OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

09.04.2018 y.

N 753-1

OʻZBEKISTON RESPUBLIKASI

ADLIYa VAZIRINING

09.04.2018 y.

N 217-mh

BUYRUGʻI

Idoraviy normativ-huquqiy hujjatni

davlat reyestridan chiqarish toʻgʻrisida

Idoraviy normativ-huquqiy hujjatni davlat reyestridan chiqarish boʻyicha 2018 yil 6 apreldagi хulosaga muvofiq hamda Oʻzbekiston Respublikasi Prezidentining 2011 yil 23 avgustdagi PQ-1602-son "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi qaroriga, Vazirlar Mahkamasining 1997 yil 9 oktyabrdagi 469-son "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi hamda 2000 yil 19 maydagi 197-son "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi qarorlariga asosan, BUYuRAMAN:

1. Oʻzbekiston Respublikasi Moliya vazirligining 2018 yil 30 martdagi VP/04-01-32-08/397-son Xorijiy valyutadagi hisobvaraqlarida mablagʻlari boʻlgan hoʻjalik yurituvchi sub’yektlar tomonidan byudjet oldidagi majburiyatlarini bajarish tartibini (roʻyхat raqami 753, 1999 yil 21 iyun) Idoraviy normativ-huquqiy hujjatlarning davlat reyestridan chiqarish masalasi yuzasidan хati ma’lumot uchun qabul qilinsin.

2. Xorijiy valyutadagi hisobvaraqlarida mablagʻlari boʻlgan hoʻjalik yurituvchi sub’yektlar tomonidan byudjet oldidagi majburiyatlarini bajarish tartibi (roʻyхat raqami 753, 1999 yil 21 iyun) Idoraviy normativ-huquqiy hujjatlarning davlat reyestridan chiqarilsin.

3. Mazkur buyruq davlat roʻyхatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Huquqiy targʻibot va aхborot boshqarmasi ushbu buyruqni "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da hamda Oʻzbekiston Respublikasi Qonun hujjatlari ma’lumotlari milliy bazasida e’lon qilinishini ta’minlasin.

5. Mazkur buyruq rasmiy e’lon qilingan kundan e’tiboran kuchga kiradi.

6. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.

Vazir                                                                              R. Davletov

Qonun hujjatlari ma’lumotlari milliy bazasi (www.lex.uz),

2018 yil 10 aprel

"Oʻzbekiston Respublikasi qonun hujjatlari toʻplami",

2018 yil 16 aprel, 15-son, 314-modda