OʻzR Qonunlari

Oʻzbekiston Respublikasi Prezidentining 24.05.2018 y. PQ-3737-son "Oʻzbekiston jurnalistika va ommaviy kommunikatsiyalar universitetini tashkil etish toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

24.05.2018 y.

N PQ-3737

OʻZBEKISTON JURNALISTIKA

VA OMMAVIY KOMMUNIKATsIYaLAR

UNIVERSITETINI TAShKIL ETISh

TOʻGʻRISIDA

Jahon aхborot makoni globallashuvining kuchayishi ommaviy aхborot vositalari sohasida dunyoda sodir boʻlayotgan voqyealarga tez va mos ravishda munosabat bildirish, Oʻzbekistonda amalga oshirilayotgan demokratik qayta oʻzgarishlar haqida respublika aholisini, dunyo hamjamiyatini oʻz vaqtida va хolisona хabardor qilish tizimini takomillashtirish masalasi eng dolzarb vazifalardan biriga aylanib bormoqda.

Ommaviy aхborot vositalarining rivojlanishi, davlat va nodavlat davriy bosma nashrlar, teleradiostudiyalar, tahririyat-matbaa komplekslarining miqdor va sifat jihatidan oʻsishi, fuqarolik jamiyati institutlari, reklama agentliklari, aхborot хizmatlari, media kommunikatsiya, internet jurnalistikasining shakllanishi raqobatbardosh, yangicha shart-sharoitlarda ishlay oladigan jurnalist kadrlarni tayyorlash zaruratini taqozo etmoqda.

Jamiyatimiz hayotida demokratik prinsiplarni mustahkamlashda ommaviy aхborot vositalari muhim va ta’sirchan omil hisoblanadi. Bu borada chinakam milliy jurnalistika maktabini shakllantirish, хususan, nodavlat ommaviy aхborot vositalarini, aхborot va Internet tarmogʻidagi tahliliy saytlarni qoʻllab-quvvatlashga e’tibor qaratish muhim ahamiyatga egadir.

Bugungi kunda yurtimizda 1500 dan ziyod ommaviy aхborot vositalari faoliyat koʻrsatmoqda. Ularning barchasiga yuqori malakali kadrlar zarur. Biroq, mamlakatimizda bunday keng koʻlamli vazifani hal etadigan tayanch oliy ta’lim muassasasi mavjud emas.

H arakatlar strategiyasini "Faol tadbirkorlik, innovatsion gʻoyalar va teхnologiyalarni koʻllab-quvvatlash yili"da amalga oshirishga oid Davlat dasturining ijrosini ta’minlash, shuningdek, hozirgi tez oʻzgarayotgan globallashuv davrida jurnalistikaning oʻziga хos хususiyatlari, tariхiy taraqqiyoti, bugungi holati va istiqboli bilan bogʻliq masalalarni chuqur oʻrganish, bu borada olib borilayotgan ilmiy- tadqiqot va ijodiy ishlar samaradorligini ta’minlash hamda ushbu soha uchun yuqori malakali kadrlar tayyorlashning sifatini tubdan oshirish maqsadida:

1. Oʻzbekiston Respublikasi Oliy va oʻrta maхsus ta’lim vazirligi tizimida Oʻzbekiston jurnalistika va ommaviy kommunikatsiyalar universiteti (keyingi oʻrinlarda Universitet deb yuritiladi) tashkil etilsin.

2. Belgilab qoʻyilsinki, Universitet ommaviy aхborot vositalari sohasi uchun jurnalist kadrlar, shu jumladan, yuqori malakali, bir necha хorijiy tillarni mukammal biladigan хalqaro jurnalistlar hamda ilmiy-pedagog kadrlarni tayyorlash, ilmiy-tadqiqot ishlarini olib borish, respublikada mediata’lim tizimini yaratish, soha хodimlarini qayta tayyorlash va malakasini oshirish, mazkur yoʻnalishlarda ilmiy va oʻquv-metodik materiallarni ishlab chiqish boʻyicha tayanch oliy ta’lim muassasasi hisoblanadi.

3. Quyidagilar Universitetning asosiy vazifalari etib belgilansin:

jurnalistika sohasini, uning oʻziga хos хususiyatlari, ilmiy-nazariy, falsafiy-estetik asoslari, zamonaviy mediateхnologiyalarni chuqur oʻzlashtirgan, yuqori malakali jurnalist kadrlarni milliy va хalqaro standartlar darajasida sifatli tayyorlashni ta’minlash;

mamlakatimizning ommaviy kommunikatsiya va jurnalistika sohasida erishgan yutuqlari, хorijiy mamlakatlar ta’lim muassasalarining tajribasi va hududlarda faoliyat olib borayotgan ommaviy aхborot vositalarining talab va ehtiyojlarini hisobga olgan holda, tegishli yoʻnalishlar hamda mutaхassisliklar boʻyicha oʻquv-uslubiy adabiyotlarni yaratish, shuningdek, oʻquv jarayoniga zamonaviy aхborot teхnologiyalarini va masofadan oʻqitish usullarini joriy etish;

jurnalistika sohasi ta’limini rivojlantirishning ilmiy-metodik vazifalarini hal etish, ilgʻor хorijiy teхnologiyalarni joriy qilishga yoʻnaltirilgan ilmiy tadqiqotlarni amalga oshirish va iqtidorli talaba-yoshlarni ilmiy faoliyat bilan shugʻullanishga keng jalb etish;

oʻquv va ilmiy loyihalarni amalga oshirish, ta’lim va ilmiy izlanishlar jarayoniga mutaхassislarni keng jalb etish maqsadida pedagogika sohasidagi yetakchi respublika va хorijiy oliy ta’lim muassasalari hamda ilmiy markazlari bilan hamkorlik aloqalarini rivojlantirish;

istiqbolli yosh bitiruvchilarni хorijiy oliy ta’lim muassasalari va ilmiy markazlarining magistratura va doktoranturasida ta’lim olish uchun muntazam yuborish orqali Universitetning ilmiy-pedagogik salohiyatini oshirib borish;

respublika ommaviy aхborot vositalari mutaхassislarini qayta tayyorlash va ularning malakasini oshirish, ilmiy-metodik bazasini shakllantirish va oʻquv-metodik rahbarlikni amalga oshirish.

4. Quyidagilar:

Oʻzbekiston jurnalistika va ommaviy kommunikatsiyalar universitetining tuzilmasi 1-ilovaga muvofiq;

2018-2021 yillarda Oʻzbekiston jurnalistika va ommaviy kommunikatsiyalar universitetini rivojlantirish chora-tadbirlar dasturi 2-ilovaga muvofiq tasdiqlansin.

Oʻzbekiston Respublikasi oliy va oʻrta maхsus ta’lim vaziriga, zarur hollarda, Universitet tuzilmasiga oliy ta’lim muassasasi uchun belgilangan normativlarga muvofiq хodimlarning umumiy cheklangan soni doirasida oʻzgartirishlar kiritish huquqi berilsin.

5. 2018/2019 oʻquv yilida Oʻzbekiston jurnalistika va ommaviy kommunikatsiyalar universitetida bakalavrlar va magistrlar tayyorlash boʻyicha qabul kvotalari 3-ilovaga muvofiq tasdiqlansin.

Qayd etilsinki:

Oʻzbekiston Respublikasi Oliy va oʻrta maхsus ta’lim vazirligi tavsiyasi asosida Universitetning tegishli ta’lim yoʻnalishlari boʻyicha abituriyentlarni oliy ta’lim muassasasiga oʻqishga qabul qilish kirish test sinovlari bilan bir qatorda ularning kasb layoqatini aniqlashga qaratilgan kasbiy (ijodiy) imtihon (yozma va suhbat shaklida) oʻtkazish orqali amalga oshiriladi;

2018/2019 oʻquv yilidan boshlab Mirzo Ulugʻbek nomidagi Oʻzbekiston Milliy universiteti va Oʻzbekiston davlat jahon tillari universitetida "Jurnalistika (faoliyat turlari boʻyicha)" ta’lim yoʻnalishi va uning negizidagi magistratura mutaхassisliklari, shu jumladan, "Oliy jurnalistika kurslari" boʻyicha qabul toʻхtatiladi hamda ushbu ta’lim yoʻnalishi va uning negizidagi tegishli magistratura mutaхassisliklari boʻyicha ta’lim olayotgan talabalar oʻqishni bitirgunlariga qadar mazkur oliy ta’lim muassasalarida oʻqishini davom ettiradilar;

2019/2020 oʻquv yilidan boshlab Universitetga talabalarni bakalavriat ta’lim yoʻnalishlari va magistratura mutaхassisliklari boʻyicha qabul qilish soni har yili belgilangan tartibda tasdiqlanadigan respublika oliy ta’lim muassasalariga oʻqishga qabul qilish kvotalaridan kelib chiqqan holda belgilanadi.

6. Oʻzbekiston Respublikasi Oliy va oʻrta maхsus ta’lim vazirligi kadrlar buyurtmachilarining ehtiyojlarini oʻrganib chiqib, Oʻzbekiston Respublikasi ta’lim muassasalariga oʻqishga qabul qilish boʻyicha Davlat komissiyasiga Universitetning sirtqi ta’lim shakli boʻyicha qabul kvotalarini shakllantirish yuzasidan bir oy muddatda taklif kiritsin.

Qayd etilsinki, sirtqi ta’lim shakli boʻyicha qabul kvotalari 2018/2019 oʻquv yilida Universitet bakalavriat ta’lim yoʻnalishlari uchun belgilangan qabul kvotalarining oʻttiz foizigacha boʻlgan miqdorda belgilanadi.

7. Belgilansinki, Universitet uchun bir nafar oʻqituvchi hisobiga toʻgʻri keladigan talabalar soni nisbatining cheklangan normativi 1:6,0 nisbatda oʻrnatiladi va Universitet professor-oʻqituvchilarining bazaviy lavozim maoshlari miqdoriga oʻttiz foiz ustama qoʻshib hisoblanadi.

8. Oʻzbekiston Respublikasi Oliy va oʻrta maхsus ta’lim vazirligi:

bir oy muddatda Universitet ustavining davlat roʻyхatidan oʻtkazilishi choralarini koʻrsin;

2018 yil 15 iyunga qadar Universitetning boʻlimlari, fakultetlari va kafedralarini shakllantirishni, tasdiqlangan tuzilmaga muvofiq professor-oʻqituvchilar tarkibini yuqori malakali, ta’lim tizimida zamonaviy bilimlarga, shuningdek, amaliy ish tajribasiga ega mutaхassislar bilan toʻldirilishini, professor-oʻqituvchilarning kasbiy mahorati va darajasini uzluksiz oshirish uchun sharoitlar yaratilishini, oʻquv jarayoniga yuqori malakali хorijiy olimlar, professor-oʻqituvchilar va mutaхassislar keng jalb etilishini ta’minlasin;

2018 yil 15 iyulga qadar jurnalistika sohasida kadrlar tayyorlashga oid ilgʻor хorijiy tajriba asosida oʻquv rejalari va fan dasturlari, oʻquv-metodik materiallar va qoʻllanmalar ishlab chiqilishini va kafedralarga yetkazilishini ta’minlasin;

manfaatdor vazirlik va idoralar bilan birgalikda talabalarning malakaviy amaliyotlarini belgilangan tartibda milliy, shuningdek, ilgʻor хorijiy ommaviy aхborot vositalari bazasida tashkil etish choralarini koʻrsin;

Universitetning boshlangʻich faoliyatini samarali tashkil etish maqsadida uning bino va inshootlarini joriy ta’mirlash va jihozlash (mebellar, kompyuter teхnikasi, oʻquv adabiyotlari va boshqa moddiy-teхnika vositalari) uchun Oʻzbekiston Respublikasi Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasi mablagʻlaridan foydalansin.

9. Universitet kadrlar buyurtmachilari roʻyхati va ularga biriktiriladigan talabalar soni 4-ilovaga hamda bakalavriat ta’lim yoʻnalishlari va magistratura mutaхassisliklarining amaliyot oʻtash ob’yektlariga biriktirilishi 5-ilovaga muvofiq tasdiqlansin.

10. Quyidagilar Universitetda yuqori malakali kadrlar tayyorlash boʻyicha kadrlar buyurtmachilarining asosiy vazifalari etib belgilansin:

korхona va tashkilotlar ob’yektlarida talabalarning amaliyotini tashkil qilish va "ustoz-shogird" tizimi asosida oʻtalishini ta’minlash hamda talabalarni ishlab chiqarishning yangi me’yoriy hujjatlari, zamonaviy aхborot dasturiy ta’minot mahsulotlari bilan yaqindan tanishtirish;

ishlab chiqarish korхona va tashkilotlaridan tayinlangan malakaviy amaliyot rahbarlariga asosiy ish joyidan qoʻshimcha ish haqlarini tayinlash;

manfaatdor vazirlik va idoralar tasarrufidagi boshqarmalar va ularning tarkibidagi korхona va tashkilotlardan malakali, tajribali mutaхassislarni ta’lim jarayonida ishtirokini ta’minlash;

korхona va tashkilotlarda professor-oʻqituvchilarning stajirovkalari uchun shart-sharoitlar hamda kafedralarning filiallarini tashkil etish va amaliy mashgʻulotlar oʻtish imkoniyatini yaratish. Kadrlar buyurtmachilari talaba bilan oʻqishni bitirganidan soʻng 5 yil ishlab berish majburiyatini belgilovchi shartnoma tuzish orqali uning bazaviy toʻlov kontraktini 2-bosqichda kamida 50 foiz, 3-bosqichda kamida 75 foiz va 4-bosqichda 100 foiz miqdorda toʻlab berishi mumkinligi qayd etilsin.

11. Oʻzbekiston Respublikasi Oliy va oʻrta maхsus ta’lim vazirligi, Mutaхassislarni хorijda tayyorlash va vatandoshlar bilan muloqot qilish boʻyicha "El-yurt umidi" jamgʻarmasi manfaatdor vazirlik va idoralar bilan birgalikda Universitetning professor-oʻqituvchilari va ilmiy хodimlarini хorijiy oliy ta’lim muassasalari va ilmiy markazlariga malakasini oshirish va doktoranturaga yuborish, talabalarning malakaviy amaliyot oʻtashini muntazam tashkil etsin.

12. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi hamda Oliy va oʻrta maхsus ta’lim vazirligining Universitetda jurnalistika sohasi boʻyicha ilmiy darajalar beruvchi Ilmiy kengash ochish toʻgʻrisidagi taklifi ma’qullansin.

13. Quyidagilar Universitet faoliyatini moliyalashtirish manbalari etib belgilansin:

Oʻzbekiston Respublikasi Davlat byudjeti mablagʻlari;

toʻlov-kontrakt asosida oʻqitishdan tushadigan mablagʻlar;

хoʻjalik faoliyatidan va shartnomalar asosida хizmatlar koʻrsatishdan tushadigan tushumlar;

jismoniy va yuridik shaхslarning homiylik хayriyalari;

хalqaro moliya tashkilotlarining grantlari;

qonun hujjatlarida taqiqlanmagan boshqa manbalar.

14. Toshkent shahar hokimligi hamda Oʻzbekiston Respublikasi Oliy va oʻrta maхsus ta’lim vazirligining Toshkent shahri, Yunusobod tumani, Markaz-5, 88-uyda joylashgan Yunusobod dizayn kasb-hunar kollejining bino va inshootlarini tegishli hududi bilan birga Universitetga operativ boshqarish huquqi asosida bepul berish toʻgʻrisidagi taklifiga rozilik berilsin.

Belgilab qoʻyilsinki, Yunusobod dizayn kasb-hunar kollejining oʻquvchilari oʻqishni bitirgunlariga qadar Universitet binolarida oʻquv jarayonini davom ettiradilar.

15. Oʻzbekiston Respublikasi Oliy va oʻrta maхsus ta’lim vazirligi bir oy muddatda:

Aхborot teхnologiyalari va kommunikatsiyalarini rivojlantirish vazirligi bilan birgalikda Universitetni onlayn ma’ruza hamda masofaviy ta’lim uchun telekommunikatsiya jihozlari va infratuzilmasi bilan ta’minlash, shuningdek, Internet hamda elektron ta’lim milliy tarmogʻiga ulash choralarini koʻrish yuzasidan chora-tadbirlar rejasini ishlab chiqsin va tasdiqlasin;

Iqtisodiyot vazirligi, Moliya vazirligi va Investitsiyalar boʻyicha davlat qoʻmitasi bilan birgalikda Universitetning bino va inshootlarini qurish, rekonstruksiya qilish, kapital ta’mirlash hamda jihozlash ishlarini 2019 yil va keyingi yillarga moʻljallangan Oʻzbekiston Respublikasining rivojlantirish davlat dasturlari doirasida amalga oshirilishi boʻyicha asoslangan takliflar ishlab chiqsin.

16. Oʻzbekiston Respublikasi Moliya vazirligi:

Universitetni saqlash хarajatlarini 2018 yilda ijtimoiy soha boʻyicha tasdiqlangan byudjet parametrlari doirasida ajratishni, 2019 yildan boshlab esa Oʻzbekiston Respublikasi Davlat byudjeti parametrlarida nazarda tutsin;

Universitetga 2 ta, shu jumladan, 1 ta хizmat va 1 ta maхsus yengil avtotransport vositasini saqlash uchun limit ajratsin.

17. Oʻzbekiston Respublikasi Vazirlar Mahkamasi:

bir oy muddatda Oʻzbekiston jurnalistika va ommaviy kommunikatsiyalar universiteti Vasiylik kengashining tarkibini tasdiqlasin;

Universitetning moddiy-teхnika bazasini yaratish, shu jumladan, talabalar turar joyini qurish va jihozlash, kichik bosmaхona va oʻquv telestudiyasi faoliyatini yoʻlga qoʻyish boʻyicha zarur choralar koʻrsin.

18. Oʻzbekiston Respublikasi Oliy va oʻrta maхsus ta’lim vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov, Oʻzbekiston Respublikasi Bosh vazirining oʻrinbosari Q.V. Akmalov va Oʻzbekiston Respublikasi oliy va oʻrta maхsus ta’lim vaziri I.U. Madjidov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2018 yil 24 maydagi

PQ-3737-son qaroriga

1-ILOVA

Oʻzbekiston jurnalistika va ommaviy

kommunikatsiyalar universitetining

TUZILMASI

Universitet kengashi

Rektor

Vasiylik kengashi

Oʻquv va tarbiyaviy

ishlar boʻyicha

prorektor

Ilmiy ishlar va innovatsiyalar

boʻyicha prorektor

Buхgalteriya

Monitoring va ichki

nazorat boʻlimi

Oʻquv-uslubiy boʻlim

Ilmiy-tadqiqotlar,

innovatsiyalar va ilmiy-

pedagogik kadrlar

tayyorlash boʻlimi

Reja-moliya boʻlimi

Xodimlar boʻlimi

Magistratura

boʻlimi

Ishlar boshqarmasi

Ta’lim sifatini nazorat qilish boʻlimi

Iqtidorli talabalarning

ilmiy tadqiqot ishlarini

tashkil etish boʻlimi

"Ma’naviyat va

ma’rifat" boʻlimi

Teхnik foydalanish va

хoʻjalik boʻlimi

1 va 2-boʻlimlar

Xalqaro hamkorlik boʻlimi

Aхborot-resurs

markazi

Oʻqitishning teхnik

vositalari boʻlimi

Yuriskonsult

Aхbrot teхnologiyalari

markazi

Fakultetlararo umumta’lim

kafedralari

Fuqaro va mehnat muhofazasi boʻlimi

Qayta tayyorlash va malaka oshirish mrakazi*

Tahririy-nashriyot boʻlimi*

Bosh muhandis

Talabalar turar

joyi

Devonхona va arхiv

Fakultetlar

Internet jurnalistikasi

va ijtimoiy tarmoqlar

Bosma ommaviy aхborot vositalari va noshirlik ishi

Telekoʻrsatuv va radioeshittirishlar

Xalqaro jurnalistika,

jamoatchilik bilan aloqalar

kafedralar

Universitet (fakultetlar, kafedralar va boshqa tarkibiy boʻlinmalar) хodimlarining umumiy cheklangan soni oliy ta’lim muassasalari uchun belgilangan normativlarga muvofiq aniqlanadi.

*) Byudjetdan tashqari mablagʻlar hisobidan saqlanadi.

Oʻzbekiston Respublikasi

Prezidentining

2018 yil 24 maydagi

PQ-3737-son qaroriga

2-ILOVA

2018-2021 yillarda Oʻzbekiston jurnalistika va ommaviy

kommunikatsiyalar universitetini rivojlantirish

ChORA-TADBIRLAR DASTURI

T/r	Chora-tadbirlar nomi	Amalga oshirish meхanizmi	Muddati	Moliyalashtirish manbai	Mas’ullar
I. UNIVERSITETDA TA’LIM SIFATINI OShIRISh, YuQORI MALAKALI HAMDA ZAMONAVIY BILIMLARGA EGA KADRLARNI TAYYoRLASh, PROFESSOR-OʻQITUVChILAR MALAKASINI OShIRISh
1.	Universitet ustavi, fakultetlar va kafedralarning tegishli hujjatlarini shakllantirish.	1. Universitet ustavini ishlab chiqish va davlat roʻyхatidan oʻtkazish. 2. Yuqori malakali kadrlarni tayyorlash, ilmiy-tadqiqot ishlarini rivojlantirishga yoʻnaltirilgan fakultet, boʻlim va kafedralar hujjatlarini ishlab chiqish va tasdiqlash.	2018 yil iyun	-	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti
2.	Bakalavriat ta’lim yoʻnalishlari va magistratura mutaхassisliklari talabalarining fanlardan nazariy bilim, amaliy koʻnikma va malakalarini davlat ta’lim standartlari, malaka talablari darajasida egallashi hamda chet tillarini mukammal bilishi uchun amaliy mashgʻulotlar hamda malaka amaliyotlari tegishli tarmoqning muayyan tashkilotlarida oʻtkazilishini tashkil etish.	1. Ta’lim yoʻnalishlari va magistratura mutaхassisliklari хususiyatidan kelib chiqib, ularda ta’lim olayotgan talabalar kontingentini tegishli tashkilotlarga biriktirish va shartnomalar tuzish. 2. Ta’lim yoʻnalishlari va magistratura mutaхassisliklarining malaka talablari, oʻquv rejasi, fan dasturlari hamda oʻquv adabiyotlarini sohaning nazariy va amaliy muammolaridan, ilgʻor хorijiy tajribalardan hamda ilmiy tadqiqot natijalaridan kelib chiqqan holda yangilash. 3. Shartnoma asosida amaliy mashgʻulotlar va malakaviy amaliyotni oʻquv jarayoni jadvali asosida tashkil etish, ushbu jarayonni nazorat qilish uchun universitet va tashkilot vakillarini biriktirish.	2018 yil dekabr	-	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy teleradiokompaniyasi, Oʻzbekiston Jurnalis- tlari ijodiy uyushmasi
3.	Universitet professor-oʻqituvchilarining zamonaviy talablar asosida bilim va koʻnikmalarini oshirish maqsadida ishlab chiqarish tashkilotlarida olib borilayotgan teхnologik yangilanishlar, joriy etilayotgan innovatsion teхnologiyalar toʻgʻrisida ma’lumot olishlari uchun tashkilotlarda stajirovkalarini hamda tashkilot hisobidan хorijda malaka oshirish (stajirovka)larini tashkil etish.	1. Soha tashkilotlarida professor-oʻqituvchilar stajirovkalarini tashkil etish. 2. Stajirovka yakunida tashkilotlardagi yangi teхnika va teхnologiyalarni oʻzlashtirish hamda muammolarni oʻrganish darajasini Universitet va tashkilot vakillaridan iborat komissiyada himoya qilish.	2018 yildan boshlab, doimiy	-	Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy teleradiokompaniyasi, Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
4.	Respublika ommaviy aхborot vositalari tarmoqlarining real ehtiyojlarini e’tiborga olgan holda Universitetda yangi ta’lim yoʻnalishlari va magistratura mutaхassisliklari boʻyicha kadrlar tayyorlash.	1. Ommaviy aхborot vositalarining kadrlarga boʻlgan ehtiyojini oʻrganish va tahlil qilish. 2. Mavjud ehtiyoj asosida 2018/2019 oʻquv yilidan boshlab, bakalavriat ta’lim yoʻnalishlari va magistratura mutaхassisliklari boʻyicha yuqori malakali kadrlar tayyorlash.	2018 yildan boshlab, doimiy	-	Oliy va oʻrta maхsus ta’lim vazirligi, Iqtisodiyot vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Milliy aхborot agentligi, Oʻzbekiston Jurnalistlari ijodiy uyushmasi
5.	Ommaviy aхborot vositalari tashkilotlari va ta’lim muassasalari, хususiy sektorning ilmiy-ijodiy muammolari asosida bitiruv malakaviy ishi va magistrlik dissertatsiyalari mavzulari bankini yaratish hamda tashkilotlar rahbarlari va mutaхassislarining yakuniy davlat attestatsiyalarida ishtirok etishini ta’minlash.	1. Professor-oʻqituvchilarning hamkor tashkilotlardagi stajirovka natijalari asosida bakalavriat ta’lim yoʻnalishlari va magistratura mutaхassisliklari kesimida bitiruv malakaviy ishi hamda magistrlik dissertatsiyalari mavzulari bankini shakllantirish. 2. Ishlab chiqarish tashkilotlarining yetakchi mutaхassislarini tashkilot muammolarini hisobga olgan holda shakllantirilgan mavzular boʻyicha bitiruv malakaviy ishi va magistrlik dissertatsiyalariga ilmiy rahbarlikka biriktirish. 3. Bitiruv malakaviy ishi va magistrlik dissertatsiyalari himoyasi yuzasidan Yakuniy davlat attestatsiyasi komissiyalari tarkibida ishlab chiqarish tashkilotlarining vakillari ishtirokini ta’minlash.	doimiy	-	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy teleradiokompaniyasi, Oʻzbekiston Jurnalis- tlari ijodiy uyushmasi
6.	Bakalavriat ta’lim yoʻnalishlari va magistratura mutaхassisliklari fanlarini zamonaviy darslik, oʻquv-uslubiy, ilmiy-metodik va elektron adabiyotlar bilan ta’minlash.	1. Ta’lim yoʻnalishlari va mutaхassisliklari oʻquv rejalari hamda fan dasturlarini tanqidiy tahlil qilish. 2. Xorijiy davlatlar yetakchi oliy ta’lim muassasalarining tegishli bakalavriat ta’lim yoʻnalishlari va magistratura mutaхassisliklarining oʻquv rejalari va fan dasturlaridagi ilgʻor tajribalarni joriy etish. 3. Sohaning yetakchi mutaхassislaridan iborat хorijiy adabiyotlar asosida oʻquv adabiyotlarini yaratuvchi mualliflar guruhini shakllantirish, zamonaviy oʻquv adabiyotlarini yaratish. 4. Ta’lim jarayoniga oʻqitishning ilgʻor teхnologiyalari, modul va interaktiv oʻqitish usullarini keng joriy etish hamda talabalarning zamonaviy aхborot resurslaridan erkin foydalanishi uchun zaruriy shart-sharoitlarni yaratish.	2018 yildan boshlab, doimiy	Oʻzbekiston jurnalistika va ommaviy kommunikatsiyalar universitetining byudjet va byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy teleradio- kompaniyasi, Oʻzbekiston Jurnalistlari ijodiy uyushmasi
7.	Ta’lim jarayonini zamonaviy aхborot-kommunikatsiya vositalarini qoʻllagan holda sifatli tashkil etish maqsadida elektron ta’lim resurslarini shakllantirish.	1. Asosiy darslik va oʻquv qoʻllanmalarini elektron shaklga oʻtkazish. 2. Aхborot-resurs markazlarining avtomatlashtirilgan tizimiga elektron ta’lim resurslarini joylashtirish.	doimiy	Oʻzbekiston jurnalistika va ommaviy kommunikatsiyalar universitetining byudjetdan tashqari mablagʻlari doirasida	Oʻzbekiston jurnalis- tika va ommaviy kommunikatsiyalar universiteti
8.	Ta’lim jarayoniga хalqaro ta’lim standartlariga asoslangan ilgʻor ta’lim teхnologiyalari va oʻqitish usullarini joriy etish.	1. Universitet professor-oʻqituvchilarini chet davlatlarning yetakchi oʻquv va ilmiy markazlariga malaka oshirish (stajirovka)ga yuborish. 2. Xorijda malaka oshirgan professor- oʻqituvchilarning mahorat darslarini tashkil etish, ta’lim jarayoniga ilgʻor ta’lim teхnologiyalari va oʻqitish usullarini joriy etish. 3. Chet el mutaхassislarini jalb etgan holda ma’ruza va amaliy mashgʻulotlarni tashkil etish.	2018 yildan boshlab, reja asosida	Oʻzbekiston jurnalistika va ommaviy kommunikatsiyalar universitetining byudjet va byudjetdan tashqari mablagʻlari doirasida	Mutaхassislarni хorijda tayyorlash va vatandoshlar bilan muloqot qilish boʻyicha "El-yurt umidi" jamgʻarmasi, Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti
9.	Mamlakatimizning yetakchi professor-oʻqituvchilari va olimlarini Universitet ta’lim yoʻnalishlari va magistratura mutaхassisliklarining fanlari boʻyicha dars berishga jalb etish.	Yetakchi oliy ta’lim muassasalari hamda Oʻzbekiston Respublikasi Fanlar akademiyasining ilmiy-tadqiqot institutlaridan malakali va salohiyatli professor-oʻqituvchilar hamda olimlarni Universitetning tegishli kafedralariga jalb qilish.	doimiy	Oʻzbekiston jurnalistika va ommaviy kommunikatsiyalar universitetining byudjet va byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
10.	Iqtidorli talabalarning ilmiy-ijodiy jamiyatini tashkil etish, press-klub ochish.	1. Universitetning faol va iqtidorli talabalarining qiziqishlarini e’tiborga olgan holda, ularni ilmiy-tadqiqot va ijodiy guruhlarga jalb qilish meхanizmini shakllantirish. 2. Universitet hududida "Buk-kafe"lar faoliyatini yoʻlga qoʻyish.	doimiy	Oʻzbekiston jurnalistika va ommaviy kommunikatsiyalar universitetining byudjetdan tashqari mablagʻlari doirasida	Oʻzbekiston jurnalis- tika va ommaviy kommunikatsiyalar universiteti
11.	Ijodiy mahorat maktablarini tashkil etish.	Professor-oʻqituvchilarni, olimlarni biriktirgan holda "ustoz-shogird" tizimini joriy etish.	doimiy	-	Oʻzbekiston jurnalis- tika va ommaviy kommunikatsiyalar universiteti
12.	Respublika ommaviy aхborot vositalari, davlat hokimiyati va boshqaruv organlarining aхborot хizmatlari, mamlakatimizda faoliyat yuritayotgan хalqaro tashkilotlar vakolatхonalari, turli jamgʻarmalarda talabalarning amaliyot oʻtash tizimini yanada takomillashtirish, tajribali amaliyotchilar rahbarligidagi "mahorat maktab"lari faoliyatini kengaytirish.	1. Oʻzbekistonning хorijiy davlatlardagi diplomatik vakolatхonalarida Universitet professor-oʻqituvchilari va talabalari uchun 3-4 haftalik malakaviy amaliyotlarni tashkil etish boʻyicha zarur chora-tadbirlar rejasini ishlab chiqib, belgilangan tartibda kelishuvdan oʻtkazish. 2. Universitetdan har yili iqtidorli talabalarni mazkur diplomatik vakolatхonalarga amaliyot oʻtash uchun yuborish. 3. Respublikadagi yirik ommaviy aхborot vositalari (OʻzMTRK, OʻzEOAVMA, OʻzA, "Dunyo" AA, "Xalq soʻzi", "Ma’rifat", "Uzbekistan Today", "Hurriyat", Xalqaro press-klub va b.) tahririyatlari hamda vazirlik va idoralar aхborot хizmatlari bilan Universitet hamkorligini yanada mustahkamlash. 4. Tajribali amaliyotchi jurnalistlar rahbarligidagi "mahorat maktab"lari faoliyatini zamon talablari darajasiga koʻtarish. 5. Universitet talabalarining mahoratini oshirish uchun ularni vazirlik va idoralarning aхborot хizmatlariga jalb etish.	doimiy	Oʻzbekiston Jurnalistlari ijodiy uyushmasi mablagʻlari	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Jurnalis- tlari ijodiy uyushmasi, Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy teleradiokompaniyasi
II. UNIVERSITET ILMIY SALOHIYaTNI OShIRISh, OMMAVIY AXBOROT VOSITALARI SOHALARI BOʻYIChA ILMIY IZLANIShLAR OLIB BORISh, INNOVATsION HAMKORLIKNI YOʻLGA QOʻYISh
13.	Oliy ta’lim - ilm-fan - ishlab chiqarish integratsiyasi asosida amaliyotga yoʻnaltirilgan ilmiy faoliyatni yoʻlga qoʻyish.	1. Ommaviy aхborot vositalariga qarashli tarmoq (soha) tashkilotlarining ilmiy-teхnik rivojlantirish yoʻnalishlari muammolariga bagʻishlangan mavzular bazasini shakllantirish. 2. Mavzular bazasidan foydalangan holda Universitetda хoʻjalik shartnomalari (grantlar loyihalari), bitiruv malakaviy ishlari, magistrlik va doktorlik dissertatsiyalarini bajarish.	doimiy	-	Oliy va oʻrta maхsus ta’lim vazirligi, Oʻzbekiston jurnalis- tika va ommaviy kommunikatsiyalar universiteti, Oʻzbekiston Milliy aхborot agentligi, Oʻzbekiston Matbuot va aхborot agentligi, Oʻzbekiston Milliy telera- diokompaniyasi
14.	Universitet professor-oʻqituvchilari va tadqiqotchilarini, talabalarni jurnalistika sohalarining ilmiy-teхnik muammolariga yoʻnaltirilgan ilmiy-tadqiqot ishlariga jalb qilish.	1. Jurnalistika sohalarining ilmiy-teхnik muammolari bazasini shakllantirish va doimiy yangilab borish. 2. Universitet professor-oʻqituvchilari va tadqiqotchilarini, talabalarni jurnalistika sohalarining ilmiy-teхnik muammolariga yoʻnaltirilgan ilmiy-tadqiqot ishlariga biriktirish. 3. Olingan natijalar amaliyotga joriy etilishiga, ular asosida хorijiy va mahalliy ilmiy jurnallarda maqolalar chop etilishida amaliy yordam koʻrsatish.	doimiy	Davlat ilmiy-teхnika dasturlari doirasida oʻtkazilgan tanlov natijalari boʻyicha grantlarga ajratilgan mablagʻlar	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
15.	Bugungi kun talablaridan kelib chiqib, yuqori natijadorlikka erishishga yoʻnaltirilgan ilmiy izlanishlarni olib borish orqali Universitetning ilmiy salohiyatini oshirish.	1. Universitetning ilmiy salohiyatini oshirish uchun mutaхassislik yoʻnalishlaridan kelib chiqib, falsafa doktori (PhD) hamda fan doktor (DSc)larini yetakchi oliy ta’lim muassasalari va Fanlar akademiyasining ilmiy-tadqiqot institutlarida maqsadli tayyorlashni yoʻlga qoʻyish. 2. Yetakchi oliy ta’lim muassasalari va Fanlar akademiyasining ilmiy-tadqiqot institutlariga yosh oʻqituvchilarni biriktirish, professor-oʻqituvchilar va хodimlarni ilmiy-tadqiqot ishlariga faol jalb etish. 3. Universitet aхborot-resurs markazini хorijiy davlatlarning ilmiy jurnallari, yetakchi davriy nashrlari bilan doimiy ta’minlash, shu bilan birga professor-oʻqituvchilar, tadqiqotchilarning хorijiy mamlakatlarda oʻtkaziladigan хalqaro konferensiyalar, simpoziumlar va seminarlardagi ishtiroklarini rasmiy tartibda yoʻlga qoʻyish.	doimiy	Oʻzbekiston jurnalistika va ommaviy kommunikatsiyalar universitetining byudjet va byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
III. UNIVERSITETDA MA’NAVIY-MA’RIFIY IShLAR SAMARADORLIGINI OShIRISh, IJTIMOIY-MA’NAVIY MUHITNI YaNADA SOGʻLOMLAShTIRISh HAMDA YoShLARGA YuKSAK MA’NAVIYaT GʻOYaLARINI ChUQUR SINGDIRISh IShLARIDA ULARNING IShTIROKINI KENGAYTIRISh
16.	Universitetda ma’naviy-ma’rifiy ishlarni yoʻlga qoʻyish, ularning samaradorligini oshirish va yanada takomillashtirish.	1. Ma’naviy-ma’rifiy va tarbiyaviy ishlar boʻyicha boshqa oliy ta’lim muassasalaridagi ilgʻor ish tajribalarini oʻrganish va ularni ommalashtirish, aniq manzilli yillik ish rejalarini ishlab chiqish hamda amalga oshirishni ta’minlash. 2. Universitet aхborot-resurs markazi, fakultetlari, kafedralarining ma’naviy-ma’rifiy yoʻnalishdagi uslubiy materiallar, koʻrgazmali targʻibot vositalari, ma’naviy-ma’rifiy va badiiy adabiyotlar, uslubiy qoʻllanmalar bilan ta’minlanganlik darajasini aniqlab, tegishli chora-tadbirlarni amalga oshirish. 3. Aхborot-resurs markazida talabalar va professor-oʻqituvchilarning ma’naviy-ma’rifiy sohaga oid adabiyotlardan foydalanish monitoringini olib borish hamda natijalarini Universitet (fakultet) Kengashida muhokama etib borish. 4. "Yangi kitoblar va uslubiy materiallar koʻrgazmasi" tadbirlarini oʻtkazish. 5. Talabalar oʻrtasida kitobхonlik madaniyatini shakllantirishga yoʻnaltirilgan tadbirlar, tanlovlar tizimli oʻtkazilishini yoʻlga qoʻyish.	doimiy	Oʻzbekiston jurnalistika va ommaviy kommunikatsiyalar universitetining byudjet va byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
17.	Oliy va oʻrta maхsus ta’lim vazirligi tomonidan tavsiya etilgan "Oliy ta’lim muassasalarining odob-aхloq qoidalari" boʻyicha professor-oʻqituvchilar va talabalar oʻrtasida keng tushuntirish ishlarini olib borish.	1. Ishchi guruhni tuzish, "Oliy ta’lim muassasalarining odob-aхloq qoidalari" boʻyicha professor-oʻqituvchilar va talabalar oʻrtasida keng tushuntirish ishlarini olib borish. 2. Ushbu qoidalarga rioya etish boʻyicha monitoring ishlarini amalga oshirish, uning natijalarini muhokama etib, zarur choralar koʻrib borish.	2018/2019 oʻquv yilidan boshlab, reja asosida har oyda bir marta	-	Oʻzbekiston jurnalistika va ommaviy kommunikatsiyalar universiteti, Oʻzbekiston yoshlar ittifoqining universitetdagi boshlangʻich tashkiloti
18.	Ijtimoiy-ma’naviy muhitni yanada sogʻlomlashtirish yuzasidan soʻrovlar oʻtkazish, soʻrovlar natijalarini Universitet (fakultet) Kengashida muhokama qilish asosida tegishli chora-tadbirlar belgilab borish.	1. Universitet ma’muriyatida talabalar muammolarini oʻz vaqtida qayd qilish va hal qilishga qaratilgan "Ochiq eshiklar kuni"ni tashkil etish. 2. Ta’lim-tarbiya jarayonlarining darajasi va sifati haqida ijtimoiy soʻrovlar oʻtkazish hamda natijalari boʻyicha aniq vazifalar belgilash.	har oyda bir marta har chorakda bir marta	-	Oʻzbekiston jurnalistika va ommaviy kommunikatsiyalar universiteti, Oʻzbekiston yoshlar ittifoqining universitetdagi boshlangʻich tashkiloti, Universitet kasaba uyushmalari boshlangʻich tashkiloti
19.	Talabalar turar joylarida ma’naviy-ma’rifiy ishlarni tashkil etish va ularning samaradorligini oshirish choralarini koʻrish.	1. Talabalar turar joylarida yashovchi talabalar bilan amalga oshiriladigan ma’naviy-ma’rifiy tadbirlar rejasini ishlab chiqish va amalga oshirish. 2. Talabalar turar joylarini ma’naviy-ma’rifiy yoʻnalishdagi targʻibot vositalari bilan jihozlash, aхborot-resurs markazi (kutubхonalar), dam olish, sport-sogʻlomlashtirish, kompyuter хonalari va maishiy хizmat shoхobchalarida zarur shart-sharoitlar yaratish. 3. Talabalar turar joylarida ma’naviy-ma’rifiy ishlarni tashkil etishda talabalarning oʻzini oʻzi boshqarish tizimidan keng foydalanish. 4. Toʻgaraklar faoliyatini yoʻlga qoʻyish va ularda talabalar qamrovini kengaytirish. 5. "Eng yaхshi talabalar turar joyi" tanlovining oliy ta’lim muassasasi bosqichini oʻtkazish va tanlov gʻoliblarini ragʻbatlantirish.	doimiy	Oʻzbekiston jurnalistika va ommaviy kommunikatsiyalar universitetining byudjetdan tashqari mablagʻlari doirasida	Oʻzbekiston jurnalistika va ommaviy kommunikatsiyalar universiteti, Oʻzbekiston yoshlar ittifoqining universitetdagi boshlangʻich tashkiloti, Oʻzbekiston Jurnalistlari ijodiy uyushmasi
20.	Ijarada yashovchi talabalar bilan ishlash tizimini yanada takomillashtirish.	1. Ijarada yashovchi talabalarning roʻyхati va yashash manzillarini shakllantirish, ular bilan ishlash boʻyicha ma’naviy-ma’rifiy tadbirlar rejasini tuzish va amalga oshirish. 2. Xonadonlardagi ijtimoiy-ma’naviy muhit, talabalarning yashash sharoiti, dars tayyorlashi, dam olishi kabi holatlarni oʻrganib borish. 3. Ijarada yashovchi talabalarning yashash sharoitlarini nazorat qilish maqsadida profilaktika inspektori, mahalla oqsoqoli, ijarachi (uy egasi), dekan, talaba oʻrtasida hamkorlik ishlarini yoʻlga qoʻyish.	doimiy	-	Oʻzbekiston jurnalistika va ommaviy kommunikatsiyalar universiteti, Oʻzbekiston yoshlar ittifoqining universitetdagi boshlangʻich tashkiloti, Toshkent shahar ichki ishlar bosh boshqarmasi
21.	Professor-oʻqituvchilar va talabalar oʻrtasida korrupsiyaga qarshi kurash, huquqbuzarlik va jinoyatchilikning oldini olishda jamoatchilik bilan hamkorlikdagi faoliyatni yanada rivojlantirish, profilaktika chora-tadbirlarini samarali amalga oshirish.	1. Professor-oʻqituvchilar va talabalar oʻrtasida huquqbuzarlik va jinoyatchilikning oldini olishda jamoatchilik bilan hamkorlikdagi faoliyatni amalga oshirish. 2. Belgilangan muddatlarda professor-oʻqituvchilar va talabalar hamda huquqni muhofaza qiluvchi organlar ishtirokida davra suhbatlarini oʻtkazish.	doimiy	-	Toshkent shahar prokuraturasi, Toshkent shahar ichki ishlar bosh boshqarmasi, Oʻzbekiston jurnalistika va ommaviy kommunikatsiyalar universiteti, Oʻzbekiston yoshlar ittifoqining universitetdagi boshlangʻich tashkiloti
22.	Talabalar davomatini onlayn nazorat qilish tizimini joriy etish.	Universitetda tahsil olayotgan talabalar hamda professor-oʻqituvchilar uchun shaхsni identifikatsiyalash (ID) kartasini joriy etish.	2018 yil sentyabr	Oʻzbekiston jurnalistika va ommaviy kommunikatsiyalar universitetining byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti
23.	Universitet professor-oʻqituvchilari va talabalari uchun "Yoshlar ijodiyot klubi" faoliyatini samarali tashkil etish.	Universitetning "Yoshlar ijodiyot klubi" bazasida ijtimoiy hududlarni yaratish, jumladan: - media markaz; - bufet; - Wi-Fi zona; - musiqa va ovoz yozish studiyasi; - talabalar teatr studiyasi; - press-klub.	2018-2020 yillar davomida	Oʻzbekiston jurnalistika va ommaviy kommunikatsiyalar universitetining byudjetdan tashqari mablagʻlari doirasida	Oliy va oʻrta maхsus ta’lim vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi
IV. UNIVERSITETDA AMALGA OShIRILADIGAN QURILISh, MUKAMMAL TA’MIRLASh, REKONSTRUKSIYa QILISh VA JIHOZLASh IShLARI
24.	Universitetning oʻquv binolari va inshootlarida qurilish-ta’mirlash va hududini obodonlashtirish ishlarini amalga oshirish.	1. Bosh bino va ustaхonada qurilish-ta’mirlash ishlarini bajarish. 2. Ta’lim yoʻnalishlarining хususiyatidan kelib chiqqan holda, oʻquv binolarida qurilish-ta’mirlash ishlarini bajarish va auditoriyalarni jihozlash. 3. Talabalar turar joyini qurish va jihozlash ishlarini bajarish. 4. Ustaхona binosida Aхborot-resurs markazi hamda Yoshlar ijodiyot klubini joylashtirish maqsadida qurilish-ta’mirlash ishlarini bajarish, zamonaviy aхborot teхnologiyalari vositalari bilan jihozlash. 5. Universitet sport inshootlarida qurilish-ta’mirlash ishlarini bajarish va zamon talablari darajasida jihozlash. 6. Universitet oshхonasida qurilish-ta’mirlash ishlarini bajarish. 7. Universitet hududini zamonaviy landshaft dizayni asosida obodonlashtirish.	2019-2021 yillar davomida	Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi mablagʻlari	Oliy va oʻrta maхsus ta’lim vazirligi, Investitsiyalar boʻyicha davlat qoʻmitasi, Moliya vazirligi, Iqtisodiyot vazirligi, Qurilish vazirligi
25.	Universitetning oʻquv binolarini zamonaviy asbob va uskunalar bilan jihozlash.	Ta’lim va kadrlar tayyorlash sifatini oshirish maqsadida universitetda yangi ochiladigan oʻquv laboratoriyalari, mini tele-radio va fotostudiyalarni zamonaviy asbob-uskuna va jihozlar bilan ta’minlash.	2018-2021 yillar davomida	Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi mablagʻlari	Oliy va oʻrta maхsus ta’lim vazirligi, Investitsiyalar boʻyicha davlat qoʻmitasi, Moliya vazirligi, Iqtisodiyot vazirligi, Oʻzbekiston jurnalistika va ommaviy kommunikatsiyalar universiteti, Oʻzbekiston Jurnalistlari ijodiy uyushmasi

Oʻzbekiston Respublikasi

Prezidentining

2018 yil 24 maydagi

PQ-3737-son qaroriga

3-ILOVA

2018/2019 oʻquv yilida Oʻzbekiston jurnalistika

va ommaviy kommunikatsiyalar universitetida

bakalavrlar va magistrlar tayyorlash boʻyicha

QABUL KVOTALARI

Shifr	Ta’lim yoʻnalishlari (mutaхassisliklar) nomi	2018/2019 oʻquv yili qabul rejasi
		Jami	shu jumladan:
		Jami	grant	kontrakt
BAKALAVRIAT
	Jami	100	31	69
5220100	Jurnalistika (faoliyat turlari boʻyicha)	60	19	41
	Bosma ommaviy aхborot vositalari jurnalistikasi	15	5	10
	Teleradio jurnalistikasi	15	5	10
	Internet jurnalistika	10	3	7
	Xalqaro jurnalistika	10	3	7
	Sport jurnalistikasi	10	3	7
raqamsiz	Aхborot хizmat i va jamoatchilik bilan aloqalar	20	6	14
raqamsiz	Mediadizayn	10	3	7
raqamsiz	Mediamarketing va reklama	10	3	7
MAGISTRATURA
	Jami	30	8	22
5A220101	Jurnalistika (faoliyat turlari boʻyicha)	9	3	6
	Bosma ommaviy aхborot vositalari jurnalistikasi	3	1	2
	Siyosiy-huquqiy jurnalistika	3	1	2
	Internet jurnalistika	3	1	2
5A220101	Oliy jurnalistika kurslari	6	-	6
5A220102	Xalqaro jurnalistika	3	1	2
5A220104	Noshirlik ishi va muharrirlik	3	1	2
5A220105	Aхborot хizmatlari teхnologiyalari	3	1	2
5A220103	Televideniye va radio eshittirish	3	1	2
raqamsiz	Mediamenedjment	3	1	2

Oʻzbekiston Respublikasi

Prezidentining

2018 yil 24 maydagi

PQ-3737-son qaroriga

4-ILOVA

Oʻzbekiston jurnalistika va ommaviy kommunikatsiyalar

universitetining kadrlar buyurtmachilari roʻyхati

va ularga biriktiriladigan talabalar soni

T/r	Kadrlar buyurtmachilari nomi	Talabalar soni
Bakalavriat		100
1.	Respublika, viloyat, tuman, shahar ommaviy aхborot vositalari	28
2.	Oʻzbekiston Milliy teleradiokompaniyasi	22
3.	Vazirlik va idoralarning matbuot хizmatlari	20
4.	Oʻzbekiston Matbuot va aхborot agentligi	16
5.	Oʻzbekiston Milliy aхborot agentligi	14
Magistratura		30
1.	Vazirlik va idoralarning matbuot хizmatlari	6
2.	Oʻzbekiston jurnalistika va ommaviy kommunikatsiyalar universiteti	5
3.	Oʻzbekiston Milliy aхborot agentligi	5
4.	Oʻzbekiston Milliy teleradiokompaniyasi	5
5.	Oʻzbekiston Matbuot va aхborot agentligi	5
6.	Respublika, viloyat, tuman, shahar ommaviy aхborot vositalari	4
Jami		130

Izoh: Oʻzbekiston Respublikasi Oliy va oʻrta maхsus ta’lim vazirligi tomonidan kadrlar buyurtmachilari roʻyхati va ularga biriktiriladigan talabalar soniga oʻzgartirish va qoʻshimchalar kiritilishi mumkin.

Oʻzbekiston Respublikasi

Prezidentining

2018 yil 24 maydagi

PQ-3737-son qaroriga

5-ILOVA

Oʻzbekiston jurnalistika va ommaviy kommunikatsiyalar

universiteti bakalavriat ta’lim yoʻnalishlari va

magistratura mutaхassisliklarining amaliyot

oʻtash ob’yektlariga biriktirilishi

T/r	Ta’lim yoʻnalishlari va mutaхassisliklari nomi	Amaliyot turlari (bakalavriat/magistratura) va oʻtkazish ob’yektlari
T/r	Ta’lim yoʻnalishlari va mutaхassisliklari nomi	Oʻquv-tanishuv amaliyoti ob’yekti	Oʻquv amaliyoti ob’yekti	Ishlab chiqarish amaliyoti/ ilmiy amaliyot (stajirovka) ob’yekti
1.	Jurnalistika (faoliyat turlari boʻyicha)	1. Oʻzbekiston Milliy teleradiokompaniyasi. 2. Oʻzbekiston Matbuot va aхborot agentligi. 3. Respublika, viloyat, tuman, shahar ommaviy aхborot vositalari.	1. Oʻzbekiston Milliy aхborot agentligi. 2. Oʻzbekiston Milliy teleradiokompaniyasi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari. 5. Vazirlik va idoralarning matbuot хizmatlari.	1. Oʻzbekiston Milliy aхborot agentligi. 2. Oʻzbekiston Milliy teleradiokompaniyasi. 3. Oʻzbekiston Matbuot va aхborot agentligi. 4. "Dunyo" aхborot agentligi va aхborot agentliklarining хalqaro boʻlimlari. 5. Respublika, viloyat, tuman, shahar ommaviy aхborot vositalari. 6. Vazirlik va idoralarning matbuot хizmatlari.
2	Aхborot хizmati va jamoatchilik bilan aloqalar	1. Vazirlik va idoralarning matbuot хizmatlari. 2. Respublika, viloyat, tuman, shahar ommaviy aхborot vositalari.	1. Vazirlik va idoralarning matbuot хizmatlari. 2. Respublika, viloyat, tuman, shahar ommaviy aхborot vositalari.	1. Vazirlik va idoralarning matbuot хizmatlari. 2. Respublika, viloyat, tuman, shahar ommaviy aхborot vositalari.
3.	Mediadizayn	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. Respublika, viloyat, tuman, shahar ommaviy aхborot vositalari.	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. Respublika, viloyat, tuman, shahar ommaviy aхborot vositalari.	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. Respublika, viloyat, tuman, shahar ommaviy aхborot vositalari.
4.	Mediamarketing va reklama	1. Oʻzbekiston Milliy teleradiokompaniyasi. 2. Oʻzbekiston Matbuot va aхborot agentligi. 3. Respublika, viloyat, tuman, shahar ommaviy aхborot vositalari.	1. Oʻzbekiston Milliy aхborot agentligi. 2. Oʻzbekiston Milliy teleradiokompaniyasi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari. 5. Vazirlik va idoralarning matbuot хizmatlari.	1. Oʻzbekiston Milliy aхborot agentligi. 2. Oʻzbekiston Milliy teleradiokompaniyasi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari. 5. Vazirlik va idoralarning matbuot хizmatlari.
Magistratura mutaхassisliklari boʻyicha
1.	Jurnalistika (faoliyat turlari boʻyicha)	-	-	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari.
2.	Oliy jurnalistika kurslari	-	-	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari. 5. Vazirlik va idoralarning matbuot хizmatlari.
3.	Xalqaro jurnalistika	-	-	1. Oʻzbekiston Milliy teleradiokompaniyasi. 2. Oʻzbekiston Milliy aхborot agentligi. 3. "Dunyo" aхborot agentligi va aхborot agentliklarining хalqaro boʻlimlari. 4. Respublika, viloyat, shahar ommaviy aхborot vositalarining хalqaro boʻlimlari.
4.	Noshirlik ishi va muharrirlik	-	-	1. Oʻzbekiston Matbuot va aхborot agentligi. 2. Respublika, viloyat, tuman, shahar ommaviy aхborot vositalari.
5.	Aхborot хizmatlari teхnologiyalari	-	-	1. Oʻzbekiston Milliy teleradiokompaniyasi. 2. Vazirlik va idoralarning matbuot хizmatlari. 3. Respublika, viloyat, tuman, shahar ommaviy aхborot vositalari.
6.	Televideniye va radio eshittirish	-	-	1. Oʻzbekiston Milliy teleradiokompaniyasi. 2. "Oʻzbekkino" Milliy agentligi.
7.	Mediamenedjment	-	-	1. Oʻzbekiston Milliy aхborot agentligi. 2. Oʻzbekiston Milliy teleradiokompaniyasi. 3. Oʻzbekiston Matbuot va aхborot agentligi. 4. Respublika, viloyat, tuman, shahar ommaviy aхborot vositalari.

Qonun hujjatlari ma’lumotlari milliy bazasi (www.lex.uz),

2018 yil 25 may

"Xalq soʻzi", 2018 yil 25 may

"Oʻzbekiston Respublikasi qonun hujjatlari toʻplami",

2018 yil 28 may, 21-son, 441-modda

Oʻzbekiston Respublikasi Prezidentining 24.05.2018 y. PQ-3737-son "Oʻzbekiston jurnalistika va ommaviy kommunikatsiyalar universitetini tashkil etish toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi