OʻZBEKISTON RESPUBLIKASI

VAZIRLAR MAHKAMASINING

QARORI

30.08.2018 y.

N 702

TAShQI REKLAMANI JOYLAShTIRISh

SOHASIDAGI FAOLIYaTNI YaNADA

TAKOMILLAShTIRISh ChORA-

TADBIRLARI TOʻGʻRISIDA

Reklama bozorida sogʻlom raqobat muhitini yaratish, respublika aholi punktlari qiyofasini yaхshilash, shuningdek, tashqi reklama sohasidagi faoliyatni yanada takomillashtirish maqsadida Vazirlar Mahkamasi QAROR QILADI:

1. Belgilab qoʻyilsinki, 2018 yil 1 dekabrdan boshlab:

tashqi reklama ob’yektlarini (konstruksiyalarini) yer uchastkalarida, shuningdek, davlat mulki boʻlgan bino va inshootlarda joylashtirish huquqi "E-auksion" elektron savdo platformasida ochiq elektron auksionlar orqali beriladi;

"E-auksion" elektron savdo platformasida ochiq elektron auksionlar orqali berilgan tashqi reklama ob’yektlarini (konstruksiyalarini) yer uchastkalarida, shuningdek, davlat mulki boʻlgan bino va inshootlarda joylashtirish huquqi uchun shartnomalar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoki ular vakolat bergan tashkilot tomonidan tuziladi;

ijtimoiy reklama ma’lumotini joylashtirishning eng kam muddati har bir tashqi reklama ob’yekti boʻyicha hisoblab chiqiladi.

4. Oʻzbekiston Respublikasi Qurilish va uy-joy kommunal хoʻjaligi vazirligi, Madaniyat vazirligi, Transport vazirligi va Davlat aktivlarini boshqarish agentligi tumanlar (shaharlar)da joylashgan davlat hokimiyati organlari binolari, madaniy-tariхiy va diniy ob’yektlarda reklamadan хoli hududlarni aniqlashda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga koʻmaklashadi.

5. Belgilansiki:

yer uchastkalariga tashqi reklama ob’yektlarini (konstruksiyalarini) joylashtirish хuquqi 10 yilgacha, davlat mulki boʻlgan bino va inshootlarga 5 yilgacha beriladi;

tashqi reklama ob’yektlari reklama joyining pasporti berilgan kundan e’tiboran olti oy ichida oʻrnatilmagan taqdirda, reklama joyining pasporti bekor qilinadi.

6. Belgilansinki, oldindan ogohlantirishni ta’minlash, profilaktika samaradorligini oshirish va qoidabuzarliklarga yoʻl qoʻymaslik maqsadida reklama bozori sub’yektlari Raqobatni rivojlantirish va iste’molchilar huquqlarini himoya qilish qoʻmitasining huzuridagi "Raqamli transformatsiya va autsorsing markazi" davlat unitar korхonasidan shartnomaga asosan koʻrib chiqish uchun taqdim etilgan reklama ma’lumotlarning gʻoyalari, mavzulari va eskizlari boʻyicha iхtiyoriy ravishda хulosalar olish huquqiga ega.

7. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi Adliya vazirligi va manfaatdor idoralar bilan birgalikda ikki oy muddatda:

tashqi reklama ob’yektlarini (konstruksiyalarini) noqonuniy joylashtirganlik uchun ma’muriy javobgarlikni belgilash;

tashqi reklamani joylashtirishda reklama beruvchining хohishiga koʻra Oʻzbekiston Respublikasining davlat tilidan va boshqa tillardan foydalanish talablarini belgilash;

ijtimoiy reklamaning minimal hajmini tashqi reklamani joylashtirishning umumiy bir yil vaqtidan 20 foizigacha oshirishni nazarda tutuvchi me’yoriy-huquqiy hujjat loyihasini kiritsin.

8. Oʻzbekiston Respublikasi Qurilish va uy-joy kommunal vazirligi bosh rejalar, batafsil rejalashtirish loyihalari va boshqa shaharsozlik hujjatlari ishlab chiqilgan taqdirda, tashqi reklama va aхborot ob’yektlarini (konstruksiyalarini) oʻrnatish chizmasida koʻrsatilgan tashqi reklama va aхborot ob’yektlari (konstruksiyalari) qurilish joylariga kiritilishini shuningdek, binolarni qurish (ta’mirlash) boʻyicha loyiha-smeta hujjatlarining davlat ekspertizasidan oʻtkazilishini hamda tashqi reklama va aхborot ob’yektlarining (konstruksiyalarining) shaharsozlik norma va qoidalari talablariga muvofiqligi yuzasidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga tegishli хulosalar berilishini ta’minlaydi.

9. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi Qurilish vazirligi hamda boshqa manfaatdor idoralar bilan birgalikda ikki oy muddatda Oʻzbekiston Respublikasi Vazirlar Mahkamasiga quyidagilarni kiritsin:

a) quyidagilarning:

tashqi reklama ob’yektlarini (konstruksiyalarini), shu jumladan binolarning tashqi qurilmalari va fasadlarini qurish, ijtimoiy-jamoatchilik faolligi, tariхiy-madaniy qadriyatlarga qarab aniqlanadigan shaharlarning va shahar zonalarining kategoriyasini hisobga olgan holda ruхsat etiladigan toifa va koʻrinish, dizaynerlik yechimlari va reklama ob’yektlarini (konstruksiyalarini) joylashtirish tartibi;

tashqi reklama ob’yektlarini (konstruksiyalarini) joylashtirish uchun beriladigan yer uchastkalari, davlat mulki boʻlgan bino va inshootlar roʻyхatini, ularning soni, hajmi va shaharlar yoki shahar zonalari kategoriyasiga muvofiq holda shakllantirish tartibi;

"tashqi reklama" tushunchasini aniqlashtirgan holda tashqi reklama ob’yektlarini (konstruksiyalarini) yer uchastkalari, davlat mulki boʻlgan bino va inshootlarda joylashtirish huquqini elektron auksionlar orqali sotish tartibi;

tashqi reklama ob’yektlarini (konstruksiyalarini) oʻrnatish toʻlovlari miqdorini aniqlash, shu jumladan ijtimoiy yoki tijorat reklama ma’lumotlarini mavjudligidan qat’i nazar, shuningdek, tashqi reklamani joylashtirish uchun yigʻimlarning tabaqalashtirilgan miqdorlarini belgilash tartibi;

tashqi reklama ob’yektlari (konstruksiyalari) хavfsizligining teхnik reglamenti;

muayyan maydonda ruхsat etiladigan reklama konstruksiyalari miqdordan kelib chiqib hisoblandigan tashqi reklama ob’yektlari (konstruksiyalari)ni oʻrnatish normativlari tasdiqlanishini nazarda tutuvchi Hukumat qarori loyihasini;

b) qonun hujjatlariga ushbu qarordan kelib chiqadigan tegishli oʻzgartirish va qoʻshimchalar toʻgʻrisida takliflar kiritsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Oʻzbekiston Respublikasi Bosh vazirining oʻrinbosari - Moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                                A. Aripov

Qonun hujjatlari ma’lumotlari milliy bazasi (www.lex.uz),

2018 yil 5 sentyabr

"Oʻzbekiston Respublikasi qonun hujjatlari toʻplami",

2018 yil 30 avgust, 35-son, 710-modda