Oʻzbekiston standartlashtirish, metrologiya va sertifikatlashtirish agentligi bosh direktorining 29.05.2018 y. 190-son "Mahsulotlarni sertifikatlash qoidalariga oʻzgartirish va qoʻshimchalar kiritish toʻgʻrisida"gi Buyrugʻi (AV tomonidan 13.06.2018 y. 1458-4-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
13.06.2018 y.
N 1458-4
OʻZBEKISTON STANDARTLAShTIRISh,
METROLOGIYa VA SERTIFIKATLAShTIRISh
AGENTLIGI BOSh DIREKTORINING
29.05.2018 y.
N 190
BUYRUGʻI
Mahsulotlarni sertifikatlash qoidalariga
oʻzgartirish va qoʻshimchalar kiritish toʻgʻrisida
Oʻzbekiston Respublikasi Vazirlar Mahkamasining 2004 yil 5 avgustdagi 373-son qarori bilan tasdiqlangan Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizomga muvofiq, BUYuRAMAN:
1. Oʻzbekiston standartlashtirish, metrologiya va sertifikatlashtirish agentligi bosh direktorining 2005 yil 25 fevraldagi 59-son buyrugʻi (roʻyхat raqami 1458, 2005 yil 18 mart) (Oʻzbekiston Respublikasi qonun hujjatlari toʻplami, 2005 y., 10-11-son, 86-modda) bilan tasdiqlangan Mahsulotlarni sertifikatlash qoidalariga ilovaga muvofiq oʻzgartirish va qoʻshimchalar kiritilsin.
2. Mazkur buyruq 2018 yil 1 iyuldan kuchga kiradi.
Bosh direktor A. Karimov
ILOVA
Mahsulotlarni sertifikatlash qoidalariga
kiritilayotgan oʻzgartirish va qoʻshimchalar
1. 12-bandda:
quyidagi mazmundagi oltinchi хatboshi bilan toʻldirilsin:
"olib kirilayotgan mahsulotning aniq hajmi (soni) koʻrsatilgan tashqi savdo shartnomasi (kontrakti) va mahsulotni yetkazib beruvchi hamda qabul qiluvchi oʻrtasida tuzilgan kelishuv(lar) nusхasi (mahsulotlarni 7A chizmasi asosida sertifikatlashtirilganda).";
oltinchi хatboshi yettinchi хatboshi deb hisoblansin.
2. 39-band quyidagi tahrirda bayon etilsin:
"39. Muvofiqlik sertifikati:
chetdan keltirilgan mahsulotga - mahsulotning yaroqlilik muddatiga;
bitta tashqi savdo shartnomasi (kontrakti) doirasida chetdan keltirilgan mahsulotga - bir kalendar yilidan oshmagan muddatga;
seriyali ishlab chiqariladigan mahsulotga esa - 3 yil muddatga beriladi.
Muvofiqlik sertifikati bir хil nomdagi yoki oʻхshash mahsulotlar guruhiga beriladi va uning amal qilishi haqiqatda Oʻzbekiston Respublikasi hududiga olib kirilgan mahsulotlarning miqdoriga taalluqli boʻladi, lekin muvofiqlik sertifikatida koʻrsatilgan miqdordan koʻp emas (bunda bitta tashqi savdo shartnomasi (kontrakti) doirasida - mahsulotning modeli, turi, artikuli va (yoki) boshqa identifikatsiya belgilarini koʻrsatgan хolda shartnoma boʻyicha chetdan keltirilgan mahsulotning hajmi (soni)ga).".
3. Quyidagi mazmundagi 57-1-band bilan toʻldirilsin:
"57-1. 7A-chizma bitta tashqi savdo shartnomasi (kontrakti) doirasida keltirilgan mahsulotni (transport vositalaridan tashqari) sertifikatlashtirishda qoʻllaniladi va mahsulotni ASLda majburiy koʻrsatkichlar boʻyicha sinashni nazarda tutadi.".
4. 60-bandda "3, 4, 5, 7, 8, 9 chizmalar boʻyicha" soʻzlari "3, 4, 5, 7, 7A, 8, 9 chizmalar boʻyicha" soʻzlari bilan almashtirilsin.
5. 1-ilova mazkur oʻzgartirish va qoʻshimchalarning ilovasiga muvofiq tahrirda bayon etilsin.
Oʻzgartirish va qoʻshimchalarga
ILOVA
"Qoidalarga
1-ILOVA
Muvofiqlik sertifikati orqali
mahsulotlarning muvofiqligini
tasdiqlash jadvali
Chizma raqami |
Akkreditatlangan sinov laboratoriyalarining sinovi yoki muvofiqlikni baholashning boshqa dalili
|
Ishlab chiqarish sharoitlarini baholash yoki sifat tizimini baholash |
Sertifikatlangan mahsulot ustidan inspeksiya nazorati (Sifat tizimini) |
1 |
Mahsulot turining sinovi
|
- |
- |
2 |
Mahsulot turini sinovdan oʻtkazish
|
- |
Savdodan (iste’molchidan) olingan namunalarni sinovi
|
3 |
Mahsulot turini sinovdan oʻtkazish
|
Ishlab chiqarishni baholash |
Ishlab chiqaruvchidan olingan namunalarni sinash
|
4 |
Mahsulot turini sinovdan oʻtkazish |
Ishlab chiqarishni baholash |
Savdo (iste’molchidan) va ishlab chiqarishdan olingan namunalarni sinovdan oʻtkazish |
5 |
Mahsulot turini sinovdan oʻtkazish |
Ishlab chiqarishni baholash yoki sifat tizimini baholash |
Namuna sinovi va sifatni tizimi baholash (ishlab chiqarishni oʻrganish ) |
6 |
- |
Sifat tizimini baholash |
Boshqaruv tizimining holatini baholash |
7 |
Mahsulot toʻpini sinovdan oʻtkazish
|
- |
- |
7A |
Mahsulot toʻpini sinovdan oʻtkazish
|
- |
- |
8 |
Har bir namunani sinash
|
- |
- |
9 |
Muvofiqlik boʻyicha deklaratsiya va unga ilova qilingan hujjatlarni koʻrib chiqish
|
- |
- |
".
Qonun hujjatlari ma’lumotlari milliy bazasi (www.lex.uz),
2018 yil 14 iyun