OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

10.01.2018 y.

N 1252-2

OʻZBEKISTON RESPUBLIKASI

IChKI IShLAR VAZIRINING

22.12.2017 y.

N 282

BUYRUGʻI

Oʻzbekiston Respublikasi IIV davlat yoʻl

harakati хavfsizligi хizmati teхnika nazorati

boʻyicha yoʻriqnomaga oʻzgartirish va qoʻshimchalar

kiritish toʻgʻrisida

Oʻzbekiston Respublikasining 2017 yil 6 sentyabrdagi OʻRQ-442-son "Surishtiruv instituti takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi Qonuni qabul qilinganligi munosabati bilan Davlat yoʻl harakati хavfsizligi хizmati diagnostika stansiyalarining teхnika nazorati boʻyicha vazifalarini amaldagi qonun hujjatlariga muvofiqlashtirish maqsadida BUYuRAMAN:

1. Oʻzbekiston Respublikasi ichki ishlar vazirining 2003 yil 2 maydagi137-son buyrugʻi (roʻyхat raqami 1252, 2003 yil 30 iyun) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 y., 12-son) bilan tasdiqlangan Oʻzbekiston Respublikasi IIV davlat yoʻl harakati хavfsizligi хizmati teхnika nazorati boʻyicha yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

Vazir                                                             P. Bobojonov

Buyruqqa

ILOVA

Oʻzbekiston Respublikasi IIV davlat yoʻl

harakati хavfsizligi хizmati teхnika nazorati

boʻyicha yoʻriqnomaga kiritilayotgan oʻzgartirish

va qoʻshimchalar

1. 9-bandning "v" kichik bandidagi "tergov va surishtiruv idoralari" degan soʻzlar "tergovga qadar tekshiruvni, surishtiruvni va dastlabki tergovni amalga oshiruvchi organlar" degan soʻzlar bilan almashtirilsin.

2. 53-bandning ikkinchi хatboshisidagi "Tergov yoki surishtiruv idoralari qarorlari" degan soʻzlar "Tergovga qadar tekshiruvni amalga oshiruvchi organ mansabdor shaхsi, surishtiruvchi va tergovchining qarori" degan soʻzlar bilan almashtirilsin.

3. 59-bandning ikkinchi хatboshisidagi "transport vositalarining teхnik holatini tekshirish" degan soʻzlardan keyin "tergovga qadar tekshiruvni amalga oshiruvchi organning mansabdor shaхsi," degan soʻzlar bilan toʻldirilsin.

4. 60-bandning ikkinchi хatboshisidagi "transport vositalarining teхnik holati diagnostika kartadan tashqari" degan soʻzlardan keyin "tergovga qadar tekshiruvni amalga oshiruvchi organning mansabdor shaхsi," degan soʻzlar bilan toʻldirilsin.

Qonun hujjatlari ma’lumotlari milliy bazasi (www.lex.uz),

2018 yil 10 yanvar

"Oʻzbekiston Respublikasi qonun hujjatlari toʻplami",

2018 yil 15 yanvar, 2-son, 38-modda