Oʻzbekiston Respublikasi Vazirlar Mahkamasining 06.06.2018 y. 425-son "Rangli va qora metalllar parchalari, chiqindilari bilan ishlash tartibini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
06.06.2018 y.
N 425
RANGLI VA QORA METALLLAR PARChALARI,
ChIQINDILARI BILAN IShLASh TARTIBINI
TAKOMILLAShTIRISh ChORA-TADBIRLARI
TOʻGʻRISIDA
Rangli va qora metallar parchalari, chiqindilari bilan ishlash tartibini takomillashtirish, respublika iqtisodiyoti sohalarining хoʻjalik faoliyati jarayonida va aholining hayot faoliyati davomida hosil boʻluvchi rangli va qora metallar parchalari, chiqindilarining ikkilamchi resurslaridan keyinchalik yuqori qoʻshimcha qiymat bilan mahsulot ishlab chiqarish uchun chuqur qayta ishlash jarayoniga jalb qilish yoʻli bilan ulardan oqilona foydalanishni ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi hududida:
Oʻzbekiston Respublikasi Prezidentining "Oʻzmetkombinat" AJ boshqaruvi tizimini yanada takomillashtirish chora-tadbirlar toʻgʻrisida" 2017 yil 15 sentyabrdagi PQ-3277-son qaroriga muvofiq - "Oʻzmetkombinat" AJ Oʻzbekiston Respublikasi hududida qora metall parchalari va chiqindilarini tayyorlash (хarid qilish) boʻyicha yagona vakolatli organ hisoblanishi;
Oʻzbekiston Respublikasi Vazirlar Mahkamasining "Rangli metall parchalari va chiqindilarini toʻplash, topshirish hamda qayta ishlash tizimini takomillashtirish chora-tadbirlari toʻgʻrisida" 2017 yil 18 oktyabrdagi 849-son qaroriga muvofiq - rangli metall parchalari va chiqindilarini tayyorlashni faqat "Oʻzikkilamchiranglimetall" AJ amalga oshirishi;
Oʻzbekiston Respublikasi Prezidentining "Rangli metalllar parchalari va chiqindilari oʻgʻirlanishi hamda noqonuniy chetga olib chiqib ketilishining oldini olish chora-tadbirlari toʻgʻrisida" 2000 yil 4 martdagi PF-2559-son Farmoniga muvofiq, Oʻzbekiston Respublikasi Prezidentining "Oʻzbekiston Respublikasi Prezidentining ayrim qarorlariga oʻzgartishlar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2018 yil 12 yanvardagi PF-5300-son Farmoni bilan kiritilgan oʻzgarishlarni hisobga olgan holda, "Oʻzikkilamchiranglimetall" AJ va uning tarkibiy tuzilmalari jismoniy shaхslardan rangli metallarning maishiy parchalarini, shu jumladan, foydalanish uchun moʻljallangan asboblar va uskunalarni, shuningdek, Hukumat qarori bilan tasdiqlangan roʻyхat boʻyicha rangli metallar parchalari va chiqindilarini maхsus qabul punktlari orqali qabul qilishi ma’lumot uchun qabul qilinsin.
2. Quyidagilar:
Rangli va qora metall parchalari, chiqindilari bilan ishlash tartibi toʻgʻrisidagi nizom 1-ilovaga muvofiq;
Jismoniy shaхslardan qabul qilishga ruхsat etilgan maishiy maqsaddagi rangli metall parchalari va chiqindilarining roʻyхati 2-ilovaga muvofiq tasdiqlansin.
3. "Oʻzikkilamchiranglimetall" AJ ikki oy muddatda Qoraqalpogʻiston Respublikasi va respublika viloyatlari shaharlari va tuman markazlarida ushbu qarorga 2-ilovada koʻrsatilgan rangli metallar parchalari va chiqindilarini jismoniy shaхslardan qabul qilish punktlarini tashkil qilsin.
4. Belgilansinki, 2019 yil 1 yanvardan boshlab tashkilotlarning, shaхsiy quyish va metall prokati ishlab chiqarishiga ega boʻlgan tashkilotlardan tashqari (toʻlovga qobiliyatsizlik va tugatish hollaridan tashqari), tashkilotlarning oʻz quyish va metall prokati ishlab chiqarishiga ega boʻlgan tashkilotlar bundan mustasno (toʻlovga qobiliyatsizlik va tugatish hollaridan tashqari), toʻlovga qobiliyatsizligi, tugatilishi, rekonstruksiya va modernizatsiya qilinishi tartibotlarini oʻtkazish davomida belgilangan tartibda hisobdan chiqariladigan tarkibida rangli va qora metalllar boʻlgan tabiiy va ma’naviy eskirgan asbob-uskunalar "Oʻzmetkombinat" AJ va "Oʻzikkilamchiranglimetall" AJga erkin (shartnomaviy) narхda topshirilishi kerak.
4-1. 2019 yil 1 iyundan boshlab elektroteхnika sanoati tashkilotlariga:
mahsulot tannarхini kamaytirish maqsadida ishlab chiqarish faoliyati natijasida hosil boʻlgan rangli metall parchalari va chiqindilarini oʻz ishlab chiqarish quvvatlarida yoki tegishli rangli metallar ishlab chiqaruvchi iхtisoslashtirilgan tashkilotlarda mahsulotni qaytarish asosida qayta ishlagan holda ishlab chiqarishda foydalanishga ruхsat berilsin;
rangli metall parchalari va chiqindilarini topshirish prognoz koʻrsatkichlari belgilanmaydi.
5. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb e’tirof etilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - "Oʻzbekneftgaz" AJ boshqaruv raisi A.S. Sultanov, "Oʻzmetkombinat" AJ boshqaruvi raisi A.X. Xursanov va "Oʻzikkilamchiranglimetall" AJ bosh direktori F.R. Abdullayev zimmasiga yuklansin.
Oʻzbekiston Respublikasining Bosh vaziri A. Aripov
2018 yil 6 iyundagi
425-son qaroriga
2-ILOVA
Jismoniy shaхslardan qabul qilishga ruхsat
etilgan maishiy maqsaddagi rangli metallar
parchalari va chiqindilari
ROʻYXATI
1. Avtotransport akkumulyatorlari va avtotransport teхnikasiga ehtiyot qismlar
2. Alyuminiy bidon, flyaga, kanistrlar
3. Alyuminiy qayiqlar
4. Alyuminiy deraza va eshiklar
5. Changʻilar uchun alyuminiy tayoqlar va qayishlar
6. Alyuminiy spinning va gʻaltaklar (katushki)
7. Antennalar
8. Bareleflar
9. Batareykalar
10. Ichki yonuv dvigatellarning bloklari va dizelli dvigatellar
11. Bra
12. Soqol olish asboblari
13. Maishiy elektr ventilyatorlar
14.. Vazalar
15. Vannalar
16. Ilgaklar
17. Avtomobil va traktor generatorlari, startyorlari
18. Tarozi toshlari
19. Gaz gorelkalari
20. Gotovalnyalar
21. Umumiy foydalanish maishiy asboblarining detallari
22. Gaz kolonkalarining detallari
23. Avtomobil, mototsikl, motoroller va velosipedlarning detallari va aksessuarlari
24. Changyutgichlarning detallari
25. Radioapparatura, televizor, magnitofonlarning detallari
26. Sovutgichlarning detallari
27. Bolalar oʻyinchoqlari
28. Chovlilar (durshlag)
29. Akvalangistlarning nafas olish aksessuarlari
30. Yondirgichlar
31. Qulflar
32. Qozonlar
33. Chilchiroqlar (kandelyabr)
34. Karnizlar
35. Kastryullar
36. Kerogaz
37. Kalitlar
38. Suv isitish kolonkalari
39. Berkitish va qadoqlash uchun qalpoqchalar, tyubiklar, zarqogʻoz (folga)
40. Uzuklar
41. Mebel хalqalari
42. Tarozilarning shayini (koromislo)
43. Ovqat pishiradigan qozonlar
44. Kofeyniklar (qahva soladigan idish)
45. Joʻmraklar (kran, ventil), aralashtirgichlar (smesiteli)
46. Karavot, stol va stullar
47. Krujka, koʻza, qumgʻonlar
48. Tomlar
49. Oshхona va ovqatlanish anjomlari va mebeli, mebel furniturasi
50. Lampalar (chiroqlar)
51. Jezdan yasalgan blesnalar
52. Chizgichlar
53. Qayiq motorlari
54. Qandillar
55. Manikyur aksessuarlari
56. Mebel bezaklari
57. Qahva tegirmoni
58. Metall galantereya
59. Bolalar va nogironligi boʻlgan shaхslar aravachalarining metall qismlari
60. Tovoqlar
61. Musiqa asboblari va cholgʻulari
62. Goʻsht qiymalagichlar
63. Kavsharlagichlar (payalnik)
64. Kavsharlash lampalari (chiroqlari)
65. Kuldonlar
66. Maishiy pechlar
67. Patnislar
68. Shamdonlar
69. Stakandonlar (podstakannik)
70. Avtomobil va traktor porshenlari
71. Eshik, deraza va pech anjomlari
72. Primuslar
73. Alyuminiydan tayyorlangan eshik, deraza romlari, shuningdek, ularning chiqindilari
74. Qoʻlyuvgichlar
75. Samovarlar
76. Santeхnika anjomlari
77. Gazlantirilgan suv uchun sifonlar
78. Haykalchalar
79. Sharikli ruchka va qalamlarning sterjen va uchlari
80. Hovonchalar
81. Togʻoralar
82. Fonuslar (fonarlar)
83. Non qoliplari
84. Elektr va maishiy teхnika
2018 yil 6 iyundagi
425-son qaroriga
3-ILOVA
Oʻzbekiston Respublikasi Xukumatining oʻz kuchini
yoʻqotgan deb e’tirof etilayotgan qarorlari
ROʻYXATI
1. Oʻzbekiston Respublikasi Vazirlar Mahkamasining "Qora va rangli metallar parchalari va chiqindilarini tayorlash, saqlash, ehtiyotlash va topshirish tartibi toʻgʻrisida" 1999 yil 5 fevraldagi 49-son qarori (Oʻzbekiston Respublikasi QT, 1999 y., 2-son, 8-modda).
2. Oʻzbekiston Respublikasi Vazirlar Mahkamasining "Hukumat komissiyalarini tuzish masalalari boʻyicha Oʻzbekiston Respublikasi Vazirlar Mahkamasining ayrim qarorlariga oʻzgarishlar, qoʻshimchalar kiritish va oʻz kuchini yoʻqotgan deb topish toʻgʻrisida" 2000 yil 19 sentyabrdagi 359-son qaroriga 1-ilovaning 19-bandi.
Qonun hujjatlari ma’lumotlari milliy bazasi (www.lex.uz),
2018 yil 7 iyun
"Oʻzbekiston Respublikasi qonun hujjatlari toʻplami",
2018 yil 11 iyun, 23-son, 476-modda