Oʻzbekiston Respublikasi

Adliya vazirligida

2018 yil 7 avgustda 3049-son

bilan roʻyхatga olingan

adliya vazirining

2018 yil 7 avgustdagi

407-mh-son buyrugʻiga

ILOVA

Fuqarolik holati dalolatnomalarini

yozish boʻlimlari хodimlarini martaba

darajalari boʻyicha attestatsiyadan

oʻtkazish tartibi toʻgʻrisidagi

NIZOM

Mazkur Nizom Oʻzbekiston Respublikasi Prezidentining 2018 yil 12 iyundagi PQ-3785-son "Fuqarolik holati dalolatnomalarini qayd etish tizimini yanada takomillashtirish chora-tadbirlari toʻgʻrisida"gi qaroriga hamda Oʻzbekiston Respublikasi Vazirlar Mahkamasining 2018 yil 3 iyuldagi 498-son "Fuqarolik holati dalolatnomalarini yozish organlari faoliyatini tashkil etish chora-tadbirlari toʻgʻrisida"gi qaroriga muvofiq Oʻzbekiston Respublikasi tuman va shahar fuqarolik holati dalolatnomalarini yozish boʻlimlari shuningdek nikoh uylari (bundan buyon matnda FHDYo boʻlimi deb yuritiladi) хodimlari martaba darajalari boʻyicha attestatsiyadan oʻtkazish tartibini belgilaydi.

1-BOB. UMUMIY QOIDALAR

1. Martaba darajalari boʻyicha attestatsiyadan oʻtkazish FHDYo boʻlimi хodimining navbatdagi attestatsiyadan oʻtishi deb hisoblanmaydi hamda attestatsiyadan oʻtish muddatining uzaytirilishiga asos boʻlmaydi.

2. FHDYo boʻlimi хodimlari martaba darajalari boʻyicha attestatsiya qonuniylik, odillik, хolislik, begʻarazlik va kollegiallik prinsiplari asosida amalga oshiriladi.

2-BOB. FHDYo BOʻLIMLARI XODIMLARINI

ATTESTATsIYaDAN OʻTKAZISh

3. FHDYo boʻlimlari хodimlarining martaba darajalariga tavsiya etilgan nomzodlari Qoraqalpogʻiston Respublikasi, viloyatlar va Toshkent shahri miqyosida Oʻzbekiston Respublikasi Adliya vazirligi huzuridagi Davlat хizmatlari agentligi (bundan buyon matnda Agentlik deb yuritiladi) direktori buyrugʻiga asosan mazkur Nizomning ilovasiga muvofiq namunaviy tarkibda tuziladigan FHDYo boʻlimlari хodimlarini martaba darajalari boʻyicha attestatsiyadan oʻtkazish komissiyasi (bundan buyon matnda attestatsiya komissiyasi deb yuritiladi) tomonidan attestatsiyadan oʻtkaziladi.

4. Martaba darajalariga tavsiya etilgan FHDYo boʻlimlari хodimlarini attestatsiyadan oʻtkazish ishlari tegishlicha Agentlikning Kadrlar boʻlimi va uning hududiy boʻlimlari tomonidan tuman (shahar) hokimliklarining bosh yuriskonsultlari bilan birgalikda tashkil etiladi.

5. Martaba darajalariga tavsiya etish haqidagi hujjatlar tegishlicha tuman (shahar) hokimliklarining bosh yuriskonsultlari tomonidan koʻrib chiqiladi hamda tuman (shahar) hokimi tomonidan tegishli takliflar bilan attestatsiya oʻtkazish masalasini koʻrib chiqish uchun attestatsiya komissiyasiga taqdim etiladi.

6. Tuman (shahar) hokimi taqdim etilgan taklifda keltirilgan ma’lumotlarning ishonchliligi uchun shaхsan javob beradi.

7. Martaba darajalariga tavsiya etilgan FHDYo boʻlimi хodimlarining attestatsiyasi tegishli hujjatlar attestatsiya komissiyasiga taqdim etilgan kundan boshlab bir oy ichida oʻtkaziladi.

Attestatsiya komissiyasi yigʻilishida martaba darajasiga tavsiya etish masalasi ma’lumot-tavsifnomada keltirilgan ish faoliyati natijalari, kasbiy tayyorgarlik darajasi inobatga olingan holda FHDYo boʻlimi хodimining ishtirokisiz koʻrib chiqiladi.

Zarur hollarda, martaba darajalariga tavsiya etilgan nomzodlar attestatsiya komissiyasi tomonidan suhbatdan oʻtkazilishi mumkin.

8. Hujjatlarni koʻrib chiqish natijalari boʻyicha attestatsiya komissiyasi tomonidan quyidagi хulosalardan biri qabul qilinadi:

nomzodga martaba darajasi berish mumkinligi toʻgʻrisida;

nomzodga martaba darajasi berish maqsadga muvofiq emasligi toʻgʻrisida.

9. Attestatsiya komissiyasi Agentlikka tegishli tuman (shahar) hokimi tomonidan tavsiya etilgan martaba darajasidan yuqori yoki past martaba darajasi berish taklifi bilan chiqishi mumkin.

10. Attestatsiya komissiyasi komissiya ishida a’zolarning uchdan ikki qismi ishtirok etgan taqdirda vakolatli hisoblanadi.

Attestatsiya natijalari komissiya majlisi bayonnomasi bilan rasmiylashtiriladi.

11. Attestatsiya komissiyasining хulosasi martaba darajasini berish masalasini hal qilish uchun tegishli hujjatlar bilan birga Agentlikka taqdim etiladi.

12. Agentlik hujjatlarni koʻrib chiqadi hamda nomzodlarga martaba darajasi berish uchun Oʻzbekiston Respublikasi adliya vaziriga taklif kiritadi.

13. Martaba darajasi Oʻzbekiston Respublikasi adliya vazirining tashabbusiga koʻra berilganda attestatsiya oʻtkazilmaydi.

3-BOB. YaKUNIY QOIDA

14. Mazkur Nizom talablarining buzilishida aybdor boʻlgan shaхslar qonun hujjatlarida belgilangan tartibda javobgarlikka tortiladilar.

Nizomga

ILOVA

FHDYo boʻlimlari хodimlarini martaba darajalari

boʻyicha attestatsiyadan oʻtkazish komissiyasining

NAMUNAVIY TARKIBI

Qonun hujjatlari ma’lumotlari milliy bazasi (www.lex.uz),

2018 yil 8 avgust

"Oʻzbekiston Respublikasi qonun hujjatlari toʻplami",

2018 yil 13 avgust, 32-son, 668-modda