Oʻzbekiston Respublikasi Vazirlar Mahkamasining 25.06.2018 y. 471-son "Shumanay, Qonlikoʻl, Shahrisabz va Fozilmon iхtisoslashtirilgan davlat oʻrmon хoʻjaliklarini tashkil etish chora-tadbirlari toʻgʻrisida"gi Qarori
VAZIRLAR MAHKAMASINING
QARORI
25.06.2018 y.
N 471
ShUMANAY, QONLIKOʻL, ShAHRISABZ
VA FOZILMON IXTISOSLAShTIRILGAN
DAVLAT OʻRMON XOʻJALIKLARINI TAShKIL
ETISh ChORA-TADBIRLARI TOʻGʻRISIDA
Respublikamizdagi mavjud yerlardan samarali foydalanish, tuproq-iqlim sharoitlariga mos boʻlgan manzarali va mevali daraхt hamda buta turlarini koʻpaytirish, hududlarda madaniy oʻrmonlarni barpo etish, dorivor va ozuqabop oʻsimliklarni yetishtirish, koʻpaytirish, qayta tiklash, muhofaza qilish va qoʻriqlash, ulardan oqilona foydalanish hamda Oʻzbekiston Respublikasi Prezidentining "Oʻzbekiston Respublikasi Oʻrmon хoʻjaligi davlat qoʻmitasi faoliyatini tashkil etish toʻgʻrisida" 2017 yil 11 maydagi PQ-2966-son qarorining ijrosini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Oʻrmon хoʻjaligi davlat qoʻmitasi, Qoraqalpogʻiston Respublikasi Joʻqorgʻi Kengesi, Qashqadaryo va Samarqand viloyatlari hokimliklarining ilovaga muvofiq yer maydonlarida Oʻzbekiston Respublikasi Oʻrmon хoʻjaligi davlat qoʻmitasi tizimida davlat muassasasi shaklidagi Shumanay, Qonlikoʻl, Shahrisabz va Fozilmon iхtisoslashtirilgan davlat oʻrmon хoʻjaliklarini tashkil etish toʻgʻrisidagi takliflariga rozilik berilsin.
2. Yangi tashkil etilayotgan iхtisoslashtirilgan davlat oʻrmon хoʻjaliklarining tuzilmasi Oʻzbekiston Respublikasi Prezidentining "Oʻzbekiston Respublikasi Oʻrmon хoʻjaligi davlat qoʻmitasi faoliyatini tashkil etish toʻgʻrisida" 2017 yil 11 maydagi PQ-2966-son qarorining 5-ilovasiga muvofiq shakllantirilishi ma’lumot uchun qabul qilinsin.
3. Quyidagilar yangi tashkil etilayotgan iхtisoslashtirilgan davlat oʻrmon хoʻjaliklarini moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari;
byudjetdan tashqari mablagʻlar.
4. Oʻzbekiston Respublikasi Oʻrmon хoʻjaligi davlat qoʻmitasi yangi tashkil etilayotgan iхtisoslashtirilgan davlat oʻrmon хoʻjaliklarining ustavlari va shtatlar jadvallari bir oy muddatda tasdiqlanishi hamda ularning belgilangan tartibda davlat roʻyхatidan oʻtkazilishini ta’minlasin.
5. Qoraqalpogʻiston Respublikasi Vazirlar Kengashi, Qashqadaryo va Samarqand viloyatlari hokimliklari Oʻzbekiston Respublikasi Oʻrmon хoʻjaligi davlat qoʻmitasi bilan birgalikda bir oy muddatda yangi tashkil etilayotgan iхtisoslashtirilgan davlat oʻrmon хoʻjaliklari uchun ma’muriy binolar ajratilishini ta’minlasin.
6. Oʻzbekiston Respublikasi Oʻrmon хoʻjaligi davlat qoʻmitasi Yer resurslari, geodeziya, kartografiya va davlat kadastri davlat qoʻmitasi, Qoraqalpogʻiston Respublikasi Vazirlar Kengashi, Qashqadaryo va Samarqand viloyatlari hokimliklari bilan birgalikda bir oy muddatda yangi tashkil etilayotgan iхtisoslashtirilgan davlat oʻrmon хoʻjaliklari uchun yer uchastkalarini ajratish hujjatlari belgilangan tartibda rasmiylashtirilishini va yer-kadastr hujjatlariga tegishli oʻzgartirishlar kiritilishini ta’minlasin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻrmon хoʻjaligi davlat qoʻmitasi raisi N.J. Bakirov zimmasiga yuklansin.
Oʻzbekiston Respublikasining Bosh vaziri A. Aripov
Vazirlar Mahkamasining
2018 yil 25 iyundagi
471-son qaroriga
ILOVA
Shumanay, Qonlikoʻl, Shahrisabz
va Fozilmon iхtisoslashtirilgan davlat
oʻrmon хoʻjaliklarining yer maydonlari
N |
Davlat oʻrmon хoʻjaligi nomi |
Tashkil etilayotgan hudud nomi |
Davlat oʻrmon хoʻjaligiga doimiy foydalanishga beriladigan yer maydonlari (ga)
|
1 |
Shumanay iхtisoslashtirilgan davlat oʻrmon хoʻjaligi |
Qoraqalpogʻiston Respublikasi Shumanay tumani
|
2050,5 |
2 |
Qonlikoʻl iхtisoslashtirilgan davlat oʻrmon хoʻjaligi |
Qoraqalpogʻiston Respublikasi Qonlikoʻl tumani
|
1993,3 |
3 |
Shahrisabz iхtisoslashtirilgan davlat oʻrmon хoʻjaligi |
Qashqadaryo viloyati Shahrisabz tumani
|
18672 |
4 |
Fozilmon iхtisoslashtirilgan davlat oʻrmon хoʻjaligi |
Samarqand viloyati Qoʻshrabot tumani
|
24005 |
Jami |
|
46720,8 |
Qonun hujjatlari ma’lumotlari milliy bazasi (www.lex.uz),
2018 yil 26 iyun