Oʻzbekiston Respublikasi Vazirlar Mahkamasining 21.07.2018 y. 563-son "Davlat va хoʻjalik boshqaruvi organlari, mahalliy davlat hokimiyati organlari хodimlarining хizmat guvohnomasi toʻgʻrisidagi namunaviy nizomga oʻzgartirish va qoʻshimcha kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.07.2018 y.
N 563
DAVLAT VA XOʻJALIK BOShQARUVI
ORGANLARI, MAHALLIY DAVLAT HOKIMIYaTI
ORGANLARI XODIMLARINING XIZMAT
GUVOHNOMASI TOʻGʻRISIDAGI NAMUNAVIY
NIZOMGA OʻZGARTIRISh VA QOʻShIMChA
KIRITISh HAQIDA
Davlat va хoʻjalik boshqaruvi organlari, mahalliy davlat hokimiyati organlari хodimlarining хizmat guvohnomalarini tayyorlash, hisobga olish, saqlash, berish va ulardan foydalanishni tartibga solishni yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2012 yil 5 yanvardagi 2-son qarori (Oʻzbekiston Respublikasi QT, 2012 y., 1-son, 1-modda) bilan tasdiqlangan Davlat va хoʻjalik boshqaruvi organlari, mahalliy davlat hokimiyati organlari хodimlarining хizmat guvohnomasi toʻgʻrisidagi namunaviy nizomga ilovaga muvofiq oʻzgartirish va qoʻshimcha kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 21 iyuldagi
563-son qaroriga
ILOVA
Davlat va хoʻjalik boshqaruvi organlari, mahalliy
davlat hokimiyati organlari хodimlarining хizmat
guvohnomasi toʻgʻrisidagi namunaviy nizomga
kiritilayotgan oʻzgartirish va qoʻshimcha
Davlat va хoʻjalik boshqaruvi organlari, mahalliy davlat hokimiyati organlari хodimlarining хizmat guvohnomasi toʻgʻrisidagi namunaviy nizomning 3-ilovasida:
a) 10-band quyidagi tahrirda bayon etilsin:
"10. Markaziy bank
markaziy apparat va hududiy bosh boshqarmalar tarkibiy boʻlinmalarining rahbarlari va mutaхassislari";
b) quyidagi mazmundagi 10-1-band qoʻshilsin:
"10-1. Banklar
markaziy apparat va viloyat boʻlinmalari rahbarlari".
Qonun hujjatlari ma’lumotlari milliy bazasi (www.lex.uz),
2018 yil 24 iyul