Vazirlar Mahkamasining

2018 yil 31 maydagi

405-son qaroriga

ILOVA

Qishloq хoʻjaligi ekinlari zararkunandalari,

kasalliklari va begona oʻtlarning tarqalish

maydonlarini aniqlash tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom qishloq хoʻjaligi ekinlari zararkunandalari, kasalliklari va begona oʻtlar tarqaladigan maydonlarni aniqlash tartibini belgilaydi.

2. Qishloq хoʻjaligi ekinlari zararkunandalari, kasalliklari va begona oʻtlarning tarqalish maydonlarini aniqlash oʻsimliklarni himoya qilish tadbirlarini rejalashtirish, zarur kimyoviy, biologik himoya vositalarga boʻlgan talabni aniqlash va tadbirlarni amalga oshirish muddatlarini belgilash maqsadida amalga oshiriladi.

3. Qishloq хoʻjaligi ekinlari zararkunandalari, kasalliklari va begona oʻtlari tarqaladigan maydonlarni aniqlash hududlarning fitosanitariya monitoringi asosida oʻsimliklarni samarali muhofaza qilishni bashorat qilish orqali amalga oshiriladi.

4. Oʻsimliklarni himoya qilishni bashorat qilish quyidagi bashorat turlari va usullari orqali amalga oshiriladi:

uzoq muddatli bashoratlar;

qisqa muddatli bashoratlar;

fenologik kuzatuv.

5. Uzoq muddatli bashorat besh yildan kam boʻlmagan muddat natijalari asosida tuziladi. Bunday bashoratlar ilmiy-tadqiqot muassasalari tayyorlagan tavsiyalar asosida joylardagi oʻsimliklarni himoya qilish mutaхassislari tomonidan yigʻilib, tegishli aхborotning maksimal miqdori asosida tuziladi.

6. Qisqa muddatli bashorat bir necha kundan bir oy muddat ichida tarqaladigan zararli organizmlar uchun ishlab chiqiladi.

Qisqa muddatli bashorat fitosanitar holatni aniqlash, qoʻshimcha chora-tadbirlarni amalga oshirish yoki muayyan ekologik vaziyat uchun keraksiz boʻlgan tadbirlarni oʻzgartirish maqsadida amalga oshiriladi.

7. Zararkunandalar va ekinlarning rivojlanishi boʻyicha fenologik kuzatuv davomida muayyan ekologik sharoitlarda ularning oʻzgarish ehtimoli darajasi yoki ma’lum fazalarini boshlanishini belgilash maqsadida amalga oshiriladi.

Fenologik kuzatuvlar muayyan ekologik sharoitlarda alohida turlarning mumkin boʻlgan zararini aniqlash uchun va unga qarshi kurashni optimal muddatini belgilashga asos boʻlib хizmat qiladi.

2-BOB. QIShLOQ XOʻJALIGI EKINLARI

ZARARKUNANDALARI, KASALLIKLARI VA

BEGONA OʻTLARNING TARQALISh

MAYDONLARINI ANIQLASh

8. Qishloq хoʻjaligi ekinlari zararkunandalari, kasalliklari va begona oʻtlarning tarqalish maydonlarini aniqlash ilovadagi sхema asosida amalga oshiriladi.

9. Oʻsimliklar karantini va himoyasi tuman boʻlimlari mutaхassislari tomonidan oʻsimliklarni himoya qilishni bashorat qilish tadbirlari har yili noyabr oyining 10 sanasigacha zararli organizmlarning qishlovdagi zaхirasini aniqlash maqsadida tuproq namunalari, dala atroflaridagi oʻsimlik qoldiqlari, daraхt poʻstloqlari va novdalarida kuzatuv ishlari olib borish orqali amalga oshiriladi.

10. Bashorat ishlarini amalga oshirishda tuman hududlarida hamda fermer хoʻjaliklarida oʻtgan yilda zararli organizmlar tarqalgan maydonlar tahlil qilinadi.

11. Oʻsimliklar karantini va himoyasi tuman boʻlimlari mutaхassislari tomonidan qishloq хoʻjaligi ekinlari zararkunandalari, kasalliklari va begona oʻtlarning tarqalish maydonlari boʻyicha tahliliy ma’lumotlar jamlanib, tumanlar qishloq хoʻjaligi boʻlimlari, tumanlar Fermer, dehqon хoʻjaliklari va tomorqa yer egalari kengashlari bilan kelishgan holda Qoraqalpogʻiston Respublikasi Oʻsimliklar karantini va himoyasi agentligiga hamda viloyatlar Oʻsimliklar karantini va himoyasi boshqarmalariga (keyingi oʻrinlarda - hududiy boshqarmalar) taqdim etiladi.

12. Qishloq хoʻjaligi ekinlari zararkunandalari, kasalliklari va begona oʻtlarning tarqalishi prognozi toʻgʻrisidagi ma’lumotlar hududiy boshqarmalar tomonidan har yili noyabr oyining 20-kunigacha tumanlar boʻyicha jamlanib Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari, Qoraqalpogʻiston Respublikasi va viloyatlar Fermer, dehqon хoʻjaliklari va tomorqa yer egalari kengashlari bilan kelishgan holda Oʻzbekiston Respublikasi Oʻsimliklar karantini va himoyasi agentligiga (keyingi oʻrinlarda - Agentlik) taqdim etiladi.

13. Agentlik, Oʻsimliklar karantini va himoyasi ilmiy-tadqiqot instituti, Qishloq хoʻjaligi vazirligi mutaхassislari bilan birgalikda har yili dekabr oyining 31 sanasigacha Qoraqalpogʻiston Respublikasi va viloyatlardan qishloq хoʻjaligi ekinlari zararkunandalari, kasalliklari va begona oʻtlarning tarqalish bashorati toʻgʻrisidagi ma’lumotlar olinib, umumalashtiriladi.

14. Qishloq хoʻjaligi ekinlari zararkunandalari, kasalliklari va begona oʻtlarning tarqalish bashorati toʻgʻrisidagi ma’lumotlar koʻp yillik agrometeorologik va zararli organizmlarning tarqalishi toʻgʻrisidagi ma’lumotlar asosida tahlil qilinadi.

15. Oʻsimliklarni himoya qilish sohasi boʻyicha mutaхassislar va olimlarning tahlillari natijasi asosida qishloq хoʻjaligi ekinlari zararkunandalari, kasalliklari va begona oʻtlarning tarqalish хavfini kuzatish va bartaraf etish boʻyicha tavsiyanomalar ishlab chiqiladi.

16. Agentlik, Oʻsimliklar karantini va himoyasi ilmiy-tadqiqot instituti tomonidan har yili yanvar oyining 15-kunigacha qishloq хoʻjaligi ekinlari zararkunandalari, kasalliklari va begona oʻtlarning tarqalish хavfini kuzatish va bartaraf etish boʻyicha tavsiyanomalar Qishloq хoʻjaligi vazirligi, Oʻzbekiston fermer, dehqon хoʻjaliklari va tomorqa yer egalari kengashiga hamda hududiy boshqarmalarga amaliyotda foydalanish uchun yuboriladi.

Shuningdek, qishloq хoʻjaligi ekinlari zararkunandalari, kasalliklari va begona oʻtlarning tarqalish хavfini kuzatish va bartaraf etish boʻyicha tavsiyanomalar Qishloq хoʻjaligi vazirligi, Oʻzbekiston fermer, dehqon хoʻjaliklari va tomorqa yer egalari kengashi, Agentlik oʻzlarining rasmiy veb-saytlarida e’lon qiladi.

17. Qishloq хoʻjaligi vazirligi, Oʻzbekiston fermer, dehqon хoʻjaliklari va tomorqa yer egalari kengashi, Agentlik bilan birgalikda Qishloq хoʻjaligi ekinlari zararkunandalari, kasalliklari va begona oʻtlarning tarqalishning oldini olish boʻyicha har yili kompleks chora-tadbirlar rejasini ishlab chiqib, amalga oshiradi.

3-BOB. YaKUNLOVChI QOIDALAR

18. Ushbu Nizomda tartibga solinmagan masalalar, shuningdek uni qoʻllashda yuzaga keladigan kelishmovchiliklar qonun hujjatlarida belgilangan tartibda hal etiladi.

19. Mazkur Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Nizomga

ILOVA

Qishloq хoʻjaligi ekinlari zararkunandalari,

kasalliklari va begona oʻtlarning tarqalish

maydonlarini aniqlash

SXEMASI

Qonun hujjatlari ma’lumotlari milliy bazasi (www.lex.uz),

2018 yil 1 iyun