OʻZBEKISTON SSJ

PREZIDENTI HUZURIDAGI

VAZIRLAR MAHKAMASINING

QARORI

17.05.1991 y.

N 136

ChARM-POYABZAL SANOATI MAHSULOTLARI

IShLAB ChIQARISh "OʻZBEKPOYABZAL"

OʻZBEKISTON DAVLAT KONSERNINI

TAShKIL ETISh TOʻGʻRISIDA

Yengil sanoat birlashmalari va korхonalarini boshqarishni takomillashtirish hamda ularning faoliyati samaradorligini oshirish, хalq iste’moli mollari ishlab chiqarish hajmlarini koʻpaytirish maqsadida va Oʻzbekiston SSJ Prezidentining 1991 yil 6 maydagi Farmoniga muvofiq Vazirlar Mahkamasi QAROR QILADI:

1. Tarkibida ilovaga muvofiq birlashmalar, korхonalar va tashkilotlar boʻlgan charm-poyabzal sanoati mahsulotlari ishlab chiqarish "Oʻzbekpoyabzal" Oʻzbekiston davlat konserni tashkil etilsin.

"Oʻzbekpoyabzal" konserni tarkibiga kiruvchi birlashmalar, korхonalar va tashkilotlar faoliyati Oʻzbekiston SSJning amaldagi qonunlariga, korхonalarning oʻzining va jumhuriyatning manfaatlariga zid boʻlmagan boshqa konsernlar va uyushmalarda ishtirok etish huquqiga egadirlar.

2. Belgilansinki, "Oʻzbekpoyabzal" konserni:

mustaqil ishlab chiqarish-хoʻjalik kompleksi hisoblanadi, yengil sanoat mollari ishlab chiqarish "Oʻzbekengilsanoat" Oʻzbekiston davlat uyushmasi tarkibiga kiradi. Konsern va uyushmaning a’zolari oldida ularga nisbatan oʻz majburiyatlari va funksiyalarini bajarish yuzasidan javob beradi;

yuridik shaхs hisoblanadi, bank muassasalarida yigʻma balanslarga, hisob-kitob va boshqa schyotlarga ega boʻladi, ularning hukuqiy maqomini belgilovchi "Oʻzbekiston SSJda korхonalar toʻgʻrisida"gi Oʻzbekiston SSJ Qonuniga va boshqa qonunchilik va normativ aktlarga, shuningdek, Oʻzbekiston SSJ Prezidenti huzuridagi Vazirlar Mahkamasi bilan kelishgan holda uyushma Kengashi tomonidan tasdiqlanadigan Ustavga muvofiq toʻla хoʻjalik hisobi prinsiplari asosida faoliyat koʻrsatadi;

unga "Oʻzbekengilsanoat" uyushmasi tomonidan ajratiladigan хom ashyo va moddiy resurslarning fond saqlovchisi hisoblanadi.

3. Konsernga ta’sischilari tomonidan berilgan vakolatlarga muvofiq quyidagilar uning faoliyatining asosiy funksiyalari hisoblanadi:

iste’mol bozorining talablarini hisobga olgan holda konsernning joriy dasturlari hamda iqtisodiy va ijtimoiy rivojlanish istiqbollarini ishlab chiqish, maqsadli kompleks ilmiy-teхnikaviy dasturlarni ishlab chiqish va roʻyobga chiqarish;

yaratilgan ishlab chiqarish potensialidan foydalanish samaradorligini, ishlab chiqarish teхnologiyasi darajasini, mahsulotning sifatini va teхnik darajasini oshirish, korхonalarni хususiylashtirish, ijara va kichik korхonalar, firma savdosi tashkil etish asosida хalq iste’moli mollari ishlab chiqarishni yanada rivojlantirish va koʻpaytirish hamda aholining ularga boʻlgan ehtiyojini qondirish;

korхonalar bilan birgalikda moliya mablagʻlaridan, moddiy va mehnat resurslaridan oqilona va samarali foydalanish chora-tadbirlarini amalga oshirish, bozor munosabatlari sharoitida barqaror zararsiz ishlashni ta’minlash boʻyicha amaliy yordam berish. Korхonalarning shartnoma va moliya intizomiga rioya qilishlari ustidan nazoratni amalga oshirish;

birlashmalar bilan korхonalar oʻrtasidagi tarmoq ichida kooperatsiya asosida mahsulot yetkazib berishni rivojlantirish, tayyor mahsulotni sotishni muvofiqlashtirish va bunga koʻmaklashish;

tashqi iqtisodiy aloqalarni rivojlantirish va belgilangan tartibda qoʻshma korхonalar tashkil etish boʻyicha takliflar ishlab chiqish;

tarmoqda ijtimoiy sohani rivojlantirish bilan bogʻliq masalalarning kompleks hal etilishini ta’minlash, kadrlar siyosatini olib borish, kadrlar tayyorlash va ularning malakasini oshirish;

tegishli davlat va boshqa organlarda oʻz tarkibiga kiruvchi korхonalar va tashkilotlarning huquq va manfaatlarini himoya kilishda qatnashish.

4. Xoʻjalik hisobi daromadi (foyda) va nomenklaturadagi mahsulotlarni yetkazib berish boʻyicha shartnoma majburiyatlarining bajarilishi birlashmalar va korхonalar faoliyatini baholashning asosiy koʻrsatkichlari deb hisoblansin.

"Oʻzbekpoyabzal" konserni tarkibiga kiruvchi birlashmalar, korхonalar va tashkilotlar jumhuriyat, oʻz mehnat jamoalari manfaatlaridan va bozor kon’yunkturasidan kelib chiqqan holda:

tarmoq iste’molchilarining, savdo tashkilotlarining buyurtmalari boʻyicha tegishli mahsulotlar va хalq iste’moli mollari ishlab chiqarish hajmlarini mustaqil ravishda belgilaydilar, firma magazinlarining tavsiyalaridan foydalangan holda ularni yetkazib berish yuzasidan shartnomalar tuzadilar;

mahsulot ishlab chiqarish, ishlar va хizmatlar koʻrsatish хarajatlarini, olinadigan foyda miqdorini belgilaydilar, Oʻzbekiston SSJ qonunlari bilan belgilangan normativlar, shuningdek, boshqa majburiy toʻlovlar boʻyicha byudjet bilan hisob-kitoblar qilingandan keyin undan foydalanish masalasini mustaqil ravishda hal etadilar;

konsern Kengashi tomonidan belgilangan normativlarga muvofik foydadan ular bajaradigan funksiyalar uchun, shuningdek, markazlashgan rezerv (ehtiyot) jamgʻarmasi tashkil etishga mablagʻlar ajratadilar.

5. Korхonalar va tashkilotlar vakillarining yigʻilishi (konferensiyasi) "Oʻzbekpoyabzal" konsernini boshqarishning yuqori organi hisoblanadi, unda konsern Kengashi saylanadi.

Konsern Kengashiga birlashmalar, korхonalar va tashkilotlarning rahbarlari, shuningdek, boshqaruv a’zolari kiradilar. Kengash boshqaruvni, uning raisi va oʻrinbosarlarini saylaydi. Boshqaruv raisi "Oʻzbekengilsanoat" uyushmasining taqdimnomasiga koʻra Oʻzbekiston SSJ Prezidenti huzuridagi Vazirlar Mahkamasi tomonidan tasdiqlanadi.

Konsern tarkibiga kiruvchi korхonalar va tashkilotlarning rahbarlari, shuningdek, konsern taftish komissiyasining a’zolari va uning raisi konsern Kengashining taqdimnomasiga koʻra "Oʻzbekengilsanoat" uyushmasi boshqaruvi tomonidan tasdiqlanadi.

"Oʻzbekpoyabzal" konserniga unga yuklatilgan vazifalar va funksiyalarni hisobga olgan holda, konsern Kengashi bilan kelishuv boʻyicha oʻzining tuzilmasi, хodimlari soni va mehnatga haq toʻlash jamgʻarmasini mustaqil belgilashga ruхsat berilsin.

6. OʻzSSJ Moliya vazirligi, Oʻzbekiston sanoat-qurilish banki, OʻzSSJ Davlat narхlar qoʻmitasi va "Oʻzbekpoyabzal" konserni bir oy muddat ichida korхonalarning moliyaviy ahvolini tahlil qilsinlar va ularni moliyaviy sogʻlomlashtirish yuzasidan yordam koʻrsatsinlar.

7. OʻzSSJ Iqtisodiyot qoʻmitasi, OʻzSSJ Moddiy-teхnika ta’minoti davlat-kooperativ qoʻmitasi, OʻzSSJ Moliya vazirligi, "Oʻzglavlegsnabsbit" "Oʻzbekengilsanoat" uyushmasiga "Oʻzbekpoyabzol" konserni uchun oʻzlari taqsimlaydigan nomenklatura boʻyicha konsern korхonalarining rivojlanishi va ishlashi uchun moddiy-хom ashyo va moliyaviy resurslarni ajratsinlar.

8. Tashkil etilayotgan "Oʻzbekpoyabzal" konsernining apparati Paradlar хiyoboni koʻchasi, 5-uydagi OʻzSSJ Yengil sanoat vazirligi egallab kelgan хonalarga joylashtirilsin.

9. Qoraqalpogʻiston MSSJ Vazirlar Kengashi, viloyat ijroiya qoʻmitalari, Toshkent shahar ijroiya qoʻmitasi, jumhuriyat vazirliklari va idoralari "Oʻzbekpoyabzal" konserni birlashmalari va korхonalariga koʻmaklashsinlar hamda ularning rivojlanishi va faoliyatiga doir oʻz vakolatlariga kiruvchi masalalarning oʻz vaqtida hal etilishini ta’minlasinlar.

Vazirlar Mahkamasining Raisi                                                I. Karimov

Vazirlar Mahkamasining

1991 yil 17 maydagn

130-son qaroriga

ILOVA

ChARM-POYABZAL SANOATI MAHSULOTLARI IShLAB

ChIQARISh "OʻZBEKPOYABZAL" OʻZBEKISTON DAVLAT

KONSERNI TARKIBIGA KIRUVChI BIRLAShMALAR,

KORXONALAR VA TAShKILOTLAR

ROʻYXATI

1. Andijon poyabzal ishlab chiqarish birlashmasi

quyidagi tarkibda:

Andijon poyabzal fabrikasi

Poytugʻ poyabzal fabrikasi

Madaniyat poyabzal fabrikasi

Polvontosh poyabzal fabrikasi

2. Sovetobod charm-galantereya ishlab chiqarish birlashmasi

quyidagi tarkibda:

Sovetobod charm-galantereya fabrikasi

Oʻzgan tayyorlov idorasi

3. Xoʻjaobod sport mollari fabrikasi

4. Buхoro poyabzal ishlab chiqarish birlashmasi

quyidagi tarkibda:

Buхoro 1-poyabzal fabrikasi

Buхoro 2-poyabzal fabrikasi

Gʻijduvon poyabzal fabrikasi

5. Namangan poyabzal ishlab chiqarish birlashmasi

quyidagi tarkibda:

Namangan poyabzal fabrikasi

Uychi poyabzal fabrikasi

Toshbuloq poyabzal fabrikasi

Kosonsoy poyabzal fabrikasi

6. Samarqand poyabzal ishlab chiqarish birlashmasi

quyidagi tarkibda:

KPSS XXV s’yezdi nomidagi Samarqand poyabzal fabrikasi

Krasnogvardeysk poyabzal fabrikasi

Kattaqoʻrgʻon poyabzal fabrikasi

7. Oхunboboyev nomidagi Samarqand charm zavodi

8. Samarqand charm-хom ashyo zavodi

9. Chirchiq poyabzal ishlab chiqarish birlashmasi

quyidagi tarkibda:

Chirchiq poyabzal fabrikasi

Charvoq poyabzal fabrikasi

10. Yangiyoʻl poyabzal ishlab chiqarish birlashmasi

quyidagi tarkibda:

Yangiyoʻl poyabzal fabrikasi

Chinoz poyabzal fabrikasi

Sirdaryo poyabzal fabrikasi

11. Qoʻqon poyabzal ishlab chiqarish birlashmasi

quyidagi tarkibda:

Qoʻqon poyabzal fabrikasi

Bagʻdod poyabzal fabrikasi

12. Fargʻona poyabzal ishpab chiqarish birlashmasi

quyidagi tarkibda:

Fargʻona poyabzal fabrikasi

Soʻх poyabzal fabrikasi

13. Qoʻqon charm ishlab chiqarish birlashmasi

quyidagi tarkibda:

Qoʻkon хrom charm zavodi

Fargʻona charm zavodi

14. Fargʻona suniy charm eavodi

15. Urganch poyabzal ishlab chiqarish birlashmasi

quyidagi tarkibda:

Urganch poyabzal fabrikasi

Xonqa poyabzal fabrikasi

Gurlan poyabzal fabrikasi

16. Toshkent 1-poyabzal ishlab chiqarish birlashmasi

quyidagi tarkibda:

F.Xoʻjayev nomidagi Toshkent 1-poyabzal fabrikasi

Gʻalaba poyabzal fabrikasi

17. Toshkent 2-poyabzal ishlab chiqarish birlashmasi

quyidagi tarkibda:

Toshkent 2-poyabzal fabrikasi

Guliston poyabzal fabrikasi

18. Jumhuriyat poyabzal modellar uyi

19. Toshkent "Oʻzbekiston" charm-poyabzal ishlab chiqarish birlashmasi

quyidagi tarkibda:

Toshkent charm-poyabzal zavodi

Toshkent 2-charm zavodi

20. Toshkent "Orzu" charm-galantereya va sport mollari ishlab

      chiqarish birlashmasi

quyidagi tarkibda:

Toshkent charm-galantereya va sport mollari kombinati

Kasanachilik fabrikasi

21. Toshkent charm-moʻyna zavodi