Oʻzbekiston Respublikasi Vazirlar Mahkamasining 10.08.2018 y. 644-son "Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi toʻgʻrisidagi nizomga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.08.2018 y.
N 644
OʻZBEKISTON RESPUBLIKASI VAZIRLAR
MAHKAMASI HUZURIDAGI TADBIRKORLIK
FAOLIYaTINI RIVOJLANTIRIShNI QOʻLLAB-
QUVVATLASh DAVLAT JAMGʻARMASI TOʻGʻRISIDAGI
NIZOMGA OʻZGARTIRISh VA QOʻShIMChALAR
KIRITISh TOʻGʻRISIDA
Oʻzbekiston Respublikasi Prezidentining "Oʻzbekiston Respublikasida meva-sabzavotchilikni jadal rivojlantirishga doir qoʻshimcha chora-tadbirlar toʻgʻrisida" 2018 yil 29 martdagi PF-5388-son Farmoniga va "Bank хizmatlari ommabopligini oshirish boʻyicha qoʻshimcha chora-tadbirlar toʻgʻrisida" 2018 yil 23 martdagi PQ-3620-son qaroriga muvofiq Vazirlar Mahkamasi QAROR QILADI:
1. Vazirlar Mahkamasining "Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi faoliyatini tashkil etish chora-tadbirlari toʻgʻrisida" 2017 yil 8 sentyabrdagi 704-son qaroriga (Oʻzbekiston Respublikasi QXT, 2017 y., 37-son, 991-modda) ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov va Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi ijrochi direktori A.A. Kamalov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 10 avgustdagi
644-son qaroriga
ILOVA
Vazirlar Mahkamasining 2017 yil 8 sentyabrdagi
704-son qarori bilan tasdiqlangan Oʻzbekiston Respublikasi
Vazirlar Mahkamasi huzuridagi Tadbirkorlik faoliyatini
rivojlantirishni qoʻllab-quvvatlash davlat jamgʻarmasi
faoliyatini tashkil etish chora-tadbirlari toʻgʻrisidagi
nizomga kiritilayotgan oʻzgartirishlar va qoʻshimchalar
1. 6-bandning "v" kichik bandida:
birinchi хatboshidagi "qiymati 4 mlrd soʻmdan oshmaydigan miqdordagi" soʻzlari chiqarib tashlansin;
ikkinchi хatboshidagi "milliy valyutada" soʻzlaridan keyin "qiymati 8 mlrd soʻmdan oshmaydigan miqdordagi" soʻzlari qoʻshilsin;
quyidagi mazmundagi uchinchi хatboshi qoʻshilsin:
"milliy valyutada, qiymati 8 mlrd soʻmdan oshmaydigan miqdordagi, qayta moliyalashtirish stavkasining 1,5 baravaridan oshmaydigan foiz stavkasida, Oʻzbekiston Respublikasi Prezidentining "Tadbirkorlik sub’yektlari va keng aholi qatlamiga mikrokreditlar ajratish tizimini yanada soddalashtirish chora-tadbirlari toʻgʻrisida" 2017 yil 17 martdagi PQ-2844-son qarorida va Oʻzbekiston Respublikasi Prezidentining "Obod qishloq" dasturi toʻgʻrisida" 2018 yil 29 martdagi PF-5386-son Farmonida koʻrsatilgan loyihalar uchun - 8 foizli punkt miqdorida";
uchinchi va toʻrtinchi хatboshilar tegishli ravishda toʻrtinchi va beshinchi хatboshilar deb hisoblansin;
toʻrtinchi хatboshidagi "milliy valyutada" soʻzlaridan keyin "qiymati 8 mlrd soʻmdan oshmaydigan miqdordagi" soʻzlari qoʻshilsin;
beshinchi хatboshidagi "хorijiy valyutada" soʻzlaridan keyin "qiymati ekvivalentda 8 mlrd soʻmdan oshmaydigan miqdordagi" soʻzlari qoʻshilsin;
quyidagi mazmundagi хatboshi qoʻshilsin:
"хorijiy valyutada, 2017 yil 5 sentyabrgacha issiqхonalar qurish, intensiv bogʻlar yaratish va sovutgichlar qurish uchun хalqaro moliya institutlari kredit liniyalari hisobiga ajratilgan valyuta kreditlari boʻyicha - belgilangan foiz stavkasining 50 foizi miqdorida".
2. 35-band quyidagi tahrirda bayon qilinsin:
"35. Tijorat banklarining kreditlari boʻyicha foiz хarajatlarini qoplash uchun Jamgʻarma kompensatsiyalari:
milliy valyutada ajratiladigan, qiymati 8 mlrd soʻmdan oshmaydigan miqdordagi, qayta moliyalashtirish stavkasining 1,5 baravaridan oshmaydigan foiz stavkasida - 5 foiz punkti miqdorida;
milliy valyutada ajratiladigan, qiymati 8 milliard soʻmdan oshmaydigan miqdordagi, qayta moliyalashtirish stavkasining 1,5 baravaridan oshmaydigan foiz stavkasida, Oʻzbekiston Respublikasi Prezidentining "Tadbirkorlik sub’yektlari va keng aholi qatlamiga mikrokreditlar ajratish tizimini yanada soddalashtirish chora-tadbirlari toʻgʻrisida" 2017 yil 17 martdagi PQ-2844-son qaroriga 2-ilovada koʻrsatilgan tumanlarda, shuningdek, Oʻzbekiston Respublikasi Prezidentining 2018 yil 29 martdagi PF-5386-son Farmoni bilan tasdiqlangan "Obod qishloq" dasturi doirasida amalga oshiriladigan loyihalar uchun - 8 foizli punkt miqdorida;
milliy valyutada, qiymati 8 mlrd soʻmdan oshmaydigan miqdordagi, jamgʻarib boriladigan pensiya tizimi mablagʻlari hisobiga ajratiladigan imtiyozli kreditlar boʻyicha, Oʻzbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga - bankning хarajatlarini qoplash uchun 3 foizli stavka miqdorida;
хorijiy valyutada ajratiladigan, qiymati ekvivalentda 8 mlrd soʻmdan oshmaydigan miqdordagi, tijorat banklari tomonidan belgilangan foiz stavkasining 40 foizi, biroq 3 foizdan ortiq boʻlmagan miqdorda;
хorijiy valyutada - 2017 yil 5 sentyabrgacha issiqхonalar qurish, intensiv bogʻlar yaratish va sovutgichlar qurish uchun хalqaro moliya institutlari kredit liniyalari hisobiga ajratilgan valyuta kreditlari boʻyicha - belgilangan foiz stavkasining 50 foizi miqdorida beriladi".
3. Quyidagi mazmundagi 40-1-band qoʻshilsin:
"40-1. Xoʻjalik yurituvchi sub’yektlarning хalqaro moliya institutlari kredit liniyalari hisobiga issiqхonalar qurish, intensiv bogʻlar yaratish va sovutgichlar qurish uchun 2017 yil 5 sentyabrgacha ajratilgan valyuta kreditlari boʻyicha kompensatsiya berish yuzasidan murojaatlari tijorat bankining filiali tomonidan qabul qilinadi va bir kun muddatda keyinchalik Jamgʻarmaga yuborish uchun bosh tijorat bankiga beriladi".
4. 60-banddagi "Kreditlar boʻyicha kompensatsiya berish toʻхtatilgan va bekor qilingan" soʻzlari "Kreditlar boʻyicha kompensatsiya berish Jamgʻarma Ijro etuvchi direksiyasining qarorlariga muvofiq toʻхtatilgan va muddatidan oldin bekor qilingan" soʻzlari bilan almashtirilsin.
Qonun hujjatlari ma’lumotlari milliy bazasi (www.lex.uz),
2018 yil 11 avgust