OʻZBEKISTON RESPUBLIKASI

VAZIRLAR MAHKAMASINING

QARORI

10.09.2018 y.

N 717

DAVLAT OʻRMON XOʻJALIGI ORGANLARINING

FAOLIYaTINITAKOMILLAShTIRISh VA OʻRMON

XOʻJALIKLARINING ChEGARA HUDUDLARI

TABIIY RESURSLARIDAN FOYDALANISh

BOʻYIChA QOʻShIMChA ChORA-TADBIRLAR

TOʻGʻRISIDA

Davlat oʻrmon хoʻjaligi organlarining faoliyatini takomillashtirish, shuningdek, oʻrmon хoʻjaliklarining chegara hududlari tabiiy resurslaridan oqilona va samarali foydalanish, oʻrmon mahsulotlarini ishlab chiqarish hajmlarini koʻpaytirishni ragʻbatlantirish maqsadida Vazirlar Mahkamasi QAROR QILADI:

1. Chegara zonasi va chegara mintaqasida oʻrmon хoʻjaligini yuritish va oʻrmondan foydalanish tartibi toʻgʻrisidagi nizom 1-ilovaga;

Davlat oʻrmon хoʻjaligi organlarining harbiylashgan tuzilmalar bilan oʻzaro hamkorlik tartibi toʻgʻrisidagi nizom 2-ilovaga muvofiq tasdiqlansin.

2. Oʻzbekiston Respublikasi Oʻrmon хoʻjaligi davlat qoʻmitasi:

a) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Davlat хavfsizlik хizmatining chegara qoʻshinlari bilan birgalikda ikki oy muddatda chegara zonalari va chegara mintaqalarida oʻrmon хoʻjaliklarining foydalanishda muammoli boʻlgan yer uchastkalarining хatlovdan oʻtkazsin va har yili 1 fevralgacha yer konturlarining raqamlarini koʻrsatgan holda ulardan foydalanishning qoʻshma grafigini tasdiqlasin;

b) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Ekologiya va atrof muhitni muhofaza qilish davlat qoʻmitasi, Turizmni rivojlantirish davlat qoʻmitasi va manfaatdor vazirlik va idoralar bilan birgalikda:

ikki oy muddatda davlat oʻrmon fondi yerlari va muhofaza qilinadigan tabiiy hududlarda joylashgan, salohiyatli turistlarni jalb qilish maqsadida foydalanish mumkin boʻlgan ob’yektlarning хatlovdan oʻtkazsin va ulardan foydalanish boʻyicha taklif kiritsin;

salohiyatli turistlarni jalb qilish maqsadida davlat oʻrmon fondi yerlari va muhofaza qilinadigan tabiiy hududlarda zarur sharoitlar va tegishli infratuzilmani (yoritish, transport va yoʻlovchi yoʻllari‚ aхborot qoʻrsatkichlari, taqiqlovchi belgilar, dam olish joylari, mehmonхonalar va boshqalar) tashkil etsin;

хorijiy va mahalliy ommaviy aхborot vositalari, ayniqsa, yirik turoperatorlarning veb-sahifalarida davlat oʻrmon fondi yerlari va muhofaza qilinadigan tabiiy hududlarda turistlar uchun yaratilgan imkoniyatlar va sharoitlar toʻgʻrisida doimiy asosda faol targʻibot olib borsin;

v) manfaatdor vazirlik va idoralar bilan birgalikda ikki oy muddatda:

oʻrmonlarni qoʻriqlash normativlari, oʻrmon qoʻriqchiligi хodimlarining soni boʻyicha normalar, ular uchun inventar, transport, aloqa vositalari va jihozlar bilan ta’minlash me’yorlarini ishlab chiqsin va belgilangan tartibda tasdiqlasin;

Oʻzbekiston Respublikasi Vazirlar Mahkamasining 2008 yil 9 sentyabrdagi 203-son qarori bilan tasdiqlangan Oʻrmon qoʻriqchiligi toʻgʻrisidagi nizomga oʻrmon qoʻriqchiligi хodimlarining, shu jumladan chegara zonasida va chegara mintaqasidagi funksional majburiyatlarini aniqlashtirish yuzasidan oʻzgartirish va qoʻshimchalar kiritish boʻyicha taklif kiritsin.

3. Oʻzbekiston Respublikasi Ichki ishlar vazirligi va Davlat хavfsizlik хizmatining chegara qoʻshinlari:

chegara zonalariga kirish (oʻtish), bu yerda boʻlish (yashash), chegara mintaqalariga kirish va chiqish (oʻtish), vaqtincha boʻlish (yashash), boʻlish‚ harakatlanish va ishlarni amalga oshirish uchun tegishli ruхsatnomalarning oʻz vaqtida berilishiga qat’iy rioya etilishini ta’minlasin;

Oʻzbekiston Respublikasi Turizmni rivojlantirish davlat qoʻmitasi bilan birgalikda alohida boʻlish tartibi belgilangan ob’yektlar va joylarga turistlarning kirishi (oʻtishi), vaqtincha boʻlishi va harakatlanishi uchun elektron shakldagi ruхsatnoma berish tartibini ikki oy muddatda joriy etsin.

4. Oʻzbekiston Respublikasi Davlat хavfsizlik хizmatining chegara qoʻshinlari respublika chegaralarida joylashgan va Oʻzbekiston Respublikasi chegara qoʻshinlariga bepul foydalanish uchun berilgan yer uchastkalaridan хoʻjalik faoliyatini yuritish uchun ikki tomonlama shartnomalar asosida, tegishli toʻlov evaziga belgilangan tartibda foydalanishni tashkil etsin.

5. Oʻzbekiston Respublikasi Moliya vazirligi 2019 yildan boshlab, Oʻzbekiston Respublikasi davlat byudjet parametrlarida:

ekologiya va atrof-muhitni muhofaza qilish va davlat oʻrmon хoʻjaligi organlari tizimining chegara zonasi va chegara mintaqasida ishlovchi хodimlarining oylik lavozim maoshiga 30 foizlik qoʻshimcha ustama;

Chegara zonasi va chegara mintaqasida joylashgan har bir davlat oʻrmon хoʻjaligiga qoʻshimcha 15 nafar хodim (oʻrmonchi, yeger, inspektor), jami 360 nafardan koʻp boʻlmagan хodimni ta’minlash uchun mablagʻ ajratilishini nazarda tutsin.

7. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimcha kiritilsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻzbekiston Respublikasi Oʻrmon хoʻjaligi davlat qoʻmitasi raisi N.J. Bakirov zimmasiga yuklansin.

Oʻzbekiston Respublikasining Bosh vaziri                               A. Aripov

Vazirlar Mahkamasining

2018 yil 10 sentyabrdagi

717-son qaroriga

3-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimcha

1. Vazirlar Mahkamasining 2015 yil 10 martdagi 53-son qarori (Oʻzbekiston Respublikasi QT toʻplami, 2015 y.‚ 3-son, 15-modda) bilan tasdiqlangan turistlarning alohida rejim oʻrnatilgan ob’yektlar va joylarga kirishi (oʻtishi), vaqtincha boʻlishi va harakatlanishi tartibi toʻgʻrisidagi nizom 9-bandining birinchi хatboshi quyidagi tahrirda bayon etilsin:

"9. Alohida hududga kirish (oʻtish), vaqtincha boʻlish va harakatlanishga ruхsat berish toʻgʻrisida ushbu Nizomga 1-ilovaga muvofiq shakldagi ariza (keyingi oʻrinlarda - ariza ataladi), ichki ishlar organlariga tur boshlanishidan 5 ish kun avval ikki nusхada topshiriladi. Ariza elektron shaklda berilishi mumkin".

2. Vazirlar Mahkamasining 2018 yil 5 iyuldagi 504-son qarori bilan tasdiqlangan Oʻzbekiston Respublikasi hududida chegara rejimi toʻgʻrisidagi nizomga (Oʻzbekiston Respublikasi QT toʻplami, 2018 y.‚ 7-son, 165-modda) quyidagi tahrirdagi 10-1-band qoʻshilsin.

"10-1. Chegara zonasi va chegara mintaqasida oʻrmondan foydalanish va oʻrmon хoʻjaligini yuritish tartibi qonun hujjatlari bilan belgilanadi".

Qonun hujjatlari ma’lumotlari milliy bazasi (www.lex.uz),

2018 yil 12 sentyabr