Moliya vazirligining 36-son, Markaziy bank Boshqaruvining 336-V-1-son, Davlat soliq qoʻmitasining 2018-08-son "Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab yuridik shaхslardan olinadigan foyda soligʻi boʻyicha soliq imtiyozlarini qoʻllash tartibi toʻgʻrisidagi nizomga oʻzgartirishlar kiritish haqida"gi 28.02.2018 y. Qarori (AV tomonidan 07.03.2018 y. 2716-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
07.03.2018 y.
N 2716-1
OʻZBEKISTON RESPUBLIKASI MOLIYa VAZIRLIGINING 28.02.2018 y. N 36 |
OʻZBEKISTON RESPUBLIKASI MARKAZIY BANKI BOShQARUVINING 28.02.2018 y. N 336-V-1 |
OʻZBEKISTON RESPUBLIKASI DAVLAT SOLIQ QOʻMITASINING 28.02.2018 y. N 2018-08 |
|
QARORI
Tijorat banklari tomonidan kredit
portfeli tarkibida uzoq muddatli investitsiyaviy
moliyalashning ulushiga qarab yuridik shaхslardan
olinadigan foyda soligʻi boʻyicha soliq imtiyozlarini
qoʻllash tartibi toʻgʻrisidagi nizomga oʻzgartirishlar
kiritish haqida
Oʻzbekiston Respublikasi Prezidentining 2017 yil 29 dekabrdagi PQ-3454-son "Oʻzbekiston Respublikasining 2018 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida"gi qaroriga muvofiq Oʻzbekiston Respublikasi Moliya vazirligi, Markaziy banki Boshqaruvi va Davlat soliq qoʻmitasi QAROR QILADI:
1. Oʻzbekiston Respublikasi Moliya vazirligi, Markaziy banki Boshqaruvi va Davlat soliq qoʻmitasining 2015 yil 14 sentyabrdagi 79, 336-V, 2015-29-son qarori (roʻyхat raqami 2716, 2015 yil 29 sentyabr) (Oʻzbekiston Respublikasi qonun hujjatlari toʻplami, 2015 y., 39-son, 513-modda) bilan tasdiqlangan Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab yuridik shaхslardan olinadigan foyda soligʻi boʻyicha soliq imtiyozlarini qoʻllash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Moliya vaziri
|
D. Kuchkarov |
Markaziy bank raisi
|
M. Nurmuratov |
Davlat soliq qoʻmitasi raisi |
B. Parpiyev |
ILOVA
Tijorat banklari tomonidan kredit
portfeli tarkibida uzoq muddatli investitsiyaviy
moliyalashning ulushiga qarab yuridik shaхslardan
olinadigan foyda soligʻi boʻyicha soliq imtiyozlarini
qoʻllash tartibi toʻgʻrisidagi nizomga kiritilayotgan
oʻzgartirishlar
1. 7-banddan "hamda obodonlashtirish va ijtimoiy infratuzilmani rivojlantirish soligʻi" degan soʻzlar chiqarib tashlansin.
2. 2-ilovada:
100 va 110-satrlar quyidagi tahrirda bayon etilsin:
" |
IV. Yuridik shaхslardan olinadigan foyda soligʻining belgilangan stavkasi, % |
100 |
22 |
|
V. Tuzatilgan soliq stavkasi, % |
110 |
17,6 |
"; |
2-band quyidagi tahrirda bayon etilsin:
"2. Yuridik shaхslardan olinadigan foyda soligʻining amaldagi stavkasida 22 foiz va kredit portfeli tarkibida uzoq muddatli investitsiyaviy moliyalash ulushi sharoitida tuzatilgan soliq stavkasi 17,6 foizni (22 х 80%) tashkil etadi.".
Qonun hujjatlari ma’lumotlari milliy bazasi (www.lex.uz),
2018 yil 7 mart
"Oʻzbekiston Respublikasi qonun hujjatlari toʻplami",
2018 yil 12 mart, 10-son, 180-modda
Telegram kanali 