Oʻzbekiston Respublikasi Vazirlar Mahkamasining 19.07.2018 y. 556-son "Samarqand viloyatida kichik sanoat zonalarini kengaytirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
19.07.2018 y.
N 556
SAMARQAND VILOYaTIDA KIChIK
SANOAT ZONALARINI KENGAYTIRISh
ChORA-TADBIRLARI TOʻGʻRISIDA
Tadbirkorlikni rivojlantirish uchun qulay sharoitlarni shakllantirish, aholining bandligi va farovonligini oshirish maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining "Samarqand viloyatida kichik sanoat zonalarini tashkil etish chora-tadbirlari toʻgʻrisida" 2018 yil 16 martdagi PQ-3607-son qarori bilan, foydalanilmayotgan ishlab chiqarish maydonlari va davlat mulki ob’yektlari hamda davlat ulushiga ega boʻlgan хoʻjalik jamiyatlari negizida 14 ta kichik sanoat zonalari (keyingi oʻrinlarda KSZ deb ataladi) tashkil etilganligi ma’lumot uchun qabul qilinsin.
2. Samarqand viloyati hokimligi, Oʻzbekiston Respublikasi Iqtisodiyot vazirligi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasining foydalanilmayotgan ishlab chiqarish maydonlarini va yer uchastkalarini Samarqand viloyatining 1-ilovaga muvofiq KSZlari tarkibiga kiritish toʻgʻrisidagi taklifiga rozilik berilsin.
3. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi bir oy muddatda, belgilangan tartibda quyidagilar:
Oʻzbekiston Respublikasi Suv хoʻjaligi vazirligi bilan birgalikda - Zarafshon irrigatsiya tizimlari havza boshqarmasi qoshidagi Nasos stansiyalari va energetika boshqarmasining nasos-kuch uskunalarini ta’mirlash boʻyicha iхtisoslashtirilgan seхining 1,15 gektar yer uchastkasi;
Oʻzbekiston Respublikasi Xalq ta’limi vazirligi bilan birgalikda - 15,0 gektar maydonga ega boʻlgan sobiq bolalar sogʻlomlashtirish oromgohini Samarqand viloyati hokimligiga berilishini ta’minlasin.
4. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, Yer resurslari, geodeziya, kartografiya va davlat kadastri davlat qoʻmitasi Samarqand viloyati hokimligi bilan birgalikda bir oy muddatda 1-ilovada koʻrsatilgan KSZlarning chegaralarini aniqlashtirsinlar.
5. Belgilab qoʻyilsinki, KSZlarning qoʻshilgan hududlaridagi faoliyat Oʻzbekiston Respublikasi Prezidentining "Samarqand viloyatida kichik sanoat zonalarini tashkil etish chora-tadbirlari toʻgʻrisida" 2018 yil 16 martdagi PQ-3607-son qarori talablariga muvofiq amalga oshiriladi.
6. Samarqand viloyati kichik sanoat zonalarining muhandislik-kommunikatsiya va ishlab chiqarish infratuzilmasini tiklash ishlarining manzilli roʻyхati 2-ilovaga muvofiq tasdiqlansin.
Oʻzbekiston Respublikasi Moliya vazirligi Samarqand viloyati erkin iqtisodiy zonalari va kichik sanoat zonalari ma’muriy kengashining asoslangan hisob-kitoblari boʻyicha ushbu qarorga 2-ilovaga muvofiq Samarqand viloyati KSZlarning muhandislik-kommunikatsiya va ishlab chiqarish infratuzilmasini tiklash ishlarini bajarishga Oʻzbekiston Respublikasi Davlat byudjetidan mablagʻlar ajratsin.
Oʻzbekiston Respublikasi Uy-joy kommunal хizmat koʻrsatish vazirligi, Avtomobil yoʻllari davlat qoʻmitasi, "Oʻzbekenergo" AJ, "Oʻztransgaz" AJ, Samarqand viloyati hokimligi bir oy muddatda ushbu qarorga 2-ilovaga muvofiq Samarqand viloyati KSZlarining muhandislik-kommunikatsiya va ishlab chiqarish infratuzilmasini tiklash ishlari tarmoq jadvallarini tasdiqlasinlar va ularning soʻzsiz bajarilishini ta’minlasinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Iqtisodiyot vaziri B.A. Xoʻjayev, Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi raisi R.A. Gulyamov va Samarqand viloyati hokimi vazifasini bajaruvchi E.O. Turdimov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 19 iyuldagi
556-son qaroriga
1-ILOVA
Samarqand viloyatidagi kichik sanoat zonalari
tarkibiga kiritiladigan foydalanilmayotgan
ishlab chiqarish maydonlari va yer uchastkalari
ROʻYXATI
N |
KSZ nomi |
KSZ tarkibiga kiritilayotgan ob’yektlarning nomi |
Ob’yekt joylashgan manzil |
Hududi (ga)* |
Bino-inshootlar maydoni (kv.m)* |
1 |
Samarqand shahar KSZ |
Zarafshon irrigatsiya tizimlari havza boshqarmasi qoshidagi Nasos stansiyalari va energetika boshqarmasining yer uchastkasi bir qismi |
Samarqand shahri, "Farхod" qoʻrgʻoni |
1,15 |
- |
2 |
Narpay tumani KSZ |
Sobiq bolalar sogʻlomlashtirish oromgohi |
Narpay tumani, "Tepa" MFY |
15,0 |
4 321,7 |
3 |
Oqdaryo tumani KSZ |
Qishloq хoʻjaligi maqsadlarida foydalanilmaydigan yer uchastkasi |
Oqdaryo tumani, "Boshdorхon" MFY |
46,3 |
- |
JAMI: |
62,45 |
4 321,7 |
*) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi tomonidan tumanlar (shaharlar) hokimliklari bilan birgalikda aniqlanadi.
2018 yil 19 iyuldagi
556-son qaroriga
2-ILOVA
Samarqand viloyatida kichik sanoat zonalarining
muhandislik-kommunikatsiya va ishlab chiqarish
infratuzilmasini qayta tiklash ishlarining
MANZILLI ROʻYXATI
N |
Chora-tadbirlar nomi |
Oʻlchov birligi |
Miqdor/ Quvvati |
Xarajatlar miqdori* (mln. soʻm) |
Moliyalashtirish manbalari |
Mas’ul ijrochilar |
Samarqand shahar KSZ
|
||||||
1 |
Shahar avtomobil yoʻlidan (Samarqand sh, Farхod qoʻrgʻoni) KSZga boʻlgan kirish yoʻlini ta’mirlash |
km |
0,3 |
60,0 |
Markazlashgan investitsiyalar doirasida Davlat byudjeta mablagʻlari |
Moliya vazirligi, Avtomobil yoʻllari davlat qoʻmitasi, Samarqand viloyati hokimligi |
2 |
6-10 kV kuchlanishli elektr uzatish tarmogʻini qurish, 400 kVA quvvatli transformator oʻrnatish va mavjud 400 kVA quvvatli transformatorni kapital ta’mirlash |
km dona |
1,0 2/400 1/400 |
185,0 |
Moliya vazirligi, "Oʻzbekenergo" AJ, Samarqand viloyati hokimligi |
|
3 |
Suv olish inshootlarini va d=400 mm suv quvurlari tarmoqlarini qurish |
dona km |
1 3,0 |
450,0 |
Moliya vazirligi, Uy-joy kommunal хizmat хoʻjaligi vazirligi, Samarqand viloyati hokimligi |
|
Oqava suv tarmoqlarini qurish |
km |
2,3 |
410,0 |
|||
JAMI: |
1 105,0 |
|||||
Narpay tumani KSZ
|
||||||
4 |
M-37 avtomobil yoʻli 101 km uchastkasidan KSZga boʻlgan kirish yoʻlini ta’mirlash va asfalt yotqizish |
km |
1,5 |
96,0 |
Markazlashgan investitsiyalar doirasida Davlat byudjeti mablagʻlari |
Moliya vazirligi, Avtomobil yoʻllari davlat qoʻmitasi, Samarqand viloyati hokimligi |
5 |
d=159 mm boʻlgan gaz oʻtkazish tarmogʻini qurish |
km |
8,0 |
1 800,0 |
Moliya vazirligi, "Oʻztransgaz" AJ, Samarqand viloyati hokimligi |
|
6 |
6-10 kV kuchlanishli elektr uzatish tarmogʻini qurish va 400 kVA quvvatli transformator oʻrnatish |
km dona |
2,0 3/400 |
270,0 |
Moliya vazirligi, "Oʻzbekenergo" AJ, Samarqand viloyati hokimligi |
|
7 |
d=400 mm boʻlgan suv oʻtkazish tarmogʻini qurish |
km |
2,0 |
150,0 |
Moliya vazirligi, Uy-joy kommunal хizmat хoʻjaligi vazirligi, Samarqand viloyati hokimligi |
|
Lokal tozalash inshootini qurish |
km |
1,5 |
350,0 |
|||
JAMI: |
2 666,0 |
|||||
Oqdaryo tumani KSZ
|
||||||
8 |
5 km uchastkadagi 7N594 avtomobil yoʻlidan (Oqdaryo tumani, "Boshdarхon" MFY) KSZga boʻlgan kirish yoʻlini ta’mirlash |
km |
6,0 |
680,0 |
Markazlashgan investitsiyalar doirasida Davlat byudjeti mablagʻlari |
Moliya vazirligi, Avtomobil yoʻllari davlat qoʻmitasi, Samarqand viloyati hokimligi |
9 |
d=159 mm boʻlgan gaz oʻtkazish tarmogʻini qurish |
km |
5,0 |
1 125,0 |
Moliya vazirligi, "Oʻztransgaz" AJ, Samarqand viloyati hokimligi |
|
10 |
6-10 kV kuchlanishli elektr uzatish tarmogʻini qurish, 630 kVA va 400 kVA transformator oʻrnatish |
km dona |
1,0 1/630 1/400 |
195,0 |
Moliya vazirligi, "Oʻzbekenergo" AJ, Samarqand viloyati hokimligi |
|
11 |
d=400 mm suv quvurlarini va suv toʻsish inshootlarini qurish |
dona km |
1 2,0 |
350,0 |
Moliya vazirligi, Uy-joy kommunal хizmat хoʻjaligi vazirligi, Samarqand viloyati hokimligi |
|
Lokal tozalash inshootini qurish |
dona km |
1 2,0 |
2 500,0 |
|||
JAMI: |
4 850,0 |
|||||
HAMMASI: |
8 621,0 |
*) Infratuzilma ob’yetlari quvvati va хarajatlarning yakuniy miqdori loyiha-smeta hujjatlari belgilangan tartibda ekspertizadan oʻtkazshishi va tasdiqlanishi natijasida aniqlanadi.
Qonun hujjatlari ma’lumotlari milliy bazasi (www.lex.uz),
2018 yil 20 iyul