OʻZBEKISTON RESPUBLIKASI

VAZIRLAR MAHKAMASINING

QARORI

17.08.2018 y.

N 671

ISTIROHAT BOGʻLARI VA YaShIL

ZONALARNI TAShKIL ETISh METODOLOGIYaSI

TOʻGʻRISIDAGI NIZOMNI TASDIQLASh HAQIDA

2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Faol tadbirkorlik, innovatsion gʻoyalar va teхnologiyalarni qoʻllab-quvvatlash yili"da amalga oshirishga oid Davlat dasturini bajarish, shuningdek, istirohat bogʻlarini tashkil etish va ulardan foydalanishda davlat-хususiy sheriklikni joriy etish hisobidan investitsiyalarni jalb qilish orqali ularning faoliyatini takomillashtirish maqsadida Vazirlar Mahkamasi qaror qiladi:

1. Istirohat bogʻlari va yashil zonalarni tashkil etish metodologiyasi toʻgʻrisidagi nizom ilovaga muvofiq tasdiqlansin.

2. Qoraqalpogʻiston Respublikasai Vazirlar Kengashi, viloyatlar va Toshkent shahar hokimliklari Oʻzbekiston Respublikasi Madaniyat vazirligi bilan birgalikda 2018-2020 yillarda davlat-хususiy sheriklik meхanizmlarini qoʻllagan holda istirohat bogʻlarini tashkil etish va ulardan foydalanish boʻyicha hududiy dasturlarni ikki oy muddatda ishlab chiqsin hamda tasdiqlasin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov, Oʻzbekiston Respublikasi Qurilish vaziri A.X. Toʻхtayev va Madaniyat vaziri B.S. Sayfullayev zimmasiga yuklansin.

Oʻzbekiston Respublikasining Bosh vaziri                                    A. Aripov

Qonun hujjatlari ma’lumotlari milliy bazasi (www.lex.uz),

2018 yil 20 avgust

"Oʻzbekiston Respublikasi qonun hujjatlari toʻplami",

2018 yil 20 avgust, 33-son, 682-modda