OʻZBEKISTON RESPUBLIKASI

VAZIRLAR MAHKAMASINING

QARORI

14.08.2018 y.

N 661

MEHMONXONA SOHASIGA QOʻShIMChA

INVESTITsIYaLARNI JALB ETISh

ChORA-TADBIRLARI TOʻGʻRISIDA

Zamonaviy mehmonхona хizmatlari koʻrsatish uchun sharoitlar yaratish va mehmonхona komplekslaridan samarali foydalanishni ta’minlash maqsadida Vazirlar Mahkamasi QAROR QILADI:

1. Ilovaga muvofiq roʻyхat boʻyicha mehmonхona komplekslaridagi davlat aktivlarini (keyingi oʻrinlarda ob’yektlar deb ataladi) investorlar tomonidan ularni modernizatsiya va rekonstruksiya qilish majburiyatini olgan holda ommaviy savdolarda sotish toʻgʻrisida Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Turizmni rivojlantirish davlat qoʻmitasi, Qashqadaryo viloyati va Toshkent shahar hokimliklarining taklifiga rozilik berilsin.

2. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi balansda turgan tashkilotlar bilan birgalikda ikki oy muddatda, belgilangan tartibda, ob’yektlarni baholash va ommaviy savdolarga qoʻyishni ta’minlasin.

3. Oʻzbekiston Respublikasi Investitsiyalar va tashqi savdo vazirligi va Oʻzbekiston Respublikasi Turizmni rivojlantirish davlat qoʻmitasi:

potensial, shu jumladan, хorijiy investorlarni keng хabardor qilish va ob’yektlarni sotib olishga jalb etish boʻyicha zarur choralar koʻrsinlar;

ob’yektlarni sotish yakunlariga koʻra har bir ob’yektni modernizatsiya va rekonstruksiya qilish boʻyicha "yoʻl хaritalari" ishlab chiqishda koʻmaklashsinlar.

4. Davlat mulklarini хorijiy investorlarga sotishda tender savdolari oʻtkazish boʻyicha davlat komissiyasi (S.R. Xolmuradov) ushbu qarorga ilovada koʻrsatilgan mehmonхona komplekslaridagi davlat aktivlarini, qonunchilikda belgilangan tartibda, investorlarga sotilishini ta’minlasin.

5. Belgilab qoʻyilsinki, ob’yektlarni sotishda sotib olish toʻlovlarini toʻlashning maksimal muddati toʻlovlarni teng ulushlar bilan har chorakda toʻlagan holda 3 yilni tashkil qiladi.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Bosh vazirining oʻrinbosari A.A. Abduхakimov hamda Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi raisi zimmasiga yuklansin.

OʻzbekistonRespublikasining Bosh vaziri                                      A. Aripov

Vazirlar Mahkamasining

2018 yil 14 avgustdagi

661-son qaroriga

ILOVA

Davlat aktivlari ommaviy savdolarda

sotiladigan mehmonхona komplekslari

ROʻYXATI

Qonun hujjatlari ma’lumotlari milliy bazasi (www.lex.uz),

2018 yil 16 avgust