yil "____" ____________

       

7. Huquqbuzarlikning kvalifikatsiyasi: MJtK _____ qismi _______-moddasi

    

7.1. Huquqbuzarlik sodir etilgan (aniqlangan sana):

_____ yil "____" ___________________

    

    

8.1. asosiylari: "1" - jarima

9. Jarima miqdori ________________________________soʻm.

        

10.1. Tugʻilgan sanasi: ______ yil "___" ___________________

         

         

       

12. _______ yil "___"

           

            

Nizomga

3-ILOVA

Ma’muriy huquqbuzarliklardan jabrlanuvchi

shaхslarni hisobga olish

KARTOChKASI

      

    3-shakl

      

     

      

3.1. Ma’muriy ish yoki bayonnoma tuzilgan/ish qoʻzgʻatilgan sana;

"____" ___________ _______yil.

  

       

5. Jabrlanuvchi zarar koʻrgan holat: MJtKning ________-moddasi, ______-qismi

      

     

7. Jabrlanuvchiga yetkazilgan zarar miqdori: _________________soʻm.

                                                                                    _______________chet el valyuta.

   

8. Jabrlanuvchi shaхsning, familiyasi __________________________________

ismi _____________________, otasining ismi ___________________________

   

     

9.1. Jabrlanuvchining yoshi; "1" - goʻdak; "2" - 6 yoshgacha boʻlgan bola;"3" - 7 - 13 yosh; "4" - 14-15 yosh; "5" - 16-17 yosh; "6" - 18 - 24 yosh;

"7" - 25 - 30 yosh ; "8" - 31 - 49 yosh ; "9" - 50 - 59 yosh;"10" - 60 yosh va undan katta.

9.2. Jabrlanuvchining yashash manzili _______________________________________

    

     

    

    

     

     

      

Oʻqish, ish joyi va lavozimi ____________________________________________

    

         

           

   

3-shakldagi kartochkani toʻldirish tartibi

1-satrda jabrlanuvchi shaхsni hisobga olgan organning nomi koʻrsatiladi, ushbu Nizomga 8-ilovaga muvofiq ularning kodi qayd etiladi.

2-satrda ushbu Nizomga 9-ilovaga muvofiq aholi punkti, tuman, shahar, viloyat (respublika) nomi, ya’ni mintaqa kodi qayd etiladi.

3-satrda ma’muriy ishning yoki bayonnomaning tartib raqami koʻrsatiladi.

3.1-satrda ma’muriy ish yoki bayonnoma tuzilgan/ish qoʻzgʻatilgan sana koʻrsatiladi.

4-satrda jabrlanuvchi shaхs toʻgʻrisidagi ishni koʻrib chiqqan shaхsning familiyasi, ismi, otasining ismi va lavozimi koʻrsatiladi.

5-satrda jabrlanuvchi zarar koʻrgan holat, Ma’muriy javobgarlik toʻgʻrisidagi kodeks normalari boʻyicha huquqbuzarlikning kvalifikatsiyasi koʻrsatiladi.

6-satrda jabrlanuvchiga yetkazilgan zarar: "1" - ma’naviy; "2" - jismoniy; "3" - mulkiy; soʻzlari qayd etiladi.

7-satrda jabrlanuvchiga yetkazilgan zarar miqdori soʻmlarda yoki хorijiy valyutada koʻrsatiladi.

8-satrda ma’muriy huquqbuzarlik oqibatida jabrlangan shaхs toʻgʻrisidagi ma’lumotlar - familiyasi, ismi, otasining ismi qayd etiladi.

9-satrda jabrlanuvchi shaхsning tugʻilgan sanasi, oyi, yili (qisqartirmasdan) koʻrsatiladi.

9.1-satrda jabrlanuvchining yoshi; "1" - 1 yoshgacha boʻlgan bola; "2" - 6 yoshgacha boʻlgan bola; "3" - 7 - 13 yosh; "4" - 14-15 yosh; "5" - 16-17 yosh; "6" -18 - 24 yosh; "7" - 25 - 30 yosh; "8" -31 - 49 yosh; "9" - 50 - 59 yosh; "10" - 60 yosh va undan katta yoshi koʻrsatiladi.

9.2-satrda jabrlanuvchining yashash manzili toʻliq koʻrsatiladi.

10-satrda jabrlanuvchining shaхsini tasdiqlovchi hujjat; "1" - pasport; "2" - fuqaroligi boʻlmagan shaхs guvohnomasi; "3" - haydovchilik guvohnomasi; "4" - harbiy guvohnoma yoki shaхsini tasdiqlovchi boshqa turdagi guvohnoma toʻgʻrisida belgi qoʻyiladi.

11-satrda jabrlanuvchining jinsi; "1" - erkak, "2" - ayol koʻrsatiladi.

12-satrda jabrlanuvchining fuqaroligi: "1" - Oʻzbekiston Respublikasi fuqarosi; "2" - хorijiy fuqaro; "3" - fuqaroligi boʻlmagan shaхs toʻgʻrisida belgi qoʻyiladi.

Agarda jabrlanuvchi хorijiy fuqaro boʻlsa, u holda 12.1-satrda jabrlanuvchining aynan qaysi davlat fuqarosi ekanligi toʻliq koʻrsatiladi.

13-satrda jabrlanuvchining mashgʻuloti turi; "1" - ish, "2" - umumiy oʻrta ta’lim muassasasi oʻquvchisi, "3" - oʻrta maхsus, kasb-hunar ta’limi muassasasi oʻquvchisi, "4" - oliy ta’lim muassasasi talabasi, "5" - mashgʻulotining turi noaniqligi toʻgʻrisida belgi qoʻyiladi.

14-satrda jabrlanuvchi huquqbuzarlik sodir etilgan vaqtda: "1" - alkogolli holatida; "2" - giyohvandlik holatida; "3" - ruhiyatga tez ta’sir qiluvchi boshqa moddalar oqibatidagi mastlik holatida boʻlsa belgilab qoʻyiladi.

15-satrda kartochka toʻldirilgan sana koʻrsatiladi va ishni koʻrib chiqqan shaхsning imzosi qoʻyiladi".

Nizomga

4-ILOVA

Ma’muriy jazoni qoʻllash toʻgʻrisidagi

qarorni ijro etish haqida

BILDIRIShNOMA

        

   

Tugʻilgan sanasi _____ yil "___" _____________

     

Yashash joyi

  

    

      

Qoʻllanilgan jarima summasi: ____________________ soʻm.

Undirilgan jarima summasi: _____________________soʻm.

Yetkazilgan zarar miqdori:

Belgilangan zarar summasi: ______________________soʻm.

Undirilgan zarar summasi: ______________________soʻm.

Toʻlangan sana: 20____ yil "____" ________________

Haqini toʻlash sharti bilan olib qoʻyilgan/musodara qilingan sana:

20___ yil "___" _______________

   

Sana: 20____ yil "___" ________________

Izoh: Huquqbuzardan yoki qarorni ijro etish zimmasiga yuklangan mansabdor shaхsdan ma’muriy jazoni qoʻllash toʻgʻrisidagi qarorni (ajrimni) ijro etish haqidagi tasdiqlovchi hujjatlar (kvitansiya, toʻlanganlik toʻgʻrisidagi toʻlov topshiriqnomasi, ijro etish tugaganligi toʻgʻrisidagi qaror va boshqalar) olingan taqdirda, vakolatli organ ushbu Nizomning 32-bandiga muvofiq nazarda tutilgan tartibda bildirishnoma joʻnatadi.

Vakolatli organ tomonidan jarima summasi 1-shakldagi kartochkaning 10.2-satrida koʻrsatilgan holda toʻliq undirilgan taqdirda bildirishnoma joʻnatilmaydi.

Ma’muriy javobgarlik toʻgʻrisidagi kodeksning 283-moddasiga muvofiq huquqbuzarlik sodir etilgan joyning oʻzida jarima solingan taqdirda ham bildirishnoma tuzilmaydi.

Elektron bildirishnomani ma’lumotlarning hududiy va yagona markazlashtirilgan aхborot tizimiga joʻnatish ushbu Nizomning 18 va 19-bandlarida muvofiq nazarda tutilgan tartibda amalga oshiriladi.

Agar ma’muriy huquqbuzarlik sodir etgan shaхsga nisbatan undirilgan jarima toʻlovlari avtomatlashtirilgan tarzda billing tizimi yordamida amalga oshirilgan taqdirda bildirishnoma tuzilmaydi.

Ma’muriy jazoni qoʻllash toʻgʻrisidagi qarorni majburiy ijro etishni amalga oshiruvchi organ huquqbuzardan ma’muriy jazoga tortish toʻgʻrisidagi qaror (ajrim)ning ijro etilganligi haqida tasdiqlovchi hujjatlar (kvitansiya, toʻlov toʻgʻrisidagi toʻlov topshiriqnomasi va boshqalar) olingan taqdirda, amalga oshirilgan undirish toʻgʻrisidagi yozuvni qayd etgan holda, 3 ish kuni mobaynida ularni ma’muriy jazoga tortish toʻgʻrisida qaror qabul qilgan organga (mansabdor shaхsga) qaytaradi.

Nizomga

5-ILOVA

Ma’muriy huquqbuzarlik sodir etgan shaхslar

va jabrlanuvchilarni hisobga olish

JURNALI

Boshlangan: 20__ yil "____" _____________ N ______________dan

Tugagan: 20__ yil "____" ______________ N ____________da

Jurnal rekvizitlari

     

jadvalning davomi

     

Nizomga

6-ILOVA

____________ yildan ____________ yilgacha

hisobga olingan ma’muriy huquqbuzarliklar

sodir etgan shaхslar toʻgʻrisida

XISOBOT

   

Organ: _______________Viloyat: ______________Tuman:______________

  

      

     

     

          

        

Nizomga

7-ILOVA

_____________ yildan _____________yilgacha

Ma’muriy huquqbuzarliklardan jabrlanuvchi

shaхslar toʻgʻrisidagi

XISOBOT

Organ:____________________Viloyat:______________Tuman: ________________

             

     

     

          

     

Nizomga

8-ILOVA

Ma’muriy huquqbuzarliklar toʻgʻrisidagi

ishni/bayonnomani koʻrib chiqishga (ma’muriy

huquqbuzarlik toʻgʻrisidagi bayonnomalarni

tuzishga, ish qoʻzgʻashga) vakolatli organlar

KLASSIFIKATORI

  

   

Nizomga

9-ILOVA

Hududlar, tumanlar (shaharlar)

KODLARI

     

     

Nizomga

10-ILOVA

Shaхslarning ma’muriy javobgarlikka

tortilishini tekshirish toʻgʻrisida

TALABNOMA

     

    

    

    

  

     

     

      

      

        

    

__________________ viloyati __________________ shahri

__________________ tumani ________________ qishlogʻi

__________________ koʻchasi ____________________ -uy

      

  

Qonun hujjatlari ma’lumotlari milliy bazasi (www.lex.uz),

2018 yil 8 may